2010 年 12 月 4 日 星期六 【晴】













終於都收到畢業相了! 這些都是有 watermark 的，沒有 watermark 的要額外俾錢! 最平都要 CAD$35 一張，癡線嫁! 搶錢!! 依家仲考慮緊要邊張 or 邊幾張....我就想要 #1 and #6，我媽咪就覺得 #3,4,6 都好.....唉! 好煩!

>>December 4, 2010 at 12:59:58 PM GMT+8

2010 年 11 月 24 日 星期三 【晴】

心情很糟，不知道應該怎樣去發洩

心情唔好 --> 訓得唔好 --> 皮膚唔好 --> 心情唔好 --> 訓得唔好 ( 我知道這是一個惡性循環，但我 break 唔到 )

Nokia E65 舊電愈來愈weak，差滿之後，大概傾 ~45mins 就無電。我有諗過換電話，但係又唔捨得買。出 smartphone 唔買 data plan 又好似唔抵，但 rogers 既 data plan 又貴。轉去其他 company 又要俾 $400 penalty，諗黎諗去都係自己抵死，唔見左部電話。

我仲係為左幾個星期前收到的 parking ticket 而唔開心

仲有 n 年前買基金蝕左既錢

我可以為左一件小事不停咁怪責自己。我知道發生左既事就係發生左，無論我點嬲自己都好都唔會改變事實，但我就偏偏係咁樣。

總之同錢有關既事，我就好難去忘記。有時我係度諗，錢財係身外物，點解要咁著緊呢? 唔通攬住 d 錢入棺材咩? 點解要令自己咁煩惱?



雖然近來很忙，但仍看了部份的「千憶寵愛在一身」。

當中男主角說 :「女人係要哄的」。
再硬朗的女人也要哄，只不過哄的方法唔同。

我有很多壞習慣，很多陰影，但我仍深信如果有人願意花時間去感化我，我會改變的。
但當我站在另一個角度去諗，有誰該為了我的快樂與不快樂而負責呢? 每個人都應該為自己的情緒負責，沒有人有責任去哄你開心逗你笑。

我現在更加了解，為什麼我會這麼難忘記某些人。因為他們曾經有耐性地聽我發勞騷，不反駁我，不給我任何意見，只讓我抒發了出來。對我而言，這是在乎我感受的表現。我相信沒有人喜歡聽別人吐苦水，但若然他肯按捺著脾氣，靜靜地聽，這已十分足夠。

如果有看「天天天晴」的人，應該會記得有一幕，視帝話，井喬失婚後，沒有對象給她挑剔下，發下脾氣，心理會唔平衡；所以佢願意去擔當這個角色。也許這是在螢幕才會出現的劇情吧? 真實世界沒有這麼無私的人。



有時候，我有些奇怪的感覺。有時候渣渣下車，我覺得我好似唔識渣車咁。有時候，我會無端端緊張起來，甚至想哭起來。有時候，我會無故想起一些往事。有時候，我會問自己，到底我所想起的往事，係夢境還是真實曾經發生過的事。有時候，我弄不清到底一件事是何時發生。有時候，我不知道自己在那裡，幾多點。有時候，我忘了我吃過午飯沒有。有時候，我不知道我有沒有說過一些話。

以上的感覺都不是我受酒精/藥物影響，我是清醒的，至少，我覺得自己是清醒的。

我不知道是否我的精神出現問題，還是我故意令自己有幻覺，然後 claim 自己精神有問題，希望別人就下我，關心下我。定係因為我長期扮精神有問題，最後真係精神有問題。定係我唔夠訓? 定係我之前飲得太多酒，個腦 fu*k up 左? 定係太耐無拍拖，心理唔平衡?



我唔滿意自己唔識得直接 D 咁表達自己。我會笑住咁話無所謂，但心入面其實千萬個不願意。我會暗地裡好討厭一個人/一件事，但我唔出聲。最後我對果個人的討厭會轉化成對自己的討厭，討厭自己點解唔講出黎。

翻看自己的日記，已經不是第一次寫這個問題。作為 readers 的你們都應該覺得十分之煩厭，大概會想跟我說「既然你覺得自己有問題咪去改囉，你唔去改淨係響度自怨自艾，唔會有用嫁啵」我都知我都明，但我真係‥‥‥覺得好難改。我愈係唔去改/改唔到，我就更加討厭自己，最後又係一個惡性循環。




或者，我應該搵個好 d 既方法減壓


或者，其實我知道咩野方法會好d，但我唔去做


或者，我其實喜歡折磨自己


或者，其實我唔了解自己

>>November 24, 2010 at 10:44:31 PM GMT+8

2010 年 11 月 15 日 星期一 【晴】









今日要影 Grad photo。係屋企化左妝之後就急急腳出門口


去到交 $25，就埋位影相。件 gown 好臭 ><" 不過無計，都要著‥‥‥









番左成日學，番到屋企成個人謝曬 ><"



勁唔鍾意番學 <- 一面不滿的樣子‥‥‥



photoshop 製成品 LOL


__________________________________________________________________________________________________________________________

其實我唔知道到底係我太自私，又或者我唔知道什麼是愛，所以我不能夠包容

我喜歡自己一個人，因為不用遷就任何人。我想幾時訓就訓，我想幾點食飯就幾點食，我可以一個人靜靜地看自己喜歡的節目而不用聽別人對該節目的意見‥‥‥

我不喜歡被人迫我做我不喜歡做的事，有些人很需要別人的陪伴，但不等於我就一定要答應。我可以選擇不去陪伴，我亦都不明白為什麼有人會因為這樣而大發脾氣。也許我自己就是那種，只會開口問人一次的人，我要求了，若別人拒絕，我不會厚著面皮地去求別人陪陪我。我寧願自己一個人也不要低聲下氣去求別人。我把自己的習慣和性格投射在別人身上，所以若別人一而再，再而三要求我做些我不願意做的事，我會覺得對方很煩厭。

即使對方是男朋友也好，我不認為在男女朋友的關係入面，對方有絕對的義務去陪伴對方。每個人都應該有自己的生活圈子，為什麼要強求對方去做一些對方不想做的事? 我不能，也沒有否定，若然對方能參與自己喜歡做的事，當然會令感情更加好，也會增加了做那件事情的樂趣。但若然對方不想做，就別勉強對方吧! 這只會招至反效果。

或者，係大部份人的眼中，男女朋友是應該盡量遷就。可是我並不認同，我是那種遇到問題會嘗試去解決，但當解決不到，我會寧願逃避 / 放埋一邊不去處理。除非那問題是十分重要，若不解決就令到彼此的關係不能夠再健康地維持下去。

我會選擇自己一個人去行街，自己一個人睇 American next top model, 自己一個人去睇醫生‥‥‥若然男朋友願意陪我，那麼當然最好；唔陪我，我唔會嬲。但千祈唔好覺得陪左我，我就好似欠左佢咁，要用一些方法去 “ 補償” / return a favour俾佢。你愛我，你願意去做，就唔好計較付出。

不過，講就易，做就難。自問當我對男朋友不滿的時候，我的心入面總會係度數算著我之前對他的付出，然後係度諗佢有幾過份，完全唔將我的付出放在眼內。



或者，我還是比較適合自己一個人。

>>November 16, 2010 at 1:41:35 PM GMT+8

2010 年 11 月 14 日 星期日 【晴】

大名： Eddy
電郵： [email protected]
說： Hiya, 「應該」同埋「喜歡」好多時都 not in line, 我都應同既, 但好多時, 做左既未必可以番轉頭, 再者要想起既, 你只可以回味當初開心既事. 如果係唔開心既, 想都無謂, it is just wasting your time. 好多人成日講, "瀝"得起便要放得低, 講真, 又有邊個真係做得到, 好多人都係得個 "講" 字, 未曾經歷過或者用心去了解過既, 跟本冇可能做得到. 每個人都有自己既 story, 只要經歷過既事先可以叫做理解得到...

你宜家係果邊算好, 想番起初初去到一個完全陌生既地方仲慘. J'ai habite a l'autre cite parler en francaise, 你應該估到係邊. :)

其實我係 summer 番過去你果度, 本應念住 send 個 msg 比你, but I didn't make it happen as I have never leave you any msgs before. Knowing you too long from here but still it is quite wierd for me to send msgs over. Traffic jams over your place made me awful, it took me 1.5 hr from Scarbrough to Richmond Hill, crazy. Anyway, chat later.

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

其實無人幫到我，係我自己喜歡唔開心的感覺。唔開心呢種感覺好似 Drugs 咁，會令人上癮。好難解釋，因為聽落去都唔合道理。連我自己都唔知點解釋，所以我相信好難令別人明白。

其實我少少法文都唔識，雖然我係加拿大出世，細細個的時候都好似有學過下。不過真係一 d 印象都無。一個人去到一個陌生的地方已經好慘，如果連 second language 都唔用得，要學一種完全未接觸過的語言，當中要 overcome 的難度必定會更多。不過點都好，你都 survive 左，應該記住你點樣挨過果段日子，日後遇到難題的時候都唔需要怕!

哈哈，其實有時我久唔久都會有網友私底下 email 我。頭果幾次會覺得有 d 突然，不過試過幾次之後，反而唔覺得有咩咁出奇。見面有時候都會覺得怪怪的，但都試過係街果度撞到，然後對方係網上同我講，幾時係邊度見過我。呢個情況係 HK 就更加常常發生，因為 HK 細嘛，又唔會渣車。

加拿大塞車的時候係好 annoying if not frustrating，但我都慣左，自己盡量就時間囉~ 我其實喜歡加拿大多過 HK，起碼這個 moment 係咁樣覺得。兩邊都有pros and cons，都係好個人的 decision。你會係 HK 發展?

_______________________________________________________________________________________________________________

大名： Em.
電郵： [email protected]
說： Kod..你瘦左好多呀!食番多d野啦!你剪左頭髮幾好睇丫,仲青春左喎lol

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

謝謝你的讚賞。我到依家都仲係唔太習慣短左咁多 (我未剪之前真係好長.....下面張相係上年 10 月底影，一直都無剪過，你可想而知，我係剪左幾多......



我磅數上面無咩改變啊，都係維持係 108-110lbs 左右，有時 105 ，有時113，不過我唔做運動，食少 d 就自然會廋番。其實唔太健康....唔好學我 :p

_______________________________________________________________________________________________________________



When I drive to school, I exit at Bloor. Hate the traffic during busy hours >.<"



Homemade Maple Syrup Popcorn! Yummy!



Taken in late Aug I think, when I still have my tattoo on



My messy room LOL

>>November 14, 2010 at 10:50:06 AM GMT+8

2010 年 11 月 10 日 星期三 【晴】

大名： to by 電郵： [email protected] 說： 好一段時間沒有來看妳的網誌了，大概妳的生活還不錯耶。繼續努力~

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

Thanks! 生活都大概係咁樣啦~ 謝謝你的支持

______________________________________________________________________________________________________________

大名： Eddy 電郵： [email protected] 說： 我看了你的 diary 好多年了...我也是從Canada 返來的. 食得多 McD 係冇益的, 其實你冇必要想太多, 自己開心就得啦.

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

哈哈，好多謝你支持我，睇左我日記咁多年。At the same time, it makes me feel OLD lol!唔經唔覺都寫左日記好多年啦~

其實我都知道唔應該諗太多，但係性格係咁。「應該」同埋「喜歡」好多時都 not in line ><” 不過點都好，thanks for leaving a message!

______________________________________________________________________________________________________________





之前係街上面囉既一張傳單，入面有張 Gift card。有機會係 $10, $50, $100 or $500。我諗都無諗過我中左 $100!!! 買左 3 套睡衣 ~







著上身的效果







終於都 upload 剪左頭髮之後的樣。其實我覺得短左 d，我亦都唔知點解佢幫我 set 左個咁既頭。除左佢剪得唔好之外，我更加嬲既係我明明唔鐘意但我都唔出聲。我份人就係咁，如果唔係 d 好嚴重，迫到我一定要出聲既事，我都盡量唔出聲。但之後就嬲自己點解咁懦弱，炆自己。呢個問題唔係第一日發生，而我亦都發現左好耐。我知道解決的方法就係學習去 say NO。但係到依家我都仲未做到......



近期開的酒。喜歡它的 smell，但係 body 唔夠 full，唔係太喜歡 ><"

>>November 10, 2010 at 9:50:36 PM GMT+8

2010 年 11 月 4 日 星期四 【晴】

好忙‥‥‥條腰有事，隻眼有事但都唔得閒理

成年幾無剪過頭髮，終於都剪左。但剪得唔好，唔開心 ><"

下個星期 3 科 mid-term + 1 個 presentation，想死

好想買新電話 (之前唔見左電話一直都未買)，
新書包 (舊果個用左 5 年，終於用到爛左)，
新眼鏡 (依家戴緊果副因為成日俾我戴住訓，整歪左。囉去整但姐姐話因為之前整過太多次，再整就有可能斷)，
新手袋 (CHANEL 我一向都好想要，想左4 年幾，我都係仲未買)，
新 Jacket (冬天就黎啦，我 d jacket 太casual，有時去 d formal 場合唯有挨凍)

但我覺得，我好可能一樣都唔會買住。我買野之前好鐘意四圍 shop around，咁我依家本身都無咩時間，又點 shop 呢?

同埋如果我 shop 左一陣之後都係睇唔岩，我會脾發氣，無心機再睇落去，所以通常都買唔成

12 月18 號先放假，媽咪 1 月就走。原本話去旅行，但諗諗下都係唔好洗咁多錢，無謂係d 機票 & 酒店最貴的時候先去咁笨! 況且近來好累，咩野都唔想諗，唔想 plan。淨係番學同搵錢已經夠晒累，連出街食飯都覺得辛苦，寧願買個 MCD 外賣一路渣車一路食。

近日食得最多就係 MCD ，飲得最多就係 Second Cup 既 coffee

>>November 4, 2010 at 4:58:01 AM GMT+8

2010 年 10 月 28 日 星期四 【晴】

自從去完旅行唔見左電話之後，我一直都心郁郁想買番部新的。但係又唔捨得花錢，好似好浪費咁，所以就暫時用住舊果部 Nokia E65. 不過舊電真係成日死 ><" 其實我可以淨係買粒新既電，咁就可以解決到問題，但人就係咁貪心‥‥‥我一直都考慮買唔買 iPhone 4 又或者一部新的 Nokia。

今日上網睇，原來就黎出 Nokia C7。外型唔錯，功能都好似幾好。唔知定價幾多錢呢? 唉! 好想買但係又好似好敗家‥‥‥



第一個 mid-term 的分派左，我讀緊 6 科，有 5 科有 mid-term。3 科 A, 1 科 B, 仲有一科僅僅及格。

唉! 我真係唔係讀 insurance 的材料。初頭以為 open book 好易，點知好難! 佢預你要熟讀所有細節，open book 純粹俾你可以確定自己記既野岩唔岩。考慮緊 drop 唔 drop 呢科。drop，原因好簡單，唔想拖低 GPA。唔 drop ，原因有幾個。1) 我依家個 plan 係下個 sem 只需要讀一科，但如果我 drop 左，下個 sem 就要讀 2 科。2) 要俾多 $700 學費，不特止，仲要計埋泊車的 cost 3) 下個 sem 媽咪會番 HK 一段時間，我又要做兼職湊仔家姐，到時好忙，所以最好就係番 1 科。



呢本就係我想燒左佢既書‥‥‥

好煩，好多野要考慮






近日情緒其實唔係幾好。

我好記得，上年的 10 月 29 號，發生左 d 好唔開心既事。係 29 號之前果幾個星期都已經係好唔開心。

我同自己講，最難過，最需要人支持但又無人支持既時候我已經挨過左，依家唔係應該堅強 d 嫁咩? 但有時唔係講咁簡單。

係我刻意去諗番起，定係真係有陰影?

>>October 28, 2010 at 8:23:03 PM GMT+8

2010 年 10 月 2 日 星期六 【晴】

8 點就起身，準備 Picnic 的食物。9 點半出發!

11 點經過 Muskoka 停一停車，伸展一下手手腳腳

Snacks to keep me awake



一架超慢的車



Parking permit $16 (比起跟團 $49 + tax 一位，抵好多)



開始見到愈來愈多楓葉，但開始落雨仲愈落愈大



陰天



終於到左，好彩停左雨，所以可以玩 Canoe



在碼頭上拍照留念





Canoe



第一次 canoe





媽咪最鐘意就係偷拍



望出去的景象





回望我們的起點



開始落雨，所以最遠只可以去到這裡



楓樹林





壽司係前一晚 2am 整定，三文治就今朝先整



自製豉油兜



我們野餐的 beach



太凍，所以躲回車上吃

楓葉





沿途經過一個島仔





伐木博物館 (logging museum)





到左 4 點幾5 點先出太陽 ><」



最後一站，visitor center



瞭望台



公園歷史簡介



所謂的「野生博物館」係咩野都無既…..





扮驚但一 d 都唔似



Art gallary







>>October 28, 2010 at 8:37:45 PM GMT+8

2010 年 9 月 20 日 星期一 【晴】





2 random videos

>>September 20, 2010 at 2:02:07 PM GMT+8

2010 年 9 月 7 日 星期二 【晴】

很想為這個十分之即興的旅程作個總結，有很多東西想分享，但一落機第二日就開學，根本找不到時間去好好記低這個旅程的感受和隨想。

也許有點誇張，但心路歷程好像經歷了不少。只是短短 6 天，但心情起落很大；我離開加拿大的時候，帶著很多怨恨，不滿，自毀的念頭；抵達美國的第一天，心情更加複雜。然後通過和別人傾訴和給予自己寧靜，獨處的時間，雖然算不上是完全想通了，但起碼有意識地去慢慢放低執著。

當我重溫旅途上所拍的影片，我看到一個很久沒有出現過的自己。

現在應該暫時擱筆了，明天還要上學，而且影學生照。

這趟旅行，我學會了幾樣重要的事情，當中包括「耐性」。雖然我很心急想把所有心裡的感受全部寫出來，但時間有限；應該先處理緊迫的事情，然後再去寫遊記。

暫時就只放一張相，這裡是 Opus One。很喜歡又高貴典雅又寧靜的環境，更加懷念可以和朋友放鬆傾談的時光。