2010 年 1 月 15 日 星期五 【晴】

第一次去油站洗車，原本一直都好擔心唔識得點樣將架車個 wheel 入個 track，點知勁好彩，我去果間 Esso 係無 track ^^ 洗完之後靚仔曬! 不過始終個 skirt 都係唔太乾淨，無計啦 ~ touchless 係咁上下‥‥‥

>>January 20, 2010 at 11:16:33 AM GMT+8

2010 年 1 月 13 日 星期三 【晴】



Finally get my GPS! It arrives 1 week earlier than the expected shipping date. Anyways, I'm still trying to use this device and the bluetooth technology is pretty good!


>>January 20, 2010 at 11:16:52 AM GMT+8

2010 年 1 月 12 日 星期二 【晴】

身心都很疲憊

媽媽快要離開加拿大約 2 個月，而我就要照顧整頭家。她常常擔心我沒有能力做得好，所以常常煩我。我明白她的擔心，但不停地對我喋喋不休並不會有顯注的幫助。要是擔心我不知道東西放在哪兒，為什麼不把嘮叨我的時間花在寫張物件清單上呢? 要是擔心我不懂操作各種家庭用品，為什麼不簡單地寫下說明書? 要是擔心我沒有準時付費，為什麼不寫在日曆上?

學校方面，因為要就細佬的接送時間，又要儘量避免交通繁忙的時間，又要找最好的 Prof，最易的堂，令到我頭昏腦脹。不特止，而且我在 add & drop courses 的時間，無端端被收多 $ 13x CAD，我大概猜想是因為 system 應為我報讀了 full-time and mature student 的 evening courses，所以多收的，即使我在同一天 add & drop 那堂 evening course，還是被收取最 basic 的 " 入場費 "。我已 email 了有關部門，但奈何是星期五，所以要等下個星期才知道結果。唉 ! 如果無端端白白被收取費用，就黎想投訴也投訴無門

考慮左好耐應唔應該買 gps，最後都決定買一部 $180 ( 已連 tax) 的 GPS。唉 ! 如果我早 d 決定，就唔會錯過左個 promotion，無端端又俾多 $1x...

和我一起有曖昧關係的那個人，對我忽冷忽熱。我常常害怕做錯事被他鬧我，我怕說太多話令他覺得煩厭，他想找我，我就要立刻出現，但我出現之後，他卻在打機。等他等到累，想睡覺，但他不讓我睡，要我陪他玩。

然後，他也有令人窩心的一面。他會在很醉的時候仍煮野食俾我，他會把醉了的我由 basement 抬上三樓，他會給我驚喜，最叫我不能離開他的，是他十分之瞭解我，而且很聰明。

我想我應該不是愛他，而是我喜歡他有的特質。他曾經問過我，如果有一個各方面都比他好的男人，我會否掉下他而和新的他一起。我很認真的考慮過這個問題，我認為如果真的有這個人出現，而他又對我有好感，那麼很可能我會跟新的那個他而離開現在的那個。

>>January 12, 2010 at 1:44:31 PM GMT+8

2010 年 1 月 8 日 星期五 【晴】

今日都算好運

我提前左出發番學，原本諗住最多早 15 mins，點知我早左成 30mins。咁我泊低左架車係街之後，就落車行去買 ticket。見到有 government 抄牌果 d 人係度 check 每架車有冇 valid parking ticket ，佢 check 到我架車的時候，好似想抄牌。我即刻大叫 ( 因為佢同我相隔有成 4 個車位 ) 話我剛剛泊低左架車，依家俾緊錢。點知佢話原來果個位係唔泊得，因為有水龍頭。

好彩有佢提一提我，我同佢講唔好意思，並即刻搵過第二個位泊。

泊完車之後就上堂，stay 左一個鐘就走左。

原本應該好開心的一日，係夜晚同某人嘈交之後完全被破壞。

>>January 12, 2010 at 1:44:57 PM GMT+8

2009 年 12 月 29 日 星期二 【晴】

終於都出左成績



GPA 有 3.93 (滿分 4.33)

原來 A+ (90% or above) 有 4.33, A (85-89%) 有 4.0, A- (80-84%) 就已經係 3.67

同我以前係 college, A (80%-89%) or A+ (90% or above) 都有 4.0 好唔同!


>>December 30, 2009 at 9:25:08 AM GMT+8

2009 年 12 月 25 日 星期五 【晴】

唉 ! 點解會咁嫁? 今個 summer 係香港買 digital camera 的時候，送的腳架，拎到番加拿大一直都無用。今日想用的時候，拆開黎睇的時候已經爛左 >.<" 我真係唔知道到底係我運送佢番加拿大的時候整爛，定係買的時候已經爛左! 不過我記得我明明用好多衫包住，所以應該唔係我的問題。唉! 依家都過左咁耐，仲邊可以囉去換番?




>>December 29, 2009 at 1:14:50 PM GMT+8

2009 年 12 月 24 日 星期四 【晴】

平安夜，夜晚出左去同 Peter 玩。去左我屋企附近的一個女仔屋企 house party。飲就唔係飲到好醉，因為 d 人都唔太飲得。

我估我大概 6 am 訓著左，10 am 醒，磨到 11 am 就渣車走。

>>December 29, 2009 at 1:11:12 PM GMT+8

2009 年 12 月 23 日 星期三 【晴】

今日先發現，原來我都收到 ticket. Shit! $40, 夠我買好多野嫁啦‥‥‥( eg. 10 杯 coffee, 2-3 次parking at downtown，半 tank gas...)



跟住又發現，我買左 D 股票跌緊 ( 我係股票賺番黎果D 唔夠 cover 帳面蝕左果 d，不過蝕果 d 我仲未放，所以又唔可以話完全係蝕左既‥‥‥)

再加埋想買野的時候，先發現 credit card 未交錢，所以令到我過左 credit limit 唔用得。果刻係 cashier 真係尷尬到死，又搞到我買唔到件難得岩 size 的大褸。我又唔想再去果個 shopping mall 一次，所以最後就無買到。

last minute 要買禮物俾媽咪 and 細佬，行到我好累好無心機，但又唔可以就咁兩手空空咁走左去，我又唔想求求其其咁買 d 野，希望花 d心思去諗下有 d 咩野真係 fit 到佢地‥‥‥唉! 總之就感覺非常之不良好。

再加上有朋友打黎同我傾計，佢不停勸我搵個男朋友，令到我心情更加惡劣。我知我朋友出於好意，不過我真係暫時無心情去 " 獵食 "。我連蒲下頭，等人溝都懶。

差唔到 9 pm 先番到屋企，個人累到散左。

可能因為種種野加埋，令到我心情好差。我都想唔開心的時候，有個人 "Designated " 去聽我訴苦，我都想有個膊頭挨下，有人俾我嗲下，我都想做番個正常的女人‥‥‥


>>December 29, 2009 at 1:12:23 PM GMT+8

2009 年 12 月 22 日 星期二 【晴】

尋晚飲 hard liquor 飲到 pass out! 緊係啦 ~ Tequila + vodka = killer!

夜晚同 Annie 去左 Lobster Trap 果度食野。佢早過我少少到，搞到佢要企係條街果度等我，真係唔好意思。

我地叫左 1 碟 garlic shrimp, 1.5 lbs streamed 龍蝦同埋龍蝦湯。全部野都係 share ~











個龍蝦湯好得，真材實料! 個 garlic shrimp 都唔錯。有 salad 同埋 garlic bread 送，加埋個龍蝦都夠飽。

食飽飽就走，點知‥‥‥Annie 囉車的時候收左張 parking ticket，佢打黎問我有冇收到，因為我泊係佢後面，但我又見唔到我自己有。

2009 年 12 月 21 日 星期一 【晴】

今朝 8 點半俾狗狗嘈醒，我尋晚一路訓就一路驚佢會跳上我張床痾尿‥‥‥佢慣左 8 am 食早餐，所以佢就整 d 聲黎嘈醒我，叫我餵佢。我打開眼第一件事就係睇下地下有無地雷。clear! 之後餵佢食野，我就訓番。

訓到 1 pm起身，落去 kitchen 食野。媽咪叫我帶埋狗狗落去，我地係 kitchen set up "road block" ，唔俾佢走出個廚房，因為其他地方舖左地氈，如果佢係上面 pee / poo 我都死俾佢睇。

明明舖左報紙，廚房又唔係大，但係佢偏偏唔肯去報紙上面去大小便，係都要整到四圍都係‥‥‥

夜晚的時候，朋友打黎，話佢提前番黎，所以我就囉番隻狗俾佢。

Dad 打長途番黎，係媽咪口中知道我拎左隻狗黎屋企住一日，即刻鬼殺咁嘈。好彩係一日咋，如果唔係都唔知道會有咩反應。

>>December 29, 2009 at 1:14:23 PM GMT+8