2009 年 11 月 29 日 星期日 【晴】

尋晚飲醉酒，係好醉果隻，我竟然嘔到四圍都係，而係仲可以訓係自己 D 嘔吐物上面 ( 諗起都覺得噁心 )

今朝起身見到 D 頭髮勁污糟，雖然我仲係好醉，但都忍唔住要第一時間去沖涼。

沖完涼頭都未吹就訓番，訓醒之後，先知道自己撞到自己周身都瘀曬損曬，好彩既係，只係崩左一隻指甲‥‥‥lol

D 瘀都仲未現曬出黎，但已經好痛‥‥‥睇相可能唔覺，但其實腫起左。仲有好多細的損傷都無影出黎 ~ 總之依家全身都好痛 >.<"






>>November 29, 2009 at 10:50:55 AM GMT+8

2009 年 11 月 25 日 星期三 【晴】

很久很久，都沒有真正試過被人疼愛，甜到入心的感覺

所以現在很少的事，都令到我很感動

我想我快要瘋了

>>November 25, 2009 at 6:28:09 AM GMT+8

2009 年 11 月 18 日 星期三 【晴】

情緒差到我唔識得點形容

我成個人好似完全變晒，性格變晒，生活習慣變晒，目標變晒，所有野都變晒。

and of course, change, in a bad way

我再係咁落去我真係有可能會親手毀左自己一生，毀左父母辛辛苦苦撫養我的成果

我一生人入面，做過唔少壞事，曾經傷過唔少人既心，現在因果報應，到我自己承受番個惡果。

我希望我能夠挨得過

>>November 18, 2009 at 12:10:37 PM GMT+8

2009 年 11 月 10 日 星期二 【晴】

12 點 45 分落 Downtown 開會 ~ 唉 ! 本身唔使落 downtown 嫁，我諗住走堂嫁嘛，點知 d 同學死都堅持要開會‥‥‥‥

去左住 downtown 的組員屋企，34 樓望出去的景象

& lt;br>
向下望的景象

& lt;br>
回家的時候，又塞出。喔 ~ 又黃昏了!

& lt;br>
唉 ~ 話說今日我想係 downtown 做 parallel park，點知我 n 咁多手呔都泊唔到，最後我唔敢搏，寧願放棄個位，泊一個遠 d 既地方。好彩果條街唔多車姐，如果唔係我一定會俾人 boot 到暈 >.<" 要好好練習一下啦，真係失禮死人!



driving in action ( 哈哈，我隻手成日都唔放係 2 點 and 10 點位置，影相的時候，我隻左手係 6 點位置 ‥‥‥ )

& lt;br>
一個星期前只係行左 359，依家行左 629 了! 到 2000 就要做一次 oil change‥‥‥

一個星期都入 $20 油，泊車 $ 50

一個月就 $ 280，再加埋 $300 保險同埋 $300 供車，姐係接近 $900 一個月

養車 CAD $12,000 一年走唔甩‥‥‥

I want a Pioneer AVIC-X710BT Navi, it costs about $800 CAD including shipping on Ebay and it's original price from the official site is $1099 >.<" so expensive, but it has all the functions I need (eg. bluetooth call, iPod, the screen size fit w/ my deck, up-datable map) ! Do u think it will be on sale during Xmas?



我真係好需要部 GPS，我唔想成日渣車都好無安全感‥‥‥‥但係佢實在太貴了! 唉，都係等 Xmas 先 ~但如果等到 xmas 佢唔減價，焗住要我買 d cheap cheap 地 ( $300 - $400 ) 果 d ，咁我咪好傻仔?

>>November 11, 2009 at 11:56:27 AM GMT+8

2009 年 11 月 9 日 星期一 【晴】

番 1 pm 放 6pm，番到屋企用左 15 mins 食飯，之後幫個學生補習補左 2 個半鐘，賺左 $ 55 CAD。呢個學生都算熟嫁啦，識左 2 年，所以收佢平 d。

聽日又要番學，原本諗住射波，但係要開會，無辦法，一定要出席‥‥‥

I can't sleep every night, I have to cry myself to sleep

I have lost my motivation on everything, and I don't know how to continue

The only thing I can do is to, just hang on and see when the motivation will come back to me

& lt;/p>

無論我用什麼方法，都取代不到你曾給我的感覺

2009 年 11 月 8 日 星期日 【晴】

謝謝各位的關心，勸告，支持和鼓勵

近日的生活，我實在不知道怎以筆墨去形容。

好像很複雜的感受，也好像沒有什麼值得去記下來，像白紙一樣

很希望現在所承受的痛苦，我將會把它們當成一堂又一堂的課，令我將來更加堅強

我相信，我能夠挨下去

>>November 8, 2009 at 5:08:33 PM GMT+8

2009 年 11 月 3 日 星期二 【晴】

今日發生了幾件唔太順利的事，但我出奇地無咩唔開心，可能因為有人哄我呱?

我今朝掙扎左好耐，到底走唔走堂好。因為呢堂好無聊，個 Prof d 意大利口音令到我有 80% 都係聽唔明的，同埋佢講野好大聲。唔知點解，每當有人以constant 好大聲咁講野既時候，我特別容易覺得眼訓。加上係 10am 堂，而且又唔係近住 subway 果個 campus‥‥‥種種因素加埋令到我好有衝動想走堂。不過，唔番唔得，要親自去囉卷。

最後我決定左渣車落 downtown，雖然明知道會塞車，但我唔想搭 subway，因為要由 subway 行去果個 campus 都要 10mins，今日有幾會落濕雪，所以會好凍，我唔吹得風，所以決定渣車!

因為我從來未試過 drive 去果個 campus，take 番之前果條 route 又會好傻仔，因為唔近唔順路，所以我尋晚就 google 左條新 route ，今日好鬼死緊張，希望唔好行錯路。點知最後都係出 ramp 的時候出錯左 >.<" 咁我就開始驚啦‥‥‥不過不斷咁同自己講，唔使驚既，定 d 黎，條條大路通羅馬，諗清楚方向，同埋邊條街係打橫，邊條係打直，冷靜 d 就會可以重新 route 到出黎。最後竟然俾我 " 付碌撞棍 " 咁搵到路，雖然係就係兜遠左少少，但起碼大方向都無錯到!!!

第 2 個 challenge 就係 parking 啦! 因為我仲未渣慣呢架車，所以睇位唔夠準 ( well，其實平時都唔係好準嫁啦) 而downtown d underground parking 又窄到死，搞到我n 咁多手太先泊到。不過唔緊要啦，樣衰 d 好過真係 hi 花架新車。

泊好車之後就去上堂，囉卷! 譁 ! 55 分! ( class mean 係 45 ) ，我差不多堂堂都訓都有 55 分，算係咁啦‥‥‥因為我平時上堂真係完全唔知佢講咩，我又無買 textbook，全靠臨考試前幾日，係網上搵到 free older version，睇過下咁就去考!

MC 佔 40 分，我有 28 分，但long question 佔 60 分，我只係得 27 分 ~ 哈哈! 我死背左 d theory ，所以 MC 考 theory 的時候我咪識囉~

落左堂之後去 print 份 cover letter 出黎，然後行一條街去交份 bursary application 表格。其實我唔係fully eligible，不過搏下無壞既‥‥‥

搞掂曬所有野之後，原本想去搵個 fd，但佢唔得閒，所以我就番左屋企。點知我又迷路了! 唉! 係 Jarvis 俾佢呃左去 Mt. Pleasant Rd，好彩最後都搵到 Eligton ，然後去到 404。我不停咁叫自己唔好驚，但我其實真係好驚嫁‥‥‥因為我完全無方向感，又無地圖，又無 GPS! 我今個 xmas 一定要等佢減價的時候買個 GPS!

媽咪煮左麵俾我食，食完之後就趕去 RBC ，又係傾保險既野‥‥‥唉! 終於都搞掂啦 ( 希望係‥‥‥ )

then 車媽咪去 price chopper 同埋 dollar shop 買 d 野，係佢揀緊既時候，我就過附近的皇后餅店買聽日既早餐。之後再車埋細佬番屋企，忙碌左成日，終於可以抖抖!


>>November 4, 2009 at 8:43:47 AM GMT+8

2009 年 11 月 2 日 星期一 【晴】

第一日渣架新車去 Finch station。因為我 1 pm 有堂，所以我12 點幾先出門口，去到 Finch station 的時候差不多搵唔到位泊，要泊到鬼死咁遠 >.<"

搭 subway 落去上堂，遲左 15 mins 先到 ( 因為 subway 又 delay )，好彩淨係去 pick up 張 worksheet 就走得

既然早左落堂，我就打俾個學生問佢想唔想早 d 補習。佢 10 mins 後去到學校 meet 我，教左 45mins ，仲有 15mins 留番下個星期。

之後我見仲有時間，我就去左 main building 搞一搞 health insurance d 野，pick up 張 insurance card，同埋 make 個 claim。

竟然仲有時間，所以我就去整埋 student card ( 之前佢搞錯左我個名，將我中文名中間果個字當做 middle name，所以無 print 係 student card 上面。

搞掂曬之後行去另一個 campus 上堂，時間剛剛好。不過當開始上堂的時候我就好眼訓了，完全聽唔入耳。迷迷糊糊咁過左 1個幾鐘，之後醒番就諗下點樣填果份 apply for bursary 的 form。

落左堂之後就開會，開完會之後就搭 subway 番上 Finch。唉 ! 放工時間放學真係辛苦，而且仲要落雨，又凍又滋的感覺一點也不好受。跑左大半個停車場先搵到自己架車，由 parking lot 轉出去又要等好耐 ( 因為我要 make 個 left turn )。

check 左 Finance 個分，好野! 86%!!! A 左!

番到屋企都 7 點了，散曬! 即刻食野先，因為無食 lunch，早餐只係食左少少蛋 + 麵包。

一邊食 dinner 一邊幫媽咪打上去 RBC insurance hotline，叫佢改番個名 ( policy 果度打錯左 ) 。好彩有打上去，原來佢俾漏左 multi-vechical discount!!! 雖然唔係多，但都係錢啊!

搞掂曬所有野，先開始可以做自己野。

我再係咁落去，個身子好快就會俾我搞壞。我其實只係想有人可以攬住我哄我訓，原來都咁難‥‥‥‥



>>November 4, 2009 at 8:43:18 AM GMT+8

2009 年 11 月 1 日 星期日 【晴】

原來有 D 野，係唔容易忘記

惡夢一個接一個，好耐無好好咁訓一覺

SIRIUS 跟車送 3 個月免費，諗住打去 activate，點知 "due to service maintenance, it's temporary unavailable" 我唔好再黑仔 d? 尋晚打左 2 次，今日終於 back to normal 了，陣間去試下 work 唔 work 先!

又要搵車的 Navi，睇到我眼都花埋。唉 ~ 等佢 xmas 減價再算!

我唔想再諗，我只想每日都醉住咁生活。無人會明白，到底我有幾多野唔想去面對‥‥‥‥我知道我一定唔係全世界最慘果個，只係我真係‥‥‥好無用。



其實呢幾日真係唔應該渣車，成日都驚險百出‥‥‥

多謝朋友係 MSN 對我的鼓勵，我應該 down 多一排就無事嫁啦 ( 只不過真係唔知道會 down 幾耐。。‧‧)

2009 年 10 月 31 日 星期六 【晴】

車細佬去同學屋企，之後就渣架車上highway 飛下。

細佬都話架車好靜，嘿嘿^^



要搵條3.5 mm 的線俾我插 ipod，其他野大致上無問題。不過個窗有d 漬，唔知佢係唔係俾demo 車俾我呢？唔知點解囉車果日睇唔到......唉！其實我真係好無心機，咩都唔想做＞.＜

去 LCBO 買酒，點知竟然俾我揀中左隻壞左既酒 ( 變左質 ) 我番到屋企開黎飲先知，但係已經過左 5 pm， LCBO close 左所以無得囉去換。唉 ! 又會咁唔好彩‥‥‥近期真係好黑仔!

心情唔好，沒有好好咁照顧自己，結果耳珠果個洞明明好左八，九成，又無端端發炎 ( 耳骨就一向都係發緊炎嫁啦‥‥‥)

我 close down 左 facebook，因為近日發生左 d 事，令到我發現，其實我身邊真係無一個我可以同佢傾到計而又幫到我既人。我知道係因為我自己沒有花太多時間去建立友誼，又成日換男朋友，所以到頭來，身邊一個可以傾到計既人都無。既然 facebook 都無佢的存在意義，我就暫時 close down 佢吧! 要關心我既人，自然會主動打黎 / 用其他方法關心我，連呢少少時間都唔花既人，就唔係當我係朋友，咁我亦都無需要在意佢地。

而另一個原因，我猜想，大概我係故意製造藉口俾人，咁到時就算傾開計的時候，對方對於我既事一無所知都好，佢都可以話 " 係囉，你無 Facebook，所以好難知道你的 updates "。俾條後路俾人落台，我又可以呃自己，其實真係因為我無用 facebook 所以人地先唔知道我既野‥‥‥

晚飯的時候，我同媽咪講，叫佢唔好成日鬧細佬。其實細佬好多野都唔敢同媽咪講，好彩佢有個家姐，可以俾佢有咩事都可以黎求我幫佢。我同媽咪講，我叫佢多 D 俾機會細佬講佢的心底話，唔好成日鬧佢搞到佢唔敢講真話。我就話已經 21 歲，性格定曬形，因為父母唔肯接受我而令到我將所有野都收收埋埋。但細佬唔同，佢的性格仲未完全定形，而且男仔比女仔遲成熟一點，佢天生性格又比較簡單率直，所以如果媽咪肯俾機會佢講心底話，肯建立果份信任，佢地的關係應該可以更進一步的。

我其實係知道，點解自己近期無啦啦會咁感觸。因為我承受好多壓力，但我唔可以同父母講，連朋友都唔夠膽講，所以自己好辛苦。我唔希望日後細佬會經歷同我一樣既野，尤其係男仔，愈大個自尊心就愈重，唔可以係人地面前認輸，講自己的煩惱。所以我更加希望佢趁早可以同父母建立好好的關係，唔會好似我咁樣，鑽牛角尖。

由星期四開始，我覺得好似過左成個星期咁，其實只係過左2 日。呢 2 日真係好辛苦‥‥‥好辛苦‥‥‥我明知道有人故意將我徹底的 breakdown，之後我就會 accept 任何 offer。哈! 高招! 多謝你教曉我，放心! 第時我一定會學以致用，雖然沒有辦法用在你身上，因為你係師父我係徒弟，但係日後邊個埋親我身想對我不利，我自然識得點樣對付佢地。我會遇強愈強!


>>November 2, 2009 at 2:21:30 AM GMT+8