2006 年 5 月 11 日 星期四 【清涼】

星期日＊ｅｍｉｌｙ受浸 過程（後補）ｓｏｒｒｙ呀～＞３＜ ｎｏ　ｔｉｍｅ 尋日，冇返學 一黎係有ｄ事令我返唔到學 二黎係真係我唔想返學 ａｎｙｗａｙ 最終一句都係冇返 雖然我掙扎左好耐到底返唔返好 但係最終我都選擇任性一次 就學ｋａｒｙ成日咁講 『俾我任性一次啦～』 我自己都好想任性下 唔係一定要迫自己做好學生既 唔係只有病先可以唔返學 病都唔係只係生理上，都有心理上 所以我嚴格黎講心理上有病唔返學都岩ｗｏ～ 唔通返到去發癲 又唔係俾心機上堂咁都去咩 不如留返ｄ時間係屋企好過 但係呢～尋日冇返學的確有ｄ掛住返學 唔係後悔 只係好掛住ｄ同學仔ｏ者 冇得同佢地吹下水都幾無聊 不過我係屋企又唔係真係好得閒架 又要做返ｄ功課 睇返呢幾日教既野 準備我地既西史ｐｒｅｓｅｎｔ 同埋聽左好多個ｌｉｓｔｅｎｉｎｇ 當然就加埋休息下啦 上星期好忙，今星期都係好忙 結果下星期又繼續忙 如果我唔叉下電咁點搞點下星期… 我今個星期六又要出去做義工 星期日…應該教會都返唔到架啦 下星期好忙好忙呀～～～＞︿＜ 嗯嗯…為到自己多多祈禱 為到下星期多多祈禱 也要為到自己既心意多多祈禱

>>May 11, 2006 at 8:30:30 PM GMT+8

2006 年 5 月 4 日 星期四 【酷熱】

『如果愛情變作了遊戲，你我都是棋 　當遊戲變作了傳奇，結局會否完美？』　－　新傾城之戀 今日係考ＣＥ既英文paper1&2 尋晚溫書溫左都幾耐 我諗我都已經盡左力架啦 所以都唔想諗太多 愈諗咪愈驚？ 講返今日既情況先 一早起身洗左個頭就出門口 洗左頭真係成個人都醒哂 而且重好精神～咁我就出發啦 去緊地鐵站既時候係度諗 如果我出年一ｔａｋｅ過 連ｅｎｇ都ｅ左，我就唔洗再入呢ｄ公開試場啦 其實真係有ｄ恐怖 因為再次入返去就係腦中出現種種上年既情況 無論考邊一科都好 我都有好多不同的電話去支持著我 呢種既支持係好難得既 今年再入返去考既時候 我仍然都有呢ｄ既支持係身邊出現 然而，那種感覺總是令人有點難受，不安 我也不知道怎樣去形容 總知一切都是怪怪的 但願快點過埋這個星期六吧 剛才回家係ｍｔｒ既廣告中看見那句說話 『如果愛情變作了遊戲，你我都是棋 　當遊戲變作了傳奇，結局會否完美？』　 不知道為什麼對這句話著迷了 我們從前都會很常聽見上一句的話 然而，下一句就有點新鮮 傳奇，你我都曾聽說過 但很多的結局都是可悲的 可能愛情的故事要淒美才令人記起 前天杜生花了大半堂的時間跟我們上「人生課」 其實每次從杜生身上我都會得到一些啟發 雖然我對於她有一種只能<<遠觀而不能褻玩>>既感覺 但整體來說對於她既教導也是很不錯的 其實她說得對，應該是時間溫習 否則下個月的考試是不夠時間的 所以我打算試著去跟她的時間表 希望我也有能力可以做到這個「習慣」吧 當她提到有關神所賜的兩個盒子時 忽然之間令我明白了許多 我也是那種會數算著開心的人 我寧可自己快快樂樂也不太希望 常常記著那些不快樂的事情～ 可是，不開心的事是不可能沒有的 但要學習的是即使再次見到，或想起 也不會再有任何感覺 而我想我終於也學到了 每當再次想起那件事 或那個人 曾幾何時我也在為此而懊悔，可惜，感慨，心痛，驚惶 但現在我都已經把它們當作了我的一部份 或許就當作是一種回憶吧 我已經學會那種再面對那人，那事都不再有感覺了 最近既一首歌當中的一句真是很對的 『能傷我最深的人　偏得我心』 可能是因為你永遠都會記得這個人吧 不知道成為一個永遠都會被人記得的人是怎樣感覺呢… 昨天放學上電腦堂時測驗 其實不知道是不是我真的做得很慢 還是事實上根本不足時間 但最終都是是旦旦做了交了 放學的時候原本我是很急回家的 但又要找梁媽媽又要ｃｏｐｙ返ｈ入面既資料 結果就快快手咁返課室拎返隻ｃｄ 初時我諗住自己應該識燒碟 但最終都係搞唔掂 要搵譚ｓｉｒ幫手 佢幫我係出面部電腦成功燒左隻碟 不過我估唔到既係佢問我諗左大學揀咩科未 我當然好老實咁講未啦… 其實我真係唔知點算…呢家都重未有目標 佢問我鍾唔鍾意會計 我既自然反映即刻就講唔好 跟著佢望住我＠＠ 我就唯有”兜”返講我數學好差… <<其實除左數學重有英文都唔掂ｔｉｍ>> 跟住佢又問我有冇諗過讀返電腦 我又話冇……不過我同佢講我鍾意玩電腦多ｄ 例如整呢樣整果樣咁║ 佢聽完就問我有冇興趣讀創意媒體… 好自然我既反映就即刻講自己冇創意－－ａ 佢之後就笑住講得閒要諗下 唔係就太遲ｗｏ 其實我當時想講我連咩叫創意媒體都唔知… 後黎返到屋企搵下ｄ資料 我諗係類似整動畫之類等等 雖然我覺得好似好好玩咁 但將來要交功課就真係唔方唔好玩@@" 不過同佢傾左陣都真係感覺到佢對人好好 同好關心學生～搞到我成日都冇溫電腦 好似好對佢唔住咁 所以我決定…黎緊偏時間表時都俾個位佢啦XDD 不過到底...我應該揀咩科呢...??

>>May 4, 2006 at 3:16:24 PM GMT+8

2006 年 4 月 29 日 星期六 【綿綿細雨】

真是很久沒有打日記了～ 都過了９日嚕？？ 今天是４月２９日 最近因為忙著功課，報告 所以都冇時間打日記 昨天晚上很難得地１１點訓 ＜－試想想 １１點訓對於我來說已經變成難得了 整個星期我都要起碼１２點過後才可以去訓 不是我想虐待自己 而是被學校虐待成這樣 功課跟報告等等都已經令人累死了 加上心情又勁差 所以真是好容易成日罵人 有時唔小心講野都會串埋人 可能係月尾啦 又就黎考英文 咩都迫埋一齊都更炆～ 講返ｄ開心野 好快就上達文西密碼啦 ５月１９號 我已經諗左要去睇架啦 不過呢家重未知果段時間忙唔忙 其實就算好忙都要去睇架啦 因為呢家我已經好努力征服緊本書 已經過左一半架啦～ 俾多兩星期我應該會搞點 到時就岩岩好去睇電影 本書既劇情真係好緊張 雖然到底是真是假就冇咩人知 不過我個人覺得真係好刺激同緊張 而且佢既內容真係好充實 佢本書同我之前睇開既偵探書差唔多 不過查案同查秘密始終唔同 所以又有另一種感覺 最近見到我新髮型既人第一眼都係「怪」 當然有ｄ人都覺得係唔錯既 但都好似係好怪囉 但呢家我都已經冇咩野 反而好鍾意自己個髮型 因為我係第一次咁整嘛 之前係咁直髮都好悶嚕 短髮又唔適合我～ 所以咁樣都幾好丫 唔知點解最近發現 原來有唔少人既思想都係好保守 到底係我開放定人地保守都唔知 總知我覺得有ｄ人就係過份保守 而我自己其實都已經好保守～ 但人地重勁過我掛 當我同ｄ比我重保守既人傾到ｄ問題時 有時我就會覺得好厭煩 因為覺得好似ｄ阿伯阿婆咁保守 又或者講ｄ野真係令人覺得唔講好過講 到底係因為我太識得變 定係人地唔識變？ 唉～點解我好似又唔識放低ｄ野咁 真係唔想諗咁多＞＜

>>April 29, 2006 at 2:10:05 PM GMT+8

2006 年 4 月 21 日 星期五 【酷熱】

今日咁炎熱...我都去左考察 真係覺得自己好厲害架^^ 係出門之前我完成左英文的功課 重要收到阿雞既電話 真係幾開心架 佢同我都一樣係返完大陸之後… 肥左好多^^ 佢比我更慘～返左去差唔多成個星期 食死佢囉＠＠ 之後我就遲到左咁去約左阿bell佢地 今日我地要做地理份報告 我地先去左搵kan 之後就係深水步係咁影相 我真係好佩服佢地兩個架 見到咩都可以講到既 見到阿婆---->人口老化 見到警車--->冶安差 見到人地執紙皮--->貧窮 再見到警車--->15分鐘見兩次,証明勁嚴重 電線外露,樓梯之類咁 同佢地一齊做報告就係好多呢d野 佢地係d好認真但又好鍾意學野既人 所以今日我都得益不少架 我地去完深水步就去左石硤尾 哈哈～我地係石硤尾玩左好耐 人黎係要周圍影相 二黎係我地要搞機做訪問 我地見到人地ｄ學校係度又做訪問 因此我地去左另一邊做訪問 搵到一位清潔既嬸嬸 佢都係呢度住既 咁我地做錄影啦… 點知原來冇聲既～得樣冇聲 我地係度煩緊時 岩岩果班做完訪問既人就走黎同我地傾計＠＠ａ 佢話不如我地大家交換資料ｗｏ 點知阿kan就真係同佢地講下咁啦 佢連我地冇得錄野都講俾佢地知 <---問人拎msn要d錄音@@ 點知人地男仔黎架嘛 又真係白痴到俾msn佢@@a 我初時聽到阿kan問佢拎msn我同阿bell即刻笑左出黎 重要笑得好大聲tim 但係阿kan好似就唔係好明咩事 點知人地真係寫左個msn俾佢 阿kan重要好抵死咁講:我今晚add你啦 之後佢地行開左我就立即同佢講 『點解你要問佢拎msn呢??不如直接借部機用你自己張卡黎錄咪得囉』 跟住就大家都一齊笑 後黎我地重做左present錄影 希望可以幫到我地既報告多d內容 又唔洗再去多次啦 最後個point就係茶果嶺 我地去到果度真係幾慘下 因為比較臭同埋環境好差 又多狗<--阿bell勁驚 我地影左好多相 又深入去偷影人地屋企 真係影左好多好差既設施呢@@ 不過我地都好快完成任務 5點幾就走得嚕 不過我今日最學到野既係 從阿bell身上我學識去檢討自己 其實我有時以為自己都幾努力 幾用功去做野 但其實世界上大把人勤力過自己呢 應該要好好咁不斷求進步 唔應該喧易就停低 另外就係我做唔到基督徒應做既事 例如好簡單既飯前默禱 我到呢家都做唔到 不過就聽日起 我好希望自己會做到 甚至係做到一d我平時成日做唔到既野 例如好簡單既過馬路要綠燈之類 我都好希望可以做到 因為我覺得~身為基督徒 如果人地都做到自己做唔到 咁就唔應該啦 所以我會努力d 由聽日開始盡力去做>w<

>>April 22, 2006 at 1:42:52 AM GMT+8

2006 年 4 月 19 日 星期三 【晴】

之前同朋友傾計時得知 原來都有人清楚我是喜歡柔和音樂的人 特別是由鋼琴彈奏出來的音樂 我就特別喜歡 因此現在的bgmusic都選用柔和的音樂 可能是因為這種的音樂比較容易引起感情吧 不論是感動還是傷心 都是給人一種抒情的感覺 這類的音樂真是十分之好聽 最近想起一個解決不開心的方法 就是剪髮 不知道為什麼呢 剪頭髮就是很有用的 心情未必一定會完全解決 但是一定可以給自己一個新的注意力 有時候不開心的原因只是自己太注意那樣事情 如果可以把注意力移開 專注到一些其他的事上 我相信應該心情會好轉不少 呀呀...這幾天好多功課跟報告要做呀 真是十分辛苦= =a 我還想要多幾天睡覺呀…

>>April 19, 2006 at 5:49:31 PM GMT+8

2006 年 4 月 17 日 星期一 【微冷】

為左迎合一d細眼仔既人= =+++ 我就整大d個font size啦~只此一次o乍 因為呢篇野將會都好長下架 真係要有心機先好睇落去 不過，我都好想同你分享下到底我呢幾日又學左ｄ咩 得到ｄ咩 知道我近況既人都知我呢幾日返左大陸 上星期五一放假我就跟媽咪一齊返大陸 雖然一早就要起身～都幾辛苦架 不過我都係咁樣－＞眼訓死 前幾日搞到兩三點都未休息夠 所以果日一早又要起身都真係想死 但諗到可以返去玩就冇咩點理 但係果日真係好多人返呀～幾萬人係度迫 真係辛苦死～就連車票都賣哂 要係車站等３個鐘先上到車 返到屋企都已經５點幾嚕 飯都食得咁 一返到去就見到阿聰～佢發左成個星期燒啦 成個人都傻傻地咁 後黎媽咪分贓完之後我就去送貨 先去左四舅父到～嵐嵐都差唔多一歲嚕 睇佢果樣都唔知似邊個 成日都跳來跳去想學行路 抱住佢一陣就已經係咁搞野玩 不過真係幾得意既 之後就返去食飯 果晚冇咩特別～不過又見到阿琳同阿坤 我都係鍾意阿坤多ｄ 佢又乖又錫我～都係佢最抵錫 阿琳就成日貼住我～ 食完飯表嫂就同我去電髮嚕 基本上初時我真係諗住是是旦旦咁電就算 不過表嫂就好似好有興趣咁 叫阿姨幫我整個少女款？？ 跟住就電左咁既樣 我都唔知係好睇定唔好睇架 但都過得去啦～我覺得係新鮮多過靚 果晚返到屋企都成十點幾嚕 媽咪因為飲左少少梅酒就好早訓左 其實我重眼訓過佢呀 所以快快咁沖完涼就訓嚕 果晚返到大陸足足得１５度 所以要著好多衫～你知啦…我最怕涷，所以一定著好衫先得 第２日我訓到成九點鐘 因為呢幾日真係太辛苦啦～ 所以係冇咩人理之下我就訓到九點 表嫂係咁吹我快手ｄ著衫準備去街 佢今日帶我去清暉園 本來上年去架～點知因為維修就搞到遲左成年先去 雖然門票貴左少少 但係真係物有所值 只要睇下我既相簿就知道果度有幾靚啦 我覺得自己好似入左御花園咁 真係小橋流水～超級華麗脫俗 加上有表嫂既超級相機同埋技巧係度 真係影到ｄ相好似以假亂真咁 可能因為我地兩個都係女仔啦～ 所以擺ｄ姿勢都幾…咩下 我自己都未見過咁『難頂』既自己＠＠ 不過ｄ相都係叫人一個回憶黎既 不竟人愈大就愈少影相 可以留住既野就會愈少～ ｍｙ＊ｌｏｖｅｌｙ★ａｌｂｕｍ 之後影完相就去左食野～ 果日真係食左好多野～ 食左雙皮奶，栗子，牛腩，龍骨（水果） 其實真係食到飽死－＞肥死 後黎因為落雨～加上夜晚要去食飯就要早ｄ返去 返到去就跟媽咪去大舅父到準備出去食飯 個晚成十幾個人叫左十幾碟菜 有桂花翅，燒鵝，蟹，魚，紙包骨，硯，金三角… 呢幾野都係我最鍾意食既野 果一晚我食左…… 我真係感覺自己肥左成斤* 因為實在太好食啦 ｄ菜又新鮮，又好味道而且係真才實料 哇…真係諗起到流口水＞ｗ＜ 果晚除左食飯之外重去行街街 表姊同蕙蕙，明明重有我買鞋 本來我唔想買鞋架～ 不過表姊夫係咁叫我都買 跟著我就買埋ｌｕ 媽咪又買左一對呀 之後阿媽就去掃貨買野 我就留係車到留佢地～ 好耐都冇同明明佢地坐低傾下計 幫佢地改左個英文名 之後就坐車返去嚕 第３日今日麻麻地～冇咩野玩 只係留係屋企玩下咁 因為班細路放假～都唔帶到佢地玩架啦 媽咪就自己出街玩＜－－探人 我係屋企同佢地玩波 不過阿坤就可憐啦 佢走得太快不小心跌親，撞穿果頭＠＠ａ 重流好多血ｔｉｍ… 佢不知喊左幾耐呀～個傷口重好深ｔｉｍ 後黎食完飯就去訓左３粒鐘 真係不知幾眼訓呀 不過就訓足哂嚕 後黎就又去食飯 果晚同四舅父重有表姊佢地去食飯 果度好似日本料理咁坐架 幾得意架～重有我最鍾意既玉子豆腐＞ｗ＜ 食完飯又去左行街 我初時冇諗過又去行公司 點知表姊又要同我買衫＠＠ 佢係咁話唔識扮靚～點識男仔囉 佢都癲癲地咁～都做人阿媽重係咁 佢幫我買左套衫～媽咪就買左水煲 真係大包小包都有哂 返到去都十點～表嫂重未訓＠＠ 原來係佢送條鏈俾我 係一個算盤…不過手工真係好精細 個算盤已經好細…但最重要係計到數？！ 真係好厲害＠＠ 係訓覺既時候 媽咪同我傾左好耐計 同佢傾左咁耐都係第一次 由細個傾到呢家 我其實都好明白～佢自細就辛苦命 係屋企唔係好開心(?)感情上又唔完滿 結果搞到今時今日咁 好似咩人都依靠唔到～ 真係愈聽就愈唔舒服 感到一種有心冇力既感覺 雖然好想幫佢改變～但係就咩都做唔到 唯有幫佢祈禱～我好希望佢真係可以信主 不過我感到呢家重唔係一個好時候同佢傳福音 其實我都知傳福音應該要坐言起行 但係我唔想因為同佢傳福音而令佢對神反感 我都知道自己錯失左好多機會 但我希望神繼續俾機會佢 令聖靈既工作係佢身上動工 另一方面就係令我重新思考到自己未來既路 我感覺到我真係要努力ｄ讀書去回饋佢 不竟冇佢就冇我～ 我真係要好好檢討自己既態度 有時候我成日覺得佢唔明白我 又唔體諒我～讀書讀到咁辛苦都唔理下我咁 不過，我自己又好了解佢咩 唔係今次傾左咁多野我都唔覺得自己了解過佢 返到細個既屋企 我知佢有好多野都好感慨 當佢講到『冇諗過一落黎就十幾廿年』 我都唔知講咩好 我有少少想衝口而出問點解唔返去 不過想講到出口時又問自己 佢唔係香港又點會有我呀？ 其實我真係好幸福架 有個咁好既媽媽 又有一班好好既表哥表姊 個個都好錫我～成日叫我返去睇佢地 雖然有時我會諗… 其實我地真係好疏既關係 一年返一兩次或者冇ｔｉｍ 但佢地都咁錫我～我都有ｄ覺得唔好意思 甚至諗…點解要對我咁好呢 不過係鄉村就係咁架啦 大家一家親，無分你我 基本上成條街都係熟人～唔係阿姨就舅父 所以呀～將來真係要多ｄ返去錫返佢地＞３３＜ 第四日．最後一日 雖然好眼訓～不過都一早就起身同阿姨飲茶 阿姨又係好錫我～不停係咁叫我食野 佢明明要開工都特登請假同我地去飲茶 佢重要冇啦啦俾錢我 其實我真係唔想要佢ｄ錢 ｄ錢係佢咁辛苦搵既～我都唔捨得用啦 不過都好～可以儲起佢 今次返去好似都冇用錢… 咩都係表哥表姊俾錢買 我覺得自己似係佢地阿妹多個表妹 但係都証明媽咪真係對佢地好好 其實某程度上…我真係當左呢度係我家鄉咁 雖然我好唔鍾意佢地成日問我 廣州定順德好玩 不竟我真正既家鄉應該係廣州 但係返到黎真係開心好多 因為太多人鍚我～我完全感到幸福的感覺 不過呢～唔好叫我嫁人就得架啦－－ 個個見面都係問我拍拖未 再唔係就叫我一定要嫁有錢人＠＠ 呢ｄ咁敏感既話題都係唔好講好ｄ 總括而言 今次返去真係100%開心架 而且真係學識好多野 反省左好多 我覺得人必須要係一個時間俾自己安靜落黎 好好反省一下自己 有好多野你成日唔去諗唔代表冇發生 但係當你安靜去思考既時候 你會發現好多野 有好多平時你忽略既； 平時你冇發現； 甚至係一事一物一人你都會慢慢發掘到 佢地對於自己生命既意義 就算係小小既動作，說話 只要係出自愛你，疼愛自己既人身上既 都係甜蜜而已溫暖，更加是『幸福』

>>April 17, 2006 at 8:25:17 PM GMT+8

2006 年 4 月 8 日 星期六 【微冷】

今天真是很早起床呢～ 基本上跟平時上學的時間一樣才對 這天是中一的面試日 我要回去幫手～ 但是對於我來說實在是十分累 我寧願在家中睡多幾小時呢 回到去很快就準備好開始招待家長，同學 看到很多不同的小六學生 真叫我也緊張 她們這麼小就要面對那麼多問題 連面試都這麼困難… 又要個人時事題，又要『小組討論』 沒錯呀！是真的『小組討論』 我真不明白為什麼這麼難的 初時聽到我真是眼都大了一個圈－－ａ 但心想應該也是很易的題目吧．．． 可是後來問了一位朋友 她說其中一條題目是大概這樣： 『迪士尼樂園將為你校舉辦謝師宴 在會上除了有不同美味的食物之外 還有不同的卡通人物出現 你認為這樣的安排怎樣？ 你認為有沒有改善的地方呢？』 聽完以後我都不懂答 首先我不太清楚到底這班小朋友 到底知不知什麼叫謝師宴？？ 其後又要他們想下有沒有什麼地方改善之類 我心想…小朋友又怎會想到這麼深入 這樣的批判性呢… 我現在想出唯一的答案就是她們一定是懂什麼叫謝師宴了… 結束以後我就立即回家睡了一小時多 因為我實在太眼訓了 我知道如果我不休息多一點我是很難去踏單車＠＠ 於是我１點鐘起來以後就立即吃過麵 去大圍了 其實我是十分期待的 因為踏單車是一種很悠閒的活動 雖然阿雞跟貓貓踏單車都很快 不過我就很少理會 慢慢踏一來可以欣賞周圍的景色 又可以享受陣陣的涼風 真是一大享受＞ｗ＜ 不過可能我真是很少做活動吧 因此踏完單車真是十分累壞了 雙腳並不是自己一樣 每走一步也有東西拖著自己一樣 我大概想像到那想我的樣子一定是十分恐怖＠＠ａ 不過真是十分的好玩 我想久不久去玩應該是很不錯的 不竟我真是沒有太多時間去做運動 但是經過這天嚴重的體力勞動 我真是好似死了一般 動彈不能－－ 很早就去睡了 這幾天聽到一首歌～十分的喜歡 特別是那些的旋律 我覺得有一種共嗚的感覺 『此刻你突然唱著我的歌…空中感應感覺到麼』 基仔有一首新的歌叫作花灑 首歌的歌詞有點難明 不過聽多幾次就好似似明非明一樣 我想，首歌的意思是講一些人生的道理 大概是有關一些事 不是樣樣都要擁有 因為擁有之後的代價可能更辛苦 不過基仔今次的演繹好似有點不一樣 不過是好是壞呢？我也不懂下評論 『人總想擁有東西　要是代價高　愈令心中牽繫 　擔憂要是無謂　拿花灑洗禮… 　星星永未流逝　如只可感歎它美麗 　得到也是無謂　負擔高過　天際』

>>April 9, 2006 at 11:36:44 AM GMT+8

2006 年 4 月 6 日 星期四 【酷熱】

最近幾天的天氣都十分炎熱 令人想起夏天的來臨呢 每每想到夏天都會覺得十分開心 因為夏天是個特別的季節呢～ 既可以放暑假又可以過生日^^ 今個星期好多野做呢... 正在考慮這星期會不會返教會 因為下星期又要交西史的LQ 現在什麼都沒有開始 因此星期日是重要的時間 至今還沒有動工呢 而且真是很想請假好好享受一下生活 星期六放假會去郊外 希望不會太差吧 好好輕鬆一下好了 一於去玩癲一下 反正下星期就要放假啦 真係好期待>w< 表嫂已經幫我同媽咪報左團去陽春 雖然我不太清楚陽春的位置及環境 不過相信一定是山明水秀 可以好好享受大自然真是十分開心 我也好希望自己可以在還沒有工作之前好好看一下世界 我知道將來就沒有什麼機會的了>ww< 真是希望影多些相相 到時讓自己好好回憶下那裡呢 最近由於再次聽回M2M的歌 發現有一首歌很不錯的 我想我最喜歡她們的歌是因為她們唱得很清楚吧 nobody gets too much heaven no more it's much harder to come by i'm waiting in line nobody gets too much love anymore it's as high as a mountain and harder to climb how do i dea lwith how i feel how to reveal oooh... what is real love as another day fades away… 這首歌是一首很不錯的歌 幾經辛苦才可以找到歌詞呢 因此要好好珍惜呢＊

>>April 6, 2006 at 11:06:39 PM GMT+8

2006 年 4 月 5 日 星期三 【晴】

是不是有點耳目一新的感覺？ 冷靜過後的自己果然不是怎樣 一直都很想把日記轉一轉”環境” 今天就藉著不開心的情感下換了 換了之後就感到一片溫柔的感覺 背景的花是梅花來的 我沒記錯的話… 梅花是在嚴寒中也會開花的植物 它的生命力可以抵抗嚴寒 我相信我也會好像它一樣 抵抗不開心的事情… 我相信我也可以做到的

>>April 5, 2006 at 1:16:29 AM GMT+8

2006 年 4 月 4 日 星期二 【酷熱】

有時真是不禁會想
假如我因太衝動而做出傻事會怎麼辦
衝動地用可用的打人
衝動地用可以打破的東西通通都摔都地中
衝動地一走了之
衝動地傷害了自己怎樣?
上帝會否願諒我這一切的錯?
會否欣賞我現在所忍讓下來的衝動??
我真是不知道自己現在可以做些什麼
我或許只是想找個途徑從中發洩一下我的感受

現在我在想…
如果我不是因為知道自殺不能上天堂的話
我會不會一早就有了自殺的念頭
但我相信自己並不是如此的壞
現在的我想什麼自殺只不過是太激動、太不能控制自己而已
我知道其實自己最壞的只是會離家出走而已
我可能不能最壞了
但這刻的我只是想用盡所有方法去將自己的感受舒發
其實我真是很討厭自己為何什麼也不能去做
為何所做的都好似沒有效
自己就只有一個在氣、在嬲、在哭
似是很無力的樣子在不知做什麼
其實．一切好似只是很小事
但…好可能只是一直將很不開心的事收起來吧
當一些事發生以後就會連帶所有的事都爆發起來
我真是感覺到自己就快瘋癲的感覺。

多麼好戲未藏住那一腔怨氣
沒有怪你　察覺不到這種『心理』

>>April 4, 2006 at 11:41:50 PM GMT+8