2004 年 10 月 12 日 星期二 【微冷】

今日阿雞無啦啦係econ堂問我野......
佢問：思華～你係唔係要諗得好清楚先開始拍拖既人黎架？
我諗左一陣就答左佢～
點知佢好大反應@@"||||||
立即係咁問我點解......||||
當我想講點解既時候.....
佢又唔俾我講......之後自己發表自己既偉論@@||||
其實我都明白佢點解會無啦啦問呢個問題既.......
不過我真係唔認同佢咁囉= =|||||
講真佢成日都以果一句：「唔跌過，下次點會識」
在某程度我係同意既＜＜歷史ＬＱ．．ＸＤ
人唔經歷過又點會長大呢～
但對於愛情呢樣野，我就有少少保留
如果係開始一段感情既時候唔諗清楚
你只會後悔＜既浪費時間，而且對於大家都會有傷害
而且我覺得咁樣即係等於唔尊重愛情－－
對於對方更加係唔公平！
所以呢～我唔會做呢ｄ會自殺同殺人既事ＸＤ
認真ｄ講句.......
一段感情可能只係兩個人既事.....
但你所做既野唔只係要同對方負責
而係對所有人負責.......
對自己身邊既朋友，屋企人等等
傷害太大啦～我自己都接受唔到自己會做呢ｄ野
所以.....阿雞佢真係要好好諗清楚
我以前成日都以為阿雞係呢方面好似好叻咁.....
佢成日都話我：思華你都未試過又點會知丫～
係既～我未試過，但我比佢理智
佢做既野太感情用事啦～
我唔明點解佢成日都會做埋一ｄ我理解唔到既事
我真係覺得佢好有問題－－
不過我無理由要踩佢既........
算數啦....我同佢只係會係有難既時候
佢先會幫手既人......都叫ok啦

>>October 15, 2004 at 8:03:20 PM GMT+8

2004 年 10 月 10 日 星期日 【酷熱】

回ｖｅｙａｎｎａ～
我覺得我比你已經好好架啦～
我諗如果我係讀你間學校
我一定會癲左添＞﹏＜
ｖｅｙａｎｎａ搵日我要同你去唱ｋ～
我好耐冇見你啦Ｔ^Ｔ
好掛住你呀．．．．
日記：對腳好痛呀....../____\
可能尋晚玩得太過刺激啦...
刺激到我對腳都唔行得咁......|||||||
今朝真係起唔到身咁.....＠＠
因為係沙灘跑，對腳要用好多力
所以就勁痛嚕～＜我自己又少做運動－－”
重有.....尋晚成兩點幾先訓....
今日就勁眼訓＜十點幾起身
所以起身睇左一陣電視又訓番＠ｗ＠
由十二點訓到兩點幾～
功課都未做呀！～我就去左睇動畫＞ｗ＜
點點介紹左４套既動畫俾我Ｔ^Ｔ＜感動＞
全靠佢ｄ動畫我既人生先有番少少色彩＜誇張手法＞
不過真係事實黎架＞～＜
我自從睇完美醜之後都冇咩動畫真係用心去睇去追＞～＜
難得呢家點點搵左都會ｓｅｎｄ俾我睇＞３＜
我真係勁開心～～！！
呢４套動畫之中有一套就係搞笑野為主
另外３套都係有劇情而且好掂既＞ｗ＜
丸丸唔鍾意ｇｌ
但我睇完神無月之後～我覺得冇咩野ｗｏ
可能我對於女仔無咩反感掛～
ｂｌ我就有ｄ反感－－ａ
至於死神果套就好刺激＞ｗｗ＜
我都好鍾意果套～另外就係舞－ＨｉＭＥ
全部都幾好睇架＞ｗｗ＜
真係好開心～～有得睇～
講番ｄ野先～
本來今日我想去睇醫生架～
我想係睇下醫生問佢點解我日日都會有間歇性肚痛........|||||||||
本黎我諗住今日唔肚痛就唔去睇啦
點知阿媽返左工之後佢就肚痛＞”＜
搞到我叫唔到媽咪陪我去睇醫生－－
我諗過架啦....聽日都痛就一定要睇醫生= =@
我忍唔到成日都肚痛咁辛苦......||||
唔通係我食錯野？＜但已經好幾日係咁肚痛ｗｏ
定係我腸胃真係太差呢？
我承認自己成日亂食野既－－ａ
但我真係唔知點解會咁ｗｏ.......||||||
算數啦～呢ｄ野問醫生好ｄ^^"
尋日打排球打得太激@@
隻手出左d紅點......老公話係微血管爆左@@"||||
我諗係掛...不過一諗到爆左真係好恐怖＞～＜
上次聽完捐血講座之後....我就勁驚d血......||||
真係好難想像自己d血睇住佢流出去係點樣.....
雖然我未至於見血就暈.....
但我覺得真係好恐怖＞～＜
好在我唔會做醫生呀～護士咁ｏ者ｋｅ～

>>October 10, 2004 at 9:33:17 PM GMT+8

2004 年 10 月 9 日 星期六 【微冷】

呢家係11:58pm
我返左屋企大約有20分鐘啦>www<
岩岩我先去完清水灣返黎呀....
今日教會去左BBQ～
不過就由我同老公去霸爐...........|||||
我同佢4:30去搭巴士入去.....
點知我地係總站落車........搵唔到燒烤爐
我記得只有一灘先有燒烤爐.....
但我又好驚只得3個爐...搵唔到.......||||||
我地兩個經過左一條小路....過左兩個山先到二灘.......
其實我真係覺得自己好勇= ="|||||
我覺得兩個女仔咁樣去....而且重要去行山路...真係危險到死
我諗緊如果突然有蛇呀....有山賊咁點算.......|||
不過當時都唔理得咁多....係咁行係咁衝=////=
終於行左好耐黎到.......但真係得3個爐.....
唔知會唔會冇得燒......|||||
好在後黎問左人佢地一陣走= =||||a
根住我同老公就坐係旁邊等左好耐......
果時已經5:30pm......
等左成個鐘佢地先搭緊車......=""=
真係有d嬲佢地架.....因為我地兩個女仔又涷又等左咁耐佢地先入到黎
我地搞左好耐先可以食得野.......||||
因為要起多一個爐.......|||
我地一共有我、老公、果5個女仔啦、旭藍、啟男、同表哥<啟男的表哥>、頌恩
我覺得自己燒野都好叻架＞ｗ＜
我燒麵包同棉花糖都超級叻～～！！
我燒包包就好脆～燒棉花糖又唔會溶ｗｏ～
而且又脆又好味＞ｗ＜
我俾佢地食～個個都叫好！
不過我只係俾我地個圍ｄ人食
＜＜即係我、老公、啟男、啟男表哥同旭藍食
唔知點解啦.......得我地5個用呢個爐......
佢地d人都用第2個.........||||||
咁我地個爐可能太差啦= =a
都燒好耐先得既............
但係真係好怪囉= =a
全場3個男仔都同我地玩.....@@
但係就唔同果幾個女仔玩wo..
可能唔同佢地熟掛.......
因為我自己都唔識佢地...啟男佢地又點會同佢地熟呀
同埋大家差唔多年紀....傾得埋d既....||||""
之後我地食左好耐之後就去玩排球＞ｗ＜
其實好奇怪架........都已經8點九點......沙灘又冇燈...
根本就睇唔到野...點玩排球呢=///////=?
但我地5個都照玩.....
佢地3個都好勁架......"|||我地成日都要執波＞”＜
不過都玩得好開心架～～
係本來可以玩得刺激既情況下
＜＜諗住邊個輸左拋佢落海既時候
點知就話要走嚕.....唔玩得
係既....."成十點半咁夜再唔走就冇車走@@"
不過真係有d人10點入黎燒烤.....
我諗佢地真係會燒天光先走.....@@
其實我諗都會幾好玩架～
可以係個沙灘過夜ｗｏ～型啦＞ｗ＜
我同老公無啦啦就講起不如真係遲ｄ再黎玩
因為真係玩得唔夠～想玩耐ｄ
我都好想繼續玩落去架
如果唔係因為冇車走人.....真係玩到11點都ｏｋ
＜＜其他人就慘嚕.....唔洗返屋企＞ｗ＜
如果話可以係沙灘過一晚......
訓係帳幕睇浪同星星都幾浪漫＞ｗ＜
雖然我未必有咁既福份～
諗下就算嚕～都唔會有機會
遲下過左會考...試下都唔錯
我諗一定好正＞ｗ＜
但真係好攰囉............."
都未算過行咁多樓梯架.....落黎就輕鬆...
上去就難嚕＞～＜
但係今日真係玩得開心既～
就算唔係好似之前所諗既一樣
但都已經好好架啦.......
其實啟男同佢表哥真係........."|||||||
算啦....我都唔想講咁多=/////=
今日見到好多虫虫......
初時我唔會驚架～！
我都唔覺得有咩問題既..........
但係見到「蟑螂」之後就勁驚.......
係咁大叫....."因為太恐怖啦......佢地竟然就係d野食到...＞”＜
好得人驚呀.....會自己反肚又反身架＞︿＜
真係勁恐怖吵....我都未見過既＞～＜
ｄ蟻又有成個５毫子咁大隻ｗｏ.....勁恐怖＞”＜
佢地３個係咁笑我同老公......
老公一見到任何虫虫就會立即走開十尺
死旭藍成日笑我地兩個wo.......
又話我地＞”＜.....
佢成日針對老公....我真係發現到@@
其實我覺得針對佢有兩個可能性.....
一係佢對老公有好感
一係佢就唔妥老公....."||||||
講真....我其實真係到呢家都唔想相信老公所講既野
因為我知只要自己一直唔相信佢就冇呢件事～
咁樣我就可以唔洗去揀～
我可以好好咁繼續為自己而努力
雖然我知道自己係無機會......
希望我去海灘過夜呢個夢都會有一日實現～
一定會有可能～～＞＜

>>October 10, 2004 at 8:55:06 PM GMT+8

2004 年 10 月 8 日 星期五 【颳風】

終於都到左星期五啦......
我等左成個星期......都係等今日
呢個星期真係好辛苦.......第一次感到中五係辛苦
我經歷左好多個第一次係呢個星期
．第一次溫書溫到十二點＜＜ｆ５都未試過
．第一次得１５分鐘休息下訓一下
．第一次聽「發奮」想喊.......
．第一次未訓醒就係咁喊......
呢d既第一次都係好辛苦......
真係冇諗到我之後都會過咁樣既生活?!
可能好多人都會說話：「溫書溫到十二點咁早都叫夜？我溫到兩三點啦」
不過我同其他人唔同......
我過左一點兩點就一定溫唔到書
因為我認為除非訓1覺半夜起身溫
唔係你冇可能涯到二三點溫...原因係你一定會眼訓
一日上足8堂已經咁辛苦...返到黎冇休息都溫到二三點？
你係二三點做既野一定都唔會好得去邊
果晚我一路上網做past paper一路睇中史書....
搞到十二點訓....係訓之前我聽歌----「發奮」
我聽到真係勁想喊......唔知點解我覺得自己真係好辛苦
之後我真係一訓係床就訓住左.......
第二日真係有唔想返學既諗法....
因為我連轉身都轉唔到.....成個人都好攰....
結果就俾阿媽罵......
唔洗兩句我已經係咁喊.....
當然....佢唔知道
一直都只有我自己喊俾自己聽既
喊左出黎我都唔知自己喊咩.....
只知道自己好無辜.....好多野都唔係我想做既
但係就要迫我去做一d自己唔想既野
原來咁樣.......真係比死更辛苦
阿sir成日話：「讀書係好辛苦，但為人而讀書就更辛苦」
我開始好同意呢句話......
不論係為左阿媽......又或者係我俾自己既承諾
我發現要對自己交代既實在太多...亦都太苦
咁樣迫自己...我都覺得係癲既行為。
每日返到屋企我都好眼訓.......
唔知係唔係壓力大既問題....但我覺得係因為我太過集中上堂= =
我上堂時太過集中.....太過用腦咁
結果先會搞到咁攰咁眼訓掛......
我發現同其他人比唔係一件辛苦既事
反而對於向自己既良心交代先係最苦既事
今日我先發現......原來好多人都覺得我唔出聲既時候
係好惡........|||||||
我一直都以為大家講笑...但估唔到係真= =|||
我真係好惡咩......|||
只係我唔講野時..會係諗緊野同埋發呆之嘛
唔通唔講野既時候都要係咁笑咩.......|||||
我呢d唔係叫惡...係叫沉默= =@
可能加埋最近成日都好攰.....
所以成日都冇時間休息...個人都慢幾拍
而且又會癲癲地同埋個樣好殘.......||||||<<呢家同一隻鬼都冇咩分別
我發現自己有時真係行路都癲癲地咁......|||諗埋d痴線既野............
所以成日都會傻笑..........
每當我諗起呢件事.....
我真係好想喊......我唔想去諗...
但又只有佢先令我有番動力
我成日都會諗.....
就算其他人都唔明白唔了解自己都好.....
我都會覺得總有人會明白..會清楚
雖然明知只係自己諗出黎安慰自己....
但我都會因為咁而有番d信心......
有番少少動力....
其實咁已經好足夠......
只係我都唔知點解自己要咁傻咁蠢.....
令到自己咁痛苦
＊。我是糊塗蟲　但身驕肉貴　
從未被包圍　從未亂挑選某位。＊
→我幾鍾意呢兩句......我對自己其實都叫好.....(?)
我唔希望自己太苦......
老公叫我要好好諗清楚點樣去揀....
佢同我講唔好為左d冇可能既野而放棄一個機會
我真係有能力做到咩.....
拎得起可以放得低？真係好難......
雖然我地之間過得快樂......
但我心靈卻不快樂。。

>>October 9, 2004 at 12:42:22 AM GMT+8

2004 年 10 月 3 日 星期日 【微冷】

呢幾日涼左好多～真係要著多件衫先得
不過呢就係因為呢種咁清涼既天氣
搞到我今日訓到好遲先起身～＊
尋晚睇完人魚之森就去訓嚕
但係太眼訓啦.......而且又涷涷地咁
我就訓到中午12:30＞ｗ＜
好耐冇試過訓到咁遲啦
因為我呢兩日都要早起身～所以先會搞成咁啦～
今日星期日......聽日就是返學啦
而呢個星期將會又是過得很苦的........."||||||||||||
因為日日都要測驗～＊
我要努力ｄ溫下書先得呀！！
我呢家真係唔鍾意ｅｃｏｎ.....
我係俾呢個先生教成咁我先會咁........
我完全捉摸唔到佢到底想我點做
我已經做左兩次剪報...都得4分5分<10滿分>
我俾佢打擊到我真係想喊.......
我都唔知要點做先滿足到佢既要求.......
而且想econ堂都唔知想點咁......唉= =||||||
唯有自己努力掛.....我真係唔想自己咁差呀>"""<
聽日就要英文+數學
後日就econ測驗.....
星期三默中文.....|||||
星期四中史西東漢+魏晉南北朝.........|||||||||＜我完全未溫過
但又係最多＞”＜死中史.........|||||
星期五...地理統測....＜－城市
唉..............||||||||||||||||||||
我真係唔知點算好....||||"
努力啦努力啦......|||
好開心呀呢兩日～點點推薦了兩套動畫給我
都是十分好看呀！！
所以我都可以搵ｄ野支持自己一下＊
過左呢個星期就好嚕～
↓自作的詞◎ｗ◎

＊你其實只愛她一個
只有我　一直不清楚
原因是你從來並沒有發現我　多淒楚

今天你又再與她相見
有了她你竟變得很甜

可惜我仍然會一次一次的　夢見
你竟會為我而變.....＊
看來只有我自己識唱ＸＤ

>>October 3, 2004 at 4:52:34 PM GMT+8

2004 年 10 月 2 日 星期六 【颳風】

好好開心呀～＊
終於可以再次打番日記嚕＞ｗ＜
好開心終於又再維修完～我等左好耐啦～
講番今日先～＊
今日係阿雞生日～生日快樂呀
無緣同你慶祝生日唔係我既錯
係你唔賞面ｏ者～
１０月１號果日最後都得我同老公自己去左食韓燒～
兩個人由１２點食到４點＠ｗ＠
我地一路食一路傾計
就係咁傾左成個下午～都幾開心呀
我發夢都冇諗到自己真係可以做神婆－－
只係尋日同佢講完，尋晚就應驗........|||||||
唉.....證明左有d人真係由頭到尾都只係一個謊言黎啦
我都唔想再講佢呢個問題
後黎食完野就行左一陣街咁啦～＊
影左幾張相相＞ｗ＜
死啦.......我呢家真係好黑
影相都好黑........|||||||
我真係冇得救嚕T^^^T
我點樣都整唔番以前咁白咁......
整極都冇起色....../___\
唯有等過一排睇下點先啦.......
今日一早就要出去媽咪到幫手= =aaa
不過自己就好唔小心啦.......
俾d熱水整到隻手.......||勁熱又痛
雖然呢家已經冇事嚕....
因為後黎都唔理得咁多......繼續幫手
結果呢家都冇事啦~
不過呢....每次見到自己雙手....
d手指好似bb咁.....|||
我真係好唔明點解會咁......
係得意呀?點係好似小朋友.......|||
d手指又短又肥......|||
跟住我就返左教會...今日唔知點解特別熱鬧咁
唉.....點解會咁呀,d新人一返黎就主持大局咁
我都冇野好講啦.....反正又唔係我可以反對就反對既
下星期佢地決定左去淺水灣燒烤同埋打排球wo
其實我都唔知淺水灣點去既.....
不過好在係夜晚去呀>w<
我唔洗怕又曬到黑哂呀～＊
而且可以去沙灘玩真係好正架
我要去玩水水啦～玩沙啦
咩都要玩～雖然唔知到時搞唔搞到
不過諗起都真係好興奮＞ｗ＜
唔知點解好想快ｄ白番...影多d相相ke~
身驕肉貴－＊
如今待你拆開這個謎　完成接近情侶的關係
我是糊塗蟲　但身驕肉貴
從未被包圍　從未亂挑選某位
假若共我有心想過世
便應愛護我　而不驚吃虧
待我公主般與情人步上天梯　被你珍惜都要講氣勢....＊

>>October 3, 2004 at 1:16:46 AM GMT+8

2004 年 9 月 30 日 星期四 【酷熱】

＃首次公開電郵日記＃
今日都係打唔到日記～
唯有係呢度打左先啦～
今日決定下載番首＜＜無痛失戀＞＞
上次覺得唔好聽～所以ｃｕｔ左佢
但係呢家覺得又幾好聽ｗｏ
呢幾日下載左好多歌～
鄭融既＜＜紅花會＞＞我覺得幾好聽～
同埋佢首＜＜失蹤主角＞＞．．．
我覺得首歌寫得好真＞～＜
其實佢唱歌都唔錯既～幾好呀
重有ｊｏｅｙ既蜃樓～
最鍾意果句係「我相信蜃樓　相信荒謬　＊從來憧景的都不永久＊　都好過沒有」
精句黎架～
下星期將會又係測驗既季節
我都真係覺得好無奈～
但又冇辦法啦......鬼叫自己中五咩
好掛住以前既日子可以無憂無慮
呢家成日都好似爭分奪秒咁啦
成日都要溫書溫書功課功課.......
我都有d唔覺得好煩.......
我呢家有d擔心veyanna呀
唔知佢點樣呢.....＞～＜
佢好似真係集中唔到溫書咁
唔知會唔會係有ｄ咩事發生搞到佢咁呢？？
希望佢冇事啦～＊
其實我都乖左好多架啦
至少已經唔會成日聽聽下歌諗埋其他野
我要為左自己既承諾而做到最好＞＜
因為呢樣野係為左我自己而去做.......
亦都係我自己對呢件事既承諾
今日係皇兄生日.....
係呢度同你講句生日快樂丫....＊花？
諗起身驕肉貴首歌添........||||||

>>October 2, 2004 at 10:38:50 PM GMT+8

2004 年 9 月 29 日 星期三 【清涼】

哇哇~~~~勁開心啦今日
今日係我地5D班既大日子啦！
好開心呀真係~~今日係我地第一次搞得成既班會活動wo！！
成班人都玩得好開心架~
不過有d人都係冇黎到啦....
kary佢黎唔到啦...Miss Pang又冇黎啦
得肥仔樂同埋潘sir有黎啦
不過蘇生都有帶佢仔仔黎>www<
佢仔仔好得意架～勁可愛呀＞ｗ＜
果然一到中午佢個仔就訓覺～～
可惜當時我冇時間去玩下佢個仔啦＞︿＜
跟住我地就開始燒野食ｗｏ
肥仔一去到就請全場人飲野＞ｗ＜
佢一共起碼請左３次呀～～好型丫佢
佢重要同ｊｕｄｙ水彩佢地玩水槍添呀～
後尾連潘ｓｉｒ都玩埋一份！！＞ｗ＜
成班人痴左咁係咁玩水槍～～
連我都俾人玩＞”＜
佢地厄我一齊影相．．．點知就１，２，３用水槍射我＞～＜
我成臉都濕左呀！～～
又冇衫同褲換ｗｏ...............|||||||||||||||"
後黎肥仔玩到好激 @w@ 成班人都俾人地罵
我地燒左好耐啦...跟住就影下相呀...繼續玩水槍呀咁
後黎我同emily都去左買一條一樣既褲褲>ww<
條褲褲好得意架～～！！
濕左水會有花花出現架～～
我地落去海邊玩左一陣水水
不過ｄ海水真係好多垃圾＞＜
emily話見到有剃刀=口=
我見到好多報紙........|||||||||||||||
不過我地班d人就好傻.....
玩海浪真係好正既........>w<
後黎肥仔都去左游水！！＠ｗ＠
我地就繼續玩ｇａｍｅ
勁好玩架～～超級刺激呀～
但因為好曬呀.........我好似又黑左啦＞＜
唉........真係好想快d白番呀............|||||||
最好玩既係我覺得有阿sir陪我地玩係最癲既~~
佢地都算係好好架啦~~陪我地玩足成日＞ｗ＜
我番度屋企成身都好痛呀.......|||||||
我番屋企果陣真係就黎死咁.......|||||
一步步都好辛苦<<我著拖鞋返屋企~~同emily一齊買既>w<
後黎整左好耐先整到d相啦.....
好開心架d相＞ｗ＜
我覺得阿丸有資格去做攝影師呀！！！
佢成日都影到一ｄ我地好真既動作～
佢真係掂呀～～頒過獎俾你啦＞３３＜

>>October 2, 2004 at 10:34:08 PM GMT+8

2004 年 9 月 27 日 星期一 【清涼】

今日好熱......＜＜但課室好涷！！
又熱又涷真係唔知點算好.........
睇黎遲d要買個一件新既長袖冷衫@w@
我今日開玩笑咁同老公講....我唔介意你織一件俾我架ＸＤ
我開玩笑都係想佢開心ｄｏ者～
可惜我太差嚕～唔係好識點算開玩笑
我重記得.....每次我見到佢時
我有唔開心都好快就會笑番～
因為係呢個圈子入面有你就有得笑～
講起上黎織野就令我諗起織頸巾
我呢家有兩條係媽咪織俾我既頸巾
我記得自己好似只係織左唯一一條頸巾送俾人
我諗我都唔會再咁有恆心去織嚕
除非係我自己有言在先，同埋佢真係對我好重要啦
其實上次送俾人既頸巾係有少少地方織錯架＞～＜
但我織完先知....我問媽咪有冇辦法補救....
佢話有...全部拆哂再織＞︿＜。
但我已經太遲了.....我冇辦法下唯有唔理照送/___\
今日呀.....我歷史最後都係炒左
係一定炒......|||||||
我自己都唔知自己做緊d咩....有咩就寫咩
又係我最憎既何等程度.......Ｔ^Ｔ
阿SIR分明玩我地全班..........||||||
雖然佢唔係睇住我地測...佢要開會
ｓｏ我地自己測完就走.......
好多人都open book...但我沒有
因為我唔想令自己溫左既野白費
我想相信自己睇下會點＜＜拎黎玩..........|||||||||
但最後都唔夠時間做.....Ｔ^Ｔ
差少少時間....真係差少少時間
如果我唔講咁多野應該會夠......
又要借書俾阿花...又要慢慢諗點樣答
寫到我隻手有D麻痺先寫到最後既總結...........
但係呢........我寫唔出
因為係咁俾人打擾...我根本寫唔到點樣結尾
寫左兩句總結....真係得兩句
我最後都係放棄....交左佢
其實我都超鐘架啦....要用半小時做...但我用左35分鐘到啦＜＜被迫收野添
唉．．．．真係死得
算啦.......我諗唔會得我一個咁差既.......應該？？！＜安慰自己中－︿－＃

>>September 27, 2004 at 10:18:40 PM GMT+8

2004 年 9 月 26 日 星期日 【酷熱】

今日成日留係屋企...冇出街
只係一早起身睇電視+睇電視+喊+睇小說
唔會誤會我又痴左= =a
我只是睇左今朝套日劇先會咁樣.....
堂本剛做咩戲都係咁叻＞ｗ＜
呢套劇真係做得幾好～
集集我睇都會喊～
因為太令人感動嘛，而且我又眼淺
冇辦法啦.....我都唔想喊架嘛
尋晚我同左點點講我有過份緊張症～
原因可能係睇得太多電視嚕
睇到入哂迷...中毒勁深
成日好緊張d劇情發展^^"
好似尋晚咁...我睇恐龍
我一邊拍枱,另一方面又叫阿拉達快d走.....<<---主角名
成家人望住我都問我係唔係癲左...."||
我唔係癲呀...只係真係好投入嘛
1小時咁就完左...咁快都唔夠我睇
所以日日睇電視暫時成為我既寄託
我已經冇咩可以玩既野...一係上網一係睇電視
唔可能連溫書都又係叫玩嘛....
我已經好耐冇去街街....差唔多有3個星期...<<好辛苦..＞～＜
之後我就睇左一本小說
個結局都唔錯啦...起碼我接受到
我認為差唔多啦...有時候達成左自己既心願就可以了
無需要一定要一齊先得到快樂既....
之後就去做埋d功課....
果埋溫書....只溫左一陣中國<---只係睇一次
就好眼訓...去左訓個幾鐘先再溫日本
其實我真係冇咩心機去溫書....
只係好想快d過埋呢兩日....玩返一日先去再溫
聽日既中國+日本LQ...我真係是旦溫左就算
講真我係好內疚.....自己花哂D時間唔知去邊都唔肯去溫
俾自己藉口唔識點溫......
但係我都唔知點解會咁樣....只係好想俾自己輕鬆一下
我唔明點解成日都咁多事會發生....
有時候自己真係有心無力去理....
連自己既野都未搞點...我有咩資格去理人地既事..俾意見其他人？
從來我自己決定既野....我都好少俾人知道
因為係自己既事...我唔想煩到其他人
今日聽到一首歌＊國語歌
「我的聲音在笑 淚在飆
電話那頭的你可知道
世界若是 那麼大
為何我要忘記你 無處逃
我的聲音在笑 淚在飆
電話那頭的你可知道
世界若是 那麼小
為何我的真心　你聽不到
聽不聽不到我的執著
撲通撲通一直在跳
直到你有一天能夠明瞭
我做得到 我做得到」
幾好聽架～＞ｗ＜
後日係中秋節～
由大上年開始我已經唔會去玩同慶祝
其實我想去既........只係唔想自己一個去o者
我都好想拎住個燈籠去玩......
拾起破碎既回憶...

>>September 26, 2004 at 11:34:17 PM GMT+8