2005 年 1 月 24 日 星期一 【颳風】

呢家聽緊電台～
唔知點解聽聽下都幾傷感
因為今日講既問題係關於屋企人
講到好多人都會好唔鍾意自己既媽媽
又或者同自己媽媽爸爸有好多既問題、誤會一樣
聽聽下都有ｄ想喊～
雖然今日大家可能都有好多野想去講俾對方聽
但大家永遠就只會用「佢應該會明白」黎做藉口
根本就唔會主動將自己既說話由心底中講俾對方知
我自己都一樣～
係我心中的底處～我係好愛我媽咪
因為自小以黎我都係同你最親～
雖然細個果陣我係鍾意纏著阿爸～
不過呢家唔會嚕～
人愈大左之後，我就識得認清好多野
雖然我好似成日都發你脾氣～
又或者當你有時無理咁罵我時～
我會好大聲咁去發你既脾氣
但當我知道你有病痛
有唔開心既時候～我都係好擔心
以前係唔識既時候～我冇諗到人始終有日會離開
我成日都會好天真咁諗大家可以到好老既時候仍然一齊
但當我睇過好多既意外～疾病既出現
我就知道有ｄ野唔係再係必然
雖然我自己都會覺得自己係有ｄ過份擔心
但我真係好怕有日媽咪會離開自己
不竟目前～我還沒有好好照顧佢
所以有時睇到一ｄ既天災～人禍
我真係好擔心～如果自己係當地～
到底我會冇左ｄ咩呢？
所以我真係唔知自己有冇一日會變成咁
但我真係好愛佢地～
而我依家可以做到既～可能就係考好個會考佢～
我都希望ｋａｒｙ快ｄ同佢媽咪無事啦～
阿雞就唔好成日同佢阿媽有衝突～
我呢～真係要好好收下ｄ脾氣～
希望大家都可以好好愛自己媽咪～

>>January 24, 2005 at 11:07:27 PM GMT+8

2005 年 1 月 23 日 星期日 【颳風】

呢幾日都懶左冇咩點寫日記～
唉．．．冇辦法啦
我星期五果晚自己厄完自己之後～本黎想打果ｄ野出黎
後黎都唔打嚕．．
（費時俾人話白痴－－）
而尋晚呢．．．我成十二點先ｏｎ
原因係我睇左我最鍾意睇既Ｔｈｅ　ｂｏｎｅ　ｃｏｌｌｅｃｔｏｒ
初時我以為會好恐怖架～點知都唔係既^^"
因為我又唔可以開得好大聲～嘈到阿媽訓ｗｏ
結果咁細聲我都只係好似睇字幕多個睇畫＞＜
不過雖然同本書唔係好一樣
但我覺得都係好好睇~有另一種味道嘛~
而最後果度真係我估唔到～
因為我記得佢好似係ｃｕｔ左少少野＠＠
唯有遲ｄ借多次黎睇先＞ｗ＜
但我之後ｏｎ左都好唔得閒～
我最近好想搞番點個相簿呀～～
唔知做咩個相簿死左．．．
唯有搵個新的家俾佢啦～～
所以就要搵個新既～但一搵就搵到嚕
可惜我唔係太識整
現在都係學習當中～希望快ｄ識整啦～
咁就大家都有得睇～
下星期將會開始忙番嚕～
成個星期都有測驗～而且重要好大測＞口＜
＊我呢家都唔識點死．．希望下星期識啦..."
＊好想有時間．但又冇時間
＊去完彩彩屋企令我有ｄ反思...自己係唔係好唔努力
＊唔知點解開始鍾意睇明珠９３０．．．
＊開始又感到教會周圍既人有所變化
＊聽完地理個ｔａｌｋ．．．我覺得自己要放多ｄ時間係地理上
＊功課．．係永遠不會完－－
＊唔想到新年＞＜
＊未去圖書館．．．
結論．好多野未做Ｔ^Ｔ

>>January 23, 2005 at 6:51:46 PM GMT+8

2005 年 1 月 18 日 星期二 【乍雨乍晴】

雖然我岩岩先返到屋企～
連坐都未坐熱～我就要打呢篇日記～
今日放學既時候～我同阿雞傾左好耐計～
我真係好開心～岩岩放學一路返屋企既時候
我都係好輕鬆，好似將所有野終於都講哂出黎一樣

「朋友」一個永遠一世都陪住你走既人
雖然係路途中，有人會離開，有人會加入
有人會在你生命中發揮光芒
但也有人會帶俾你悲傷
其實我一路同阿雞係度講既時候～
自己既心都赤赤咁痛～
有好多野都係無能為力咁樣～
但係你心入面佢仍然地位都係好重～
所以：有時候要放開一ｄ野～
當你要放開既時候雖然好辛苦
但係你放開之後～你睇到既樣可能會更加多
０４年．．．
我花左成大半年既時間去放開一段感情
但到現在～我都重未可以完全放低
我好記得當我自己要放開時
我好驚～我驚自己會冇左好多野
我好驚冇左一個人，會令我冇埋更加多其他既人
但原來係唔會架
雖然你冇左最重要既野
但你有其他野去填補番
而最重要果樣野～最後只會成為你既過去～
成為你既遺憾～但唔會再傷害你
不過你真係要好有勇氣去放低佢～
我記得自己要決定死心既時候
我好驚以後永遠都得番自己
驚以後再冇其他最好既朋友～
我再唔可以同自己喜歡既人一齊玩
不過當時我記住左：我唔係小丑～
呢句野係我好耐之前已經知道既野
而我都唔會再好似以前一樣～
人係要互相尊重～關心～諒解～支持
雖然唔係個個人都願意去付出
但請知道～明白
你應該為了自己認為值得既人付出
當你認為唔再值得既時候～
請不要苦苦相纏～「因為付出永遠不會等於收穫」

講左好耐就講左差唔多成個鐘～
我好開心可以將呢ｄ野講俾阿雞知～
唔係每個人都會識得點樣去處理問題
就連我呢個「過來人」都未必識
但我只係想將呢小小既經驗去分享出黎
我當日已經後悔左～
我唔想有人會再去後悔
有ｄ野真係可以一世都記得
特別係你曾經認定你找到一生當中既人．．．

我 要多得自己 更加多謝你
你將我磨成利器
從前在快樂時以苦調味
在過山車裡上天落地
經歷就當福氣
當我無情無恨望過去 還是笑中有淚
如若那天我大多幾歲
這一刻也許．．．

如果將來能得到誰
其實多得這過去

>>January 18, 2005 at 6:15:47 PM GMT+8

2005 年 1 月 16 日 星期日 【乍雨乍晴】

『若果你消失於空氣 時光一樣美
我也可找個別人 愉快地』＊

今日都幾早就起身～
雖然尋晚都好夜先訓呀～但我都係咁早起＞ｗ＜
起左身就睇下電視呀～做功課咁啦
連最唔想做既數學我都好乖咁做埋～￣▽￣（好耐冇用呢個樣）
就係因為咩都做哂～又唔去溫書～又冇得玩～
結果同細佬玩嘈交
係咁嘈佢唔俾佢玩～～
後黎嘈得好激
我最後都唔理佢～佢都唔理我
我自己就去訓覺￣▽￣
訓左個幾鐘就開始玩嚕～～
今日細佬搵左好多李彩樺既歌
雖然我唔係好鍾意佢呀～
不過ｄ歌都唔錯既
今日我就用左佢首歌既歌詞黎開始同結尾～
我覺得佢ｄ歌唔錯係因為作詞果個人好勁！！＠＠
因為佢作既歌詞都係好押韻同埋好真～
睇哂成首歌你都會覺得係一首好歌～
雖然李彩樺未必唱得到果種韻味～
但係歌詞同曲都贏哂～^^

最近真係有d擔心...
不竟真係就黎會考～
自己又未開始溫書
好多野成日都好想去做～但最後都會因為懶而唔做
又好擔心到底自己會考掂唔掂啦～
如果衰左點算啦？
又成日都諗緊到底自己係唔係真係要開始讀書
人地個個都話聖誕就開工
但我自己就咩都未開始～？！
最重要係希望愈大失望又愈大
唔好諗咁多呢．．又唔得ｗｏ
雖然我又未去到神經緊張果ｄ既～
只係得個諗～
不過真係唔知遲ｄ點算＞～＜
我知自己又有少少癲癲地既～
一旦自己做埋ｄ咩野都唔知咁呀～
所以到時真係唔知點死啦＞︿＜
雖然呢家好多時候我都會祈禱咁～
但我真係好不安～～唉．．．點解要有會考呀？！

『望真你終於清楚你 無須不服氣
事實你不夠福氣』＊

>>January 16, 2005 at 9:56:52 PM GMT+8

2005 年 1 月 15 日 星期六 【乍雨乍晴】

哇...呢幾日真係幾涷～
尋日只係得８℃～今日就有９℃
尋日返到屋企都有做下功課～
不過今日就冇嚕^^"||
今日起左身～睇下電視咁就出左去
我同ＫＡＲＹ諗住用左Ｄ書券～

就係我落街既時候～～
無啦啦被人叮上Ｔ^Ｔ
有一個人無啦啦走黎叫我停一停~
佢話佢自己係綠色和平既人～
咁好啦～我停低聽下佢講咩
佢係想同我講關於基因改造食物既野
好在我上地理堂聽過少少啦～
所以我都唔洗佢講咁多野－－
咁佢後黎就問我有幾多認識咁啦
佢問：係唔係做緊野呀？
我聽到真係好意外．．．Ｔ^Ｔ
我個樣好大個咩真係...好似做野咩T^T
跟著我同佢講我讀緊書.....
佢又問：讀緊大學呀？！
我：唔係呀．．中學啦
佢：中７呀？
我：唔係呀．．．中五！！！
佢即刻無野講囉
我就更加無野講啦Ｔ^Ｔ
我一向以為自己就算真係大個~
都唔似係做緊野呀嘛......
佢最衰既就係重要由「讀書年紀」呢個咁樣掃落去囉
由大學到中5....我都唔明佢點解可以咁既＞”＜
我就係咁俾佢搞左十分鐘～
其實佢同我講咁多野都係想我每月支助佢地組織
不過可惜我冇個人戶口啦～冇得講
後黎我就去將軍澳啦～
我地一齊去左書局～
不過可惜啦～我搵唔到我要買既書～
唯有遲ｄ先買啦～
不過我有諗過買ｅｃｏｎ本參考書架
但可惜到呢家重未出中文版囉．．．
咁唯有就留番佢啦～

之後就返左教會～
今日係小組活動～
我地組有多幾個新朋友－－ａ
全男班．．．又全部都係中五
不過唔緊要啦～唔關我事
我地都係玩下遊戲呀～認識下咁
不過呢～我地玩卜傻瓜
唉～我就係咁係度笑～
因為佢地玩得幾癲下~
天麒就係咁俾人叫~因為只係識得佢^^"
呢個遊戲太刺激...所以令我係咁係度笑~~
玩完遊戲呀~去左食雪糕~
雖然幾涷下~但我好鍾意食雪糕嘛^^
後黎我就返左屋企嚕~
今日我唔想返崇拜呀...所以就返屋企~沖涼呀咁
雖然今日冇做d咩咁...
但都幾攰下~
岩岩好似有少少喉嚨痛~
好可能係呢幾日打邊爐啦~
「熱氣」搞到喉嚨痛啦
不過飲番d湯就應該冇野架嚕
嗯...今日就係咁先啦
唔想講野= =a

>>January 15, 2005 at 11:28:41 PM GMT+8

2005 年 1 月 12 日 星期三 【乍雨乍晴】

ｗａ～呢幾日都好少野做～
結果呢～我就好少溫書～反而係咁玩．玩．玩～
我自己都覺自己真係幾懶＞～＜
尋晚做功課都做到十二點＠ｗ＠
其實都係做ｄ問答做到好耐ｏ者～
結果就搞到好夜啦～
不過我都係好開心
因為：
最近我聽返電台～
都係因為岩岩記起自己可以聽電台
只要上網就搞掂～
我記得自己Ｆ．２既暑假係好鍾意聽電台～
果陣我日日夜夜都會聽架～而且都特別鍾意一個節目
我都想推薦俾大家～
就係星期一至五的晚上９－１２點
係香港電台第２台
呢個節目係由一個叫麥ｓｉｒ既人做～
佢係一個好好人既ｄｊ～
你可以打電話同佢分享一下自己既開心野或者唔開心既野
佢又會俾ｄ意見你呀咁
又或者教你一ｄ道理～
我真係好鍾意聽佢既節目
因為佢除左會播一ｄ好好聽既舊歌之外～
還有可以俾自己一個剖白既機會～
例如你想同某某講一ｄ野～
佢就會俾你講ｗｏ～
我覺得真係好好呀＞ｗ＜
我好鍾意好鍾意聽架～
而且真係可以學到野架～
所以尋晚我聽番時真係好開心～
而且重好想打電話去添^^"
不過我真係冇咁既勇氣～
或者如果唔係屋企有人係度～
我真係會打電話去架＞～＜
我好多野想講～都好想同人地講
可能我覺得咁樣同一個陌生人講野～會真ｄ啦
就係因為咁樣呢～我好想每晚都再聽番呢個節目～
唉～可惜係我就黎會考既時候先俾我搵番呢個節目～
我記得呢～自己講過我話好想係會考既時候打電話去
雖然唔知道會唔會有咁既機會啦～
但係真係好想好想＞ｗ＜

>>January 12, 2005 at 9:09:59 PM GMT+8

2005 年 1 月 11 日 星期二 【颳風】

一人有一個理想
曲/編/監製︰陳光榮
詞︰黃偉文

我 最嚮往是 日痴夜纏 情人身邊
為熱戀生活 並不在乎 人生膚淺
我最愛的是 盡握大權 立地頂天
事事要領先 怎麼可以 回顧心軟

合︰你若投入 就有我支持
即使志願我們難一致
但理想再不相似 亦可一人一種舞姿
接近盲目地對你支持 多麼幼稚任性也可以
若你想 你儘管試 想愛誰 想怎麼處事 未介意

我 最嚮往是 直衝直撞 潮流尖端
為 冒險生活 並不在乎 人家指點
我 最愛的是 為天下人 落力表演
但 願搏世間 衷心一笑 溶化積怨

合︰你若投入 就有我支持
即使決定我們難一致
就算性格不相似 亦可一人一種舞姿
接近盲目地對你支持 這些正是朋友那本意
若你要我的一票 只對人 即使不對事 亦賦予

>>January 11, 2005 at 9:54:08 PM GMT+8

2005 年 1 月 8 日 星期六 【颳風】

＊～以下單純發表意見！並無攻擊性成份～＊
最近呢～成日睇人地ｄ日記
好多比我大既人寫既野都十分有意思
佢地有ｄ就係讀哲學～或者諗野理性既人
佢地講野真係幾「玄」
哲學其實係解思考人類對某樣野既睇法
去研究點解果個人有咁既睇法
即係價值觀既問題咁
（以上是單純我自己對哲學既理解）
佢地會將一件事去研究點解果個人要咁做～
或者思考人生既意義啦
唔知點解～我覺得哲學只可以係為興趣
為左滿足自己既一ｄ好奇而讀既科目
因為當中既理論真係太虛無
要明白唔係個個人都可以
所以玩下～聽下就冇無題
因為大家可以分享下自己既睇法～
諗下自己同人地對於同一件事情既重點放係邊
聽落其實都好似冇咩問題ｗｏ？
但其實我自己覺得如果當成一個科目～或者一種技能
係十分困難同痛苦
試諗下～讀書唔係為工作咩？（當然有ｄ人唔係啦）
工作上係唔係真係用到呢ｄ咁哲學既野呢？
當然～我見識少，或者真係有呢
但一般黎講～呢ｄ哲學就好似孔子～孟子既思想一樣
讀左對於做人道理～道德既處理可能會好ｄ
但真係實際要用係工作既會好少
所以如果當是興趣就冇問題啦
但係～太過沉迷於研究哲學呢樣野都會唔好
因為如果成日都會為左一ｄ既問題
而去思考太多～唔係會更加複雜咩？
講真，人愈來愈大～諗野就已經好複雜
如果加埋呢一科既關係
而要成日諗太多問題
顧慮既野就會更加多
問題反而會更加更加複雜～甚至係迷失
睇通睇透既人～可能冇咁辛苦
因為佢地掌握左
但係有ｄ人反而就會諗得太多
我覺得咁樣只會令佢變得消極
其實談論哲學呢樣野我真係唔應該係度扮專家咁
好似搞到自己好叻～好睇唔起呢一科
其實唔係咁樣～
只係我都有自己既價值觀
對於我呢講～談論哲學就好似對於自己思考自己一樣
我呢ｄ野都應該算係哲學掛？
我自己就會覺得有ｄ野簡簡單單就好
唔需要諗得太多～
諗得太多只會浪費好多無謂時間
點解唔簡單ｄ～令自己開心ｄ呢？
人唔係要為左生存而出現
我覺得應該係為左享受生活而出現
諗得太多唔係搞到自己唔開心咩？
可能有ｄ人會覺得：你諗野咁天真架／你細個先會咁ｏ者
我其實重細個咩？識我既人都知我有幾大啦
我真係咁天真咩？
點解你唔肯承認係自己過於成熟呢？
其實有ｄ事情就係咁簡單
只係所謂既「大人」係要搞到咁複雜
係要搞到自己諗野好成熟咁
咁成熟做咩先？
人係應該係適當時間天真一下
係適當時間就應該成熟
而唔係無時無刻都要裝起「成熟」
如果問題係可以令大家都好過一ｄ
開心一ｄ～放棄少少野唔係更加好咩？
其實人最需要學習既～就係放低之嘛

不過呢～～
可能有ｄ人會覺得我係有矛盾
因為佢地會認為我係講一套做一套
睇完上面我講既野～有ｄ人一定會以為
：咁你即係叫我想做就去做～唔洗諗得太複雜啦？
前者一定唔係～後者就係既
如果因為想做就做而傷害左其他人既
咁點樣做到所謂既「大家開心」呢？
我地當然都要顧慮下人地啦
後者呢～冇錯問題唔洗諗得太複雜
因為你只要諗左問題既解決方法～決定左自己要點做既
咁當然唔好諗咁多啦～但請為自己既後果負上責任
因為有ｄ野係你自己決定左
你就要自己負責番～唔可以逃避、推卸
係呢度呢～我有樣野要同兩個人講
熊人：我唔知你明唔明我想講ｄ咩啦
不過我覺得就算有ｄ野唔可以自控既
你都唔可以唔識得分輕、重
你一向都幾有理性既～但對於個方面就真係冇啦～
真係請你記得為自己既後果諗得清楚ｄ～
ｋａｒｙ：唉～對住你我真係冇野好講
你份人一向都係衝動既～
一旦行左第一步就好難收
所以我呢家都唔可以阻你ｄ咩
因為始終我同你諗野真係有ｄ唔同～
你會覺得有ｄ野係要去試過～跌過既先得
但我自己就唔同～我會諗過考慮過先做
我真係輸唔起～呢點我認架
所以我先唔想叫自己輸～
不過無論大家觀點有咩唔同都好～
要送俾兩位既都係個句
「我始終都係你地既ｆｄ～點都支持你地既」

>>January 8, 2005 at 9:55:50 AM GMT+8

2005 年 1 月 7 日 星期五 【颳風】

＊倒數－３４日＊
聽到呢個數字～第一個反應係：沉重
我自己一直都唔會計呢ｄ野～
但好在有人提下我（阿ｓｉｒ）
如果冇人提我～我到時一定後悔死
因為我有太多太多野未做好～
係學校～我重有好多先生要同佢地傾計
講真～我覺得佢地真係俾左好多支持我（會考）
係朋友上～我有好多人都唔捨得
係學業上～我都未準備好
真係有好多野需要我去做
而我又未做
其實真係好大壓力（呢個３４日）
點樣可以開開心心過埋佢呢？
定係玩埋佢？
還是要努力涯埋佢呢？
真係有好多野我都唔知自己可以點樣去做
就算有人係鼓勵自己都冇用
因為冇人可以教我點做
成個屋企都冇人經歷過既
所以真係有ｄ無助
重記得阿媽個句：「你最好升到上中六～唔洗搵學校咁煩」
聽到真係幾傷心～
因為真係冇咩支持．．．
其實係心入面我都明白
佢地始終都唔明到底會考係點樣
又唔知到底會考對我既影響有幾多
所以我都唔可以怪佢地啦～
唯有自己爭氣啦～
（如果　天都迫我爭氣
離去　大概不會死）

都係唔好發癲唱歌－－ａ
今日派左數學～得４０分～（６０滿分）
我自己當然唔滿意啦
雖然有好多人唔合格～
而我都覺得份卷係可以做好ｄ．．．
只係我唔識做－－
不過今次數學我真係冇俾心機
所以低分係正常
唯有下次努力ｄ啦
雖然唔鍾意數學
但我都唔想多一科唔好～
我每次計數就會發癲－－
ｋａｒｙ話我會變左另一個人咁
我自己就唔多覺得呀～
可能係我自己計數時～真係癲癲地
我一計唔到我就真係想發脾氣
因為我已經諗左好耐都諗唔到
我對於數學真係好易放棄～
但係我都盡力學好ｄ～將我明既就記低佢
唔明既都要記低～咁樣會好ｄ
之後就到地理～
地理只係派左ｍｃ
不過真係幾差下～
得３０／４５
我見其他人可以３６呀咁～真係好想知點解
問下秘訣都好嘛^^"
其他就未派啦～不過肥仔樂話好似唔係太樂觀咁（歷史）
但我都唔理嚕～

今日最尾兩堂～我地中五服務大眾
係度大掃除～
我同ｅｍｉｌｙ就拖地～
拖完就去左阿ｓｉｒ執櫃～
ｗａ～～有好多歷史書我都想睇呀
之後執完櫃～阿ｓｉｒ就叫我同阿ｖａｎ去搵ｄ會考ｌｑ
唉～一聽到我就真係ｄｏｗｎ哂
要搵做呢ｄ　ｌｑ真係好難架
我都唔識既～而阿ｓｉｒ雖然係想我地學野
但真係好難～
阿ｓｉｒ成日話佢自己出果ｄ都比會考難
但唔知係「會考」兩個字搞到佢難～
定係的確難－～－
今個週末要係好多功課中渡過
睇黎～我真係開始要進入狀態！
呵呵～～努力努力

>>January 7, 2005 at 11:24:21 PM GMT+8

2005 年 1 月 6 日 星期四 【颳風】

終於～終於～都測完嚕～
真係好開心^^
雖然尋晚涯到成十二點都唔訓～係咁溫書
今日測歷史～好多都唔識
不過都唔理咁多嚕～
＊＊＊＊＊＊＊＊＊＊＊＊＊＊

新既一年～我今日特登去搵個另一個背景
大家覺得背景好唔好呀？
我自己都幾鍾意～
其實我有諗過換番花花
因為我仍然都係果句「金句」
不過都係時候要換下啦～^^"
唔係會覺得好悶嘛
遲下先再換花～
呢個背景睇上去會唔會好明亮呢？
精神ｄ～對０５都好ｄ^^

呢家好鍾意呢首歌～

＊被你當眾這樣抱起我
等別人眼紅著看我
我沒有收花　也得到結果
嚐盡先甜後苦也不錯

這情人身份 太令我虛榮
寧不顧代價始終等你　　是好勝或這麼好記性＊

＊幸運從開始 都不夠
甜蜜過一秒也好過沒有＊

我抽出黎既既歌詞～全部都好精髓
雖然未曾有人抱起我
未曾有人眼紅於我
但我的確沒有花卻知道結果
其實我都覺得自己有幸福過～有甜蜜過
咁樣～已經好滿足嚕
我諗有ｄ野始終都會改變既
唔知係唔係開始覺得有ｄ攰
我已經唔想再係這個迷宮中追逐
有時候我都會開始淡～
或者我真係唔適合太早去諗呢ｄ野～
好好咁去為自己既將來打算先岩～

唔記得之前有冇講個呢～
我最驚訝既係成日都有人以為我係有拍拖
或者有鍾意既人之類等等
原來我個樣真係有咁壞咩－－ａ
（通常早拍拖既人都俾「大人」稱為「壞」）
前幾日阿媽先同我講
叫我唔嫁都唔緊要～？！
最重要係自己照顧自己～
佢話呢家唔需要再講女人要靠男人呢ｄ理論～
做重要都係靠自己？
我聽完都呆一呆＠＠
真係估唔到佢會突然講呢ｄ野
我以為佢玩啦～
我：你咁講即係叫我唔好嫁啦？
媽：你好恨嫁咩？
我：．．．．．．
有咩理由咁講我架～＞＜
我先唔係佢咁諗～
不過呢個問題都只係講下笑ｏ者～
大家都唔好咁認真～^^"

講番最近既熱門話題～海嘯
我真係真係再忍受唔到電視經常播放果ｄ片段
我真係驚我自己有病
每次睇到呢ｄ片～我真係好傷心
我真係有時睇睇下都喊埋出黎～
我唔知道其他人會唔會咁～
我只知自己睇到呢ｄ都會好心痛
有好多人都會好盲目
到底係環境造成定係天生？
我記得凱西講過～
每個人都會有配額（眼淚）～如果有一日你哭不出～你就知道什麼事了
我唔知係唔係自己配額太多啦
每當我睇到呢ｄ片～
有時我都有祈禱～
我真係好希望神可以快ｄ幫助果度既居民～
因為呢種既災難不只令到當地的人有精神上的痛楚
就連對我地呢ｄ唔係當地既人～
都受住呢種精神折磨
我真係好佩服那些記者可以到當地採訪
因為要是我～我一定去到只在喊．．．
什麼也做不到～
其實看到這個災難～我真的好希望自己可以到那裡幫他們
我自己也很想成為當中的義工去幫助
雖然自己什麼也幫不到
但我也想出一分力＞～＜
或者是因為自己在金錢上的支持有困難
所以想用行動支持
不過算吧～還是希望快Ｄ過去
在０５年～
我不希望在災難的哀傷中過去～
我每次想到０５年～
就會記得當晚在時代廣場既彩紙在空中飄落既情景～
真係好浪漫～好令人懷想
所以～０５年應該係一年好浪漫～好開心的一年
雖然我仍然要面對著自己既會考．．．
但我唔能因為呢樣野而令到自己唔開心～
因為係新既一年嘛～

>>January 6, 2005 at 10:45:49 PM GMT+8