2004 年 10 月 30 日 星期六 【微冷】

尋晚好開心～
因為我發到個好夢～可以見到......ｋｅ～＞ｗ＜
我見到學校啦～見到佢～
ｗａｗａ～～我真係冇諗過架
佢同我關係咁密切～我諗到只有係發夢先有可能
我見到邊個？咪係陳永仁ＸＤ
我始終都好鍾意梁朝偉做陳永仁
因為佢真係做得好靚仔又做得好勁架！！
比起劉德華，佢係最ｔｏｐ果個＞ｗ＜
發夢見到佢真係由心到甜出黎～～～
＊＊＊＊＊＊＊＊＊＊＊＊＊＊＊＊
今日同ｅｍｉｌｙ去左中大
ｗａ........我咁大個女都係第一次架o乍
我都唔知原來中大就係咁@@"||||||||
雖然我唔係行哂所有地方
但起碼我真係識左好多野～
我同ｅｍｉｌｙ都扮中六去睇下到底係咩黎
其實呢家先中五.....去睇呢d野又好似早左d......
但係我覺得睇左又真係對自己好好多既～
我決定左架啦～我諗我真係會在社會系到揀
因為我真係比較適合做一ｄ對「人」既工作
今日去左玩一個睇下自己適唔適合做社工既測驗
做完之後就搵左個果ｄ社工系既畢業生解答下
佢都話我幾適合做呢樣既工作
我初時諗.......如果我呢個測驗反映出黎係我唔適合
咁我就決定要死心架啦～
不過好開心～連果ｄ社工都話我有咁既能力
只要我努力ｄ就應該得＞＜
現階段係要過左會考佢～
同埋搞點個ａｌ＞”＜
我一定要讀到大學～！
......ｅｍｉｌｙ佢成日都話睇好我
只要我英文再好ｄ～入中文一定ｄ都唔會好難
其實我又點有可能ｗｏ
我英文真係好差～雖然中大真係好好
環境好舒服啦～又有好多設施
如果入到呢度真係幾好～
不過我自己知自己事
一黎自己既成績要入到中大真係好難既事.........
二黎就係我既英文真係好差～
要英文授課.......我真係死無葬身之地......|||
我諗英文會係我最大既障礙～
不過點諗都冇法......好好搞點會考入返原校先講啦

今日係最後一日練歌～
聽日就要比賽嚕
其實我自己就冇咩信心會搞點既～
不過我諗應該冇問題掛........
盡力就得啦......
今日我都遲到先返到教會
好在岩岩返到佢地就練歌～
我都叫ｏｋ啦～
唔知係自己個樣真係好大個.......
定係著衫太老......
今日係電梯俾陳姑娘問我＜有人叫佢陳姑娘我先識
「你出黎做野啦？做緊咩呀？」
我都唔知點答佢........=0=
我話我讀緊書.....跟著就出電梯....
再答多佢一句中五........|||||||
唉......我明既...自己真係好老好大= =||||||
但未去到做野掛.......|||
因為我連暑期工都未做過=口=|||||aaa
不過算啦.......|||||
今日一樣叫到好多黑人憎既人......
d人咁扮野就去電視台啦......
唔好返黎教會阻住地球轉啦= =|||||||
諗起呢班人.....我就覺得佢地影衰哂我地d女仔="=
完左成長班我同kary就留低傾埋個週會d遊戲......
我地好辛苦先諗到5個.....
我諗起碼都要諗多3個.....留一d做後備就ok
我地就係咁留到7:30pm.......
期間我地都唔知做咩.....
佢就係度玩.....我就諗.....另一個就彈琴
我呢家先發現到原來男仔玩樂器係有d吸引力
好似今日男仔玩小提琴果陣
我真係覺得佢好勁架～
我好欣賞佢地～好鍾意聽同睇佢地既表演
潔恩彈琴好叻～我真係好想好似佢咁........
但我一定冇可能好似佢咁.....但我又好想學wo= ="
今日我突然之間無意中聽到一首音樂
之後我就極鍾意～！！
係＜我的野蠻女友＞入面女主角彈琴要男主角獻花個度
我估唔到佢學琴學到６級＠～＠
一個男仔學到咁高級都差唔多啦
佢無啦啦彈起呢首歌～
我聽左幾次我就極鍾意........|||||
係用超級鍾意黎形容.......
唔知點解我聽呢隻曲既時候
個心就好有共鳴咁.....首曲好似將自己心入面d野講俾人聽咁
其實聽呢首曲....本黎應該會係好浪漫
但唔知點解自己浪漫唔到.......
反而對諗既係之後女主角竟然係同男主角分手........
我諗到果度就會好唔舒服～
我覺得女主角係好想鍾意男主角.....
但又因為自己未放低過去而唔敢去愛
果種想去做而做唔到既感受令人好無奈又痛苦
有機會或者都去聽下.....
你就會明白點解....會係咁樣
kary問左我一個問題.....
佢係巴士站問我呢個問題既時候我真係唔識點答佢
但我呢家覺得唔係冇可能既....
呢首歌真係俾到我好辛苦既感覺.....
同樣我又覺得佢無意中彈呢首曲...
好似令我覺得唔知點咁......||||
我唔知呢d係唔係所指既果d.....

>>October 31, 2004 at 1:24:24 AM GMT+8

2004 年 10 月 29 日 星期五 【微冷】

終於到左星期五......
呢家我雙眼都已經好攰.....
好想合埋佢= ="|||||||
不過我又好想打埋呢篇日記佢.....
呢個星期真係唔知點過.......
但呢家都過左嚕.....
下星期將會重痛苦......但我相信自己都可以過埋
既然要過去既...點涯都可以過去既......
我會好努力.....既
尋晚足足要溫兩科....溫到好夜
其實我都唔知點解自己會溫到咁夜........|||||||
一黎歷史要測整個一次大戰........= =aaaa
二黎中文要測詞四首+新詩三首.........||||||||
即係中文要測７課書.....
結果尋晚就溫到癲左.......
我自己都唔明白點解自己比其他人溫既時間少
但都算叫做溫得ok......|||||
可能係我有問題= ="|||||||a
由食完飯開始就溫到12:30am.....
之後我就要去訓嚕...
講真我真係唔可以溫書溫到二點三點......
我一來溫唔到...兩來我涯唔到= =a
我一定要11點前訓既....<<平時
所以我係冇可能得到二點三點訓......||||||＜懶訓
結果係我訓既時候.....我就惡夢開始
我好記得我又發夢被困係電梯中......|||||
我都唔知點解會發呢d夢.......
我只係嘗過困係電梯一次....就搞到咁大既影響
每次發夢都會好擔心電梯會跌下去......
唔知呀....搞到我有d畏高咁
＜－上次我係夢見果ｄ冇窗既但有風吹過黎會搖果ｄ電梯.......|||
而尋晚最恐怖既地方係我想唔發呢個夢......
但我醒唔到.....不斷繼續呢個恐怖既夢.....
好在我冇夢到跌落黎...唔係我一定會一邊發夢一邊大叫..一邊喊..........|||||||||
＜－好細過既時候曾經試過一次
結果今日其實精神都唔係好好........
唉...........|||||所以中文同歷史都測得唔係太好
不過測完我就唔會再去理
通常都唔會再介意....反而對之後一科更緊張
「知來者之可追」.....差唔多啦|||||||
============================
其實我同veyanna都太似啦.....
估唔到大家都係有咁樣既經歷
不過有些事沒辦法可以自己決定
不如就放棄唔好諗咁多啦......|||||||
真係好無奈.....同埋身心疲乏.......
「為何坐到那麼近　卻想得這樣遠
若命運叫我只懂喜歡你
但願亦有幸懂得留住你」

>>October 29, 2004 at 11:00:18 PM GMT+8

2004 年 10 月 25 日 星期一 【微冷】

嗯.....呢幾晚諗左好耐
其實有d野都係唔好太幻想好
可能放低佢會對自己有利....
倒不如就『重新開始』.....做番我自己？
其實懂得放手可能先係智者既做法
不如就當作我一直都無諗過呢樣野啦.....
春秋大夢.....唔係人人可以發
發過夢...有過回憶就足夠
無必要迷戀住永遠唔可能發生既野
「大概這算是迷戀，這路程得幾分鐘真是太短」
．
　　　　　　　　．
　　　　　　　　．
「如若過去我太在乎　相遇別離　請准我預備
從來未吻你　卻已學懂去被忘記 ﹏﹏＊」

>>October 25, 2004 at 10:48:18 PM GMT+8

2004 年 10 月 23 日 星期六 【炎熱】

今日好早就起左身～
我一起身就去做功課
因為我知今日去完街就冇心機做功課
做左兩樣功課就出左去尖沙咀唱ｋ
我本來約左佢１１：３０
結果最後......１２：００先見人
係呢半小時入面.....我見盡太多香港人同大陸人相同既野
真係估唔到我只係一個手無寸鐵既女仔......都會俾人咁樣對待＞＜”
我岩岩好１１：３０到左地鐵站
我知佢冇咁早黎架啦～於是坐左係月台車尾既長凳上面
初時真係好悶......無了期咁等
之後有人坐係我旁邊.......又有人從我旁邊走開左
走左幾個之後....後來一個叔叔坐左我旁邊...
我都無理佢既....佢等車我等人之嘛
再後黎有位阿嬸坐左埋黎.....
佢講野我聽得唔係好明<<大陸黎=口=||||||
佢叫我幫佢整錶......|||||||||||||||||||
佢隻錶唔知點解計緊時....
於是佢叫我幫佢整番...|||||<<我諗唉....算啦
之後整完佢就講左幾句唔知咩....就去左坐車
我就繼續等人.......而呢個時候已經又有人坐係我旁邊...
呢個都係阿叔....|||||
點知佢一坐黎我就大件事.....|||||
無啦啦一班人<大陸人>係我地附近
跟住有個阿嬸好似發現左d咩野咁....
走黎我果度.....同我講左一句野
但我只係「ｏ下？」跟住我都未知咩事
佢就已經坐左係我同阿叔既中間.........T^^^T
我成個俾佢迫左出去坐....＞”＜
雖然都係坐到......但我係被人迫出黎架＞”＜
之後我好無奈繼續坐.......
因為我諗唔到我唔坐落去係月台可以做到ｄ咩.......<跳軌嗎？>
後來果班人又走左～
我諗住都唔會再有事發生啦
就繼續坐係度～期間又係又幾個人坐係度又走左
但之後有一個人佢應該係送貨
拎住好多野住左我旁邊
佢之後係度睇馬經........||||||
我都已經冇咩點樣理佢.......
繼續坐係度.......
之但係跟住又有一個人拎住好多雜誌既人<<又係送貨既
我唔知佢地係唔係識得啦
只見到佢地講左一句野.......
跟住果個人就迫埋黎讓多個位出黎俾佢坐＞口＜
世上邊有咁既人架.........
如果係我都會覺得唔好意思啦！！
點可以係一張咁細既長凳容納３個人
而且點解係半小時內發生係我身上！！！
我即刻好嬲咁行開左＞”＜
呢兩個咩男人黎架
明明我坐先架嘛......點可以迫我走架＞”＜
好黑人憎呀.....我驚我今次再唔走
一陣就遇到變態佬＞”＜
呢半小時真係令我覺得好唔舒服
早知我寧願繼續搭地鐵去上環都唔坐長凳＞”＜
之後佢終於都黎啦～！！！！真係激死我
要我等半小時呀～呢半小時真係令我心靈受創
跟住我地去左ｃｅｏ唱ｋ～
好耐冇去啦.....足足有成個幾月冇咩點去街
真係玩得ok開心"既"...|||||
唔知我今日係唔係太醜樣定係著衫太差......
次次果個服務員入黎都會氣氛怪怪地
老公係佢走左就講左句「佢望夠未呀」
不過我又真係唔知佢望咩.....老公就話係咁望住我
一定係我剪頭髮剪得好難睇啦＞＜
不過我又冇直望佢ｗｏ～唔知佢到底係唔係望住我
可能係望住老公ｏ者～
下次都係唔好咁著........睇黎唔係咁好睇<條裙短?定係我高左?>
睇黎我都就快做預言家嚕.........|||||
跟住我地返左教會～
我係返教會之前就已經講左
果然真係俾我講中而且唔係咁簡單添～
算啦～都唔關我事既
如果係我自己既事可以咁樣講中就好嚕..........
唉....我都冇咩心機返教會
因為呢家教會咁複雜......
我都覺得要成日串人先可以為自己立下強勢
如果唔係我一定俾果班人蝦死.....
佢地自從返左幾星期o者......
已經將教會玩死左......
成個成長班都好混亂........
我真係唔想再同佢地糾纏
聖經好似話過其實係教會裡面個個都係罪人
所以教會其實入面先係最複雜～
而呢班人搞到咁樣更加証明佢地真係罪人ＸＤ
我真係好唔明點解要選擇返教會去識男仔
不真係一樣好既方法咩？
我真係睇唔過眼啦.......眉來眼去真係令人感到好難受
我好明白家琪真係一個好男仔黎既
成個成長班中佢都係最好果個
但佢ｄ浪蝶都真係好黑人憎
練緊歌得佢自己一個無啦啦笑
而且重要係企出黎俾全世界見到佢係度笑囉
我知人地好勁～好有才華
可以指揮又可以彈琴
但唔可以識少少扮代表
有時候要識分尊卑
潔恩無啦啦就要俾佢點黎彈琴.......
指揮真係大哂咩＞＜
我寧願冇指揮呢樣野～！
真係好黑我憎呀佢＞”＜
好在我今日都當自己拎番ｄ彩
起碼我俾一ｄ認唱得大聲又唱唔到既人好
我覺得我只要把聲開左就可以好高音咁唱歌
我好開心自己有一把唔係咁好不過大聲既聲帶
下星期我真係要出番淡氣～
我知自己係好要面架＜獅子座嘛
我唔可以衰俾呢班人既！＞”＜
除非佢地有野令我心服口服啦！
唔係唔洗指意我會認同佢地～
出年佢地玩哂成個成長班架啦～
但唔緊要～我都會升班.....我唔會再同佢地一齊！＞”＜

>>October 23, 2004 at 10:32:58 PM GMT+8

2004 年 10 月 22 日 星期五 【炎熱】

哇哇～今日好懶呀＠ｗ＠
今日成日都訓覺～
訓足好耐又玩........||||||
真係好曳＞ｗ＜ａ
我發現左一樣野~原來冇野係唔可以去習慣
從我去習慣出現～
到去慢慢習慣消失
當中既過程好似好寂寞
但我會發現其實唔夾既就係唔夾
到呢家再同你傾計已經再冇果種興奮同衝勁
漸漸變得只係閒話家常
我唔會再去驚你～或而我會覺得咁樣係一件好事
其實大家都只不過係係對方生命中既一個身影ｏ者～
我唔會再去介意ｄ咩
因為我點樣都唔可以將一個影子去變左我幻想既人
＊＊＊＊＊＊＊＊＊
從我去習慣出現
到去慢慢習慣消失
好似成日都好想見到你
唔知幾時學左要將身邊每個人都幻想成你
到每次都失望撲空
但從未消失或者放棄呢個幻想你既希望
其實真係好傻瓜
但我就係一個傻瓜黎
習慣左你待我既方式
我就只容許你咁樣待我
＊＊＊＊＊＊＊＊＊＊＊
從我去習慣出現
到去慢慢習慣消失
係每次自己溫書既時候
我從黎都冇諗過為左ｄ咩野去做
都冇去諗呢個問題
因為我知道諗呢個問題會令我自己既意志軟化
我會不自覺想痛哭
慢慢習慣唔去諗呢個問題
我係每次溫習都唔會再諗呢個問題
我真係好專心致志去做好自己
只有係夜闌人靜既時間我先會再諗起
原來就算有沒有人支持下
我依然都係軟弱

廢話講完－－ａ
唔好理呢段野....一時有感而發XD
@~@真係好擔心d書幾時先有心機去溫.......
我真係好似未開工咁.......
歷史上年果d都未溫......|||
上年既地理同econ都未溫.....||||||
中文就有測驗溫.....|||
數學就完全冇溫/=口=\
咁我應該點算好呀～～～～
我真係唔識點樣去安排自己既時間
加上我從來都唔用時間表做野既......||||||||
我真係唔知可以點＞～＜。
當有一排成日都溫書做功課
我就開始覺得好煩同埋迷失
我唔知自己應該點樣繼續做落去
甚至我唔知自己應該點醫去推動自己做得更好
開始諗「不如算啦？」
但我又知道唔可以喎＞”＜
有時候重衝動到諗不如唔讀書去做野........||||||||||||||||＜我知自己係痴線－"－
不過真係控制唔到丫！
＊＊＊＊＊＊＊＊＊＊
今朝睇左容祖兒既演唱會～
佢以前ｄ歌唔係真係好好聽
不過佢真係好勁既～好努力
雖然我唔係好鍾意佢
但佢ｄ歌真係好聽既～
英皇咁捧佢...佢一定好掂既
呢幾日搵左古巨基既live音樂會~
我覺得真係好正＞ｗ＜
我覺得佢真係得架～～
佢唱歌唔錯而且只係一直都冇人捧佢之嘛
不過佢今年出隻呢隻新碟就勁紅
因為佢隻碟ｄ歌真係好好＞ｗ＜
如果佢遲ｄ開演唱會～我一定會去睇！！
就算係會考都要去＞．＜

>>October 22, 2004 at 10:18:04 PM GMT+8

2004 年 10 月 21 日 星期四 【炎熱】

今日係水運會呀～～
我好開心好開心～
因為好可能今次會係人生中最後一次參加水運會～
雖然事實未必咁灰暗既～
但我真係估唔到岩岩入黎好似傻傻地咁既我
就由一去到呢家既中五囉～
時間真係過得好快好快＞ｗ＜
我地班中五真係ｗｉｎｎｅｒ黎架
即使我地冇贏到啦啦隊比賽
但係我地完全係當中既冠軍！
我真係好耐冇見到我地級咁英偉啦＞ｗ＜
我地真係叫得又齊又落力架～大家都好齊心
我真係好興奮＞﹏＜
可以咁樣癲左一朝～真係咩都鬆哂
我覺得我地最掂唔係級社既啦啦隊
而係我地４ｄ～應該係５ｄ先岩
５ｄ　ｉｓ　ｔｈｅ　ｂｅｓｔ！
我地真係好齊心為肥仔樂打氣～
可能佢咁受我地班歡迎都係因為佢真係好錫我地班～
佢咁錫我地，我地又點可以唔俾ｄ支持佢呀～
不過佢游水真係慢左ｄ呀～～～唔夠其他男老師勁既
無他既～佢肥丫嘛～只係識得浮ＸＤ
但真係叫到聲都沙～我地班係最高既看台叫落去都有人聽到
真係証明我地勁啦＞ｗ＜
本黎尋晚咁夜訓我應該好眼訓好眼訓架～
不過叫完就咩都醒哂～因為身邊ｄ人都係度叫～我都精神哂啦～
之後就好快番左屋企煮飯先嚕～～
我發現自己真係好冇用架～
成日都喊既＞”＜
尋晚我睇左點點ｓｅｎｄ給我既動畫＠＠
果個動畫好正架＞～＜
尋晚影到果度岩岩好感動
跟住我就一路睇一路喊＠＠
雖然唔係喊出聲果ｄ
但都好喊得厲害？！
我都唔知點解自己會咁架........
有咩理由明明只係動畫黎之嘛
又唔係真既.......點解自己要喊呀？！
可能真係講到果個女仔好慘啦
所以我先會係咁喊＞”＜
前幾日係台灣發生既九份車禍
ｄ人個個都好慘架＞＜
結果搞到我睇到佢地係新聞咁......我都真係想喊
我一諗起如果我係當中其中一個......我真係唔敢想像
我連最後想同屋企人講既說話都未講......就要死得不明不白咁
又或者連親人最後一面都見唔到就要死......
如果係我都會唔甘心...
而且我係傷者既屋企人我都會好激動...控制唔到自己
如果我係傷者既話.....我一定會重係好驚
我諗係就死既果一刻你一定真係可以見到好多野
你可能見到神...見到某人曾經係你生命中最重要既一個
見到好多好多野......甚至見到天國既大門
唉.......世事真係難料。
＊＊＊＊＊＊＊＊＊＊
尋日無啦啦講起星座既問題
因為阿雞手中拎左一本天瓶座既書
跟住大家就討論星座問題
但之後就有好多人懷疑我到底係唔係獅子座.......|||
我真係獅子黎架....||||
但佢地都話我唔似.....我好似處女座多d
可能我既性格唔係自大、有自信、自私、鍾意領導人果d人囉
佢地反而覺得我似其他都一定唔似獅子= =|||||
不過我自己就覺得星座呢樣野好難講準同唔準
因為每個人既成長唔到既
唔同既背景長大下....就有唔一樣既性格嚕
＊＊＊＊＊＊＊＊＊＊
戀愛同結婚其實都只係想搵個伴侶，所以不論異性或同性都沒關係
＜＜呢個係聖經堂既其中一個討論題目
星期二果日討論左好多呢ｄ野
我當然唔同意啦～我接受唔到自己會鍾意女仔－－
而且我從來都唔覺得果ｄ女仔叫「型」囉
戀愛同結婚雖然係兩樣野～但最主要既目的係互相學習
人生中有好多野俾我地學～
而有一ｄ野要自己去經歷既
但有一ｄ就要同人地一齊先經歷到
戀愛同結婚都係咁～
「為左了解更多對方既生活習慣，你會選擇同居定係結婚？」
＜＜當然係結婚啦～因為結婚後要學習既就係呢樣野
要學習你點樣去互相包容，互相協調
如果因為驚大家生活習慣係婚後有問題先嘗試同居
咁樣係絕對唔可以
對於一個女仔黎講.....咁樣會破壞形象
而且都係好危險
我自己就覺得結婚既係一種代表自己經歷另一個人生既開始
而且都係一種新生活既象徵
所以兩樣野係好唔同架.....
<<講真...我都覺得自己係好傳統思想既女人

>>October 21, 2004 at 3:58:35 PM GMT+8

2004 年 10 月 17 日 星期日 【炎熱】

今日呢.......早起身就開始做功課
唔知係唔係少功課＜星期五同星期六都有做
所以今日好早做哂功課＞ｗ＜
不過當然我冇做歷史ＤＢＱ同ＬＱ
ＤＢＱ冇帶番屋企.....ＬＱ又懶......唔想做
而其他就做哂嚕＞ｗ＜
但我真係好放縱自己
我決定今晚唔溫數學～
雖然我數學唔叻呀～但都叫ｏｋ啦
我今次真係唔想溫數學＞～＜
最多睇１０分鐘就算數
因為我真係好想玩下.........|||||
所以今日只係背左書就算嚕
其他野？咩都冇溫過又冇睇過
一陣ｄｌ埋個歷史mindmap就算數～
我都覺得自己好衰架～但一次半次就願諒下自己啦.........||||||＜測得差就死
今晚阿媽冇番黎煮飯......我要幫佢煮@@
咁大個女真係炒菜都唔識......|||||＜我只係識炒飯－－
今晚就試下炒一次菜咁多.........
好在屋企有d豬肉～而我又搵到蒜頭
咁我就可以扮下野好似阿媽咁爆下ｄ蒜頭＞ｗ＜
因為咁樣整出黎好番好正架～
我整果ｄ豬肉就熟哂跟住加埋ｄ菜
炒埋就搞點＠ｗ＠
我同細佬講：我唔知熟唔熟架～食死你唔關我事ＸＤ
不過真係幾正既～ｄ豬肉最好味＞ｗ＜
好在只係整一餐o者～唔係我竟真係唔掂嚕～
可能會考完就真係要學下點樣煮飯先得ＸＤ

>>October 17, 2004 at 11:04:22 PM GMT+8

2004 年 10 月 16 日 星期六 【微冷】

咦呀＞︿＜＃
我今日剪左頭髮.......超難睇呀＞”＜
我冇諗到會咁短架.......||||||
搞到呢家個頭好怪丫＞”＜
我真係唔想見人啦～～
真係好難睇.......
我只係叫佢唔好俾我d頭髮整到隻眼之嘛....
佢就剪到太短......|||||
一定係初頭佢剪得短左...搞到一長一短...
所以佢就剪到咁鬼短＞”＜
Ｔ．Ｔ好可憐呀我......真係諗唔到返學時有咩景象.......
算啦.......|||||
我諗好快會長番o既.......＜自我安慰中＞
講番今日先....kary佢病左啦
唉～佢呢個星期成日都咁夜訓
當然會喉嚨痛啦
不過我都有少少喉嚨痛.......
可能好少飲水又成日講野掛.......||||||
我今日剪完頭髮就返左去教會.....
雖然都知只得自己一個返架啦
不過都冇所謂啦....成日唔返好似唔係咁好
點知......今日係睇聖經......
早知我唔返啦....我今日都唔係訓得好夠
一路聽就一路想訓.....
其實唔想返去重有其他原因o既...
不過算啦...廢事講
總知教會呢家就好混亂啦.....
雖然有咁多新朋友返黎係一件好事
但我唔覺得真係有人返黎係為左接觸神...親近神
教會冇錯係可以認識朋友既地方
但一定唔係俾果d人認識「異性」既地方！
其實我研究左好耐點解佢成日都要針對kary～
我岩岩問左佢佢又話：幾時有呀
我同佢講kary憎佢.....
佢又話由佢僧囉..........|||||||
我真係覺得超級有問題
點知我同kary講既時候...kary俾左一個唔係理由既理由俾我
就係佢唔抵得我同kary咁fd咁熟= =|||||
真係好答案.....予欲無言|||||
呢家搞緊教會既義工週
好多野都要煩..........|||
不過最辛苦既都係kary既
第2就係我啦......我地兩個成日都要諗d錢同人既問題
而佢同天麒就成日都唔理唔出聲＞︿＜
今日我同佢一齊搵美雲.....
佢一句都唔講野囉....|||
得我自己係度講.....佢真係好衰＞”＜
諗住佢唔會咁樣架嘛.......
點知個個男仔都係咁....
我真係覺得好失望－－"
早知上次唔搵佢幫手－．－
重有好多功課添.......咩都未做－－
又要去準備拼命！
→sandra←
祝你生日快樂呀～～～＞ｗ＜

>>October 16, 2004 at 7:57:49 PM GMT+8

2004 年 10 月 15 日 星期五 【微冷】

今日終於都到星期五囉～
呢個星期雖然唔係日日測驗呀
但我真係要準備佢要測驗ｄ野
其實都幾唔掂架～
阿ｓｉｒ又話要測一次大戰.............
但我係又搞唔掂wo.......
我問左佢架啦＞︿＜
我問佢我搞唔掂.....超混亂....
佢就話：「一次大戰係咁架啦.....
你溫下書...唔明黎問我啦
其實最複雜只係ｄ關係o者。」
唉.....唯有呢兩日做DBQ同埋LQ好好溫下書啦
咦丫～～！！＞”＜
點解呢兩日都重有不明來電架！！
真係好唔明點解會咁架呀......
好黑人憎.....架
打黎我又冇得聽...唔知係邊個
又想知wo........
d人又唔會考慮留言wo＞～＜
唔通日日都有人打錯電話咩.....
冇可能架嘛＞”＜
算啦.....下次我關左佢＞～＜
講番今日ｄ野先～
今日真係特別「眼淺」～
其實一向我都眼淺架啦，都唔係第一日既事
今日ｅｍｉｌｙ同我一齊食ｌｕｎｃｈ既時候
我同佢講番以前自己細個ｄ野～
我記得呀.....我都冇同阿丸講過呢d樣...
因為從來我都唔會係學校提到呢d野既
係學校又點會同阿丸講丫........
但我都估唔到我竟然係會講俾emily知
而且佢係第一個啦......
我講左由我出世到小學既野俾佢知～
其實自小都係咁過～
今日講番起以前既野我又會覺得既係幸福但都係辛苦
我明白到咩叫「審容膝之易安」＜＜今日測驗ＸＤ
但係呢個都唔會再有咁既日子出現嚕
人愈來愈大，好多野都會改變
我講左好多以前我住既屋.....
我冇其他人咁幸運有人接放學呀咁....
我記得有一次落好大雨......
冇人接我放學....結果係放學既時候我要扮有人接我咁....衝番屋企
因為我果陣時落咁大雨唔可以冇人接
但我知道自己係冇人接架啦....所以就衝番屋企
唔知點解..果陣時我唔會覺得係有問題呀...
我冇唔開心呀...冇叫媽咪黎接呀之類<<唔記得有冇啦
但係呢家就好羨慕.....妒忌
因為我知真係呢一世都唔會再有機會....||||||||
講番正題先～我就係咁同ｅｍｉｌｙ講左好耐
根住佢講果ｄ野真係令我好開心好感動架
雖然係佢講果陣無啦啦問我係唔係想喊
但果陣我的確無諗過喊呢個問題
但佢一講左之後.....我一路聽落去..一路個心都喊緊
佢講到呢家佢就好似同我有個相反咁......
我好似搵到自己既一d目標...
一d我呢家要去做既野....
而佢呢家相反就迷失左....
佢唔知自己應該有d咩目標要去做
佢唔可以好集中意志咁去做自己想做既野
溫習呀等等都會....
而我就反而會係迫自己好緊既人...希望自己達成一d目標
其實佢真係講中哂我心入面d野....
我知自己係果d不滿現實既人...
我不滿自己既生活
屋企既關係...
同埋自己.....
我為了解決呢d咁既問題...
我通過讀書去解決....
我承認自己係果一種認為只有讀書叻...勤力就可以幫我去解決我不滿既野
但其實我知係冇可能架......
因為讀書叻...唔會幫到我解決佢地
錢唔重要咩?錢係好重要....我知自己會將一d野諗為
讀書叻=賺錢多=改變生活=改變家人關係
↑我都覺得自己係有d問題....但我就係已經認定左會咁樣....
結果emily講左出黎....我真係覺得好似俾人提醒左點解我呢家要去讀書......
過左lunch之後~
就係我地整水運啦啦隊打氣d道具~
咁我一向都係有碗整碗...有碟整碟啦...
人地講咩我咪做咩囉.....
結果就俾阿sir罵我白痴.........||||||||
話我根本唔洗咁整呀....唔需要咁傻.....||||||
之後就個個都差把嘴罵我蠢= =
唔知點解我就白痴咁...笑到喊左出黎
當然唔係喊得好勁呀果d咁啦.....
只係真係無啦啦係度喊= =|||||||
我諗係一方面我係笑緊....
但其實都喊緊......阿雞無啦啦講果句野真係好hurt.....
我諗無人會希望其他人咁樣講.................
算啦...佢一時口快快o者....我都唔會怪佢既
但我真係覺得自己同蘇生冇咩分別...
佢又係有時突然笑到喊既......@@
同我咪又係差唔多......
不過只係我唔係成日之嘛........
我最多咪感動..刺激..傷心之類...
今日聽日講.....通常人係最熱鬧過後都會覺得好down
因為好空虛.......
而我呢...都係一樣。

>>October 15, 2004 at 11:47:00 PM GMT+8

2004 年 10 月 13 日 星期三 【微冷】

呢幾日都涼左好多～
我又唔係好夠衫＜我件長袖冷衫重未買啦
結果成日都要涯涷ｗｏ～
冇辦法啦～我都未儲到錢買
我唔想成日都叫阿媽俾錢嘛～
雖然我唔係有野做呀咁
但一日慳下慳下都唔係唔得既～
我日日都有ｅｍｉｌｙ陪嘛～
咦呀＞”＜
我真係好想知邊鬼個日日都用未知來電打電話去我手提＞＜
我自己既電話又唔可以打番去ｗｏ.......
個人就成日都打黎........"＞．＜
結果係今日就真係有個人打黎＜晚上十點幾
我立即聽電話＜－上次我一聽就收左線
今次終於有人聽！！
＊＊＊＊＊＊＊
我話：喂？
佢話：喂？
之後唔知點解收得唔好....我喂左好幾次
我話：喂？
佢話：喂？係我呀～我打番電話俾你
我話：下？請問你係邊位？
佢話：我係小夫呀＜小虎？我聽唔清楚＞
我話：唔好意思～我諗你打錯電話.........|||
佢話：呀？唔好意思呀咁
我話：唔緊要～ｂｙｅｂｙｅ
佢話：ｂｙｅｂｙｅ
＊＊＊＊＊＊＊
哇.........我都覺得自己係有問題
連佢都係有問題＞＜
我未試過同個陌生人講咁耐都唔收線＜＜起碼廿十幾秒
我最估唔到既係佢會講ｂｙｅｂｙｅ@o@
通常d人都唔會講byebye架@@
我諗佢一定係打俾女朋友啦～
唔係點會講咁既呀～
講左咁耐都認唔到我把聲唔係佢要搵既人........||||||
我把聲咁既....係人都認到啦
不過真係好鬼白痴@@"|||||||||
佢唔會成日都打錯電話先打黎俾我掛？
不過我電話又冇人聽囉～
因為已經成日都係咁架啦＞＜
真係可惡.......打唔到去問邊個打黎！＞”＜
唔會係一ｄ人玩電話掛？
不過有咩理由係人地返學打黎架.......
好在我係放電話係屋企唔帶返學既人o者
唔係好易犯法@@""|||||||
講開又講.....
今日睇左一陣小說........
我諗左一個好白痴既問題
就係點解d女主角同男主角都係好好.....
好似冇野可以比得上一樣.......
但係點解從來都唔會將目標放係一d平時唔起眼呀...
一d都唔突出既人身上呢？
我真係覺得好怪........
不過小說呢樣野....係作者寫既
好多人都會想將自己現實中沒有既放係小說入面
可能就係因為咁樣...將d小說變得更完美...太理想掛........

>>October 15, 2004 at 10:20:28 PM GMT+8