2004 年 9 月 25 日 星期六 【清涼】

今日搭地鐵既時候.....
成日都會亂諗野.....
我未做哂功課....未溫過書啦
星期一要歷史----中國+日本
兩個一齊測....即係我又死路一條
聽日努力d溫先得........|||||
岩岩睇左人魚之森....
勁好睇.....T^^^^^T
又刺激又緊張.....雖然有少少恐怖
但沒關係～真係好好睇！
點樣好睇？當然係對於人魚呢個傳說
高橋留美子太厲害！可以諗呢個構思出黎＞ｗ＜
講番第另一樣野先～
關於邊個既....我唔講嚕
你應該明既～
＊．．．．．．．．．＊
其實係你錯過之後～你就應該知道你未必可以得番佢
當初你唔好好珍惜，今日別人有了其他的
你又何必再去追問？
一句呢一刻鍾意唔鍾意重可以係咁重要？
已經唔重要了～因為佢已經唔再鍾意你
而且都已經同你講清楚
就算佢之前講過幾多次鍾意你都好
呢一刻佢既然要同你講清楚
你就應該灑脫ｄ
你話你冇哂尊嚴，當然我知道係真
因為你真係好鍾意佢........
但你鍾意得唔太理智
你唔清楚自己到底在做什麼
我好唔明白點解一定要令佢講自己既感覺你知道
對我黎講唔講俾對方知道係有原因
1)我只係想鍾意佢...我不強求要對方要鍾意我
2)我只想默默去付出這份愛,我不希望有回報,
因為計較回報的就唔係愛,咁就唔會好似對方欠你咁
而你呢？你選擇勇敢去講自己既感受俾佢知
係一件好事！而且好勇敢
但真係好必要知道對方係點咩？
可能係我根本冇經驗，我唔知道原來對方係咁重要
我只會覺得好似阿雞所講既～「無論係咩都好，我要俾佢知道有人鍾意佢。」
不唔係咁簡單咩？點解會複雜左咁多.........
但係呢件事上,我唔覺得完全係你問題
你一直都冇錯....錯就錯在你們有緣無份
只係我自己有我自己既睇法......我覺得你邊度出問題咁
其他人可能會覺得你係岩....我既睇法係錯
但只係suggest...無關係
而對方既錯呢？佢當然有錯！而且錯得離譜
我唔知道、唔敢妄下判斷
但我唔認為佢講既野係岩
我好憎佢果個種人
明明拒絕左人又要講對唔住？＜＜ｍａｙｂｅ講對唔住係ｏｋ
但有咩理由重會繼續同對方ｉｃｑ？
你呢ｄ係唔係叫將人地捧到好高又再掉落黎？
唔鍾意佢就唔應該繼續同佢來往
就算真係要「再見亦是朋友」都唔係立刻掛？
真係可以咁就搞點做番朋友？
唔好講笑啦～係冇可能！
點解唔可以講句真話？
點解要令到其他人不信你呀？
要問其他人點解唔信自己
不如問下自己憑什麼值得人地信吧？
我真係唔明白點解要搞成咁
本來可以好簡單.....但就要搞到咁複雜
鍾意一個人係應該為對方好.....
只要自己繼續鍾意對方
對方無事自己就感到幸福
並不是要知道人地既感受才會醒覺.....
如果說長大後看回來一定會埋怨或者後悔
倒不如說是當你冷靜下來....
把自己跳出來想想事情時就知道？
我好似係日記打得太多－－
我唔應該講你....係要支持你既
無論點都好....我會支持你
但我都好希望你可以理智一下諗下到底
自己係唔係真係無左佢就唔可以.....
答案係唔係真係咁重要？
如果知道答案咁你又可以做ｄ咩？答案只係為左幫助你去忘記對方？
答案只係為左一個交代？
你到底有冇諗清楚？

>>September 26, 2004 at 2:02:23 AM GMT+8

2004 年 9 月 24 日 星期五 【酷熱】

終於都星期五了...........
很難走過既一星期
但都好快既～起碼我未死得......|||||
今日返到屋企差唔多6點鐘～
我又繼續做功課.......做左一半嚕~
所以決定又俾自己休息一下
水彩叫我就唔好休息...快d做哂功課
咁聽日同後日都有時間溫書
不過呢....我唔得架T^^T
做左一半我都已經好叻架啦....
係咁攰...又有咁多誘惑....
結果我都捱到呢家11點半...
就係為左我既日記.....
我唔可以俾自己成個星期都冇一篇日記......||
講真....岩岩ONLINE果一刻
我有一種崩潰既感覺.....
有一種望住電腦可以喊既感覺......
唔知點解啦....
可能係一種偶然掛......
又或者係因為我實在太掛住可以玩掛......
我承認到呢家我都好鍾意玩...
只係有測驗的限制...令我可以控制自己不要玩咁多啦
再玩只會令自己更心散.....
涯多幾個月就可以....
好快o者....應該T^^^^T
唉.....上星期游水真係搞到自己黑左好多呀
呢家成班D人見到我都話我真係好黑.......
我已經好努力去美白= =||||||||
下次唔去游水......＞＜
搞到黑成咁......我唔搞點我都唔想見人T^^^T
努力美白美白.....＜＜白痴－－
但真係要白番.......我覺得自己唔係黑咁簡單
而係黑得黎好似好惡咁....
加上我自己覺得係變黃既感覺.......||||||||||
好好搞點先見人....||
下星期要同阿雞去睇戲....
佢生日...都係阿貓生曰
我都未買禮物俾佢......
又要自己放學去買禮物俾佢嚕......都好既~
點都要買一份禮物俾佢......就算大家唔再係朋友都好
我都唔會再去介意什麼
我不會再去怎樣珍惜渴望什麼
現在最重要既係讀書.......無事可以比佢更重要
能夠成為我既支柱真係可能只有得佢
我呢家要依靠佢係令自己繼續有目標......
＊沿途留心 掌心的知覺也著緊
我認我認我愛得太過份
人群漸近 想改寫你我命運
任天塌下亦前行 哪怕你說我天真 ＊

>>September 25, 2004 at 12:14:03 AM GMT+8

2004 年 9 月 23 日 星期四 【微冷】

測完中史～就到中文
中文係星期五測既～＞︿＜
不過尋晚咁夜先訓......
我根本就冇精神....真係好攰
本來想去訓一陣......
但係都唔得......＜＜打電話黎既笨蛋阻撓＞＜
訓左１５分鐘.......叫訓過嗎？
後黎就要溫英文小測先～
上次測得好差＜岩岩合格－－
所以今次咁簡單就要高分ｄ＞”＜
溫左大約半小時就溫中文.....
每晚我都好期待食飯既時間....
食飯就可以睇電視......＞ｗ＜
睇電視呢家係我一樣好重要既娛樂
而每晚只可以睇一小時
根住我就要繼續溫書同埋做功課架啦
所以果一小時係對我超級重要！！！＞＜
我好努力去ｅｎｊｏｙ個一小時架～
睇完電視之後～阿姨打電話黎
因為表姐今日結婚～
佢結婚.......結婚=口=|||||
我要做花女.........|||XD
我咁大個女都未做過T^^^T
我好想做架.....我覺得好得意呀......
不過我咁大過人....都好似好白痴= =a
不過好似個個表姐都結左婚嚕
因為呢個表姐係最細一個嚕@@"
叫輩份最大而又細既....就係我囉= =a
我有排都唔會啦.......所以我諗鄉下有一排都唔會有喜事嚕
我都係前幾個星期先知道佢結婚
媽咪都話好似好急咁......||||
但又係就唔到我地時間
所以返唔到去.....= =a|||
不過算啦....咁大過女我都去過一次
一次就足夠架啦～因為去那些地方多會少很多錢錢的呀＠＠

>>September 24, 2004 at 11:20:50 PM GMT+8

2004 年 9 月 22 日 星期三 【微雨】

打番星期三既日記先～！
今個星期有好多好多好多．．測驗
連續四日.....不過即使有一日我都係用黎溫書
即係我溫足咁多日......""
唉.....真係好慘＞～＜
我都未試過咁攰呀.....
日日返到屋企沖左涼
坐係到做功課都會釣魚T^T
證明我冇偷懶架.....真係好俾心機去溫書
要測咁多中史同埋中文.....
點都要溫好D架～
我唔可以輸架～我輸唔起＞＜
不過中史真係好麻煩.......又要4場戰爭又要太平天國+辛亥革命
可能有D人唔知係咩黎T^^^^T
但我就真係溫到要死完再死咁...
講真...我果晚溫到11點幾真係好厲害....＜＜成星期最夜訓既一日
不過第２日不知幾慘......
頭兩堂數學都已經去左遊雲嚕......
平時我上數學堂最鍾意答佢野架嘛.....
果日我一粒聲都冇講.....
而成班D人都係諗緊中史....冇人理阿SIR
算啦算啦~~我都好叻架啦～
起碼都冇真係訓著左嘛～～＞︿＜。
係呀～我記得果日返學.......
我見到分身術既MV......
每次聽到呢首歌都感觸良多.....
唔知點解就會無啦啦傷心起黎......
唯一解釋係我痴線= =aa
我自己都唔知道......
我好喜歡呢首歌的其中一個原因可能係音樂吧~
其次不就是......歌詞= =v
只有歌詞好我才喜歡.....

>>September 24, 2004 at 10:37:47 PM GMT+8

2004 年 9 月 19 日 星期日 【乍寒還暖】

丸你今天去了哪裡= =?
我打電話給你沒人聽電話= =|||||||||||||
今天很大雨－．－
令我又開又關窗～
今日做既功課唔係好多～＠ｗ＠
我星期五做左少少～～所以今日唔係好多
而且岩岩都溫左英文嚕＞ｗ＜
好開心可以做完想做既野～
連數學既堂課我都有做＞ｗ＜
一陣要去溫中史同溫數學！
中文....唔溫住～
要補番尋晚咩都冇做過既野～
尋晚可能真係太攰嚕～
所以好早就訓左～
訓得好舒服～好開心
尋晚既肚痛最終係食左６粒藥之下冇事＠＠
但係真係生不如死－－
我最怕就係肚痛！
今日行左好多次雷～但我冇驚＞ｗ＜
因為係屋企唔需要驚～
講一個好得意既諗法＠ｗ＠
今日做中史功課既時候突然諗到～
我突破覺得係呢個世界係有好多過不同既空間
係我讀緊呢段歷史時～係呢一個空間可能就會係當時既現實＠ｗ＠
可能我講得好差．．未必會明白
總知我係相信這樣的事＠ｗ＠
真係我自己都覺得自己有ｄ白痴－ｗ－
不過呢～～唔理嚕
我有我生活～我有我精彩。

>>September 19, 2004 at 8:48:11 PM GMT+8

2004 年 9 月 18 日 星期六 【微雨】

咦呀！！！我個面好紅呀＞～＜”
特別係個鼻同埋面珠果度........
紅左....好醜樣Ｔ^Ｔ
點解會紅左．．．
係因為今日去左游水...........
老公係咁迫我去.....我不得不去= =aaaa
講真...我今年都未游過水......
但係呢.......明明今日唔係好曬之嘛＞︿＜
點解我會曬到傷左架......
我承認我係冇用太陽油..........||||||
但係我冇諗到真係咁厲害嘛.....Ｔ^Ｔ
到呢家都未退呀......||||||
代價咁大......架
而且只係鼻好紅.....成個聖誕老人咁＞”＜
好醜樣呀......||||||
今日我同老公一入到教會就俾人問我地做咩野.....
個面曬到咁黑....又紅得咁厲害〒▽〒
果然一個上午就可以搞到我咁樣.......唉
一陣用阿媽D補品救番我既面〒▽〒
已經自己又唔係靚.....我唔想變醜＞～＜
岩岩唔知食錯咩野........超級嚴重肚痛！！！
痛到我就快想死＞”＜
唯有食兩粒藥止痛.......|||||＜有用的嗎？？
不過到呢家都係好痛.......不如用油啦
去拎D驅風油........|||||||||||||||
算啦......講番呢幾日d野先
尋晚冇講到既今日補番～
＊＊＊＊＊＊＊＊＊＊＊＊＊＊＊
尋晚同老公ｉｃｑ愈講愈嬲......
我唔係嬲佢...而係嬲我地班既人o者
我真係唔明點解佢地可以愈來愈放肆
之前都只係心散唔集中去面對會考o者
呢家愈來愈癲....一到lunch就大半班落去操場玩？！
玩糖"痴"豆、數字球？......||||
我真係一ｄ都唔明白點解佢地有咁既能力係咁玩
我一ｄ都接受唔到我地班變得好似唔係ｆ５而係ｆ３ｆ１囉
你叫我點樣接受一班係要去會考既人變成咁？
佢地要玩都冇問題......最緊要唔可以影響到人嘛！！
係班上面玩得咁過份......又大叫大笑
其他人點樣集中精神溫習？
嘉ｌｉｎｇ叫我逆來順受啦
因為我冇能力去阻止其他人
只有去接受佢地......慢慢自己就習慣呀咁
同埋嬲佢地都冇用呀點......||||
講真可能係岩既.....
但我好唔甘心見到自己班同學一個個都係咁樣
水彩同我講已經有d人既成績大跌得好厲害......
又有miss同我地講佢好失望咁見到我地班同學咁樣......
唉......真係搞到我更加不甘
我承認自己追求完美架....咩都想好d....
但有競爭先有進步.....我只係唔想班入面d人愈來愈差.....
唯有自己努力克服唔好俾佢地影響啦......
因為我真係好驚自己有一日癲左會同佢地一齊咁玩....
哂左自己d時間～！
我已經冇咩時間可以哂.....哂左成個暑假咩都夠啦
好應該收拾心機去溫書～
要嘗試各種溫書方法，目標係要花最少時間又最有效果！
如果連我自己都放棄自己......
咁就真係完了..|||||冇咩人會再支持我繼續去做
有時我覺得呢個會考就好似係考驗緊我係學業同自己之間既爭鬥
我一定要克服左會考....我先會克服到自己內心既野
人人都話會考成功既人自信心會大d
我期待既就係呢一份自信心帶俾我既影響～

>>September 18, 2004 at 9:50:14 PM GMT+8

2004 年 9 月 17 日 星期五 【綿綿細雨】

呼～～終於都到星期五啦！
今日測左數學啦～唉＊
今日測得唔係幾好咁－－
應該係好差先岩＞～＜
雖然明明有貼士啦......
但係我都唔咁講自己真係識.....
做完都有d想成題刪左佢－－
都唔明點解自己會做成咁既....
一定係自己冇溫好d書啦....
呢樣我承認架= =/
今次算啦.....我真係冇咩心機再去溫＞～＜
我尋晚明明有睇過下地理
不過今日上地理堂答ｄ會考ｍｃ.......錯哂
唉.....打擊好大架～我真係估唔到點解自己成日會錯－－
講真我到呢家都唔係好明自己錯既係咩野.....
都係阿sir佢既錯.....= =""
我覺得佢真係教得好差.....我自己努力＞”＜
我唔會衰俾人睇既＞～＜
我知丫....自己缺點就係唔可以輸俾人..
不過同樣都係一個好大既動力～
希望真係可以推到自己啦
今日放學留低練下ｏｒａｌ～
練到成５點鐘啦
希望咁樣ｋｅｅｐ落去會好ｄ啦
我都唔想英文唔ｐａｓｓ．．．．
今晚其實好想講多ｄ野.....
但冇咩心機...
算啦.......唔講= =a

>>September 17, 2004 at 11:55:21 PM GMT+8

2004 年 9 月 14 日 星期二 【酷熱】

終於要寫下日記嚕～
尋晚唔係溫左好耐既西史～
到呢家都係測唔成驗
我地班次次都係咁.....明明個個溫左既
到最後有機會唔測就唔測
我今次真係好想測....
我唔係自己溫得好熟好叻咁...
只係我覺得我地太過份o者....
有咩理由溫好左又叫人唔好測
咁樣幫到既唔係自己...係害死自己
其實我真係好想叫阿sir俾個題目我自己做.....
我覺得點樣都好應該俾一份俄國既essay俾佢！！
教左咁耐一份都冇做過呀.......
而且我覺得我地自己班......d人懶哂
我指唔係果種懶.....係個個都冇上進心呀
話哂我地班都叫係同B班一樣咁好架嘛
點解好似上左F.5就差左咁......
個個成日都有D藉口既！！
我最估唔到就係今日ECON個miss話我地班大部份人都係想拎D同E
我真係有d失望....."
雖然我地班ECON唔差架.....
但D人都冇信心拎高D....
講真冇目標係好難令人有動力
搞到我都有D唔開心.......
可能有人會覺得人地唔努力咪自己努力D囉....
但一諗到自己努力人地又唔努力
都冇咩心機啦.......
我唔係要同人爭....但都想成班有D好既學習風氣
而我都會努力D～唔輸俾人＜－有競爭先有進步ＸＤ
一定要係週記同阿ｓｉｒ講先－－+
呢家日日都好努力咁睇下ｄ英文報紙
希望我呢家先黎做唔會太遲啦.......
sandra好有恆心架～～
我覺得佢真係好有口齒＞ｗ＜
佢唔係成日打日記～但一打就打番幾日既日記
我覺得咁係好好架！！
起碼話左要打就一定打番！
我覺得每日寫日記係一件好似好難做～但又係好重要既事！
我唔明白有咩咁難每一日打一篇
雖然呢家我自己都唔可以日日打
但我日日都要花好多時間做功課睇下英文
講下大約一日我會做ｄ咩＞ｗ＜
→４：３０返到屋企．做功課
→大約５點鐘開始想訓→訓覺
→６點半到起身→做功課
→７點幾沖涼＋做功課＋煮飯
→８點睇電視
→九點繼續做功課／溫書
如果第２日冇測驗→１０點或是１０幾先可以ｏｎｌｉｎｅ＞＜
我ｏｎｌｉｎｅ都係上來打下日記～
睇下人地日記.......睇下網頁有咩睇＜＜？？
跟著早少少訓就係咁啦～～
呢一兩日我都係咁樣過
希望咁樣落去唔會有問題啦......
重有...以後星期三都係勁忙＞＜
我都唔明點解星期四有咁多連堂！！！
但就勁多測驗〒▽〒
下星期有中史＋數學
今個星期就有經濟
以後我都有排煩～不過
到暫時黎講我重係唔覺得十分辛苦既
我覺得ｄ先生算係叫錫住我地架啦
我一定要再努力先得～要懶就過埋會考先啦～＊

>>September 14, 2004 at 10:52:50 PM GMT+8

2004 年 9 月 12 日 星期日 【炎熱】

今日立法會選舉～＊
哈哈～其實唔關我事架
我都未夠十八歲＞ｗ＜
不過下次我就可以投票嚕～
０８年我應該可以＞ｗ＜
好想試下去投票～～
ｋｅ～唔講呢樣野
今日睇堂本剛既戲＞ｗ＜
好正～～講真呢套戲都搞到我喊左好多次＠＠
因為實在太感動＜－係我自己眼淺
堂本剛真係好帥－ｗ－
佢傻傻下個樣我好鍾意＞ｗ＜
其實扮傻既人係最心知肚明
我一直都知呢個所謂既道理～
除非真係有問題果ｄ啦～唔係大部份都會好似我所講咁
咁到底呢ｄ人係唔係信唔過呢？
咁我覺得未必既～
睇下到底果個人心地壞唔壞啦～
有ｄ人傻傻下係希望唔好睇咩都咁重～
咁樣做人會輕鬆ｄ？
不過有ｄ人扮傻就係想攻心計～
等人以為你係一ｄ無機心既人
但其實就岩岩相反＠＠
所以呢個世界咩人都有～
之於我係邊一種人呢．．．
我自己就覺得自己係果種扮傻而係心地好既人ＸＤ
我都覺得自己好似有ｄ唔岩呀
搞到自己好似係厄人咁～
但我好想將自己ｄ野諗得清楚ｄ
我會係心中諗下自己ｄ野要點要點
唔講俾人知係我唔想樣樣都講俾人知
因為每個人都要有ｄ野留番俾自己
呢ｄ唔係私隱～係自己既秘密
我都知有人好關心既～
但唔係個個都可以將自己最深既感受講出黎～＊
只要我有體會過既就可以了～
最近寫ｄ日記好似有好多人誤會咁
ｋｅ～如果有一日我真係搵到最鍾意既人同自己一齊
當然我會講俾大家知～
我唔似得老公咁慘～＠＠
想愛不能愛咁～
雖然我都驚自己會好似佢咁
但係呢家咩都唔知～
都冇人知以後會點架～＊
遲ｄ既事就遲ｄ先算啦～～呵呵

>>September 12, 2004 at 10:57:33 PM GMT+8

2004 年 9 月 11 日 星期六 【炎熱】

今日好早就起左身～
８點幾～其實我真係好想再訓－－
我個眼袋好大又好黑＞～＜
但就係訓唔到～＞︿＜
結果早左起身．．．聽下歌
係床上滾動下........就開電腦= =a
跟著都只係玩玩...下午自己煮吃的= =a
後黎就早左返教會做壁報.....
又係「壁報」！！！！
我真係好嬲～嬲到忍無可忍！
唔好搵藉口講係我地冇默契！
根本就係有人從中作梗！
自己要求整壁報，要自己全部話哂事
但到頭黎自己竟然講係從未做過壁報！？
係唔係玩人呀？！重要成日嫌呢樣唔好～
自己又唔做！點我地做野！！要我服侍佢咁！＞”＜
講真.....講到呢度我真係嬲到想喊
我真係好嬲自己點解唔罵佢！
我真係覺得自己有ｄ似服侍佢咁～
要聽佢點要點做！要等佢同意自己先可以做咩做咩？！
我唔係妹仔呀.......點解要聽wo＞”＜
真係激死我＞”＜＠
唔講佢！總知就好嬲啦
唔知點解～我呢ｄ到底叫咩呢？
我覺得自己係一個好理性既人～
我唔會好衝動！做事永遠都會諗前因後果
我會好理會人地既感受
我會ｃａｒｅ人地會唔會聽左ｄ野受左傷
結果呢！！就係咁樣好多野有時自己都要忍左佢
好似果個人就係一個好例子！＞”＜
對於其他人既事～我自問自己分析問題又好好ｗｏ～
我可以俾到意見俾其他人～
起碼講下自己既睇法～唔好等其他人咁迷茫＞ｗ＜
不過呢.......對於自己既問題
雖然我自己好清楚自己既問題係邊......
但我自己就無能力去解決
因為我唔知自己有咩方法可以做！？
對於我成日做人地既旁觀者～有時連自己跳番自己出黎諗到唔得
好似今日咁.......我真係唔知點解有個諗法
佢好似係黎可憐我咁
雖然我知唔係架～佢唔係果種人黎
但我覺得自己真係好傻～
冇可能架嘛～佢真係有對我好～
其實個個都對我好～
我自己都知～唯獨佢對我好
我就覺得好唔舒服～
我覺得自己好可能係唔想令自己改變主意
呢ｄ就係叫一心一意掛～ＸＤ
食左成包熊仔餅同白兔糖＞ｗ＜
好開心～～呵～
不過好驚自己真係會病＠～＠
岩岩係咁打噴嚏－－
加上自己精神都唔係好好－－
可能真係有機會病～＜＜其實只係又在自我催眠

>>September 11, 2004 at 11:10:51 PM GMT+8