2005 年 1 月 1 日 星期六 【乍雨乍晴】

今日有７℃呀～～
雖然尋晚返到屋企都已經２點嚕～
其實尋晚返屋企有一段小插曲＊
我搭小巴返屋企～點知叫「有落」時
個司機聽唔到呀！！！
（但我已經係坐係佢入面個位啦）
跟住．．．佢車左上去好遠既車先落車！！
人地叫佢就聽到．．
我叫就聽唔到＞︿＜
結果．．．天氣咁涷之外
我要自己一個人行返一條好長好靜既路先返到屋企
一落車就我係咁急步返去～～
講真～我真係有少少驚架＞︿＜
而且成日都聽到一ｄ好得人驚既聲音＞＜
成條街都冇人ｗｏ～～
所以我就係咁行～～行．行．行
終於俾我行到返去＞＜＊
今日係１月１號～
我約左姐姐佢地去唱ｋ～
一早我又要起身～
我真係唔想起身架～成９點幾＞＜
但係最後都起左身～
我起身果陣都唔係好涷啦～
所以就著左裙～陪ｋａｒｙ啦
之後就去左銅鑼灣～
不過真係幾涷呀～
後黎我就等埋ｖｅｖｅ～ｈｕｎｔｅｒ
ｖｅｙａｎｎａ～八大～姐姐～族長～我～皇兄
６個人去左ｃｅｏ～
哇～今日好少人黎唱～
結果我地就可以唱到３點幾^^
又有無線咪～
八大佢唔係呢個年代架～
點ｄ歌全部都係好耐好耐之前＞ｗ＜
結果族長話識得唱呢ｄ歌都會好「古灰」＝老
ｗａ～～我都真係幾老呀＞～＜
其實我一向都好老架啦．．．
係佢地成日都覺得我係蘿莉之嘛Ｔ^Ｔ
我「今年」都拎身分證啦＞＜
（唔係兒童呀！！）
結果我地就係Ｋ房玩左好耐啦～聽左好多好耐之前既歌～
八大個樣勁似８０年代Ｄ人既樣呀＞ｗ＜
不論係邊個都好～個頭都勁似佢ｗｏ～
八大唱刀郎既歌又好勁ｗｏ～
係咁ｌｕ～ｌｕ～ｌａ～ｌｕ～ｌａ～咁就唱到啦！？
不過又真係好似刀郎唱緊ｗｏ＠＠
真係好勁＠ｗ＠
之後唱完ｋ～我就走嚕
而姐佢地就唔知去邊啦～
但我自己就要趕番教會嚕～
因為有重要野呀嘛－－ａ
原來皇兄都係要返屋企做功課～
咁我地就一齊去左搭地鐵啦～
佢話遲ｄ再去ｂｂｑ－－
我一諗到咁涷要去ｂｂｑ．．我真係唔知點講～
不過佢都係得個「講」字啦～
要佢做到真係好難～
之後我就迅速咁返教會～～
一返到去就已經開始左好耐啦～
我是旦咁搵一個位坐低～
後黎天麒坐左我旁邊～
我就問佢一陣會搞ｄ咩啦
點知我問咩佢都係唔知既～～
我真係想知佢係唔係導師黎架
佢就話：導師要知呢ｄ野架咩？
我：當然啦～唔係點做導師呀～
我：成年架啦你～要識呢ｄ野架嘛
根住佢就好無奈咁話：係～係～～唔好意思下～
ｋｅ～之後都只係分下組呀～玩下遊戲啦
我地果組最勁～～咩都羸哂^^
結果就有薯片食～
好快好快呢～就完埋成長班
我同ｋａｒｙ一齊去左崇拜
唉～好可惜我真係好眼訓～
唔夠幾個字我就已經訓著左
我係真係訓到架＞～＜
雖然我都覺得好樣衰－－ａ
牧師見到一定好傷心～～
但我真係冇辦法呀．．．周公係咁搵我ｗｏ
於是呢～我就訓左半小時到啦？？
後黎我差ｄ向前衝既時候～
就醒左＞～＜
ｋａｒｙ係度話我訓覺個樣好搞笑～
好可愛ｗｏ？！
原因係因為我著得好腫脹－－
＞＜我真係一ｄ都唔可愛啦
有咩可能係可愛ｗｏ
我真係不知幾想高ｄ～大個ｄ
我呢家都唔細啦．．．
有咩可能重叫可愛ｗｏＴ^Ｔ
後黎一出教會～
我真係好想大叫啦！！！
勁涷呀＞口＜．．．
涷到我Ｄ牙都係咁震～～
著裙？！癲架～～～
我真係覺得自己好白痴呀～～
結果唯有快Ｄ衝返屋企啦～～
食完飯我就聽頒獎禮
聽左好耐～～ｗａ
我既基基真係好好呀＞０＜
佢拎左金曲獎同埋最愛歡迎男歌手～～
雖然我只係聽電台～但我都知佢係咁喊～
搞到我都癲埋一份～喊埋ｗｏ
我都知自己有ｄ過份架啦^^"
但基基今年真係做得好好呀＞口＜
我真係覺得佢好叻呀～～
你要係黎緊呢年努力呀～～
我支持你＞ｗ＜
我已經決定左要去你演唱會！！
真係希望你繼續努力啦～～
不過我真係太眼訓啦～
一聽完～我就去左訓覺
冇睇到ｔｖｂ既轉播
一訓呢．．．就訓到第２日既１２半ｐｍ啦
ｋｅｋｅ～～雖然要測驗
我咩都未溫～不過星期日先算啦～～

>>January 2, 2005 at 8:04:06 PM GMT+8

2004 年 12 月 31 日 星期五 【乍雨乍晴】

呢一日係我永遠都會記得既～
因為呢一日代表左好多野～
係過去既呢一年～
我過既～並唔係最開心～但我擁有既係最值得珍惜！
１）係年頭既時候～我都係好享受自己既中四生活
但係好快之後～我就失去左一個我好好既朋友
佢永遠都係我既朋友～到呢家都會係
雖然「曾經」我以為我地有可見既關係
但現在～咩都冇嚕
不過唔緊要～因為人總係會變～變下變下先會成長
我已經將呢件事變成一個「過去」
再唔會太介意嚕～希望係新既一年～大家都會繼續開開心心
２）係考完試之後～我又失去第２位曾經對我好好既朋友
佢送左一首好好既歌比我
到呢家我都係好鍾意呢首歌～
呢首歌真係好感動～
「一天一天」
呢首歌聽落去真係好甜蜜～
但係好可惜～因為大家之間有ｄ既誤會
又或者大家有左唔同既朋友
所以都疏遠左～但我都重係當佢係好朋友～
３）之後就到左暑假嚕～
係暑假之中我最多謝既就係ｋａｒｙ～
我都唔知點解識左佢咁多年都未試過好似呢家咁ｆｄ
我諗呢ｄ野都係同教會有關既～
我好多謝佢帶我返去教會～
教會可以俾我同佢熟悉既機會～
所以呢家真係變得好ｆｄ～
其實連我自己都唔知道點解會咁架
可能真係巧妙既安排啦～
佢俾左一個好難忘既生日我～
而且一直以黎真係好多謝佢聽我講咁多野～
有好多野我都係會收野
並唔係個個都會講
但係佢先會令我願意將自己既野講佢知～＊
４）之後～就係我上左中五既生涯～
中五既生活雖然唔係好好過～
每日都有測驗～而且每晚都會溫書呀～做功課
日日都要好攰咁去訓～
時間係中五黎講對我係好重要～
所以係中五呢我真係冇左好多玩既時間
其實我自己都覺得自己真係好貪玩～
而且好鍾意去玩～
為左呢個會考冇左咁多時間去玩
所以會考完一定要玩番夠本！！＞ｗ＜
５）最後就係呢個十二月～
呢個十二月真係帶俾我好多好多既回憶
無論係好既、壞既我都經歷左好多
今個月有好多事發生～
有好多新既嘗試例如去到尖沙咀～過聖誕
又可以係幼稚園報佳音～
又可以係今晚去到銅鑼灣～倒數
我真係真係好開心～
雖然當中有眼淚伴我渡過～
但係我都係覺得好開心～
我係呢度真係好多謝所有所謂既好朋友
你地一直都支持我～
幫助我～帶俾我好多開心
我好希望～０５年！
大家都會係繼續咁ｆｄ咁好～
０５年可能大家都有機會各行各路～
不過唔緊要架～我地永遠都會係好朋友呀～
大家一定要努力考好會考呀～～唔可以放棄！！
係尋晚我同左ｋａｒｙ去銅鑼灣倒數～
原來個度有ｓｈｏｗ睇架～
而且重有好多歌手黎唱歌ｗｏ
我地係８點鐘就排隊入去嚕
初時真係好慘架～
我地企果ｄ位係睇唔到電視～
因為有棵樹阻住哂＞＜
後黎～我地唔知點解可以向上ｗｏ～
咁ｄ人係咁迫下迫下～我地就去到前面啦
等我講下有咩歌手啦～
．方力申．吳浩康．薛凱琪．梁詠琪．吳日言．劉浩龍．梁洛施
．房祖名．周國賢．許志安．黃馨．ＥＯ２．陳冠希．劉德華．
重有重有！！！！
＊ｔｗｉｎｓ
＊古巨基！！！！＞３３＜
＊容祖兒
哇～～你睇下我聽左幾多歌呀～
成２０個以上既歌手呀～
有ｄ我可能都唔記得添呀
真係有好多好多呀～
我真係好鍾意古巨基呀＞ｗ＜
我初時真係唔知佢真係會黎～
因為果陣都已經好遲啦～～
我以為佢今晚都唔會出現架啦
點知！！！佢最後真係有出現呀～～
我真係開心到喊左出黎～
我都覺得自己好似太激動！！但我冇辦法控制自己
我真係真係覺得佢係一個好人～
佢好有愛心～又好人～佢真係好努力咁係呢一年做得好好
呢ｄ係我最欣賞佢既地方
假如～我真係有機會同佢一齊影相就好啦＞ｗ＜
我一路唱～一路就係咁喊～
我都覺得自己癲癲地～
雖然好似好怪咁～無啦啦係度喊～
＊別再做情人 做隻貓做隻狗 不做情人
做隻寵物至少可愛迷人＊
真係好好～～以後就唔做情人～做貓狗啦＞ｗ＜
之後都有ｔｗｉｎｓ～
佢地唱「女人味」同埋「飲歌」～
之後成班人就開始倒數～
真係好正架～好浪漫～
因為倒數完之後～就有小小煙花同埋有好多紙碎跌落黎～
真係好靚架～所以～～
我決定出年都一定要去架啦
而且要早ｄ添呀！＞ｗ＜
買埋ｄ野去食～ｋｅｋｅ～
係ｄ咁浪漫既情況下～我都係第一次見啦
所以真係好開心啦～～
＊０５年＊祝大家新年快樂～
開開心心～身體健康！
要考試既全部都好高分～～
要做野既～努力ｄ～搵多ｄ錢～
希望係０５年小ｄ災難～大家真係平平安安啦～～

>>January 2, 2005 at 12:42:48 AM GMT+8

2004 年 12 月 30 日 星期四 【乍雨乍晴】

聽日重會跌呀ｄ天氣～
大家真係要著多件衫衫～
我自己呢～好在重涯到～因為我有大褸褸幫手又有暖水袋
應該都冇咩問題既～～
１月１號會去到７℃～唔通新既１年真係咩都新ｄ？
連好耐冇試過既７℃都出現埋？
================================
今日我又唔係好想起身～
搞左好耐終於都起到身
我有諗過不如做功課啦．．．
不過又唔想ｗｏ～因為難得細佬唔係屋企
所以就勁想玩－－
大約２點鐘啦～我就自己一個人出左去
講真～我好少好少自己一個去行街
但今日為左買野～咁就自己去啦
我去左又一城～諗住睇下有冇我想買既野～
點知又冇ｗｏ
但係俾我諗到一本我勁想買既書！！！＞＜
不過真係好貴呀～～成＄１００呀＞︿＜
＜棺材舞者＞就係上年中四考試前勁想買果本書
我真係好想買左佢！！！
因為如果我去圖書館借既話一定有排都借唔到！！＞＜
全香港得２０本係圖書館＞︿＜
雖然我好唔捨得～但我真係好想買呀～
後黎我又見到基基既漫畫＞口＜
太過份啦．．．
點解我又唔買得架．．．
我真係勁想買呀＞︿＜
佢一共出左兩集呀＠＠
我一定會買左佢既！！一定會
之後呢～我就去左呢個尖沙咀～
哇．．自己一個人去真係好悶～
唯有快ｄ去買左就返屋企啦～
去尖沙咀呢ｄ高尚既地方
唔知點解我會覺得自己著得好難睇－－
睇落去有種自己係低下階層既感覺
雖然都只係我自己白痴既諗法～
但就令我想更快走人～～
結果我就買埋ｄ野～走人嚕
一路返屋企時～我就一邊聽歌一邊係度諗
＊失戀最幸福　人人陪在我旁　
輪班去照料我　怕我沒法起床
存亡聚散　靠我努力渡難關＊
呢幾句野勁似我呢家咁樣～
我真係好多謝好多好朋友咁關心我
就連ｓａｎｄｒａ都覺得我有唔開心
睇黎真係知道我諗咩既人得好少～
我個人就咁～永遠都只係識得癲～
根本都唔會將ｄ野好好解決佢
紙上談兵個種就係我啦～
每次識得點樣同人講～又唔識自己點做
真係好抵死－－
＊會　很會
偽裝我自己
你 不該
背我的秘密
沉重都給我 微笑 給你
奔 狂奔
空曠的感情
走 暴走
暴走的傷心 透明的歎息
最後還是 我的秘密
我的聲音在笑 淚在飆
電話那頭的你可知道
世界若是 那麼大
為何我要忘記你 無處逃＊

>>December 30, 2004 at 7:52:36 PM GMT+8

2004 年 12 月 29 日 星期三 【乍雨乍晴】

今日已經去到９℃啦
真係好怕好怕涷～
岩岩重要俾細佬搞到涷死係沖涼中．．．＜佢唔記得幫我開熱水爐！！＞
我一早就著左好大件褸出去～
我最想既係著哂所有衫．．．
雖然個身可能都係暖～
但對手太涷反而令我覺得咩都好涷～
ｍｉｓｓ羅同我地玩左個勁刺激既ｇａｍｅ
就係５分鐘之耐溫好一課書～５分鐘一個ｔｅｓｔ
合格有紫菜～４個ｔｅｓｔ都合格～有４包紫菜～咁就走得
唔係就要留低ｔｅｓｔ到合格為止～
呢個真係前所未見咁刺激！！
結果測左４次～好在４次我都合格
其實有一次我都係合格多１分－－
唔係既話我就要ｒｅ＞︿＜
不過都搞到成一點先走得～
之後我同阿ｖａｎ重有阿花ｋａｒｙ就去左食ｌｕｎｃｈ～
佢地都癲癲地架！！出面咁涷重要飲涷野
我就唔同呢～我飲熱奶茶
連個阿姨＜侍應＞都話我係正常＞ｗ＜
之後我地就一邊坐一邊傾下計～
準備返呢個歷史補課－－
尋晚我做既ｌｑ～點知做錯哂－－
好在冇交到～又唔計分
唔係我就一定俾肥仔罵死
尋日我先俾佢罵我做ｌｑ時哂時間～寫埋ｄ廢野－－”
今日整體黎講補課都ｏｋ開心既～
因為ｄ時間快過嘛＞ｗ＜
之後就大家一齊返屋企～
不過係巴士站就同ｋａｒｙ傾左好耐啦～
我都唔明點解次次都係巴士站～
巴士站真係好涷呀
好在好快我都有車返屋企ｏ者～
不過一路返屋企一路都好辛苦～
我其實知道發生咩事～我諗只係自己心理作用啦
只要唔諗咁多就會冇野～
我呢家最想就係快ｄ返學～
只有返學我就好忙～到時就唔會咁多時間嚕～
咁我咪可以好ｄ囉～^^
雖然有時就算個心幾辛苦都好～
涯得過既～就會有明天嘛
我呢家最驚只係自己喊唔出～如果鬱住鬱住就會好辛苦架啦
＊你也無需愛出抑鬱症 情感只求盡興＊
如果做到咁就ｖｅｒｙ　ｇｏｏｄ啦～ｋｅ
雖然我唔想再厄住自己咁多～
但只有咁樣我先會好過ｄ．．．

>>December 29, 2004 at 10:24:14 PM GMT+8

2004 年 12 月 28 日 星期二 【乍雨乍晴】

呢兩日休息左好耐～都未出過街～
今日終於都要出街返去補課
今日得１３℃？！今日我成朝都唔知～
我只係覺得今日好涷～
但我都只係著左好少衫～
因為我日日都覺得好涷架啦～
加上唔係俾人迫......我係唔識搵衫著
點知到中午新聞時我先知今日係全年最涷既一日
但我真係唔明點解自己成朝都唔識去搵衫著－－
我細佬重係咁講涷ｄ先有氣氛．．．
氣氛？我一ｄ都唔覺得～只係覺得好涷～
我今日已經著左好多衫架啦～連天ｘ衣我都用埋
不過出到街都係好涷～
其實有ｄ野好講到底係邊度涷既
如果連自己個心都係涷既～出面幾涷～自己著得幾暖都唔會感受到
我一面著左好多衫一面返到學校～
真係好涷～出面ｄ風好似會刮面咁～
返到學校我地補左歷史～
今日同埋ｓａｎｄｒａ一齊坐～
佢著涼鞋呀！！！！！佢癲架＞︿＜
我見到佢真係成個人都好涷～
佢重要話波鞋洗左＞口＜
我真係有ｄ想立即陪佢去買波鞋～
我唔想見到「涷」呢樣野！！
其實我今日都覺得自己癲癲地～成日玩ｓａｎｄｒａ～
我成日話佢個匙扣係牛
不過明明真係牛黎架＞＜
我都唔明點解會變左長頸鹿！？
不過隻牛變左黃色ｏ者～但唔係長頸鹿呀！～
後黎補柴既功課係要做ｌｑ？！
我後黎就返左屋企嚕～
但係返屋企時～ｓａｎｄｒａ同嘉彩話我面色好差
而且嘴唇發紫？！我真係好驚自己變左死屍－－
但我返去果陣～我都唔知點解自己行起街黎～
行行下就去左睇衫～？跟住先返屋企～？
真係唔知自己到底重想點～
一路返黎雖然都好涷
但我真係覺得呢種涷要用「淒楚」黎形容自己
我真係唔知到底自己想點樣
係唔係繼續咁落去？我自己都唔想咁
我呢家最想做咩？
就係最想同人「嗌交」
最好就係好激烈果ｄ！！
最好要「嗌」到我喊果ｄ就最好
我真係好想嗌交呀＞口＜
我最想搵既對象就係熊人－－＋
唔知點解我覺得同佢嗌交係最好
因為之前我都有差ｄ為左嗌羸佢而發嬲...|||||||||
不過呢d係佢唔知既～因為一直我都費事講佢知－－
但我呢家真係好需要一個人鬧醒自己～
最好呢個人係我嗌唔羸既～
本黎我可以搵阿媽架～～
呢兩日我係咁發佢脾氣
係咁同佢嗌交都冇用～因為佢都費事理我－－
＜我出埋絕招唔俾佢睇亞洲台！佢都係唔同我嗌交＞”＜＞
鬧我兩句就唔理我～一ｄ都唔好玩既！！！＞＜
重有．．阿媽都唔知咩事～佢鬧我都冇用
真係好想嗌交．．．好想好想
快ｄ俾人鬧醒我啦＞”＜
＊很想相擁祝福你大一歲　前來你的小小堡壘
卻發現她也帶著你心愛玩具　我彷彿玻璃鞋盡碎
一點點玻璃舖於心裡＊
＊跌到極麻木　只好相信
　又再爬得起　就會有轉機＊

>>December 28, 2004 at 11:00:19 PM GMT+8

2004 年 12 月 25 日 星期六 【颳風】

今日同尋日既事.....我都唔想再提
或者係來日我有咁既心情同智慧我先再打番出黎
我係今日要多謝幾個人.....
雖然呢幾個人有d都未必會睇到....
但我仍然好多謝佢地
．天麒-好多謝你今日同平時一樣咁傻傻地～令我笑
令我就算明明係活死人也有番ｄ動力
．alfred-雖然今日我拎左你開玩笑～
但今日我真係有ｄ任性～你就願諒我啦～「鳳梨ｍａｓｋ」～～
．旭藍-其實你咩都冇做過野～不過你順利令我大喊一場
就算呢家喊到好攰～不過都唔係你既錯
．熊人-今日我打電話俾你果陣~其實係有目的架
我打電話俾你果陣係喊緊...因為你講過我可以喊果陣打俾你嘛~
雖然你應該唔知～不過你呢家知咪得囉～ｔｈｘ你先～^^
．ｋａｒｙ-當然唔可以小得你個份啦～你都幫左我好多
其實真係知道你想我好ｄ～你好擔心我
但我真係好無能為力咁～因為腦入面只有眼淚
心只有痛～我諗我「病」左嚕
＊＊＊＊＊＊＊＊＊＊＊＊＊＊＊＊＊
岩岩睇左日記入面一位叫做餅皮既人既日記＜４３３６２＞
有一部份我好鍾意佢講既野
係佢２００４年９月１０日既日記
第８段之後我就好鍾意佢講既野
其實佢成篇野都好好～
但我覺得最適合呢家既我～都係第８段
好嚕．．．呢家既我真係要好好休息下

>>December 25, 2004 at 11:52:31 PM GMT+8

2004 年 12 月 23 日 星期四 【颳風】

昨天就真的有點冷@@
今天好了一點吧～
今日一早就返左學校補課
提起補課就真係辛苦～
唔知係唔係真係放假
人都懶ｄ～所以點都唔想起身～
今日７點就趴起身～搞左好耐就出門口
其實我都係唔想去測驗架＞︿＜
而且我又真係唔識ｄ乙部～勁難ｗｏ～～～
一路返去一路都唔見有人既～
勁驚ｗｏ～以為ｄ人已經測緊又或者返哂去～
跟著就勁急咁返黎～
點知原來冇咩人既～都好ｄ～
我一路係咁睇一路就話今次死得～
因為真係好似要吹水咁～
我吹水就最差啦～點樣測ｗｏ～
後黎真係就快測個陣～
我就係咁同ｓａｎｄｒａ講～
：我真係唔識呀～～點算呀～！！
我好想唔返呀＞︿＜
佢都唔睬我既～可能佢知我係度發癲啦～ｋｅ
之後就測左半個鐘
哇～原來小寶媽真係好識利用時間架囉
佢完全充分利用個３個半小時－－
係測完驗之後佢就派番兩星期前既卷～
果次測得幾好～我都幾滿意^^
但係佢一路講我就一路想訓～～
真係勁眼訓～
好在之後做ｐａｓｔｐａｐｅｒ調節番
今日我終於識玩「十五、二十」啦！！！
我一直都唔明既野今日終於都明左一半
我以前成日都唔明點解ｄ人係度叫５呀～１５咁
原來係指ｄ手指～
我又唔明點解ｄ人要收黎收去～但跟著唔知咩事就話佢輸左？！
今日阿雞佢地終於都教識左我～
可惜呀～我份人好遲鈍架嘛
所以有時出左之後又唔記得要唔淮轉
之後就俾佢地望住我笑～
我都知自己傻傻地架啦－－ａ
但我都玩唔到有咩咁搞笑既．．．
可能我重未識得玩掛．．．
之後就到我地補課ｌｕ
我覺得今日既自己真係太遲鈍呀
無啦啦小寶媽問我：「漢朝邊個武功最勁？」
我啞左－－ａ
我鬼知邊個識「武功」咩．．．
但跟住佢就開始話我：「連邊個武功勁都唔知？！？！」
跟住我就諗左一陣．．．：「漢武帝？」
：「係啦！」
唉．．．果然今日我真係遲鈍得太嚴重
唔通係唔夠訓－－ａ
補完課之後～我就自己一個人去左旺角～
目的就係要買件衫衫～
行左好耐都買唔到ｄ岩心水～不過好在
最後都俾我一眼看到一件我幾鐘意既＞ｗ＜
買完佢就返屋企～做功課
呵呵～今天看了大結局＊神無月
超正～～真係好感動＞３＜
搵日要全部１２集睇一次先＞ｗ＜

>>December 23, 2004 at 6:36:13 PM GMT+8

2004 年 12 月 21 日 星期二 【颳風】

尋日終於都上埋最後既返學日嚕～～！！
尋日將會係２００４年最後一日正常上既堂～
之後就要開始補課既生活＞＜
不過好辛苦咁最後一堂都測埋數學佢＞＜
測完之後我都不知道幾時去訓覺
但係要同埋阿ｖａｎ一齊去整野食～留番今日既大食會～
我地買左好多野～成＄１２８
不過因為我太肚餓啦～買左新地食ｗｏ
但我食得慢－－
跟住阿ｖａｎ就話我冇咩危機意識
佢話呢家咁趕時間～我就應該快手ｄ－－
後黎我地６：００終於都搞點「買野」
我同ｅｍｉｌｙ去到阿ｖａｎ屋企就立即開工
阿ｖａｎ媽咪已經幫我地整好ｄ壽司飯～
所以我就用我只係睇過一兩次既能力去整壽司！！
我真係第一次整壽司～好在都ｏｋ啦^^"
係一邊整壽司既時候我地又要整糯米慈
因為我地真係要整好多野食～
整哂成班既份量～真係好多呀
結果一整就整到十點啦
真係攰到唔想走＞︿＜
我同ｅｍｉｌｙ一齊走左之後～
我就去搭巴士
哇～真係勁攰呀～係巴士到好想訓．．．
但又驚訓左唔知醒
唯有又訓又醒咁～
一入到屋企就立即沖涼！！之後就立即訓覺
我訓覺都起碼要十一點幾啦
唔夠十秒鐘我就訓著囉～！！
不過真係好攰呀～所以今日都唔想起身
如果唔係約左琳琳同阿雞
我真係想訓遲ｄ／～＼
今日係聯歡會～
我地班整左好多野食～
阿ｍｏｏｎ好勁架～佢可以整到雞翼入面有腸仔既美食＞ｗ＜
我真係好想再食呀～好好味架
跟住又食其他野～ｏ者ｏ里＋朱古力＋大菜腸仔＋菠蘿腸仔＋意粉．．．．
重有好多好多架～～
食飽之後～我地就影下相呀～玩下野咁
今日好多人都著左裙裙～好得意架
之後我地就玩遊戲～～
ｄ遊戲我記得ｋａｒｙ佢以前講過～
今日終於有機會試下！不過真係要我去試囉－－
個遊戲係要將ｄ棉花糖用繩吊係好高既地方
要我地搵人抱人上去食
又唔俾用手～一定要用口咬黎食～
哇哇．．．不知幾驚呀
佢地捧我上去果陣真係勁驚架～！！！
我係咁捉住佢地ｗｏ
點知上左去之後又唔岩位
要移ｗｏ．．．勁驚呀～
好在我好快咁食左佢
之前咬好多次都食唔到～但好在我地都係最快果一組＞ｗ＜
之後我地就玩大電視～
哇．．．我真係無野好講
我發癲講左一句係唔係要用假人黎玩．．．
點知佢地就推左我去做假人？！＞口＜
結果我真係無啦啦做左假人俾佢地玩－－
好在ｊｕｄｙ鍚住我～唔係成日用我ｏ者＞ｗ＜
雖然最後阿嬌係咁答咁好多問題～
而ｓｔａ佢地都係
不過最後唔知點解我地都係羸左＞ｗｗ＜
ｓｔａ果組就慘啦～
之前重落咁多辣油～
佢地要食ｄ好嘔心既香蕉＞～＜
有ｄ人就食到要去嘔～真係幾慘下
完左之後我地就去禮堂～
首先開頭就係樂隊表演～
佢地ｏｋ勁啦～～不過之後就無啦啦唱左首歌叫＜＜愛我別走＞＞
我其實唔知咩歌黎架～都未聽過～不過ｄ歌詞同音樂幾易上口～
愛我別走
作詞：張震嶽　作曲：張震嶽　演唱：張震嶽
我到了這個時候還是一樣
夜裡的寂寞容易叫人悲傷
我不敢想的太多　因為我一個人
迎面而來的月光拉長身影
漫無目地的走在冷冷的街
我沒有妳的消息　因為我在想妳
愛我別走　如果妳說　妳不愛我
不要聽見妳真的說出口　再給我一點溫柔
不過唔知點解好似話阿花無啦啦喊ｗｏ～
我諗佢通常都係為左果ｄ野啦～
之後就有ｄ好無聊既抽獎
我都唔明點解我地班冇抽獎運既
有咩抽咁耐都係抽得一個
人地班抽５、６次囉！！＞＜
我地班叫左１之囉＞”＜
真係覺得自己運氣好差～！！
之後又有ｄ好無聊既遊戲呀～
不過有個好得意既話劇呀～
我初時真係唔知佢地係男仔黎架＞ｗ＜
好得意架個個細路～
一向我地學校大把女仔打扮到成個男仔咁
我都分唔到佢地係真定係假～
不過原來個個男仔真係男仔^^"|||||
佢有我細佬咁高既......比我細佬可能再高d添
雖然個髮型就薯仔左d～不過佢塊面幾白架＞ｗ＜
我真係覺得佢好得意架ｗｏ～
不過我又唔係好鍾意佢呀－－
只係覺得佢好ｑ之嘛－．－
完左話劑之後就好似有跳舞表演～
今次ｄ跳舞真係好好睇囉～
雖然係怪怪地～但真係好勁呀佢地～～
左轉加搖咁．．．真係頭暈死啦
佢地好有組織咁架～又有網頁又有電話
不過講野就串左少少啦－－ａ
但整個聯歡會我睇得出學治會係厄錢囉
聖誕老人派糖得一粒＜上年係拋好多架～個個都有兩３粒
抽獎＜－買勁細份！又唔實用！
我唔知佢係唔係用哂ｄ錢黎請人黎表演啦～
不過我自己就覺得真係好厄錢
開學交左咁多錢俾佢
佢都唔知點洗錢既！！
佢唔好同我講通脹冇錢用囉－－”
完左之後我同ｋａｒｙ～ｗｉｎｇｗｉｎｇ～雞～彩彩～ｅｍｉｌｙ一齊影貼紙相
我地影左兩次～影得都好靚＞ｗ＜
講真以後就真係冇咩機會咁可以走埋一齊影貼紙相～
今次之後幾時先再有？我自己都唔知呀～
有機會睇下影唔影到出黎先～
影完相就返左屋企嚕～
ｋａｒｙ同ｗｉｎｇｗｉｎｇ就去街街～
講真．．．我都好攰～今晚都係真ｄ訓～聽日要溫書．．．
星期四要測Ｔ^Ｔ中史．．．．
＊＊特別多謝～
ｓａｎｄｒａ送左好得意既禮物俾我～ｔｈｘ呀＞３＜
嘉ｌｉｎｇ既銀包都好得意呀～多謝呀～＞ｗ＜

>>December 21, 2004 at 8:48:08 PM GMT+8

2004 年 12 月 19 日 星期日 【炎熱】

岩岩見完家長返黎～
唉～～我都知唔會好得去邊
今次有蘇生同埋戴ｓｉｒ一齊見
雖然蘇生就好少野講～
不過我最唔好都係中英文
反而其他科就好到死－－
發夢都估唔到數學有８字頭囉＠ｏ＠＋
其實都係７０幾～
只得中英文有６０幾－－
睇黎我其他都先係好～
語文能力就偏低
其實真係唔知點解可以講咁耐～差唔多３個字
係咁講我要分好ｄ時間～再讀好ｄ
睇黎我遲ｄ真係連星期六日都會ｃｕｔ埋～
直到３個月後．．．Ｔ^Ｔ
３個後後就考ｍｏｃｋ
考完就放假之後就要去死．．．
到時我都真係唔知點死好＞＜
所以過埋呢個假期
我就真係咩都冇哂．．．重新開始
不論係邊一方面都好～
０５新開始？
一定會係～＊
目標係一定要升上中六
期望可以「忘記背後、努力面前」。

>>December 19, 2004 at 3:40:44 PM GMT+8

2004 年 12 月 18 日 星期六 【颳風】

尋晚雖然好夜訓～
但我都係要好早起身～
因為我要去明愛果個聖誕聯歡表演
不過早上係準備～下午先係真正開始～
我去度岩岩十點～
之後就去扭波波～＊
我今日終於學識點樣扭花花＞ｗ＜
另外阿ｙａｎ佢地就要整魔術
佢地本來要整一個箱
目的就係要變走我＞ｗ＜
當然啦．．．其實係好無聊既～
只係我走黎走去之嘛
但佢地整左成朝～最後都冇用度
因為時間唔夠～加上有好多破綻
就係我今日幫佢地變走自己既時候
我唔小心俾阿簡踩左一腳．．．
結果就反左甲Ｔ^Ｔ
我隻手指尾勁痛＞︿＜
痛左成日．．而且重要用膠布包住
阿簡知道佢搞到我反甲
佢真係好似癲左咁～
佢：「係唔係好痛呀！！！點算呀．．．ｘ２」
我：「好痛呀．．．不過冇野既．．．係痛ｏ者」
佢：「唔洗驚呀！！我吹下佢就唔會痛架啦～～」
我見住佢真係幫我吹隻手隻～當時我都已經呆左
因為真係好痛～～不過佢吹下又真係冇咁痛^^
但我隻手指真係痛到不其然震緊～
佢好緊張咁拉左我去拎膠布包住佢
雖然包得唔靚～但我真係好想安慰佢～叫佢唔洗咁驚
之後佢都好內疚咁～因為我真係無啦啦受傷^^"||||
呢家諗番起.....我覺得真係好想喊
一來隻手指重好痛啦.....
二來...一諗到原來受傷之後有人緊張就覺得好唔知點
雖然係好痛....但我好想講俾人知...自己係冇事
但事實上自己又有事wo....."
另外有人可以咁擔心自己..我又覺得好幸福...好感動
如果我受左傷....果個整傷我既人可以肯幫自己吹一吹傷口
哄一哄我......或許好多既痛都已經不見了
我自問自己都冇咁既福份～
我記得好細個果陣～
有一次我貪玩，爬黎爬去ｄ櫃
ｄ櫃用木做～而且由我出細前用到果陣～
所以已經好舊～而且ｄ木條已經跌出黎
跟住我唔小心被ｄ木條插左入腳甲個度
個陣真係痛到我想死咁．．．
我記得阿媽都未知咩事～
我好驚俾阿媽知道．．因為佢一定會罵我亂咁爬黎爬去
我記得果陣我最多只有４、５歲
我好似忍左好耐都唔敢大叫．．．
係咁喊ｗｏ～後黎阿媽好似知我喊都冇理我
因為佢知我係唔係都喊～一係就撞親一係就跌親
都唔理我咁多～結果我喊左好耐都冇人理．．．．Ｔ^Ｔ
後黎我阿媽知道我俾D木插左入腳甲到.....
就即刻黎睇我......幫我整番出黎
哇....呢家諗番起我都勁想喊
雖然我都知自己係唔係都喊一餐
不過一諗起真係要用「觸目驚心」黎形容
試問一個咁細個既我又點可能忍受到咁喊呀........
雖然真係十幾年前既事
但唔知係唔係太深刻
我到呢家都重記得果一幕
雖然我自己都分唔清楚到底係唔係只係發夢黎～
但我好似確確實實發生過！
好幸運咁～都已經過左去嚕～
我地今日既表演都好順利
雖然有ｄ野真係有意外既
但都ｏｋ順利啦
個度係一間酒樓之類咁
但就好似酒店咁豪華＞ｗ＜
俾我既感覺就係．．．我如果要結婚既
就要搵呢種咁靚既地方ＸＤ
個度真係好靚架～ｄ人服務都勁好
我地雖然只係表演～但都有勁多禮物～～
相比尋日去第２度做義工既聖誕ｐａｒｔｙ就差得遠嚕
不過算啦～都係義工ｏ者～冇所謂啦
完左呢度之後我同小明又一齊去買禮物
唔知點解成日都咁岩同小明一齊去買禮物既
我已經買好左幾份．．．
但就已經破產－－
因為自己儲左咁耐既錢真係唔夠買禮物
同埋重要遲ｄ去街街囉＞＜
真係好想死左佢＞＜
唯有同大家講．．．我會努力搵到禮物架啦＜爆＞

>>December 18, 2004 at 10:41:53 PM GMT+8