2004 年 11 月 21 日 星期日 【颳風】

呢幾日開始都涷嚕～～
我都有著番多ｄ衫～不竟阿媽唔會成日叫我著衫
我又岩岩先病番好～當然要著多件衫啦～費時又病多次＞ｗ＜
尋日同ｋａｒｙ去左唱ｋ～
一唱ｋ就會唱好多歌架啦～
我真係有ｄ唔明......點解成日都有人覺得我好似細路咁架
我覺得d人問野時好似真係當我細路女...唔識野咁呀！
真係唔理佢啦～＞”＜
我地唱左好多歌歌～
有我最想唱既自由行～
我發覺千嬅上年隻碟真係有好多歌都係關於聖誕節
一諗到聖誕節係好多人都好鍾意既日子時
我就覺得自己真係應唔應該期待？應唔應該開心呢？
都係唔好諗嚕～
之後番到教會就有天麒教我ｅｃｏｎ～
佢真係ｏｋ掂架ｗｏ～
佢睇番我本書就明點樣解俾我知～～
我真係好佩服佢呀～
而且佢教得都好好架＞ｗ＜
我完全明哂～雖然個ｄ題目都係做過既
但我都唔係咁明～佢咁樣一解我大約都知下次測驗要點樣做嚕
希望會考唔好咁難就好啦＞︿＜
今次既真理教導係講結婚～
又係結婚．．．
上聖經堂已經講完啦.....又再講多次
不過頌恩講左一樣令我好有期待既野
就係二人三足～
我係佢講緊結婚既時候～我一路諗
如果係將來真係要搵對象既時候
佢一定要識同我玩二人三足先得～ｋｅ
因為頌恩講得好岩～如果大家唔岩腳既時候
就會跌倒～亦即係會有爭執困境出現～
所以我要用二人三足睇下夾唔夾＞ｗ＜
後黎我同ｋａｒｙ都有番崇拜～
唔知點解呢～
係牧師祈禱時～我真係差ｄ喊左出黎
眼都濕哂～原因可能係牧師講果ｄ野啦～
神真係俾左好多支持我架～
我覺得神俾我既野有好多．．．
其實我每日都經歷緊神既恩典
但係我真係覺得自己既生命重係唔充實
可能係因為呢家我都唔係以神的國為先啦～
聖經話百合花、野草都不用工作就有神去料養它們
我們比它們更珍貴，我們又何須要擔心生活既憂慮？
其實係當時我真係有諗過.....如果我萬一會考真係唔得既時候
我可能真係去讀神學架......
係剎那間我真係咁樣諗.....
我真係覺得自己放左好少既時間係神既身上
我記得我同kary講左～
如果我真係會考完～升到上中六既
我就會係高考完左之後受浸～
我真係好想將我自己暫時既野做哂之後就可以去受浸
我好想係自己受浸既時候～自己係無憂無慮
一心一意將神放係第一位～
呢個係我許下承諾～但係我真係好驚最後會變成係俾自己既藉口
我當然唔想係藉口．．．但我真係好驚會係
希望神會明白我唔係真係咁諗啦＞︿＜．
我俾自己諗左好耐
其實我都唔知自己呢家係想點
對住你我寧願比陌生人更陌生
我真係唔想再同你講野........
我唔係嬲你～但係我唔知我地之間有咩可以講
其實我地之間要講既野從來只係公事
並無私事可言～你同我既距離從來都咁遠
一ｄ都冇改變過.......

>>November 21, 2004 at 10:36:49 PM GMT+8

2004 年 11 月 19 日 星期五 【微冷】

哇哇～～～～去海洋公園呀今日～
勁開心～呀首先由今朝講起先＊
－－－－－－－－－－－－－－
７：３０我已經到左九龍城～
今日出奇地～我經隧道去廣場果度
其實我咁遲先搭車係好希望可以見到果張好美的臉ＸＤ
我一路行既時候都見到勁多人返學～
一諗到人地番學自己去海洋公園我就勁開心～
上到麥記～見到ｅｍｉｌｙ發緊呆咁到左～
之後就繼續等埋其他人啦～
哇哇！！點知俾我見到有個變態人呀！
個個人打扮既外表係有ｄ似女仔啦
佢戴頭巾架！！！佢阿媽都係囉！？！
咁我就有意無意成日留意佢地
＜原因係我見到係佢身上有男性我特徵！喉嚨～
而且我唔知佢係把聲沈丫定係真係一個男人！！
我聽到佢講野都好似男人呀＞”＜
不過我又見到佢係有胸部！
咁到底佢係男定女架＞～＜
於是我成日都聽佢地講野....雖然都幾遠距離！～
佢身穿一件幾女人既冷衫～穿一條深紫與深紅的牛仔褲
根本上我無理由懷疑.....但我對於佢既聲音同行為都勁似男人既關係
就係度研究下囉～＜只有我自己留意－－
後黎ｋａｒｙ遲起身就唔黎啦～
而我地食完野～百佳終於都開左～買埋就返去學校嚕
今年叫級席？因為我地都叫係最後一年架～所以冇計啦
就係因為咁有時講野都幾入肉～
搞到我都有ｄ眼濕濕～～
後黎就到玩遊戲啦！！！
我地班玩ｇａｍｅ就最勁～
大把人都好落力既～
所以我地班講真～最團結就係我地玩遊戲既時候
最後真係我地班贏左～成為大贏家～
雖然係皆大歡喜～不過我地果份禮物係最大份既＞ｗ＜
之後我地就去上車啦～
咦呀～有ｄ人真係好ｃｈｅａｐ架
我真係勁紋囉～
有咩理由咁都得架
成日扮哂野咁！！！！
算啦～我真係差ｄ想罵佢地囉．．．！！
不過我唔覺得應該因為咁面唔高興～搞到我要為呢ｄ人而煩＞︿＜
之後開車就係咁玩ｗｏ～又扮野又唱歌
阿ｓｉｒ又唱歌呀＞ｗ＜
我覺得咁樣係最好玩既～＞ｏ＜
之後我地最早落車啦～以為可以入去啦！
點知呢自由行搞到ｄ覽車而等差唔多成一小時
所以阿ｓｉｒ又要我地分批坐去其他班既車去另一邊既入
我坐左係譚ｓｉｒ旁邊～
佢幾搞野架～問左我一句
譚ｓｉｒ：坐得舒唔舒服呀？唔舒服出聲ｗｏ～
我：唔緊要啦～好快到～～
之後我地就真係開始我地既海洋公園之旅啦！！！
＊＊＊＊＊＊＊＊＊＊＊＊＊＊＊
首先落左車就即係去影番幅相相～
我同阿雞呀ｋａｒｙ重有ｅｍｉｌｙ～
之後大家就出發嚕＞ｗ＜
我地一行人有８個～
我，ｅｍｉｌｙ，ｗｉｎｎｅ，阿花、阿香、阿雞、重有阿ｖａｎ同琳琳
我地一開始就去玩急流～
雖然好長隊～不過都去排＞ｗ＜
咦．．佢地好衰架
要我一個坐到最前＞～＜
我同ｋａｒｙ坐前排
ｅｍｉｌｙ重有ｗｉｎｇｗｉｎｇ就坐係後面～
哇．．．勁驚啦我．．我都未坐過最前架！！！
係開船上去時我就勁驚囉！！勁想走人呀．．．！！！
到真係入去隧道時我就係咁大叫囉．．．．
真係驚架～～！！！好恐怖架！！好驚咁樣就趺左出黎＞～＜
好在當然冇事啦～但成身就濕哂啦．．．
好似落湯雞咁＞ｗ＜
之後玩完我地就開始食野嚕～
阿花整左既沙律勁好味呀＞ｗ＜
琳琳就整左意粉～雞雞就整左丸～
我就叫阿媽整左炒飯～ｅｍｉｌｙ就整左腸仔～
大家都勁係度食野囉～
ｄ野真係好好味呀～
食到大家有ｄ飽～我地就出發去玩越礦飛車～
排左勁耐啦！！重要俾ｄ大陸人打尖呀＞︿＜
佢地係咁打尖囉！！我都唔明點解佢地咁鍾意打尖！
唔好以為自己黎香港玩就大哂啦＞︿＜
有咩理由可以打尖ｗｏ！！
我地排左差唔多９個字終於都有得玩嚕～～
初初玩係好興奮架！！
可惜之後就勁刺激啦～衝落去果陣好似想拋我出去咁＞ｗ＜
我真係彈左一彈架＞ｗ＜
之後再落番去～～真係嚇到我死呀.....係咁大叫....！！
好在玩完之後有得停一停～咁先定番下＞ｗ＜
後黎我地就出發去玩鞦韆～～
果個鞦韆一ｄ都唔驚架～
不過就好暈啦....係咁轉嘛
係我地去玩既途中見到個海豚人公仔＞ｗ＜
佢地同我地一齊影相相呀～
原來佢好衰架～不過同我一齊影相時又冇咩點ｗｏ～
佢同其他人影相時會周圍搖同拎頭～
搞到好似食人地個頭咁架＞ｗ＜
我地好快就玩完鞦韆～之後就過番對面玩嚕～
原來我真係驚坐覽車架＞～＜
我雖然冇ｗｉｎｎｅ咁驚
但係我一過左個山要落山時就勁驚啦．．．
分分鐘重驚過ｗｉｎｎｅ呀＞＜
因為落山真係勁恐怖架＞～＜
每係落山個一個電搭我就會大叫～～～
我真係勁驚係落山時跌左落去囉＞～＜
好在只得幾分鐘．．．．唔係我一定會死架
過左黎之後我地就去睇動感影院～！！
我係第一次去睇架～
講真．．．我真係好多第一次係海洋公園做架～
我從黎都冇入去玩過動感影院～
但原來係勁正架！！！！
真係俾錢都要入多次呀～
因為真係好得架！勁刺激呀～～
我俾佢搞到我係咁叫呀～
雖然明知係假架～但係佢整到轉黎轉去搖黎搖去
而且有得噴水架！！＞ｗ＜
真係覺得好正架～我地係最後果排叫到勁咩囉～
雖然唔知其他人有冇叫呀～但我肯定我真係叫得好大聲呀～＞ｗ＜
玩完之後我地就去探下安安佳佳～
佢地真係好ｃｕｔｅ＞３＜
我去到岩岩見到佢地食緊野呀～
好可愛架佢地～～＞ｗ＜
我影左勁多相相呀同佢地～＞ｗｗ＜
之後我地就去報到嚕～
我地諗左即刻報到完就可以自由玩到６：００～
報到完我地就出發去兒童王國嚕～
我地首先去玩旋轉木馬～～
我發現真係有好唔同既感覺～
雖然有ｄ大唔透既感覺～但我真係覺得好舒服～
係木馬到係咁影相呀～互相係咁影～
之後我地就去玩摩天輪～
雖然只係好細既摩天輪～
但真係好開心～因為可以同ｅｍｉｌｙ一齊影ｄ靚人靚景＞ｗ＜
影完之後我地就再去搵其他靚景影相～
又影下山呀～樹下咁～重有大合照
我呢家先明白其實只要係開心～同邊個一齊都冇所謂架＞ｗ＜
我地幾個ｒｅａｌｌｙ玩得好開心～
我呢家先明白其實一直屈埋ｄ唔開心既野～尋日係咩都可以冇哂囉
我諗我真係覺得係果度我可以好開心咁大叫～
遲下有機會再去就好嚕＞ｗ＜
後黎ｅｍｉｌｙ佢地個個都要走.....Ｔ^Ｔ
我打電話俾ｋａｒｙ佢地...
佢地話佢地係度睇緊魚．．叫我搭覽車過去．．．．．
但根本就冇人陪我過去搭＞”＜
結果．．．．我最後真係自己一個人去左搭覽車
我其實真係驚架！！！但我又唔捨得咁早返屋企＞～＜
我一路行上去搭覽車都冇人架～
之後我真係自己一個去搭囉．．．
我真係一路打電話同ｋａｒｙ傾電話．．．
一路分散注意力．．．但係一到電搭位置
我就會係咁大叫．．．．
叫到電話果邊都聽到囉．．．
之後好辛苦終於都到達左～點知我同ｗｉｎｇｗｉｎｇ之後就要．．．
俾ｋａｒｙ擺上船．．．玩多次急流
今次我真係勁驚～當時已經黑哂天啦．．．
咩都睇唔到．．重要玩多次
ｗｉｎｇｗｉｎｇ好慘咁坐左第一
我今次點都要坐第四．．．因為真係好驚
上到去真係想跳船囉．．．勁驚係咁叫＞︿＜
ｗｉｎｇｗｉｎｇ真係好慘～佢驚到死
我唔知係唔係真係太緊張
玩完之後我雙腳完全冇力囉．．．
差ｄ行路都跌一跌～～
之後我地就再去睇下ｄ精品～然後就搭車返屋企囉
不過真係好攰呀．．．
攰到成身都痛．．．而且重要暈暈地＞＠＜
我諗係太眼訓啦～最後尋晚ｕｐｌｏａｄ相就去訓嚕～～
我真係好開心．．．我完全做到自己最開心既野～
原來沒了你我也能活得更好
這樣令我更活得更快樂
我再不會因為你而變得氣憤～
願諒我們過去的夢～因為已經過去了

>>November 21, 2004 at 1:14:20 AM GMT+8

2004 年 11 月 18 日 星期四 【微冷】

哈哈～～～今日成日都癲癲地～
俾ｋａｒｙ話左我勁多次～
成日話我無啦啦係度笑～
我自己都唔知點解架
總知我就真係好興奮～海洋公園呀＞ｗ＜
聽日就可以去嚕～～好開心呀
我今晚就十分興奮～不過返到屋企都有做功課架～
ｂｕｔ我唔識做ｏ者－－ａ
後黎天麒突然打電話黎我先記得～
天麒：喂～思華呀？
我：係係～
天：係唔係今個星期六想我教你ｅｃｏｎ呀？
我：＜係ｗｏ！？我都唔記得＞呀．．．係呀
天：咁係唔係１：３０呀？＜地鐵關門聲中＞
我：下？我聽唔到呀．．．講多次
天：我話咁星期六１：３０係唔係？
我：哦．．係呀～不過洗唔洗遲ｄ呀？
天：唔洗既～遲ｄ咪教先ｄ囉～
我：咁．．．２：００啦～之前我未得閒
天：咁就２：００見啦～
我：哦～唔該哂～
＊＊＊＊中間有刪剪＊＊＊＊＊
哈哈～我都唔記得自己有約佢
更加估唔到佢會記得＠＠
佢真係勁ｗｏ～咁都記得～算佢醒啦
哇～聽日去完海洋公園返黎都死得啦～
邊有力去影相呀？＜貼紙＞
我重諗住同彩彩重有阿雞佢地一齊去架嘛＞～＜
講真～我自己都ｆｅｅｌ到今日有ｄ問題架自己
但估唔到係癲癲地咁ｏ者
我諗我真係好期待聽日～＜＜搭覽車好驚又好玩
我要玩好多野～我真係好想放低哂所以唔ｈａｐｐｙ既野～
而且都要放低所以唔值得我會花時間諗既人～
不論係嬲佢、恨佢、負佢、無價值既佢～
ａｌｌ都要放低係海洋公園餵海豚～＞ｗ＜
講真～我覺得戴ｓｉｒ個樣同ｄ海豹好似架！！
今日上堂多神經講左出黎～我就覺得好襯＞ｗ＜
ｈｏｗｅｖｅｒ～雖然我好好開心好興奮
但仍然有ｄ人係唔ｈａｐｐｙ既
呢幾日有好多人都有爭執～
真係好麻煩架～
尋日影班相無啦啦就有人發脾氣～
我本黎唔知架～但呢家都估唔到會搞成咁～
阿雞最近又有事～阿ｍａｎ又喊
就連邊個邊個都係．．．．ＸＤ
總知就希望大家快ｄ無事啦～
以和為貴嘛～唔通成日針鋒相對好咩～
上堂都唔希望搞咁多野啦～
希望過左聽日就大家都好ｄ啦～～
唔知當你對住一樣既人～
但感覺已經唔同既時候，你有咩結論呢？
我既結論係～原因：變左
我諗好多感情都係ｔｈｅ　ｓａｍｅ
所以我正等緊呢日既黎臨～

>>November 18, 2004 at 11:04:49 PM GMT+8

2004 年 11 月 14 日 星期日 【炎熱】

咁快就放完3日假架.......||||||
今日已經星期日啦.....我覺得都重未好夠＞～＜
可能因為病左搞到我冇哂ｄ時間
小魚果日重話我真係蠢左....
揀正放假先黎病........||||||
我自己都唔想架＞～＜
我都唔知點解自己次次都係咁既～
不過都係果句.....其實只要係我想病既
幾時都病得既～
一星期就即刻應驗！？
今日訓到成十點先起身～
起身就幫下手洗碗同做功課啦
唔知係唔係因為食完野食埋ｄ藥
點知ｄ藥好快就發作......
我食完藥想做多少少功課...就發覺好暈
根本就用唔到腦做功課
諗住訓覺會好d.....又唔得
結果唯有online睇埋我ｄ動畫＞ｗ＜
點點每星期都會給我四套的動畫～
真係辛苦哂佢＞ｗ＜
呢４套動畫都好好睇～
佢介紹既野一向都好有保証^^
不過我一陣就要乖乖去溫書嚕.........
因為我一d都未溫過.......聽日要測地理= =aaaa
我呢家真係好驚地理......|||||||
根本都唔知佢會問d咩....點樣答wo＞～＜
又成日都答唔番ｄ問題～！！
真係要好好落力溫番先得～
冇人幫自己就要自己幫自己架啦
呢ｄ叫自力更生？！
唔知點解我發現一樣好特別既野
到底係點解呢.....
係唔係我唔夠成熟定係其他人有其他既性格？
我發覺有ｄ人打日記好得意
佢唔係將自己每日做既野ｏｒ想講既野打低
反而係去提醒自己一ｄ野，到底係點呢？
有ｄ人就更古怪～！好似猜謎咁....打d唔知咩既出黎～
搞到我又好想知ｗｏ～
不過其實日記係自己既....自己打咩自己知就ok啦～
唔洗其他人知既ｋｅ～＞w＜
其實呢家既我仍然係困惑之中
我都唔知自己到底想點樣～
成日都心大心細咁～
有ｄ野好似揀唔落手咁
但又唔係你話揀就揀～
果日上完聖經堂我真係覺得高生講得好岩架ｗｏ
我地呢家既聖經堂都係講緊「婚姻」
因為我地好快可能就會走出社會
所以有必要比我地知清楚結婚呢樣野係點樣
高生講到：如果你一旦認為果個人係你既結婚對象
咁你就要對自己呢家包容緊佢既野繼續包容落去
ｅｇ佢係脾氣差既～你就唔可以希望佢同你結婚之後會為你改
如果唔係你就要呢一世都要忍佢既「脾氣差」！
講真～我真係好認同呢句野
如果你當日係唔鍾意佢呢點
忍受唔到既～咁我勸你不如唔好同佢一齊～
我對於自己都係咁樣覺得～
除非你真係鍾意佢好深～願意永遠忍ｏｒ包容佢
可惜我就未搵到一個咁既人啦
我唔覺得自己有必要再去忍咁多～
０４年其實唔係好既一年
因為呢一年令我改變左好多
就連以前我發夢都唔會諗到既野
今年都係我既手中出現左
不過過去既就會過去
無必要再諗太多～
其實我自己都唔知點解要逃避
而且果日我講既野真係實現左
根本就冇人覺得自己係錯
所以我都冇咩理由再去要求、再去期望、再去諗
其實我以後都唔會再去相信先岩～
我唔想再去做果種蠢人
我始終只會相信自己眼見、聽見既野
因為猜測太過恐怖啦～
冇人知道最後既答案係咩～
所以我可能先會在逃避真相.............

>>November 14, 2004 at 5:25:43 PM GMT+8

2004 年 11 月 13 日 星期六 【炎熱】

終於～～病左嚕
尋日朝早都病到有ｄ問題架啦
本來想唔去明愛架啦
但是沒辦法啦～應承左人就點都要去！
結果就愈來愈嚴重．．．而且勁頭痛
最後我都係要去睇醫生
成年都唔睇醫生既我今次都真係要去睇－－
我好辛苦先涯到去診所
點知ｄ護士原來好惡架......
我成十年冇番去果度睇醫生嚕.....
我細細個就去果度睇～
點知咁快就十年有多嚕
我係度探熱既時候～一路係咁諗一定要發燒
點知真係發燒＞ｗ＜
我真係好開心～～雖然只係１００℉
但都已經好好架啦～可以發燒証明自己今次病得好重～
而我都有可能高ｄ＞＜
好快就到我同媽咪入去睇醫生.......
原來醫生都係有問題.........
佢地好快咁睇既......
不停轉來轉去...= =aaaa
點知我重要打針＞＜
要我一時間接受打針呢個事實實在冇可能....
醫生：要打枝針ｗｏ
我：下？唔打針得唔得呀
醫生：打針開ｄ好ａｒ
我都未準備好.......就已經被佢打左......T^T
到呢家我重好痛......|||||||||||
可能係因為打針果陣我冇放鬆到.....結果就搞到呢家重好痛
我真係好怕打針架/___\
打完我都未接受到.......
後黎係搭車返屋企時....我已經唔得...勁辛苦/___\
要即刻返屋企訓.....
就係咁我尋晚成晚就係咁訓..........||||||||||||'"""
今日要起身返去學校導修～
起身食左少少野.....食左d藥以為冇咩野啦
點知都係覺得好辛苦＞～＜
搭搭下車已經好頭痛同想作嘔
結果好在有個膠袋～嘔作落去.......|||||
我諗係因為我坐冷氣巴士....令到空氣唔流通
加上架車係咁轉彎同埋搖.....
返到學校都嘔左兩次......||||||
兩次都去唔到廁所= =||||||||||
後黎開左少少窗就好好多嚕～
雖然其實今日返到去都聽唔到ｄ咩
但都學到少少野～起碼係阿ｓｉｒ冇講過既～
後黎就同ｋａｒｙ去食野
我真係好似咩都唔食得＞～＜
真係要食白粥～同米粉
後黎就返左教會做功課
我放左假都未做過功課＞”＜
一定要做番ｄ功課！！
好在都完成左我既目標做哂佢地～
岩岩重做埋補充同少少ｎｅｗｓｃｕｔ＞ｗ＜
聽日重要溫書呀.......有d擔心添
講返教會先～之後我地就有生日週～
其實我真係第一次係教會有人同我慶祝＜－單指在教會
我覺得呁樣既生日週同係幼稚園好似～
我好鍾意＞ｗ＜
可惜我病左啦＞～＜
冇得食蛋糕.......||||||||
不過其實都玩得幾開心既～
又食咁多生果～都幾健康呀
可惜我咩都唔食得～咁就冇計啦＞～＜
後黎我就返左屋企訓一陣嚕～
今日成日都只係做過呢ｄ野
希望我快ｄ病好啦～我真係好想去海洋公園＞ｏ＜
一定要去一定要去到～
不過我真係覺得自己唔識ｔａｋｅ　ｃａｒｅ自己－－
我食藥都唔定時呃.....會唔會唔係咁好呀？
算啦.....唔理得咁多＞～＜

>>November 13, 2004 at 11:46:23 PM GMT+8

2004 年 11 月 11 日 星期四 【微冷】

哇哇哇哇～～～
又到星期四～聽日就放假啦
真係要多謝中山先生＞３＜
因為佢我先可以有一日可以休息一下
尋日我真係勁辛苦～我果種辛苦係想死咁痛苦＞＜
返到屋企為左令自己唔好訓～
結果我睇左神無月第６集又上網打日記
又聽歌....又......做mc
做咁多野既目的都係想自己唔好訓....等自己有番d精神
點知真係要溫書既時間.....
我用左半小時.....就要訓著左
好在次前幾晚溫左少少......
但係中史呢樣野要背....又點可以背得哂
我用左半小時溫習後就訓左個半鐘......|"
我訓到11點先再去溫......
但我真係好攰......結果溫埋五代十國我就訓左
結果只係用左45分鐘溫書........
我訓得好舒服.....連今日都唔想醒
一起身就返學.......|||||
但我仍然好辛苦...根本咩都記唔到...聽唔入
成個人陷入癲狂情況.....
我真係好想搵野撞暈自己.....我真係有咁既衝動
跟住我都係十分痴........
上數學堂我真係咩都聽唔入.....
加上我都唔知佢教咩野.....
而且我有想殺左佢既感覺...
唔係佢死就我亡......||||||||||
我真係好痛苦........||||
果陣係我從來都試過上得咁痛苦既堂.....
結果涯左兩堂...終於都小息
小息就仍然都係d中史.....呢d咁既折磨真係好痛苦.....= =
終於都真係測完中史....
果種成個人都放鬆左好多...好似成日都係為左呢樣野而擔心
呢家咩都放開哂咁～
跟住就係中文堂～
好在今日冇教書呀～可以休息下
我地今日對補充～點知係我呢本答案望落去時
我成個人暈左一陣
明明我用手託住個頭
係一秒鐘既時間左右
我突然成個人暈左咁
嚇死我啦.....我都唔知發生咩事
之後好似個人暈暈地咁
但果陣我真係好驚......都唔知點解會咁既
後黎係lunch同kary食飯....佢話我知佢都會咁
每次佢測驗完左都會咁....
佢同我講原因可能係我都係貧血....又或者係我只係緊張果度
我諗係緊張過度o者.....
因為我真係好驚自己今次中史係溫唔哂d書
我每次都係好怕溫唔哂書......
跟住我唔知係唔係搞點左中史...
我就開始癲癲地咁....
唔知點解我好鍾意玩sandra架~~>w<
我覺得sandra好可愛架～玩下佢係我既好樂趣
我成日都係話佢蝦我～
而事實上係我蝦緊佢～＊
不過sandra最近好似唔知點咁既....
係唔係有咩事呢....佢最近成績差左？
得閒問下佢先～＊
之後就係兩堂歷史＜點解係歷史？！
明明我好鍾意聽佢講書架嘛
點解今日要做測驗ｗｏ！！
雖然唔係真係測驗
但用兩堂黎叫我地做一份測驗卷？！
而且又要ｄｂｑ又要問答＞ｏ＜”
當時我真係覺得成個世界玩完......
我真係再冇精力去做份卷.....而且真係好攰......
結果一邊做一邊想打人..想大叫...想唔做想.....喊
真係好唔想做..但又好驚做唔哂...又好驚做得唔好
結果最後我打鐘都未做好.....
但我都唔理佢....繼續寫....寫到我自己隻手都唔係自己一樣
對手勁痛....而且唔知想點咁....
好想砍左佢.....=口=|||||||
跟住我做完就開始大叫......
我發現大叫可能真係幫到自己....
咁樣真係好似舒服d
後黎我返到屋企就準備去游水.....
kary佢係都要我陪佢去游....
講真我自己真係好少11月都去游水
結果入到去d水真係勁涷.....
雖然話水溫有28℃.....
但我真係勁涷.....
愈游就愈涷......我要游去一d有水燈既地方保暖
可能自己一向都係又怕涷又怕熱啦.....
所以真係覺得自己好麻煩
結果唔知係唔係因為咁呢...
我飲左好幾淡水= =aaa
而且返到黎呢家又流緊鼻水.....
唔通真係病左？
係既話都唔係唔好呀．．．
其實我都真係想病下～
因為小病都有益嘛
只要唔嚴重就可以嚕～
今日已經成日打噴嚏
成日訓覺唔定時～要病真係好易
唯有希望唔係太嚴重啦～
我知道神會保守同醫治我既～～
媽咪佢都有感冒呀～希望佢都快ｄ好返啦～～～

>>November 11, 2004 at 11:23:44 PM GMT+8

2004 年 11 月 10 日 星期三 【微冷】

呢幾日真係唔知自己搞咩野～
日訓夜訓都唔夠咁～
放學返黎又訓～夜晚唔足夠１２點又訓
我真係覺得冇左訓覺係一件超級嚴重既事～！！！
可能係呢幾日心情都唔係特別好～加埋又好多野煩緊ｗｏ
一黎煩緊自己最近係唔係做左ｄ咩野
點解開始冇咩心機溫書同埋有ｄ懶
我唔知點解會咁樣呀
總知我自己都唔想咁～一提到溫書我真係寧願訓覺
加上我溫左書都唔記得既
我覺得自己個心好似唔知掛左ｄ咩
二來我呢幾日都癲癲地
一係就鬼咁開心～一時就鬼咁ｄｏｗｎ
我真係唔知自己想點
好似今日咁呀～我成日都傻笑
一係就癲左咁～
而且我上數學重要做左ｄ好雅既動作
係阿ｓｉｒ堂做埋ｄ咁既野我都知自己唔岩架啦
不過我對腳真係好痛～真係要按摩下
結果就俾阿雞罵我ＸＤ
成日訓覺我都會發一ｄ好得意既夢
我都唔知呢ｄ叫咩意思
前幾日我夢見方中信－－ａ
唔知係唔係佢曝光率高左～
搞到係我既記憶入面都好深刻～＊
呢個夢令我鍾意左佢ＸＤ
突然我覺得佢好好添
古巨基係３月開演唱會呀＞ｏ＜
我好想好想去睇呀～～～
不過無啦啦今日有人話果陣要考試架啦＞”＜
咦．．．我冇得去睇呀？！
唔得呀！！我死都要去睇架啦
考試都係咁講～佢首次去開演唱會我一定要去睇架！
重有．．．我諗我真係接受唔到佢
我諗呢次打擊咁大
我無可能再願諒佢
應該係冇可能再去相信佢先岩........

>>November 10, 2004 at 8:04:07 PM GMT+8

2004 年 11 月 7 日 星期日 【微冷】

今日我心情終於好返ｄ嚕～
尋日心情跌到好低～因為我依然好嬲～
我尋日本身係好想打日記．．．最後我都係冇心機同冇心情
我唔明點解真係一日之內有咁多野發生
係教會入面我真係覺得好辛苦
我明明係好鍾意返去
但係複雜既人際關係實在令人疲乏．．．．
我好想去改變好多野
但又唔係樣樣可以俾我改變
結果有時候真係好無奈
我真係覺得自己係無辜既．．．
第一次咁樣俾個男仔發自己脾氣
你話佢係我細佬就係ｏ者.........
係屋企我細佬成日都罵我..發我脾氣甚至同我動手
但係呢個人？我真係千萬都估唔到會咁樣囉
連ｋａｒｙ聽到我咁講都嚇一跳囉
我到底係唔係好蠢呢？
定係我太過遲鈍呢？
ｋａｒｙ話佢其實一直都幾大脾氣
但估唔到佢係會發脾氣係我身上
就連佢都估唔到會係咁囉
我就更加係好無辜
我一直都知佢都幾易發脾氣呀咁
我以為佢平時只係因為同其他人玩唔理呀．．
其他人唔聽佢講野.....果陣佢就會發脾氣
但係我估唔到對住女仔都會咁樣.....
人地成日都話ｄ男仔好有風度
我遇上咁多男仔都覺得呢句話係岩既＜除左我細佬＞
點知呢句話係佢身上都要打個問號囉？！
算啦.......我知自己係易俾蝦架啦～
我有時真係會覺得自己好無用
我永遠都要人地去保護自己
而自己係唔識得保護自己
我唔識去做ｄ野去避免、去抵抗
結果受苦了就後悔
你話係唔係又白痴又無聊－－
今日同左ｓｏｓｏ～ｖｅｙａｎｎａ去街街
好耐冇見佢地啦～～雖然只係抽到幾個小時既時間見一下
但係都好開心架啦～～起碼佢地俾到我一個好大既安全感
佢地唔會蝦我～而且非常錫我
我唔需要擔心講野要被忌～講野又好輕鬆
而且雖然大家都有唔同既圈子呀～識唔到既人
但係我地唔會因為唔知對方講緊咩就唔聽
反而更加有興趣～
我好鍾意聽人講野～我覺得其他人講既故仔都係好好聽
係真實又好係假既笑話都好
果種嘻嘻哈哈既感覺真係好開心
我好懷念大家一班人去街玩既日子
我記得果陣真係好開心～我每一次都好期待
唔知點解啦～我係自從同姐姐佢地識落之後
係每次大家約出黎既時候
我真係覺得自己好似大鄉里出城咁
有好多好多既地方我以前未去過既未試過既
係過去呢一年入面我都試左好多～＊
今日同ｖｅｙａｎｎａ傾番起
我先發現原來自己同佢已經識左咁耐嚕
我重以為我地識左一年左右
原來已經兩年啦～～
真係一段好長而充滿回憶既日子
所以我真係好鍾意佢地＞ｗ＜
被佢地關心同埋愛護
我其實真係覺得自己好幸福
呢種幸福係我從黎都冇其他朋友上面得到～
唔知呢ｄ係唔係就叫做緣份呢？
後黎我返屋企時經過漫畫店～
好開心呀～我已經好耐冇去漫畫店啦
我今日去左就買左本漫畫＞ｗ＜
一路搭車一路睇～～勁開心
唔知係唔係真係好耐都冇洗錢呀
根住就好似洗上隱咁～我又買左張貼紙同埋把梳～
其實我係俾錢既時候先知道原來咁貴
成＄１８一把梳～我覺得貴左少少＜＜因為好細把
但最後都算啦～我覺得有時買少少野俾自己唔係好差ｏ者～
結果我就買左～
而且係之前同ｖｅｙａｎｎａ買野時
我同佢一齊買左兩條鏈～
我買左一個十字架同埋豎琴既鏈
我決定左架啦～可能豎琴會岩我多ｄ．．．
比起鋼琴黎講．．

>>November 7, 2004 at 9:00:32 PM GMT+8

2004 年 11 月 5 日 星期五 【微冷】

又一個星期嚕.....
今日個星期日日都有測驗...真係好辛苦
而且....我個人都好down.....
我自己都唔知因咩事會搞成咁.....
可能係上星期日掛.......
由上星期日到今日為至.....日日都好冇mood
前日就係最down既時間...
我連溫書都冇心機........
我諗自己重係煩緊果樣野先會咁.....
煩緊應該選擇首歌定係放棄首歌.....|||||
可能每日上堂都好辛苦啦
每日返到屋企都會訓一陣先去做功課同溫書....
我其實都驚自己咁樣好易病....
因為夜晚要成11點12點訓...對我黎講係好難既事
d人好多都話一訓左就好難成身...溫書
一睡不起？！睡公主就會吧
假如我可以一直睡下去都不錯～
發夢或者會知道更加多我要知既答案
尋晚發左個幾得人驚既夢
我所講既「得人驚」唔係恐怖片
而係一個我從黎都冇諗到既夢竟然出現左
唔知係唔係諗得太多揀歌.....
結果諗上腦.....|||||
當係夢入面你咁樣同我講時....
我記得自己當時既表情係扮聽唔到....
繼續同緊另一個人大笑大叫....
而當你講你係認真既時候～
我竟然突然好正經咁.....講左一句我會認真考慮
我真係發夢都冇諗到會發咁樣既夢
呢個到底係咩夢黎架......簡直係令人胡思亂想既
不過就連係夢入面我都決定唔到答案
咁即係話...其實我真係唔知自己想點
我其實一直都接受唔到呢個結果～
不過點樣到好啦......有d野唔可以叫自己接受唔接受
因為未係事實既野....就永遠都唔可以叫做真實
我都唔想再花太多精神係上面去諗....
我只係好想好想休息一下......

今日好多人都死左係standand test之下
當然係b卷d人啦.....
我有少少好彩自己唔係考b卷....
當然都有不幸....因為我驚自己遲d補考都會肥..
佢地今日一個兩個都喊著返黎咁......話完全聽唔到寫唔切
個listening太快....都好難聽佢講咩...
比起今日我地早上做果個更加深...
難怪咁多人都唔識做啦....
佢地就真係好慘既...
我地d考a卷既人.....我反而覺得佢易得太緊要...|||||
佢易到真係全部野講哂你知.....
真係唔洗你點樣搵同做.....
結果我真係有d擔心....到時如果唔係咁淺而係好深...
我就死得啦....英文唔好係我最大忌....
英文我唯一比自己既要求係一定要拎C以上...
因為連A卷都拎唔到C就一定唔洗B卷同升中7
所以我真係要努力少少先得啦......繼續睇多D報紙囉～
唔知點解呢～我真係唔太鍾意同人鬥
但其實我又無形中同緊其他人鬥＞＜
可能自己係鍾意良性競爭掛～
總知我唔想咁差啦～一定要好ｄ好ｄ
我唔想自己後悔～我唔想自己讀左５年係白費
又唔想自己浪費咁多野結果一ｄ都冇用咁
聽日會返屋企補下地理～
其實我地理又唔係唔識既～只係我自己陪ｅｍｉｌｙ者
加上陳ｓｉｒ又話叫我錦上添花咁
拎個ａ囉.........|||
ａ？！我有冇可能拎到呀.......
拎ａ咁難點樣拎ｗｏ＞～＜
加上又唔知會考點考.....佢問咩我又唔知點答...
咁我點樣咁易拎到a呀.....
你話拎c都已經奇蹟啦......|||||
地理我真係唔望自己拎到ａ
找到ｃ不知幾滿足呀～
我最希望就係歷史ａ到.....|||||
雖然好難...但係我一定要ａ＞”＜
因為我好鍾意歷史～同埋歷史係我最有把握既一科可以高分
只要歷史ａ到～其他拎ｃ同ｄ都唔緊要～＞︿＜
我一定會努力努力～～＞～＜

>>November 5, 2004 at 10:20:07 PM GMT+8

2004 年 10 月 31 日 星期日 【炎熱】

今日係聖樂同樂日.....
每年係教會都有一日係所以成長班獻唱詩歌比賽既～
上年係我第一年參加～今年已經係第２年嚕
尋晚可能太夜先訓～我一訓就訓到今朝１０幾
訓完就即刻做功課先
做得幾多得幾多～～！！
因為我知自己冇時間做功課～加上要溫地理
所以就好快咁做功課
之後就換衫出去同班弟兄姊妹食飯
因為佢地話一齊食完飯先練歌
其實我尋日話唔想去食飯.......
點知都係被迫之下去左食飯......
去到重要坐係佢旁邊.....我真係好辛苦
俾佢串足成日咁...真係好辛苦
我唔想同佢玩....根本我就冇心情要同佢鬥
我都唔明點解佢唔覺得攰....
我就真係冇心機....一d都冇
kary成日都叫我笑下咁.....我真係笑唔出
我都唔知笑咩好....佢係咁對我我可以點wo...
聖經話要我地願諒人地70個7次...
但我都唔知點願諒佢好囉.....
佢令到我好辛苦就真.....成日都好嬲佢地
我都唔知自己做錯咩= "=
後黎好趕咁就食完返教會練歌.....
其實都唔係練左好耐......
好快就已經要到我地走落去聽
因為我地係第三隊～所以好快就到比賽
我明明叫左佢唔好講佢知架啦
佢點都要講俾佢知.....
我真係冇野好講....
我唔想因為咁樣搞到有咩誤會
我唔想好似你咁到時我就唔知點算啦= =a
係比賽之前我都係心入面同神講....
我唔係希望d咩野....
只係希望大家真係用心咁去比賽
因為首歌都係多謝、頌讚你～
雖然到呢家都唔知有冇羸到
但算啦～羸同輸都冇所謂
因為今日我聽到好多感人既詩歌
其實我知道自己係好想喊架～
我知呢ｄ野係遲早既事～
係呢排一定要搵日喊得勁ｄ先得
喊唔到屈住好唔舒服
我諗自己係想喊多過唔開心
或者喊對於我黎講可以好易
但係唔一定除時都喊到～
呢ｄ就真係所謂既要感興先得～＊
好想搵果首音樂既ｍｉｄｉ
咁就可以俾大家聽下果首歌～
睇下有咩方法可以搵到先：Ｄ

>>October 31, 2004 at 8:27:29 PM GMT+8