2002 年 11 月 10 日 星期日 【晴】

今日, 遲左起身, 遲了一個鍾先到...去到已經好多人, 好嘈...更加唔想上, 於是, 我冇上到堂. 唉, 上又悶, 唔上又浪費$, 又唔知去邊...回家又要睇人面色!~
想搵人陪, 都諗唔到有誰陪到我...唔係返學, 返工, 就係有節目...
* * *
其實, 我究竟有乜問題? 可唔可以搵人話我知? 我只不過......我真係盡量對人好, 不過, 唔知點解好似個個都避開我咁! 係咪當冇左同學的關係, 就唔再係"朋友"?
唉~ 我唔知呀!!! 好辛苦......我又識唔到新朋友, 唔通叫 D 三十幾四十歲人做朋友?
* * *
當我冇利用價值的時候, 只能一個人...........呀~~~~~~
* * *
∮盡情愚弄我吧 我自行回家沒有眼淚要流下∮我不吸引人 我知道 甚麼可改變都肯去做 我今天一個人 有多恐佈 ...∮

>>November 11, 2002 at 4:23:10 PM GMT+8

2002 年 11 月 9 日 星期六 【晴】

今日去旺角上左第一堂的"兒童心理學" , 幾好呀~ 然後, 又去佐敦上英文. 時間緊接住, 冇食lunch, 幾好, 唔洗我愁點樣一個食lunch, 唔洗愁去邊. ~肚餓都係咁話!
* * *
上堂時, 收到個"朋友"的電話, 原來打來問我借相機~ 唉! 點解我係鍾無艷, 唔係夏迎春? 有冇人真係會因為掛住我, 好耐冇見我, 想見o下我, 而搵下我呢? 不用答我...我接受唔到現實............
*
我唔係介意借相機比你, 我當你係friend就樂意借比你...
不過, 我依家真係唔敢當別人係朋友, 如果人地唔當我係朋友...我好怕......
# # #

>>November 10, 2002 at 3:36:00 PM GMT+8

2002 年 11 月 8 日 星期五 【晴】

我要多謝你地~ 我唔開心好彩都有你地講下! 又留言比我! ~
* * *
今日又係一個人去上堂, 哈, 今日有個好funny的警察來上堂, 佢好攪笑~ :) 有佢真係唔會悶場!
仲有一個日本人, 佢幾靚~ 估唔到佢結左婚, 仲有個仔!
* * *
行去搭車時, 經過間舖, 佢播緊英文歌之中,我最鍾意的 That's why you go away, 突然有種滄喪的感覺~
* * *
真係耐冇見你地 ,唉, 個個都忙, 又有晒新朋友...
其實, 朋友係點定義? 我依家, 成日都會諗, 我當你地係朋友, 咁我o係你地心中係乜...好驚~
我好怕..........
# #

>>November 9, 2002 at 3:40:56 PM GMT+8

2002 年 11 月 7 日 星期四 【晴】

依家只是下午十一點半, 但我已經打ing....點解? 因為剛剛發生左一件事, 令我極度唔開心!!!!
上回講到我去買周杰倫concert, 我就同我表妹去買...一路都冇野~ 到買飛的時候, 咁佢買先都冇所謂, 點知佢買完佢自己的二張, 佢竟然仲要打比佢D friend問佢地買左未, 仲幫佢地買埋!!!! 完全冇理過我! 卒之到我的時候, 賣晒!!!!!!!!!!! 我一來失望, 二來係好痛心, 點解一次又一次咁對我! 這次話晒都係我出去"霸位"先. 到頭來我得到的只係你的一句 " 做乜呀, 我買到飛你就嬲!! " 嘩！我仲可以講D乜呀? 我花左邊近十二個鍾...令我清清楚楚知道我只不過係你用來搵笨的一個東西！～
表妹,你睇完可能你會話我小氣, 點都好...
我倆之間其實只有我單方面天真地仲當你係朋友...

>>November 8, 2002 at 3:59:11 AM GMT+8

2002 年 11 月 6 日 星期三 【陰】

夜晚去左BBQ, 然後出去排隊買周杰倫演唱會飛. 我十一點半就出到去, 已經有20-30人排緊隊!
於是成晚冇訓, 眼光光等天光.......

>>November 8, 2002 at 3:38:32 AM GMT+8

2002 年 11 月 5 日 星期二 【晴】

好眼訓呀!!! 今日一早起身, 去上堂...唉, 真係如我所料, 全部都係三十幾四十的男人,女人...我完全格格不入!! 唉~ 食lunch又係一個人, 悶上加悶, 因為一個人, 好肚餓都唔想食...跟住, 我冇上堂...於是唔理比呀媽話, 一於返屋企訓覺 (周公不停call我,call爆機)......唉, 唔想再係咁落去......
我想好似人地咁.............
* * *
眼淺的我, 控制不了淚流下......但我不是懦弱~
# # #

>>November 6, 2002 at 4:28:31 PM GMT+8

2002 年 11 月 4 日 星期一 【陰】

今日進行大工程~執房! 我搬過D野,換下位~執左成日,到依家我間房仲係一個殘局! 唔知點攪...次次執都係唔只一日, 我諗極都諗唔掂D野擺邊...明天開始又要上堂...哎o也! 間局成地都係野......
* * *
個電話成日都冇嚮過,唔知點解成日都想好佢嚮個不停~好想好多人搵我, 哈, 我係咪傻ga?
不過, 我又好小主動搵人, 怕煩親你地ma~!
* * *
好想同喜歡的人一齊開間cafe, 有咖啡, 奶茶, 仲有甜品歎ge! 兩口子寫寫意意的~多好....
不過, 這只可能在夢中發生, 世事唔會咁完美! 我亦冇本事......

>>November 5, 2002 at 5:48:29 PM GMT+8

2002 年 11 月 3 日 星期日 【陰】

今日去左國際語言中心, 佢地係幫人搵外國學校, 等緊的途中, 見到一對家長, 問緊個女去留學的詳情,去之前中心會同佢地個女做個test,然後先搵學校,個呀媽問,"咁如果我個女唔想去,突登唔做咁點? 然後個職員話"我地都好難做, 之前試過一個case,有個學生上來做卷,成份只係寫左六個字:
我唔想過英國! 我聽到都眼紅紅...更唔明點解D人成日要迫D仔女去外國? 唉~
另外, 又去左英國語文學校,報左成人英語course, 我呀媽好鍾意, 我就唔係咁like, 我怕去到個個都係三十幾四十歲呀...唉, 又一個人去, 唔知點咁!!!

>>November 5, 2002 at 4:54:09 PM GMT+8

2002 年 11 月 2 日 星期六 【晴】

自從highlight左, 同電左髮後, 都有唔少人話我靚左. 聽到都有一刻開心ge, 但係過幾秒就只能冷笑,
因為我根本唔靚! 話我靚只不過係冇野講吧!~ 唉~
* * *
今日,睇左一本書, 本書只有這句寫得好:「這世界,每人都在忙,不會有人有空來陪你!」你要接受這個概念; 不幸的是,隨年齡增長, 生活經驗增加, 令人體會到這個"慨念"確實係一個真理.
* * *
無野做, 就上網online, 有時諗諗下, 網上好似係另一個世界! 而 ICQ 的確係可以同人閒談, 個個都好似係friend咁, 但係電腦一關, 又回到去現實中這個, 沈悶, 寂靜, 冷浩冇情,虛偽......的世界
# # #

>>November 3, 2002 at 3:17:20 PM GMT+8

2002 年 11 月 1 日 星期五 【陰】

今日同家人飲茶, 唔知點解好唔鍾意同佢地一齊, 攪到我好唔鍾意飲茶! 尤其係當我呀媽黑口黑面的時候, 全世界都要受佢氣! 我細佬又頑皮到死。佢扭計要買野, 大吵大鬧! 我鬧佢, 返而我要個我呀媽的出氣袋! 雖然個左咁多年, 但係一點都冇慣過, 仲好想擺脫!
返到家仲要比佢用粗口對待! 唉, 跟住我咪又係粒聲唔出躲在房...搵晒D慘歌,聽住來哭......唉, 係咪好可笑? 不過, 係要咁先舒服D...好彩, 我隻貓Coffee都識趣地陪住我!
∮當我無情無恨望過去 還是笑中有淚....∮

>>November 2, 2002 at 3:19:04 PM GMT+8