2003 年 3 月 17 日 星期一 【雨】

夜晚電視無端端又有我偶像, 好彩有人打電話話我知, 如果唔係就miss左~ 特別鳴謝: 靜兒表妹~
大家記得見到乜野有佢都話聲比我知呀! 電視, 電影, 報紙, 雜誌......或者見到佢...都話我知~! 唔該!
* * *
●Yvonne 生日快樂 ●

>>March 18, 2003 at 4:58:07 PM GMT+8

2003 年 3 月 16 日 星期日 【陰】

.....啞子吃黃蓮.....

>>March 17, 2003 at 4:28:53 PM GMT+8

2003 年 3 月 14 日 星期五 【晴】

今日十一點返到去, 點知得一個人返左, 我係第二個, 早知就唔洗咁趕啦! 跟住我仲好傻咁等埋班同學先走, 佢地本來話來我家BBQ (我都好鍾意一班人來我家~點知偏偏又咁o岩我呀媽又叫左班人來BBQ...唉~) 之後, 佢地諗住去第二度燒, 我咪諗住走, 橫掂我都唔去, 怕去到我會冇野講...但係, 當我走的時候, 好似個個都叫我唔好走, 叫我去咁~ 一有好多人叫我去, 我就會心思思~ 不過, 最後我都係冇去到...我都唔知點解...可能係我冇人孖住, 一個人戇居居咁坐o係度...有人同我講野我先講......到左一個人去搭車, 又不停咁諗野......攪到有D驚自己...明明自己話唔去, 跟住又要覺得自己一個人......唔合群咁...究竟我做乜? 自己都覺得自己怪...可能佢地在背後都會話我 : 叫又唔去, 去又唔講野.......我都好想講ga..............
* * * *
一路都冇食野, 我去搵你諗住你會同我食野. 你見到我問我 : "食左野未?" 我話: "未" ! 以為你跟住會同我去食野, 點知唔係...你仲問多句 :" 點解唔食?" 你太唔清楚我喇! 我好怕一個人去食野, 咁戇居...除非我真係頂唔順好飢餓la! 行行下你先問我食唔食麵, 我擰頭......跟住, 你繼續行......其實, 我唔係唔想食野, 而係你所指的麵店, 望落好唔得, 又齋食麵冇野飲ge! 我比較喜歡茶餐廳...最後我都撐到回家先食野! 係咪我衰, 想點唔出聲, 定係你唔了解? 我都唔知今日做乜野! :/
* * *
回到家, 等BBQ開始 , 原來程程都來呀!~ 見到佢心情都好返好多! 廳的電視比人用左來唱歌, 攪到我要去爸媽房睇...又要BBQ...仲要 "博愛歡樂傳萬家" 有我偶像的出現.!...唱乜鬼歌wor! 攪到我錄唔切! :P
# # #


>>March 15, 2003 at 6:34:12 PM GMT+8

2003 年 3 月 13 日 星期四 【晴】

今日夜晚去左同郭政鴻 BBQ, 大家唔好誤會, 我唔係郭政鴻的fans, 我陪人去ja~ 不過郭政鴻真人又好似好過上電視wor, 佢老婆又好似幾靚wor~ 咁樣偶像+fans敘會都唔錯, 不過又唔係同我偶像就有D攪笑! 哈~ 但係我唔係好明點解fans之中硬係有一個扮晒野, 懶巴閉, 乞人憎ge le? 一諗到某D八婆我就好想打人呀!~ 唉~ 低能ga~ 有病呀~
# # #

>>March 14, 2003 at 6:59:55 PM GMT+8

2003 年 3 月 12 日 星期三 【晴】

昨夜又有發夢, ...又係好真......仲要之前夢入面他告訴我的事, 又真係發生...真係咪話唔神奇!!!...
* * *
又係成日在家...好廢...
到夜晚偏偏係做緊娛樂大搜查的時候開飯, 攪到我睇唔到, 錄就唔洗問, 又比我爸爸阻止! :( 唉, 我知我癲左少少...但係唔洗咁呀! 我知個個都話我傻, 咁大個人.......不過, 我唔埋喇~ 我喜歡, 又冇害, 何樂而不為?
* * *
＊別人笑我太瘋癲 我笑他人看不穿 ＊

>>March 14, 2003 at 6:44:44 PM GMT+8

2003 年 3 月 11 日 星期二 【晴】

今日打麻雀~ 打左一陣!~
* * *
到夜晚出去將軍澳食飯~ 今晚我爸媽又去左飲, 我返到屋企佢地都未返! 仲要打我手提問我晌邊~ 佢仲要問我: "乜你唔係去唱K咩? 咁早返到家?" "唔係wor! 去食飯之麻~" 我心諗我幾時有話過我去唱K呀? 一時又話我早返, 到我玩緊唔想返o個時, 又係咁打比我...又話咁"夜"要我返家~都唔知想點! 有病咩?
* * *
＊我比返錢你你又唔要...又食飯又搭車, 仲有隻VCD呀.......我係冇乜錢洗, 但係我都要比錢你ga! 如果唔係我要覺得自己好衰咁ga...＊


>>March 13, 2003 at 4:11:58 PM GMT+8

2003 年 3 月 10 日 星期一 【陰】

依舊頹廢的生活~ 所以冇乜野好寫... :/
* * *
這幾晚發的夢令我有點寒! 夢入面好真實咁...發生的事亦都好邪～而人物仲神奇!...幾晚都有發夢,而我記得的係有好幾次都有佢(A 君)係唔出奇...但係昨晚的夢竟然有佢(B 君)...真係連我自己都有點怕......估唔到佢(B 君)仲會在我夢中出現......都n年前la...好驚呀!!!......其實, 發夢有冇解ga? 我發lee D夢又係咩意思?... 當我發到的夢有 A / B / C / D君.........我就會諗好多野? 跟住話:好邪～！心寒
* * *
夢---其實係預告? 係潛意識? (←有冇打錯字?) 定係咩呀?...???
# # #

>>March 12, 2003 at 6:03:34 PM GMT+8

2003 年 3 月 7 日 星期五 【陰】

星期六通常都係去觀塘飲茶, 今日竟然又係冇人叫我起身! 唉~一起身成間屋又係得我同個工人...
:( 有種被遺棄感覺!~ 一個人晌屋企又冇野做! 我爸爸返到來話: "你冇節目咩? 晌屋企做咩呀? 日日訓到黃朝百晏, 又唔搵野做..." :( 冇節目? 點解咁問? 莫非昨晚聽到我講電話又話 BBQ, 又打麻雀...以為我又去玩?
* * *
咁樣頹廢的生活, 真係唔掂~ 日日對住部電腦...無聊到極! 之前有工做又辭工...不過咁ge工做唔做都罷, 時間唔定, 鍾意叫你返就返, 又唔聽得電話, 又冇得聽收音機, 又要搬野, 執貨, 做到死死下得o個少少錢! 唉～希望遲D可以搵到份好工la!
* * *
今日夜晚電視有天明! 有三個人打電話話比我知~ 好開心呀! 有人通知我, 又冇miss到睇佢!
不過, 當我開住錄影機睇電視, 我爸爸又開始話我lu...唔比我錄... :( 唉~ 幾時先可以搬離這個"家"?
* * *
特別鳴謝~ 雯雯表妹, May, Angel~ 多謝你地打電話話我知有佢~ THANK YOU!
# # #

>>March 8, 2003 at 5:07:26 PM GMT+8

2003 年 3 月 4 日 星期二 【晴】

今日大半日都在家, 本來同展翅班同學仔去唱K, 我開頭都諗去唔去好~我去好似好多餘咁! 雖然較左鬧鐘, 但係比我按息左~ 最後都冇去到~ 咁算唔算係個天都叫我唔好去呢?
* * *
到夜晚同孖女 (我媽媽&姨媽) 慶祝生日, 估唔到佢地都肯去唱K! 我地兩家人就去左K房喇! 都幾開心ya!~ 哈~支香檳個個開極都開唔倒, 仲要連個塞都整爛埋~最後唯有篤個塞落去~ 跟住唱唱下負擔不起的時候, 突然cut左~仲以為夠鐘比人cut歌, 一睇個mon原來係 ＊警察正進行例行檢查 請耐心等候＊ 全場靜晒 但我地仲大聲講笑,要個侍應過來話: "唔好意思, 差人查牌, 靜少少呀!"
到差唔多十一點就話要走lu~
* * *
每次同人慶祝完生日, 總係會諗到八月的來臨, 害怕......
* * *
●媽媽 姨媽 Happy Birthday●

>>March 6, 2003 at 9:48:11 AM GMT+8

2003 年 3 月 2 日 星期日 【陰】

今日出去黃大仙晒相~ 但係又唔想一個人出...又唔知搵邊個陪我...唉! 成日都係咁! 出到去, 好彩都有fd肯出來陪我! 終於都晒左相喇!
* * *
跟住返搭車返屋企...又在電話中比人話~乜都要話! 哼! 唉, 仲要鬼死咁大聲~極討厭! 真係好唔鍾意這個所謂"家"的地方! 對住一 D 只會控制你的人, 你做乜在她眼中都係錯! 真係一言難盡! :(
* * *
幾時先可以改變這種生活? 而我總係好眼淺...救命呀!~
* * *
唔知幾時開始我害怕打電話比人, 依家我只會等人打比我...因為別人打比我的話, 即係佢得閒, 同埋係想搵我ge!~ 我打比人又唔知你地得唔閒, 同埋又怕別人會覺得我煩!~ 我知咁樣可能會同好多人失去聯絡, 我都好唔想...... :(
# # #

>>March 3, 2003 at 2:41:40 PM GMT+8