2003 年 3 月 31 日 星期一 【陰】

這幾天都係睇舖~ ....今日有表妹陪我, 都冇咁悶~ 不過真係一單生意都冇~
* * *
到夜晚, 我表妹來我家食晚飯, 之後我車佢回家, 回程的時候, 開住收音機, 播緊張國榮的歌, 然後個DJ話:"雖然Leslie離開左我地......." 我聽到係: 下? 講咩呀, 係咪講錯野呀? 離開左? 唔係掛? .....
到睇電視新聞...知道係事實...都覺得可惜...
* * *
人就係可以咁突然間消失......
我記得以前中一食lunch,我同個fd經常幫一個阿伯買糖"聰"餅......因為佢唔係日日擺檔,所以我咪問佢:"你聽日會唔會來賣呀?" 佢竟然答:唔知ga,今日唔知聽日事, 話唔定我聽日死左呢, 咁仲點來呀?" 我地都唔知可以講Ｄ咩, 攪到我地好驚...唔明點解佢咁講....
但係,今時今日, 我又覺得佢講得好o岩...話唔定聽日死...
* * *
有時, 都會諗下自己死左的話會唔會有人為我流一滴眼淚? (傻la,我又唔係明星) 有冇人會去送賓ga? 會唔會燒D我喜歡的野比我? (我記得同呀媽買野拜見過有收音機,手機....) 就算唔諗死, 又會諗自己入醫院, 有冇人來探我? 如果我昏迷的話, 有冇人會好想我醒?我喜歡的會唔會來嗎?......如果我得返幾個月命...你地會唔會陪我過?....
(哈~係咪好痴線? 諗咁多lee D 野...) 我個腦成日都諗野...#

>>April 4, 2003 at 3:26:02 PM GMT+8

2003 年 3 月 28 日 星期五 【晴】

唉, 非典型肺炎攪到咩活動都取消晒.......真冇引!!!
* * * * * *
咁o既非常時期, 我仲去觀塘飲茶(←竟有麻蓉飽食呀~正)...又搭地鐵去旺角...仲冇戴口罩(係冇口罩戴呀~)...都幾驚!
* * *
到夜晚, 在姑媽家食晚飯...錄唔倒野...仲要睇睇下比姑丈轉左去亞視, 激死我...開頭勁打比人,叫人幫我錄, 但係個個一係唔聽電話, 一係冇帶錄,一係就冇錄影機...好彩Goretti最後都話幫倒我錄, 好感激呀!~ 終於有人幫到我! 萬分感謝! 哈哈~
* * * *
祺,今日你打比我, 有少少驚訝, 又好開心你真係有幫我去搵~ 唔該呀! :) 搵倒就好喇~ 我搵好耐喇~
* *
May, 哈, 你又會去西貢ge, 我真係諗住你講下話等我wor~
# #

>>March 29, 2003 at 5:34:57 PM GMT+8

2003 年 3 月 26 日 星期三 【晴】

又係睇舖, 悶~
* * *
森美小儀山寨王又有天明把聲~ 因為娛樂大搜查星期二,星期三都係天明......唉, 我又冇錄...我爸爸又唔知做乜...唔比我錄 :(
* * * * * *
●詩雅 生日快樂●

>>March 28, 2003 at 4:38:22 PM GMT+8

2003 年 3 月 25 日 星期二 【晴】

要睇舖, 去唔到奧海城....饑饉30記招.......
算...橫掂冇人陪....
* * *
今日森美小儀山寨王有天明把聲呀! 哈~...
* *

>>March 28, 2003 at 3:58:54 PM GMT+8

2003 年 3 月 24 日 星期一 【晴】

在西貢幫媽媽睇舖, 好悶呀!~

>>March 28, 2003 at 3:48:09 PM GMT+8

2003 年 3 月 23 日 星期日 【晴】

今日出去晒相~ Edwin的相~ 哈

>>March 28, 2003 at 3:42:44 PM GMT+8

2003 年 3 月 22 日 星期六 【晴】

今日上午出去同我表妹出去搵學唱歌的地方. 然後行下街...到兩點鐘去尖沙咀某Big Echo出席Edwin的生日party!~ 估唔到連蕭正楠都可以咁樣近距離見面! 好正呀! 佢又係好型, 好靚仔, 好攪鬼, 又夠高, 又nice (←好似我喜歡的都係有lee幾樣~呵) 特別鳴謝:阿Lu 讓我有機會見到Edwin~
●Edwin Siu 生日快樂●
* * *
完左之後又要趕明珠廣場的美味村同我爸,媽,弟,食自助餐(因為我爸媽結婚紀念日)...o個度好少野食, 又唔係好食過人...仲要冇甜品食!!! 自助餐冇甜品食,好唔掂呀! 得o個幾碟野比人食, 超唔抵食呀! 雖然D服務態度都唔錯, 但係冇野食就唔得啦!
* * * * * *
為什麼父母總係要將自己的仔女同人地比? "人地乜乜乜…人地物物物…睇下你……”
我根本同佢地講都徙氣, 成日話我冇用...哼~我做乜都係錯, 讀乜都係冇用...淨係識得話我! 我做唔到你心目中有用的人就唔死都冇用, 哼, 我都想死,不過死唔去.......點解要控制我的每一步? 我不是一隻棋! 成日話人地,人地....咁人地D有錢佬夠比好多錢D女洗la, 你地le? 無論幾時我問你地拿錢都係慘過咩...我冇錢都唔敢問你地拿呀! 自己死慳死抵...我已經好耐冇買過野喇!... :( 相反, 細佬要乜有乜, 買埋晒D垃圾, 又頑皮到極, 一點禮貌都冇, 冇家教! 但係在你地眼中係乖仔一名…哼, 真係公平!


>>March 24, 2003 at 5:24:29 AM GMT+8

2003 年 3 月 20 日 星期四 【陰】

22-3-2003
今日一早火山向我爆發! 佢發完就出街…我跟住都訓唔到…晨早九點幾起左身…唉, 咁又係開住部電腦…發呆…又開始諗野…跟住又忍唔住……我知咁落去係唔得, 我真係冇錢可以用…日日都咁頹…唉, 但係人地又唔請我……
* * *
睇”大頭綠衣鬧疆屍”…記得我細個的時候都有睇, o個時就係睇左就喜歡鄭秀文…(依家?冇喜歡好耐喇) 睇完之後, 諗起好耐冇去過圖書館, 就搭車去左西貢…一去就去左好耐…搵書,睇書……圖書館的確係一個可以消磨時間的好地方,一個人去都唔怕, 又唔洗錢….到兩點幾都未知借乜書好, 但係都要借左走人, 要返屋企睇”撻出愛火花”入面的林天峰呀…
* * *
到夜晚表姐s來我家BBQ (又BBQ喇), 冇錫紙, 我又落西貢買…順便買埋綿花糖!~ 搭車的時候, 有一個細路, 只係比左三元(車資係三元八角)…個司機話: “你日日都係咁入三元, 又唔出聲, 我問你,你先話唔夠錢…日日都唔夠錢, 有乜可能呀?……” 跟住車入面的師奶個個都話佢, 你一言佢一語…


>>March 24, 2003 at 5:22:31 AM GMT+8

2003 年 3 月 19 日 星期三 【陰】

估唔到今時今日仲會話打仗...真係有點難以置信......好心啦..." NO WAR, PEACE ON EARTH !!!"
* * * *
今日下午我開住部電視, 諗住睇卡啦屋企同埋撻出愛火花, 點知冇得睇,咪好無聊咁開住部電腦...開歌聽, 真係好廢...ICQ又冇人講野, 聽歌,上網來來去去都係o個 D...... 跟住好似周身唔自在咁, 突然望下個鍾: 四點半! 得返半個鐘森美小儀山寨王...我竟然唔記得開收音機呀!~
# # #

>>March 20, 2003 at 3:35:33 PM GMT+8

2003 年 3 月 18 日 星期二 【陰】

好激氣呀! 關門失竊!!! 可惡!
* * * * * *
日日都係咁, 好頹廢.......有時真係唔明, 點解.........唔通連個天都唔鍾意我?....前路茫茫...
* * * *
這個世界實在係一個殘酷的世界, 人與人之間實在太覆習...太冷酷冇情了...或者係我太天真la. 定係我真係太serious? 對人太在乎? 或者係我要求過高? 當自己咁對人而別人唔係咁的時候總會介懷...然後心淡......我咁講係咪令你地更憎我?
* * * *
我依家好少主動搵人, 因為好怕好似以前咁, 經常係我搵人, 人地又好似唔搵我咁! 所以, 你地得閒搵下我, 我會開心ga~ 而我唔"敢"搵你地呀, 我怕你地會厭我煩, 又唔知你地想唔想我搵你wor......
隨時搵我la~ 我好得閒呀...
# # #

>>March 19, 2003 at 4:41:24 PM GMT+8