2003 年 6 月 30 日 星期一 【晴】

●生日快樂~生日快樂~生日快樂~生日快樂~生日快樂~生日快樂~生日快樂~生日快樂~生日快樂~生日快樂~生日快樂~生日快樂~生日快樂~生日快樂~生日快樂~生日快樂~生日快樂~生日快樂~●

>>July 12, 2003 at 10:18:35 AM GMT+8

2003 年 6 月 22 日 星期日 【晴】

今日interview, 本來以為唔得...因為我打速成好慢...我打開快碼...而人地一般都係打速成或者倉頡....咁佢咪叫我等電話...之後我又好失望咁走...點知佢叫返我轉頭, 叫我去第二個部門interview,卒之, 我可以七月二日返工喇~實在太好了!! Thanks god!! 不過一個月的"試用"......咁一個月之後---八月一日我又點算好??? 唉.......

>>July 12, 2003 at 10:15:18 AM GMT+8

2003 年 6 月 20 日 星期五 【陰】

今日首先出尖沙咀, 我甚少踏足尖沙咀, 因為我這窮躉人家...尖沙咀D野貴到死! ....睇都唔會有心機睇~! ...乜我真係好靜咩? 我又冇留意自己同人行街係咪冇野講wor....通常大家講下講D話題就有野講......我是不懂起話題的啊!
* * *
跟住去旺角...去到球場, 見到佢了!~ 落雨踢唔到波lu!~ 不過那球場都睇唔到佢踢...入去又......之後...本來BBQ, 不過下雨就改去金寶食飯了!~ 我一路都冇食到野, 好肚餓但係又冇胃口, 雖然好多美食, 好好味!~ 我地坐左好耐, 傾下計咁~ 多好!~ 佢個電話勁嚮, 好似好忙咁~ 不過都陪左我地好耐, 跟住仲同我地去打保齡! 我第一次打ja~ :) 佢真係唔話得喇, 太好喇! 可以spent咁多時間比我地! 好鍾意佢, 愛死佢呀!!!!!!

>>June 22, 2003 at 9:37:29 AM GMT+8

2003 年 6 月 19 日 星期四 【陰】

今日兩個同學仔約我去唱K同行街街~ 佢地叫埋我, 我都好開心~ 大家唱下歌, 行下街幾唔錯~ 雖然今次又係單數, 三個人, 不過都冇乜野~ 好多時我都怕單數人, 怕我會格格不入~ ......自卑的我~
* * * * * * * *
回家途中接到個電話, 好驚訝! 估唔知我有份!~ 好好呀! THANK YOU!!!

>>June 22, 2003 at 9:15:53 AM GMT+8

2003 年 6 月 17 日 星期二 【晴】

我又發埋D好奇的夢...真係想知發D咁ge夢係咩意思...好驚!!
* * *
我又在家了...好廢! 咁我咪換衫, 諗住落下西貢, 睇下有邊度請人...點知又冇! 於是去圖書館借書睇!
* * *
回家又幫下手做家務...熨衫, 洗碗...唉, 我細佬又有新槍...唉, 佢咁鬼死曳, 又成日買野比佢! 哼! 縱壞晒! 我以前提都唔可以提話買野, 提半隻字都打到我死! 仲要幾次一百分先可以有機會有玩具! 佢依家合格就話要買玩具, 要乜有乜! 我以前一低分就打到我PK...依家佢唔合格, 仲可以好開心! 我細個就日日要擔驚受怕...唔知人地幾時會發癲打我! 佢依家咩人都唔驚, 冇禮貌到死!!! 唉,今時今日,依然對我就粗聲粗氣, 對佢就蔭聲細氣! 佢做錯野淨係話 "下次唔好" .....唉, 冇眼睇!
* * *
被愛的感覺是如何? 有沒有人會愛我?

>>June 19, 2003 at 8:35:36 AM GMT+8

2003 年 6 月 16 日 星期一 【晴】

我表妹來我家, 有人來我家, 咁在家都冇咁頹廢, 又唔會諗咁多野......一齊煮下野食, 聽下收音機, 上下網~ 好人陪,多好!~
到夜晚佢要回家, 佢爸媽緊張佢, 要駕車來接佢, 多幸福!~ 我就算夜晚自己行返屋企也不外如事...人地最多咪打電話來鬧我做乜夜返...唉, 我的存在就係做人地的出氣袋!
* * * * * *
話說食飯的時候, 我細佬無端端講開咩火山好勁...我爸爸講左一句:" 咩火山都唔夠你屋企那個火山勁la!!!" 我聽左之後真係笑死~
爸爸就係如此可愛, 突然可以爆一句野笑死你!~
# # #

>>June 19, 2003 at 8:09:01 AM GMT+8

2003 年 6 月 14 日 星期六 【陰】

今日去將軍奧做所謂的實習, 係去做所謂的助教,其實係 睇下呀sir點同D小朋友上堂~ 我就幫下手帶D小朋友去下廁所, 佢地玩的時候扶實佢地, 又幫下佢地刨下顏色筆~ D小朋友真係好可愛呀!!! 一個成日笑, 好天真活潑的Joyce, 一個唔多出聲的Christy, 一個幾孤辟的楚楚可憐的Sally, 一個霸道的An仔...Sally一開始已經自己一個坐...玩的時候又比An仔搶左張椅...佢哭了...不是吵吵鬧鬧的哭,是冇聲的流淚, 樣子很可憐, 仲攬住我咁哭...見到佢咁樣都有D心痛...
臨走呀Joyce都同我玩左一陣, 佢不停咁笑, 好可愛~
哈~ 對住D得意的小朋友, 真係心情都好D!
oh! 好掛住程程呀~

>>June 19, 2003 at 7:54:35 AM GMT+8

2003 年 6 月 13 日 星期五 【陰】

今日發生的事, 令我好佩服我細佬, 佩服得五體投地! 佢真係冇得救喇, 冇家教!
星期六去觀塘飲茶係例牌節目~ 飲完茶呀媽就話去姑媽度...我, 媽, 弟就起程去姑媽家, 爸爸就去工作了...(辛苦晒!) 起程途中弟弟又發揮佢ge駁咀本領, 冇大冇細! 我當然忍不到佢這討厭的操行, 一巴打過去~ 之後佢又個佢平時最叻的事---大喊, 博同情, 明知咁佢老母就會話我呀麻! 哼!~ 佢仲勁到大大聲在大庭廣眾咁話:" 我告家姐虐待兒童呀!" 嘩~犀利! 之後佢仲發爛咋! 唔肯上車~ 話要報警拉我上差館!!! 唉!~ 不知所謂! 跟住有兩個警察經過, 我呀媽就叫那兩個警察同我細佬講野! 糾纏左好耐~後尾有個師奶走過來同差人講話唔見左個仔, D差人先走開...跟住卒之去到姑媽度, 我細佬仲要得寸進尺, 認為自己好威~! 我都唔明, 我呀媽點解可以咁縱佢, 佢咁鬼曳但係仲要對佢寵愛有加! 我以前細個根本唔曳, 但係就郁D就打我鬧我, 小小事都打都我X街! 咩世界呀? 我除左諗到"重男輕女" 同埋 "偏心" 之外, 諗唔到有咩原困! 我教訓下佢反而又係我錯! 哼~ 唉, 心淡了很久, 現在是心死! ......who cares?
* * *
去姑媽度, 有得打麻雀, 都好~ 我仲要贏錢呀! 雖然打一二毫, 但係都比我贏左七十幾元, 真係好, 在我極度窮困時, 竟有小小的橫財!


>>June 19, 2003 at 7:35:35 AM GMT+8

2003 年 6 月 12 日 星期四 【雨】

最後一日上堂, 怪人回來看不到自己的作品, 就向中心的職員投訴, 話唔見左架車, 同埋兩朵花...佢用左好多心機畫的...救命呀, 仲細咩... 她又踩袋又爆粗的行為...職員都冇佢符, 當我地討論的時候, 佢仲要特登整嚮個門的警鐘, 推完仲要奸笑...那個蔭蔭咀的表情很恐怖呀! 我地成班都勁驚佢, 佢咁樣真係咩都做得出...~ 唔知完左lee個course我同D同學仔係咪唔會再見呢?~ 係咪真係BBQ呀?

>>June 19, 2003 at 6:57:05 AM GMT+8

2003 年 6 月 11 日 星期三 【雨】

話說班中有個怪人, 昨天佢的行為開始unbearable喇, 佢開始失常...昨日經已踩人地的袋...仲要畫D花, 同埋車...仲要死都要貼上去個玻璃度, 根本唔啦更...我地個玻璃係貼樹同欄干做裝飾, 佢又死都要貼架汽車上去...真係...頂佢唔順...

>>June 19, 2003 at 6:57:23 AM GMT+8