2003 年 2 月 17 日 星期一 【晴】

今日食lunch的時候, 突然班男仔話一齊去飲茶~ 然後就成廿個人殺上酒樓!~ :) 可惜冇一張大桌, 要分開兩台! 好彩我係坐在好玩的一台, 哈! ...我真係好鬼鍾意一大班人一齊, 而又有幾個好攪笑, 好識攪戲氛的人, 真係好開心~
* * *
到夜晚同個friend去 Pizza Hat食野, 兩個人食左二百幾元呀....
雖然今日洗左好多錢, 不過, 都幾開心ya~
* * *
到返到去家,我媽竟然打比我又話留左飯,又話駕車出來接我, 我真係受寵若驚...回到家, 佢又同我傾計, 原來最終又係想問我的"將來"......唉, 身不由己
# # #

>>February 19, 2003 at 4:15:24 PM GMT+8

2003 年 2 月 16 日 星期日 【陰】

今日第一日返"學", 雖然係以遊戲方式去學, 而玩的時候大家都好投入, 好開心咁~ 但係好奇怪, 一到break又個個一堆堆wor...點解? 次次係想識多D人又識唔到, 係咪我的問題? ...唉~ 真係我個腦成日都會諗野...冇野做個腦就自然會彈好多野出來...跟住又一路諗落去......唉, 如果個腦有開關掣就好喇......
* * *
今日"無端端"又要我返工, 成日呼之則來, 揮之則去~......究竟係咪我太"林"?...我也不知道......
* * *
我今日係喊過...(多謝你關心我...)...我一來係好眼淺, 二來係好多好多好多好多野堆埋一齊, 然後......

>>February 17, 2003 at 5:33:16 PM GMT+8

2003 年 2 月 12 日 星期三 【晴】

再咁生活落去我真係頂唔順喇!!!!!! 日日如事... 唔係返工就晌屋企~ 無聊到極! 開住部電腦又唔知做乜! 冇人傾計~ 上網打麻雀都黑過人...唉!~
個個都有學返...又有自己的節目...大把人陪...
而我唔想見的日日見 ; 想見的....唔知幾時可以見...有冇機會見....
算罷! ~ 我係苦命人, 不會有福氣的, 認命啦..... :(

>>February 13, 2003 at 11:30:51 AM GMT+8

2003 年 2 月 9 日 星期日 【晴】

相信 孫燕姿

作詞：吳依錚　作曲：小碩　編曲：吳慶隆

突然覺得　我只是一個人　有點孤單　淺淺的憂鬱
我不知道明天　會不會　很美麗
雖然今天天很藍　而雲很白　風很涼
今天日記　空白　沒有關係　不必每件事情　都在意
不想工作　不想困擾自己　不必刻意想你
該是我的總會來　就算挑戰　我不走開
一點點你的微笑　已經讓我覺得溫暖
我還不懂堅持　正好讓我　學會去愛
我曾經看見困難　變得膽小　不夠勇敢
但還是要相信　相信感覺　相信簡單
(我還是會相信　相信感覺　　相信簡單)
有一天　等我懂得事實　也許更灰心
至少現在讓我去相信　哦

>>February 13, 2003 at 11:39:55 AM GMT+8

2003 年 2 月 7 日 星期五 【晴】

去小巴春茗, 以前我都係好鐘意去. 今時今日, 我竟然討厭...實在太無聊...睇住擺明係內定的頒獎, 再睇埋自己人抽翻自己人的抽獎, 真係覺得這個世界好鬼公平!!!!!!! 加上又要我同埋D三唔識人的琴青人一齊坐~哼! 簡直係好到爆law! 我估唔到我會批評......咩都會變ge, 依家好多野都唔同前...

>>February 9, 2003 at 11:17:01 AM GMT+8

2003 年 2 月 6 日 星期四 【雨】

早幾日都有唔舒服的感覺...
到琴日真係病左~睇左醫生, 今日都仲係唔掂...聲都變埋
唉~

>>February 7, 2003 at 4:12:06 PM GMT+8

2003 年 2 月 2 日 星期日 【陰】

初三 ＊ 赤口~
我估唔到這個日記會出事, 其實, 這日記我只不過用來發下up風...我唔知我係咪講錯野, 而你嬲我的, 我同你講sorry對唔住!
唉, 我怕我越講越衰~ 我把口又唔叻, 表達能力又差...
我那"不過..." 我係想話你就好la, 我又唔知咁講你會唔會話我顛, 咪費是講law, 我依家唔知可以點......除左叫你唔好唔埋我之外...
* * *
今日買左VCD, 《暗鬥》同 《風水賭神》每樣兩隻, 我睇左《暗鬥》, 睇到佢最尾出現那part, 真係眼紅紅呀....
# # #

>>February 3, 2003 at 5:22:28 PM GMT+8

2003 年 2 月 1 日 星期六 【晴】

初二 ＊ 去完舅母屋企食完飯, 跟住駕車回家, "順便"車埋我兩個表妹, 一個落西貢, 一個出將軍奧...我無端端做左司機, 跟住一個人駕車回家~ 一個人駕駛好free!~ 回到家睇VCD, 我睇 "風流 3 壯士", 睇左好耐都唔見靚仔出現, 我開始懷疑究竟係咪個VCD封面係咪唔覺意打左佢個名呢? 終於睇到最尾, 終於出現~ 佢出來打個招呼就冇lu~ 哈~ 真係攪笑!
夜晚, 在我表妹家好悶, 又唔夠腳打牌, 我地三個好無聊咁聽歌, 吃零食...到十點幾, 我表妹開電視, 我話 "開咩ya, 都冇野睇" 一開, 佢話 "洪天明呀!" 我仲以為佢玩我, 點知一望, 真係~ 嘩～
"唔知邊個話電視冇野睇呢? 好彩我開 ja! 如果唔係你都見唔到你個天明呀"
:) 哈哈, 一個驚喜呀!~
* * *
仲有今日下午睇電視都有講話佢會出席兒歌頒獎, 但係幾時呀????
###

>>February 2, 2003 at 4:51:37 PM GMT+8

2003 年 1 月 31 日 星期五 【晴】

年初一 ＊恭喜發財＊（利是逗來！）
今年好似特別冇新年的氣氛~ 完全唔覺...可能以往我都會買衫,買野...同埋以前我會期待見到我表妹, 然後我又會自己係咁同佢講野,影相....................
不過, 今次我坐我的型仔表哥架愛車去行大運wor, 哈~ 雖然冇再同我表妹傾計,影相...(想起也心酸...) 但係就同左我D 型仔表哥s 影相... :) 只不過, 我次次同親型仔影相, 晒左出來我都好鬼樣衰(我知我本身係醜, 但係影相影得靚少少都唔得?唉......)同型靚仔天明更加唔洗講...幾張我都唔係好掂...
到回程我又坐靚車走, 我另一個有傳佢係肥版Leon的表哥, 駕佢的開篷跑車走~ 好正呀! 高速行駛, 勁爽!~ 不過頭髮亂晒, 同埋好多紅燈, 唔夠暢快, 仲要又落雨, 唔可以開篷~ 掃我興!!!
返到去, 冇野做, 好彩我有帶VCD, 我一次過睇左 "榕樹頭講鬼" & "冇面俾" 兩套入面的佢好好呀~
吃完飯之後的節目當然係打牌, 玩魚蝦蟹, 三公...等! 我sure win la~ 哈, 其實係我割禾青! 哈,哈~
8:30 電視又可以見到靚仔喇~ 錄成幾個鍾播得一個鍾!~
# # #

>>February 2, 2003 at 5:14:08 PM GMT+8

2003 年 1 月 30 日 星期四 【晴】

今日勁唔想返工, 我到十二點要走....
出到黃大仙, 好多人...我意思係......
天明唱歌呀, I believe~ 好正呀, 佢仲要行過來.....................
做乜佢會行過來呢?
見到佢係開心, 但係就有D人, 有D野攪到我好....
說來話長...好慘...............
激死.........
* * *
我唔打lu, 都冇人想知~
* * *
年初一晚8:30又可以電視睇到佢! 好攪笑ga!! 大家記得睇! 佢sure win~
# # #

>>February 2, 2003 at 7:31:45 AM GMT+8