2002 年 12 月 5 日 星期四 【陰】

我發覺...好奇怪...好奇怪...好奇怪...!!! 好多時, 我諗住同人熟左, 好好地......但係, 耐左就又好奇怪咁淡左落o黎......然後...唔多理我...跟住,就唔聯絡......點解? 諗極都唔明~ 個個都咁ge......
到底真有其事定係我多心? ...定係覺得我煩......?????? 唉...
∮成日唔搵 成日唔緊 成日話見但見一陣 態度唔同以前 成個冷淡晒 算數啦 冇野喇 唔煩你喇
無人錫我啦∮

>>December 7, 2002 at 3:25:50 PM GMT+8

2002 年 12 月 3 日 星期二 【晴】

好耐都未試過"心情靚", 今日唔錯~
因為今日係我最後一日去佐敦上堂, 而最後的一堂係最好的老師~佢仲叫我報多一個月...
佢仲叫我比電話佢,遲D開x'mas party或者得閒食飯~仲有好靚又好nice的日本女仔都有打比我...好touching呀,估唔到我只不過 join左一個月佢地兩個都對咁好! 我諗我會買份聖誕禮物比佢地, 但係買乜好呀? 兩個分別結左婚的男人,女人...送乜好?...
* * *
唔知點解今日的森美小儀dot dot dot好好笑, 係因為心情問題? 係掛~
小儀問 IQ題, 最攪野係這條...「有乜親戚講野你會唔明?」聽完個答案真係企左晌度!!!
* * *
返到屋企, 又有人來打邊爐, 呀占又攪笑~
咁又一日, 我要去搵工喇! 冇野做好慘, 又冇錢洗...
唉~~~~~~~~~~~

>>December 5, 2002 at 10:30:40 AM GMT+8

2002 年 12 月 2 日 星期一 【晴】

今日, 森美生日, 森美小儀dot dot dot都好熱鬧~楊千嬅都打上去say生日快樂! D fans 又買蛋糕上去! (又唔叫埋我去!) 咁多人同佢慶祝, 好羨慕呀~
＊＊＊
我咁大個人仲"迷"偶像,係咪好低能呢? 不過, 我唔寄情於偶像,我冇野可寄喇!~ 所以,繼續這小小"樂趣"~
* * *
哈,多謝你的來電, 一有人打比我, 我會 :) 加上係你wor!~
＊＊＊
個個都攪聖誕party, 我都想攪呀, 一班人熱熱鬧鬧, 多好!~ 不過, 冇人join我開party呀~
###

>>December 3, 2002 at 3:07:38 PM GMT+8

2002 年 12 月 1 日 星期日 【陰】

冇返學,有人來裝寬瀕~
雖然寬瀕, 都唔快得去邊, 仲要我用網上行,因為我想睇now.com, 點知整極都睇唔到, 一控"收看"就一片空白! 唉,激死我la！
＊＊＊
上 ICQ 其實係想同人傾下計, 我上堂唔會點講野,返到屋企係甚少同"家人"講野, 但係 ICQ我又唔知同邊個傾...hi完又好似冇乜野講...我要講可以好多野講,不過怕人嫌我煩! 哈~
＊＊＊

>>December 3, 2002 at 10:03:10 AM GMT+8

2002 年 11 月 30 日 星期六 【雨】

日日都係.......alone
唔知去邊好, 又好討厭回家! 對住唔係咁喜歡的人.......唉~
.........日子好難過...
*** 算數啦 冇野啦 唔煩你喇 冇人錫我啦 ***

>>December 1, 2002 at 5:53:14 PM GMT+8

2002 年 11 月 27 日 星期三 【陰】

又睇多一本梁望峰的書, 以下☆係佢寫的:
☆我們和一班朋友分手後,互相聯絡見面的機會少了,各自生活...陌生的感覺自然產生. 一段友誼的結束並非你錯了,也不是朋友錯了,而是時間變了...我們要學習在回憶裏添上一筆美好......☆
( 但係我卻相信有心去維繫彼此的友誼, 依然可以係永遠的朋友...我知, 我係天真...)
☆本來關係良好的老友,認識多年, .......難堪的無言已對...當你發現自己一直交往的人是個....你覺得自己是一個傻瓜.其實,你該慶幸能早睇清那人真面目,免得自己愈踩愈深,受害的程度也加深...
朋友對你不仁,你卻對他們不捨不棄......應在徹底失望前離開☆
(朋友係咪一定有"限期"? 我唔信人因為我怕受傷! 我真係唔敢再肯定....邊個係"朋友"?)
(我冇野, 只不過"son"下, 唉, 不過我仲會好傻咁當你地係朋友ga! .......)

>>November 29, 2002 at 4:04:20 PM GMT+8

2002 年 11 月 25 日 星期一 【晴】

我真係好冇用, 咁大個人...應該細個考o既野,我咁大個先考...仲要............唉~ 次次考重要的試都係好鬼緊張,腦子一片空白! 明明之前好地地, 到真係考就失常! 真係好冇用!
* * *
I really hate my family...
#

>>November 26, 2002 at 2:39:06 PM GMT+8

2002 年 11 月 23 日 星期六 【陰】

今日上兒童心理的堂, 今日講到"家長", 講話家長大慨可分三類:放任型/ 管制型/嚴威型. 佢話次次講親這topic實有學生喊...我心諗:死la, 我實會...
當講到管制型的父母:「佢地通常係要了女服從, 加以管制, 同埋只會罰, 而佢地會應為佢地講的永遠係對, ................」唉, 直情係講緊我呀媽! 「好的會令佢地的子女變得 : 守規則...唔好的係:令子女對家長反感, 缺乏自信, 唔開心...」完全正確!~心埋學家真係心埋學家! 我聽到已經眼紅紅, 不過死忍,死忍, 唔想比人見到我哭...令我更想哭的是我媽對我細佬並唔係咁, 返而係十分愛錫...攪到佢冇大冇細, 冇禮貌......唉,冇家教,寵壞晒!!! 點解? 偏心, 重男輕女law!
* * *我好想搬! 我唔鍾意這個所謂「家」的地方! 何況, 沒有我, 人地會更開心!* * *
之後, 去佐敦上英文, 上到六點...然後,竟然我呀媽在電話中用溫柔得有點造作的聲音問我回家未?
收線後, 我心諗: 一定係有人來左我家, 唔係邊有咁好聲好氣ya.
返到家, 果然真係!~ 哼!~ 心淡? 一早都淡到麻木! : (
日日一個人~ 朋友? 我都唔知邊個先係? 我唔敢講... 唉.~人生於世上有多少個知己? 多少友誼能長存?......搵日去邊度...得閒搵你...乜乜乜...通通都係只不過冇野講~ 我為何次次都天真地相信...
* * * 我唔係話想博同情~只不過想 "辰" o下, 你話我灰又好, 乜都好~ * * *
* * *這陣子, 經常頭痛痛, 頭暈暈~想死~* * *

>>November 24, 2002 at 3:18:46 PM GMT+8

2002 年 11 月 22 日 星期五 【陰】

上堂真係好悶, 我上夠一個月,唔再上! 死都搵工做, 搵錢洗好過! 所有老師都悶到死, 除左星期三~
一樣係出去回來, 唉~ 返到家食野......
夜晚, 去姑媽家吃晚飯~
悶~ 又一日! 虛度...

>>November 23, 2002 at 4:17:26 PM GMT+8

2002 年 11 月 21 日 星期四 【陰】

昨晚, 繼續執房, 決定未執好唔訓! 執房我成日都要執好耐, 唔知D野擺去邊好~ 卒之, 執到六點先訓! 依家, 間房好整齊, 好空添! 以前雜物滿佈,依家好多空間! 自己都有D唔慣, 好似唔見晒D野咁! 不過, 我諗唔洗幾耐, 間房就會打回原型! 成日執完冇耐, 又亂返! 而永遠最亂的時候,就會有人來~
* * *
因為六點咁"早"訓, 所以好遲起身~我又冇去上堂喇......之後, 我表姐(上次唱k那個)打來叫我陪佢行街. 我咪出law...出門口比我爸爸在車中經過見到...唉............黑仔...
* * *
表姐的話題都係離唔開男朋友~仲要讚口不絕...佢男友係咪真係咁好呀......真係情人眼裏出西施!
後尾,佢仲話遲幾年會結婚, 到時搵我做伴娘. 嘩!!! 真係好突然呀~ 佢都話結婚喇! 一個二個到廿幾歲就好似好自然就可以結婚咁~ 好驚呀............
* * *
回到家, 爸爸就話「你返咩學呀, 咁遲出去,咁早回來! 」.......好彩, 有人來左我家開party, 我先唔洗比人罵...佢地打麻雀, 我好想打呀~
*

>>November 22, 2002 at 5:19:40 PM GMT+8