2003 年 3 月 1 日 星期六 【晴】

今日在家聽返我未聽的森美小儀dot dot dot, 同埋森美移動, 都未聽晒!
到五點幾出門口, 去大學會堂! 去睇 "聯fan所定Edwin觸動心妍音樂會" 本來預左我表妹會去...點知佢又唔去, 攪到我要搵人陪我去...都唔知搵邊個好...冇一個friend同我一樣喜歡蕭正楠~ 個個第二日都要返工, 返學! 好彩最後都有fd肯同我去! 個 mini concert 好正! 有蕭正楠之餘, 又有關心妍! 兩個唱歌都好聽! GOOD!~
# # #

>>March 2, 2003 at 4:50:13 PM GMT+8

2003 年 2 月 26 日 星期三 【晴】

今日去唱K~ 唱到三點幾就散band~
跟住我咪一個人走去教育學院拿form~諗住一次過拿form兼報埋名, 點知又要surd副本...攪到我又要第二日撲過出去~ 一個人戇居居咁~
今日六點幾七點回到家~ 好早呀!
# # #


>>March 1, 2003 at 4:19:38 PM GMT+8

2003 年 2 月 25 日 星期二 【晴】

今日打牌, 當然係輸啦! 我的運氣唔見左好耐喇!
* * *
lee排唔知做乜好似好多節目咁~! 一係就冇, 一係就日日都出街! 好奇怪~ 今日十點幾返到屋企. 我爸爸又好似審犯咁審我! 令我極度反感!!! 大佬我幾多歲呀! 仲咁樣問長問短, 仲要好變態咁問埋D極度低能白痴問題! 救命呀~ 咩年代呀? 我真係頂唔順啦! 好討厭! 幾時可以逃離魔掌? 唉~ 好辛苦呀!點解咁唔公平? 點解這個世界咁殘皓? 我應該要點先o岩呀?
* * *
再咁樣落去我真係.......都唔知生存為乜? 有咩意義? 什麼都沒有! 哼! 咁多人死唔見我死...! 鬼叫我怕痛, 又怕死唔去... :(
******
你真係覺得我會咁易鍾意人? 我唔會架! 好人就鐘意,我咪好唔得閒? 同埋我好尊一架, 都好長情ga!
* * * * * *
∮對快樂無助 這數年不理深愛著誰亦未被對方珍惜過 沒有花 沒有果......到底我什麼出錯?...連我自己都不愛我.......越要開越要解讓我更加擔心我狀態...自信亦冇多...笑問憑什麼...情愛是決定遺下我...∮

>>February 26, 2003 at 6:00:09 PM GMT+8

2003 年 2 月 24 日 星期一 【晴】

同D同學去飲茶, 然後返學~ 返去聽"講座", 悶~
到放學, 大家話去唱K, 其實我都有諗過唔去~ 因為我知道我去左都係淨坐~ 一個二個都好似熟晒咁~而我去都係好似格格不入咁, 但係我又鐘意一班人咁玩~ 有人叫我去我又會想去wor~ 不過, 我依然都係"靜"~ "嘈"唔到, 仲要有人係咁打來煩住晒!!! 結果~ 我要走先~ :/
● Elsa (有冇串錯呢???) 生日快樂● ←原來唔係...我都覺得奇怪喇~... :p 哎~

>>February 28, 2003 at 4:30:13 PM GMT+8

2003 年 2 月 23 日 星期日 【晴】

終於比我搵倒「心思思 」lee套電影的VCD, 開頭見到DVD已經覺得好勁!~ 估唔到仲有VCD! 太好喇! 比我搵倒~仲賣到咁平!~ 另外又比我發現左一套 "監獄風雲-少年犯" 的VCD, 上面寫住蕭錦麟lee個名...(蕭錦麟係邊個? 估都估到喇), 哈,咁都比我見倒! 我就買左黎睇~
我仲搵緊「屍家保鑣」「裳在我心間」「飛虎雄風2」 的VCD~ 好想快D搵到, 睇晒佢!~
# # #

>>February 26, 2003 at 5:10:14 PM GMT+8

2003 年 2 月 22 日 星期六 【晴】

睡到下午先起身! 估唔到可以由星期六下午訓到星期日下午~! 又唔知點解冇人叫我起身! 仲要好日夜晚都唔訓, 一訓電視就有我偶像! 我又唔知wor~ 到星期日先有人話我知!~ 下次唔該你地一見到我的偶像就打個電話比我, 話我知! 唔好以為我實知ya! 你地無論見到咩報紙, 雜誌, 電視......總之同佢有關的記得第一時間通知我呀~ 記住呀!~
(我知我好癲...無計喇...so what~)

>>February 26, 2003 at 4:56:19 PM GMT+8

2003 年 2 月 21 日 星期五 【晴】

今日早上七點解散後, 八點返工, 返到去真係好眼訓~ 個經理話 "你冇心機做不如唔好做啦, 都就晒你, 你話唔得閒都就你...你陣間好同我講係咪唔想做" 本來收兩點, 又叫我收兩點半...然後放工我就同佢講唔做~ 之後, 真係有種free晒的感覺!
一回到家, 沖涼, 訓覺!!!
# # #

>>February 23, 2003 at 6:55:06 AM GMT+8

2003 年 2 月 20 日 星期四 【晴】

今日成班去灣仔睇展覽...好悶的展覽...於是我地走左出去...唔知去邊...最後都去左許留山...上返會展...話說呀某某想要M巾, 我地咁多女仔咁o岩又冇, 咪問Miss, 我只不過係同Miss講: "Miss有冇..." 佢都知道做乜...點知坐隔離的權sir聽到, 佢又get到做乜...仲要加入話"我有呀,係咪要?" 跟住仲要晌自己個袋度拿一塊出來, 仲要好揚咁比人見到晒!!! 有冇攪錯...一個男人個袋有M巾, 仲要咁揚晒比人知有人想要...勁唔掂...! 而呀某某話我做乜咁揚...我唔想ga! 最衰係權sir!!! 攪到呀某某怪我...攪到我唔知點~ 呀某某又好似係嬲我咁~...
* * *
之後去BBQ, 有D去買野, 有D返屋企...到齊人就一齊行去獅子山~ 話說我係抽緊一包炭, 開頭呀東都叫我比包炭呀Roy抽, 我話唔洗~ 跟住我一路都抽住包炭~ 到一齊行上獅子山, 我同呀真一齊行,呀真話幫我抽, 梗係唔洗啦, 冇理由要一個咁瘦的女仔幫我抽! 之後, 呀麒行過來同我地傾計, 見到我抽住包炭, 佢好驚訝咁話:" 原來你抽住包炭ga!! " 又叫我比佢抽. 當時佢已經抽住一袋野同埋拿住 D 燒烤叉, 冇理由要佢抽咁多野ga. 我話同佢交換~ 最後佢都冇比到 D 叉我拿, 佢一個抽晒 D 野, 仲要行樓梯, 行斜路...都唔比我地兩個女仔抽......其他男仔就掛住行~
去到就BBQ, 影相, 玩遊戲...玩完都冇乜野做~ then分開兩班傾計. 一大班人玩係好開心, 不過, 自己有時又會覺得埋唔到堆咁, 呀真走左後得我一個坐晌度, 其他女仔又兩個兩個喇, 唔知點咁...有種人地冇叫你去你跟住去的感覺...有好幾次有人問我做乜, 其實, 我冇野wor~ 只不過唔知同邊個傾計好之麻~ 乜我個樣真係好呆滯咩? 乜我真係好似好悶攪到你地唔知點? 我真係唔係wor, 我其實好開心可以一班人一齊玩~ 你地下次記得預埋我呀~ 我係好鍾意玩ga!
估唔到我地成班可以去到晨早七點幾先散...之後, 我趕住行去搭車走都冇講Bye Bye, 谷德超都話要講Bye Bye架~ 死喇, 我冇wor, 咁咪冇禮貌 :p
* * *
●呀麒 生日快樂 ●

>>February 23, 2003 at 6:59:18 AM GMT+8

2003 年 2 月 19 日 星期三 【晴】

今日又係一班人去飲茶, 不過今次有D奇怪...就咁話去飲茶, 然後大家向酒樓方向行...而行的時候, 大家的眼神係"點解有人不請自來"...唔知點解我又有好似有種唔係幾好意思跟住去的感覺...怪怪的~去到依然都係要分開兩台, 一台大,一台細. 我坐左去細台 :( 立刻唔係好想飲, 好唔知點...
不過好過一個人ge
* * *
返去做完模擬面試, 然後就係填form...好鬼無聊~ 而佢地影相 (冇我份~雖然我都有相機, 好想快D影晒佢, 快D晒相, 不過又費是拿出來, 冇人同我影咪好瘀!) 同埋, o個兩個女仔拿左電話簿出來比人寫...(又係冇比我寫! 唔知點解? 我做左D乜佢地好似唔係咁like我咁呢? 話晒大家都鍾意蕭正楠呀~) 其實, 係咪我諗得太多??? 成日會覺得人地唔like我咁, 又唔知點先可以大家熟絡D? 我都好鍾意玩, 但係又怕人地唔想"侵"我玩wor~點可以埋到堆? 真係要靚女先得???
# # #

>>February 20, 2003 at 2:58:41 PM GMT+8

2003 年 2 月 18 日 星期二 【晴】

今日我地一班人去完勞工處, 到 lunch 又一大班人唱 K, 真係好正呀~ 雖然得一個鍾lunch, 我地好唔夠喉咁影埋相就走人~ 我真係好喜歡一大班人咁玩, 熱熱鬧鬧咁 :) 最重要係當中有幾個活躍份子ya! :) 哈!~ 希望之後仲可以咁玩!~....
* * *
我個friend同我一齊等......到七點幾八點...然後話去BBQ...但係今日又我daddy生日, 我唔去食飯都唔係咁好........我又處於兩難局面, 唔知點算好....成日都會係咁, 係我的問題定係咩呀...? 我都唔知......我總係唔懂得將事變得兩全其美...... : (
* * *
回到家, 食蛋糕...不過係黑森林...咖啡會好D...食的時候我呀媽又開始說我的"將來", 唉...又話我冇用...讀咩咩咩...又話唔好做埋咁o既工...我話:"咁唔返工邊有錢呀?唔返又話我好唔做野, 返又話唔做好過!" 佢話"你返左工我又唔覺你多錢wor! 返左同冇返冇乜分別!, 咪又係洗我地D錢" .......跟住我又唔知可以點講, 心諗我想洗你錢ga, 我好似好耐冇問你拿錢...冇錢都費Q事問你...唉, 仲要問我究竟我想點~ 哼! 真係好笑喇! 乜我想點就可以點咩? 我做乜讀乜都比你踩...
* * *
● Daddy 生日快樂 ●

>>February 23, 2003 at 6:45:28 AM GMT+8