2007 年 6 月 27 日 星期三 【晴】

向大城石澗出發


黎個小休先


途中經過釣魚的人士


漫漫長路等住我地


肥鵬 : 行啦大雄,要落水啦 // 大雄 : 腳仔軟添 ~~ ALAN去左邊??


肥鵬好開心


留意大雄的朗拿甸奴NIKE石地鞋---價值$350


趕住時間落水


中間的大雄在玩水中~~佢話好爽呀


成日影我既


補充體力先


ALAN文仔同一目光望住大雄


上水再踏征伐


漂亮嗎??


令人感覺舒服


我揸機幫文仔新網友朋友仔影張先


文仔好苦惱咁WOR


史泰龍訓係度真舒服


肥鵬玩水


劉松人沖水


>>June 27, 2007 at 4:01:39 PM GMT+8

2007 年 6 月 26 日 星期二 【綿綿細雨】

高佬,阿聰,大雄,文仔(點解望住我),史泰龍,ALAN,陳友,肥鵬


乾晒塘的城門下水塘


慢吞吞五人組


果邊有咩望


頭先由下面上黎嫁


水平如鏡的城門水塘


攝影師典最後


近距離拍攝


俾攝影師偷拍了我


中途休息捉馬騮


三人討論緊乜野野


幾鬼靚


開始真正行山


見唔見到我呀


大雄文仔~討論緊落唔落水 , ALAN睇緊下面咩環境 , 肥鵬除衫迎戰


由下面影番上去


是日四子討論如何是好


>>June 27, 2007 at 4:04:34 PM GMT+8

2007 年 6 月 25 日 星期一 【微雨】

感想 : 大城石澗之旅

第一次參加---澗之活動
感覺好新鮮~~同平時行山既味道好不同
雖然其玩法行法同石灘一樣......但可以落水玩始終係最大樂趣呀
途中所見既路線令我諗起沙巴之旅玩激流時既情景~~
哈哈哈哈~~落水玩,透心涼既感覺~~好正呀
D水係涼而唔係凍
D水係清而唔係濁
平時行山係烈日當空曬到阿媽都唔認得但今次係行下涼下真係正
降溫感覺一流......毛巾仔洗面洗手真係正
今次旅程又將D網友介紹俾大雄文仔認啦......佢地又多D朋友仔啦
哈哈哈......
其實肥鵬文仔大雄同埋我途中都不停有提住江兆的名字呀~~
始終欠缺了佢呀~~如果佢黎埋肯定天舒所慾言更加之攪笑開心呀......
其實我們都好想你黎的好想一齊玩一齊談天說地的......
希望下次有機會再下澗時可以有你參與啦......
但大雄文仔都話下次唔會再玩澗啦.......
唉......真可惜但我會努力說服佢地的~~等佢地做師傅黎帶住你行
哈哈哈......

今次旅程都真係.....難忘難忘......

>>June 24, 2007 at 2:42:55 PM GMT+8

2007 年 6 月 24 日 星期日 【微雨】

接番昨天日記 : 大城石澗回憶錄

臨落澗時大家都收拾好D電話入套先~~怕一陣落水就大獲啦
起初連自己都係戰戰兢兢的~~因為自己始終都係第一次玩---澗
慢慢咁行啦......終於頂唔順要澗水而行啦~~但落水一刻俾我舒服既感覺
連大雄文仔都係咁講......佢地兩個都慢慢行呀~~第一個笑位黎啦~~!!!!
大雄澗水而行咁岩企唔穩跌一跌~~佢話D水上到去佢條啫度WOR~~哈哈哈
更住到第一個潭啦~~自己冇落水住~~忍住先啦(諗住到目的地自落水玩)
但肥鵬一下子已經落左水啦~~佢又跌Q左落水呀,成個訓低~~哈哈哈
更住大雄頂唔順啦~~著住條孖煙照落水玩LOR~~佢話勁正呀
D水又涼快~~有小急流沖水好舒服WOR......哈哈哈~~佢仲洗埋頭LOR
再向上行啦......漸漸地大雄越行越慢~~原來佢話滑倒幾下個心驚驚地......
反之文仔就越行越快同埋掌握到玩法......做埋師傅教阿大雄點行LOR
哈哈哈......情景幾攪笑嫁~~
第二個笑位黎啦~~面前有一大舊石自己行唔到呀~~改落水而行
反之肥鵬一彈就已經上左去LOR~~更住文仔又彈上埋去......
得番大雄~~哈哈哈~~佢一跳上唔到WOR~~文仔肥鵬兩個人合力拉佢上黎LOR~~
到卡陣仍然唔知點解肥鵬同文仔點上去既?????仍然係一個謎.......
俊伋咁行落下水時又休息一下......終於到最攪笑的一個笑位啦~~
我自己向左行.....係對面望住大雄.....笑到不停呀(卡陣打日記都笑住咁打)
有兩個大石~~相差一米左右(中間既係水溝)~~大雄出現同一問題
點過呀~~??點解文仔同肥鵬又過到既~~??哈哈哈......
大雄唯今次計又要肥鵬幫拖~~拖佢過黎啦~~哈哈哈......
大雄橫身一訓向前~~肥鵬大力一拉~~大雄成個人打直吊左係兩舊石之間~~哈哈哈
更住1,2,3~~又拉.....磨啫啫呀~~大雄話......笑諗到我們仨個喊晒口呀~~哈哈哈
最後都話得到黎......再上呀上~~15分鐘又15分鐘......終於都到達目的地----大鳥石以及杜鵑潭
真係一個好深既潭~~肥鵬又係二話不說~~一炸~~跳左落水啦
而我就向前撲水算了.......真係透心涼令人舒暢晒呀~~
之前既辛苦都已經忘掉了啦~~好舒服WOR
山上既水的而且唔同D呀.......(其實途中都已經有好多人落水咁玩法.....)
呼.......游左陣水洗洗件衫再起行LOR~~今次係落山完畢今次旅程LOR

慢慢落山~~又見到馬騮......
大家又吹吹水
遠望日落~~雲彩既色彩好美麗
搭車返荃灣......更住食小巴黎~~天住搭MTR去旺角轉VAN啦
返到屋企個人散晒......即白白+打日記+DISCUSS

>>June 24, 2007 at 2:33:37 PM GMT+8

2007 年 6 月 23 日 星期六 【微雨】

7:30AM起身即刷牙洗面落樓去百佳買野食先......再過去老麥買個早餐先
搭107過紅磡會埋三隻野先~~分別係 : 大雄 + 文仔 + 肥鵬
今天目的地 --- 城門水塘之大城石澗
我們仨個轉搭火車入大圍先~~JOIN買名網友 : 沙田友+史泰龍+阿聰+傻笑高佬
沙田友 : 因為住沙田而叫佢做沙田友(大雄叫佢做陳友)
史泰龍 : 因為當你見到佢第一眼時就會有咁既感覺
阿聰 : 比我們還早到的網友,初時我們四個估佢都係參加者之一
傻笑高佬 : 因為佢合唔埋個口成日笑而且又高到死,把聲高三度成個女人咁
其實今次路線連我自己都未行過~~但網友有活動而自己又未諗到不如JOIN埋啦
結果......有驚喜而且難忘之一次回憶

先由下城門水塘出發~~呢段路冇特別 = 普通水塘一樣 (但大雄頂唔順要除褲啦......只餘孖煙囪)
途中經過 : 寶福山 --- 平時成日講同埋聽今天終於有幸一過......係入面我們仲大笑大講
(因為要落小小山路......所以.....肥鵬大雄兩者分別玩左次SIR滑稽啦~~哈哈哈)
終於到第一個考驗啦.......三百多級的樓梯~~由下水塘直上上塘呀
大家都玩到~~~依依哎哎呢??哈哈哈......好彩既係有過雲雨令大家降一降溫咋
終於黎到一半度既路程---城門水塘啦
有得睇馬騮仔呀~~真係得意呀~~哈哈哈......

再前行~~向大城石澗入口出發啦~~
明天日記再打埋落去呀......

>>June 24, 2007 at 2:15:49 PM GMT+8

2007 年 6 月 22 日 星期五 【酷熱】

今天返工真忙碌呀~~一早就已經同CAROL林拆一拆隻獲啦~~
咁岩越到兩個''果炭''
更住就LUNCH啦~~WITH懿懿
太熱既關係而且仲係著住件制服啦~~所以特別特別憫呀
成陣汗味真難頂.......
LUNCH完直到收工都冇停過呀~~宜去到收工
送左多一個小時俾公司添......
更住就返ABERDEEN同契爺去左ZONE 2.買行山鞋啦......
買一送一WOR全場貨品~~真係爽呀
最後買左對行山鞋啦......期待已久的東西
更住返屋佐即落樓打打波射番兩野先啦......
打左45分鐘就回家LOR~~食個公仔面
上網搵行山資料......左度右度都諗唔到行邊添~~??
最後......

一點訓LOR........
明天行山.......

>>June 24, 2007 at 2:03:07 PM GMT+8

2007 年 6 月 21 日 星期四 【酷熱】

一早都未訓Q醒阿副經理DICKY.CHU就打電話黎啦
問剪左指甲未,攪掂D蘇未,頭髮剪左未......
洗唔洗呀??
焗我起身姐......
返到公司就忙過不停啦......今天都解決唔少既問題
慶幸既唔係大獲野~~都算KO得到既~~!!!
LUNCH同招弟+CAROL傾左少少公司野~~都算幾認真的
今天收夜~~留到最後一個.......因為CAROL+招弟有野做趕住走
收工先打俾九西先啦~~聽到佢把聲吹吹水先啦
更住打俾文仔......係巴士中仲見到慶玲
返到屋企.....睇左陣''緣來自有機''
一路食公仔面一路睇埋''學警出更''
最後就上網打日記+打一鋪WINNIN......
點解一鋪~~??
因為眼訓LOR......

呼......星期日......最後都係取消了單車活動
改為行山樂......有興趣者均可報名參加的
現時有肥鵬+大雄+ALAN
希望文仔//江少會可埋啦......
是次路線 : 獅子山 ---> 筆架山 ---> 金山(馬騮山) ---> 針山草山 ---> 四方山 ---> 大帽山

>>June 22, 2007 at 4:32:28 PM GMT+8

2007 年 6 月 20 日 星期三 【酷熱】

一首近排再次聽到的歌......
還記得最後一張買下古巨基的CD
我足足有六年冇買LEO KOO既CD啦......
六年前所聽的同現在所聽的而且不同呀

獨行俠

不論何地　不論何事
一切玩意亦愛獨個沒有你份兒
孤獨容易　孤獨行事
倘我像太自閉別責備我無誠意

我會有興趣獨照　我那有勇氣合照
我怕愛過了舊照片半秒被燒焦
我會有興趣獨唱　我那有勇氣合唱
我怕你變了但這歌再次被分享
明白悲傷因快樂開始　留戀於　寂寞時

不問前事　不問名字
請你別要為我掉進在棄置泳池
孤獨容易　孤獨行事
倘我像太自閉別責備我無誠意

我會有興趣獨舞　我那有勇氣共舞
我怕我抱你未到終結己被摔倒
我會有興趣獨奏　我那有勇氣合奏
我怕太放縱電結他斷線弄傷手
明白悲傷因快樂開始　留戀於　寂寞時

孤獨容易　孤獨行事
當我病了沒有藥也未會隨便試
---------------------------------------------------------------------------
話時話~~身邊既朋友都好耐冇一齊唱歌啦......
本週日......應該幾齊人的,希望到時可以再次成班柴娃娃吧~~
到時希望可以RIDE完BICYCLE之後成班一齊去CEO唱歌啦~~
就算去唔到RIDE A BICYCLE既朋友到時都可以出埋黎一齊唱歌啦!!!

>>June 20, 2007 at 3:29:11 PM GMT+8

2007 年 6 月 19 日 星期二 【酷熱】

突然個腦海諗起......一個解決唔到既問題
但每當諗起既時候總會陰陰嘴咁笑既.....哈哈哈
** ~~ 如果我個仔扑左江少個女 ~~ **

今天真悶熱~~加上昨天既曬太陽,身心更為炎熱呀
只係短短一陣姐~~就攪成咁啦
紅扑扑呀~~黑麻麻呀......
今天LUNCH時~~同事問我 : ALAN呀,你排你好大壓力WOR,係唔係好辛苦呀??
的而且係辛苦呀~~比起以往既完全唔同呀
始終之前有WENDY老母主任~~有咩佢諗掂佢攪,卡陣要我攪掂成間CB,都真係辛苦+壓力呀
呼......
都係果句~~想快點知道最終結果,早點講我知吧~~可以嗎??

收工......回家LOR
同樣帶著疲軟既身軀回家......
DINNER~~睇左陣電視就打日記+上網啦
明天放假......但我諗自己都係返工多嫁啦~~
始終太擔心佢地啦,越來越工作狂添......人快要瘋呢??

大雄話~~星期日佢放假想約大家出黎RIDE A BICYCLE呀
當大家睇到呢個消息的話請.....回覆佢去定唔去吧
佢難得一天放星期日都想齊朋友出外遊玩的.....
大家多多支持啦
我星期日要返工......但我會射波支持佢的

>>June 20, 2007 at 2:50:03 PM GMT+8

2007 年 6 月 18 日 星期一 【酷熱】

等了又等~~再等又再等.....終於係今天可以一圓願望啦
ALAN今天要向沙灘出發呀
天公造美~~陽光普照呀!!!!
I LOVE THIS呀~~10點起身上陣網就收拾行裝出發LOR
今天目的地係---石澳
一到步就已經好波濤洶湧啦......叫我點頂呀??
哈哈哈~~真係想搵埋文仔+周傑+大雄+九西一齊頂一頂住先呀
$10吹脹浮床先~~$30租太陽傘一把~~搵番個靚位可以曬太陽又可以望靚女先至得
落水LOR~~今天D水都OK得啦,唔太涼呀~~真舒服WOR
慢慢拉住懿懿出浮台LOR~~一來一回都已經用左唔少力呢??
返去曬一曬先~~食下薯片先啦又整多罐汽水添呀!!!
再出多次海啦~~越來越多人啦
成個浮台都係麻甩仔黎既~~返之大把比堅尼留係沙灘上曬一曬
呼.......快樂不知時日過~~差不多四點就鬆人LOR
曬左一陣姐已經黑左好多啦~~真係了不起啦
返到去整個下午茶先.....打陣NDS訓一訓再出發DINNER啦
今日都真係食左好多野呀~~飽飽飽飽飽死人啦

返到屋企打陣機+打日記+白白......
紅晒啦......又黑左啦......越來越黑仔......

>>June 19, 2007 at 3:15:30 PM GMT+8