2007 年 10 月 24 日 星期三 【酷熱】

係DISCUSS中見到有人POST行山既相真叫我氣結呀
如果我可以有咁多時間行下山就好了.......

今日星期四.......
收工澎澎聲過去TIME'S金滿亭JOIN懿懿全家DINNER啦
因為今晚世伯生日WOR~~真係非出場不可了
係到場之前買左件風褸~~費事一陣兩手空空呢??
好趕咁食晒D野啦.....因為自己遲到了......
更住就行左一陣陣啦~~SOGO//銅記地帶......
最後打左陣機咁啦......

係DISCUSS網度同時睇見釣魚區既POST呀
D人係維港租艇釣又係大大大魚的
又叫我氣結起來了
哎呀.....我都想有大魚呀~~條條有前手肩咁長的??

呢個星期叩我辛苦起來的
因為公司唔夠人其一
其二係有好多麻煩野呀......又要教新人又要理呢樣果樣......
真辛苦呀~~
每每都有大小事就叫ALAN,ALAN,ALAN......
點解卡陣D人唔可以自己嘗試解決問題而再向別人討教呢??
唉.....明明一件容易事情自己有能力解決但每每就叫人解決......唉......
難成大器也......

>>October 26, 2007 at 4:47:04 PM GMT+8

2007 年 10 月 23 日 星期二 【晴】

有一個好消息一個壞消息 ~~
好 : 終於可以一嘗毅行者的味道了
壞 : 要行山行山行山......
突如其來的一次機會~~叫人雀躍
都係果句啦~~一生日如果可以行一次毅行所得既得著往往比其他的更多更珍貴的
但頊到時冇病又冇痛啦.......

秋高氣爽......令唔少人懷念以往小學中學的活動
呢個時候應該有好多學校都舉辦 : 陸運會的
今日就拎出黎同大家分享一下吧......
唔知道大家又記者想當年的一刻嗎~~??
今日先講小學吧......小學自己比較內向的
加上自己都唔係好動的一批~~同埋自己運動唔係好所以都冇參加比賽的
真係毫無信心呢??
由其是記得的.......小四時候同江兆齊齊做童軍時幫拖係陸運會做跟班~~(拎呢隸拎果樣)
走前又走後......到到小五小六時開始接觸運動了
同時都漸漸發現自己原來咁有運動的細胞WOR
有此起~~從運動中建立起自信了
現在令我明白到~~自信必須由自己所發掘的
一經發掘就一發不可收拾了......正因運動,慢慢地令我改變好多
由唔多出聲到咩都講一餐到咩都玩一輪......真係改變不少
因為自己運動比人強+好動,所以都自覺比他人優異,從而對自己成長有更大幫助
好開心.......
雖然最後係小學五六年級時都係冇獎拎但都已經好開心同埋好懷念
如果當年我肯用功下苦心去鍛鍊的話~~或許自己既獎牌會更多更多的

最記得三樣比賽
1.) 掉豆袋 : 鬥遠為之羸 --- 記得江兆有同我參加的
2.) 60米鬥快 : 入左複賽但次輪輸左 --- 爆發力的考驗
3.) 4x100接力賽 : 包尾 --- 參加的是小六年級(有陳嘉傑,黎俊偉,張樂榮,李偉倫)

>>October 25, 2007 at 6:05:41 PM GMT+8

2007 年 10 月 22 日 星期一 【炎熱】

星期二又係睇電影的一天了
今日所選擇的是 : 兄弟
話雖自己唔係太過喜歡同咁想睇但比起其他都叫做大點興趣了
收工毫同懿懿食左野先~~更住就去總統睇戲啦......
咁岩又俾我們見到 : 洪爺 (即係拍喜劇之王果個呀)
哈哈哈......

$45 = 100分鐘 = 抵睇呀
合乎經濟既原則呀
其實係討論匿甚至朋友口中都評兄弟呢套野麻麻地
唔係想像之中既好睇......
的而且比較欠缺張力......未能夠帶住觀眾目不轉睛追看電影
與其說此問題倒不如說篇劇的問題算了......
因為係角色上面都冇咩特別要求嫁啦~~話晒都五虎加埋醫神~~算係咁啦
到最後劇中所表達既內容同戲名真係有點出入......
兄弟 : 親生果隻定係,由老友到兄弟果隻呢??
就個人而言兩者都末係WOR~~真係兩頭唔到岸呢??

睇完自己又打左陣機......$6算了
更住就搭車回家......
等睇波.....歐聯呀
但都係睇左半場訓左添.....

>>October 25, 2007 at 5:53:10 PM GMT+8

2007 年 10 月 21 日 星期日 【晴】

呀~~諗起昨晚食左D乜啦......
收左工係咩都唔食.....去左睇衫(但貴到死呀~~本來睇中條褲的但超貴WOR)
更住8:00PM就過左去灣仔君悅酒店食5*****級既甜品自助餐呀
唔知點解好突然好突然要食甜野呀......
結果......搵左呢間全港最好味的甜品自助餐了
的而且環境好不俗WOR~~一半海景......四周都好浪漫呀
而且當晚更係王天王既生日呀~~唔怪之得見到咁多名人啦??
終於有得吃啦.......我同懿懿真係急不及待即時出去拎野食啦
食完一轉又一轉真係極好味呀......基本上你想食既甜品都有~~最難忘的是......
TIRIMISU.....芒果布丁.....新鮮生果.....疏乎里.....冬甩.....真係講唔晒添......
但最後所食既朱古力春卷呢下先堅呀~~成條朱古力......真係食到死人了
哈哈哈......
$190每位~~雖然係貴左點點但好好味呀......難忘的......生日去食更加之爽呀!!!!
遲下再向大家POST精美既甜品相啦

>>October 24, 2007 at 7:47:12 PM GMT+8

2007 年 10 月 20 日 星期六 【酷熱】

今天本來有機會參加DISCUSS既行山活動的
但......上班~~冇計呀

今日返早.....
真係眼訓死人啦~~加上昨夜既賽事攰攰地了個人
今日都係等收工咁既狀態~~唔希望有咩特別樹啦

收左工JOIN懿懿啦......去左食咩呢??
又唔記得左添......

公司既同事真係買少見少了
CB.兩名好幫手都離開啦
一個下星期一個下個月~~點算好呢??
現階段回復當年CB.TOP FIT三頭馬車呢??
自己都冇時間做主任所做既野了~~都係坐出黎幫拖打走班YET PAUL算了
眼見咁多人離開~~越叫我心傷呢??
最不開心的......是自己未能夠挽留身邊的同事~~唉......
有點自責感覺.......
但最後都諗開了~~算吧啦.....都係唔好阻人發達啦,公司始終有佢一定既問題先令咁多人離開,但唔捨得都冇計,冇理由班同事會永遠同我一起工作的,呼.......下一個會係自己嗎??應該不是......俾自己一年時間吧~~分行主任!!!!

>>October 24, 2007 at 7:40:24 PM GMT+8

2007 年 10 月 19 日 星期五 【酷熱】

星期六又係好記得的一天......因為今天個人好憫+燥底呀
原因 : 好多YET PAUL客仔呀
一返到公司都未換衫未抖順條氣就搵我問呢樣又果樣......
加埋D麻煩友仔......
真係想心情好都難呀~~
結果一整天都不停講 : 弊啦,YET PAUL
哈哈哈.....就係咁不停講~~講到終於收工了.......

收工回家算了啦~~但都唔係既.....
因為有比賽所以JOIN埋藍風隊員就出發啦......
今晚仲有懿懿支持呀~~之但係......
最後的賽果令人極為之失望......
唉.....點解會咁呢??
可唔可以大家俾更多既爭勝決心呢~~??
包括自己都未盡全力......真係可惜了
寄望最後一仗吧......ALAN LEE

點解叫阿孔 : 因為LAM WAI '' HUNG '' ~~ 由於係青見上雀果陣時個打把仔俾老師同學叫做阿HUNG更住有兩件青見既友仔黎左CB.聽左佢地兩個咁叫大雄所以自己都學埋佢地啦.....阿孔阿孔......好能七的一個名字WOR,越聽就越想打九個能頭呀

真係每講一次都笑諗死我啦

>>October 24, 2007 at 7:31:16 PM GMT+8

2007 年 10 月 18 日 星期四 【酷熱】

昨夜送完懿懿回家......但唔捨得佢呀
結果捉左佢黎我屋企~~為明日重陽FISHING作好準備呀

今天本意去登山的
但......改為釣魚啦 --- 香港仔海濱
釣油稚王的老地方......
我同懿懿起初鍡左唔少魚魚啦~~但突然我倆同時起釣WOR
哈哈哈......真係幾攪笑而且咁岩呢??
之後就停上釣小魚仔啦......
更住九哥九嫂黎埋釣魚啦......個友仔仲係巴士站等我LOR
真係傻瓜呀~~哈哈哈
事原佢打黎問我 : ALAN到左未呀?
ALAN : 未呀~~有排呀
最後佢就等......等.....我啦~~真係不好意思了

最後阿孔都黎埋呀......但佢既成績太差啦~~比我們四個真係差天共地了
同時又見到肥鵬同佢老豆.....佢地釣左好多大魚WOR~~真係正斗呀
有石斑有油稚有火點......真係想學似佢地咁誇張呀!!!!

最後釣完就陪懿懿入去佢屋企DINNER啦~~打邊爐啦
真係好多人好熱鬧呢?????

>>October 23, 2007 at 4:43:09 PM GMT+8

2007 年 10 月 17 日 星期三 【酷熱】

今日一早就已經忙諗到PK呢~~??
先黎熟客仔超趕寺TRAVEL~~冇計,想唔做都唔得.....
更住又有件麻煩阿婆WOR.....條友仔佢真係長氣加麻X煩呀
最後攪到好趕時間咁過去中環準備考ISO啦
真係......冇氣好抖呀
因為中環分行要考ISO所以中午時候過一過去幫幫手咁啦
但原來都只不過係雷聲大雨點小的??
最後仲見到''阿孔''......著住星晨制服的樣子
哈哈哈......

ANGEL佢有同我講 : ALAN你個FRIEND入黎做都唔單聲呀??
ALAN : 傻啦,唔洗講既呢D野.....講完又唔知點咁不如自然點仲好啦
阿孔你要比心機盡快學習晒.....更住搵真銀吧!!!!!

收工同懿懿去左睇HERO --- 律政英雄
由於之前都追開電視劇+短篇集所以今日睇埋大電影啦.....
都真的好不錯WOR......
都係果句啦 : 一個懶洋洋既檢察官只不過是表面的,但內裡的必須時間參透啦
有睇過既人都明白久利生公平既性格 : 必定會追查到底
令唔少FANS為之感動追看之原因......
最後最後的係一個HAPPY ENDING呀~~真係出乎意料之外呀
但有唔少人都拍手鼓勵呢??
而且倆就坐到尾聽埋首主題曲先離開啦!!!!

>>October 23, 2007 at 4:37:16 PM GMT+8

2007 年 10 月 16 日 星期二 【炎熱】

今日一早又要返總行啦......
為左星期四既分行ISO而準備討論WOR
是但啦.....其實今次查核唔關我既CB分行事呀
但因為我要到中環分行觀察所以......都要有個知字LOR
真係眼訓死人啦
一早就聽A4 BOX FILE咁厚既資料
真係辛苦呀......
SORRY呀文仔~~放左你飛機自己起唔切身一齊上班添

聽完之後就去LUNCH啦
同埋其他既同事吹住水黎LUNCH啦
攬到鬼死咁晏啦.......
返到CB分行都差不多收工了
咁又一天啦

同時青見既學員CB都有黎兩名新的友仔呀
叫做DAVE同埋HELEN~~兩個18歲的小朋友
希望佢地乖乖地肯學肯做啦......
因為星晨既未來或多或少都要依賴呢HIT既青見新血了

收工就回家訓一訓好好為明天既ISO作好準備吧!!!!

>>October 22, 2007 at 5:26:23 PM GMT+8

2007 年 10 月 15 日 星期一 【晴】

今晚想睇戲嫁但......竟然冇一套睇得上眼WOR

唯有收早就同懿懿行一行食一食個DINNER啦......
更住又打打機咁啦......
近期喜歡打街機~~都係公司同事傻佬教我打既
VS足球GAME呀~~以往真係唔識打嫁啦
經過佢教完我就識識地啦......

今日仲有件大單野呀~~正是大雄加入星晨的第一天啦
佢最後命運係落中環分行了
真係唔錯的~~因為中環分行條女的而且確係正斗WOR
但有行有不利啦......因為中環既鬼特別多而且有好多高尚既大支野......
希望大雄頂得順啦......

知道未來日子一定辛苦的
但願咬緊牙關向前吧.......
無論大雄定文仔+肥鵬都需要努力呀......
希望大家係呢行有一番成就啦

ALAN係星晨既網絡真係越來越大了
哈哈哈.......

>>October 22, 2007 at 5:17:24 PM GMT+8