2007 年 12 月 13 日 星期四 【晴】

星期五......終於要收夜一夜了
成9:30PM先鬆人WOR~~但遲走有遲走既好呀
哈哈哈......因為菠蘿師兄佢請DINNER呀
去左食燕泙WOR~~正呀
同CAROL+HELEN+菠蘿咋.......真係難得一見的組合WOR
食飽就回家LOR~~平平淡淡完結了一天啦

激死人啦~~仲未有人打俾我話叫我見工既
唔通我離開不到星晨???

呢期係星晨入面同阿傻佬菠蘿FRIEND左WOR
真係周不時都三支公一齊行行企企又吹吹水水咁啦

今天阿JABE都上左黎拎佢既日本PACKAGE呀
佢今年除夕係日本過倒數都真係特別WOR

>>December 15, 2007 at 3:23:51 PM GMT+8

2007 年 12 月 12 日 星期三 【晴】

勁攰+勁眼訓WOR~~只係訓左四小時三十五分鐘呢??
哈哈哈......
但兩名波友比我更眼訓同訓得更少呢??

今天都冇咩心情同特別上班去啦~~
冇乜出聲咁既~~一尾等收工LOR
希望時間快快過就收工回家算了休息吧

''自古英雄誰無死,留取丹心照青天''

大家又明白當中既意思嗎??
詩詞係來自宋朝既---文天長
話說佢征戰被敵軍所困入獄~~此時敵軍就說 : 你轉投我軍對付宋軍吧,咁樣子就留你一條生路啦,文天長就諗都唔諗一口就說 : 不,寧願死都唔會轉投敵軍攻我宋國的,直到行刑之時俾多次文天長機會仍然堅持說 : 不 (此事令宋國內外都聽得見事跡,慢慢就由後期既詩人題起呢首詩句黎表揚一下呢位宋國大將軍了)

歷年來都有唔少既英雄出現~~而且當中既事跡更發人深省令後人領悟的,每個英雄大多都係死而後以不怕死亡的,但又有幾多個能夠以自己既一片丹心對得住天地同良心呢??呢句詩句就充分表現出情感之處啦

>>December 14, 2007 at 5:08:59 PM GMT+8

2007 年 12 月 11 日 星期二 【晴】

星期三是多采多姿的一夜......
對是夜不是日......
第二天重投上班所以狀態都係好麻麻地咋
不過好彩既係人腳都幾齊所以都唔洗我點出去幫拖
可以係後面慢慢上下網休息下姐
HEHEEHEHEEH~~到到時工時.......
先搵一搵懿懿先啦~~見一見面頂一頂住D掛念先
哈哈哈.......
之後就落機鋪同傻佬+菠蘿打陣機先啦
更住就去明記食野LOR~~呼......正呀
到到咁上下......佢地叫我睇波歐聯~~但......
俾佢地引多兩引頂唔順啦......睇啦睇啦
由於未夠鍾所以先睇場子夜場先啦
投名狀---古中國時代既戰爭
三大影星好有味道~~當中既戰爭場面不少呀,而且幾識真呀
唔錯呀.....內容以兄弟納投名狀作重心
睇完就上左''佐熊之家''睇波LOR~~真係第一次玩到咁激啦
開波LOR.......
三支公一齊睇波係唔同D的~~有講有笑唔同唔
到到5:45AM就睇完LOR~~即回家啦
好彩有電單車坐咋~~快靚正
5MIN'S回到家中了.....咩都唔理LOR
即訓......

>>December 14, 2007 at 3:00:58 PM GMT+8

2007 年 12 月 10 日 星期一 【晴】

最後一天的悠閒假期了.......多甚叫人依依不捨呢??
為左珍惜埋最後一天所以都早點起身積極點吧
先黎個早餐先啦~~雪菜煎蛋餐肉出前一丁+熱可力(真係爽晒呀......)
更住就等埋江兆出發LOR~~東駁釣大魚
(呢個時候有疑問啦,點解條友仔唔洗上班既?因為佢好難得射波LOR......)
有見及此就兩個子前往FISHING啦~~真係風和日麗呀
頭一小時大家食白果WOR~~更住係每個洞仔釣下就釣到D巨物啦(手掌之大的石九公)
哈哈哈......今回自己都唔錯的收穫呀~~(當中有五條九公一條班仔兩條雞泡仔)
到到咁上下就叫艇仔~艇仔~艇仔~香港仔金門食下午茶先啦
(今天的收穫全部俾晒二伯佢地一家人呢??)

回家白白完就去接老婆大人LOR
更住就去買戲飛睇 : 神探 (本來上星期同兩名友人睇的,臨時取消,幸好今天仍然有得睇姐)
買完飛就去左食峄壽司LOR~~(今個月最後的一次壽司餐啦)
入場LOR~~睇完之後......我俾足佢100分呀
真係好耐未睇過咁好睇的戲了......但每個人的反應都不一
就個人而言真的不能錯過呀~~難得的是港產片中能夠拍得如此特別情節呢??
大家一定要租VCD黎睇一睇啦.......青雲佢既演技真的探入左一層了
越來越有味道呀......安志杰都拍得不錯WOR
值得回味......

>>December 13, 2007 at 2:05:48 PM GMT+8

2007 年 12 月 9 日 星期日 【晴】

32場49球 = 1.53125 (距離目標仍差1球)

又係鬼咁悠閒的一天呀.....
訓到11點起身更住就搵野食先啦
之後就去左打打籃球先~~真係好鬼耐冇打了
如果唔係近排眕NBA既話真係忘掉了啦
今日自己打波時連個波都未拍得好呀~~射波又唔夠力WOR
姿態又七WOR.....真係要抽多點時間再打一打佢啦
打左45分鐘左右就鬆人LOR
先去醫肚先啦---自在軒啦
食到飽一飽呢??

訓左一陣陣啦
更住睇波LOR~~世界冠軍球會杯WOR
哈哈哈~~第一次睇咋
更住DINNER埋就去踢波LOR

唔知道係唔係因為唔洗上班個人都特別精神的
唔攰~~真係好爽呀,上晒電先黎料係唔同D的
今晚人唔多但全是精英~~好呀
結果......今晚自己獨取五GOAL先~~助攻又有
狀態好不錯呀~~希望KEEP得住啦(我都想呀周傑)
有兩球真係唔錯的~~接應界外球更住海獅頂波過人,右路一CUP入中路再左腳拉個地波,靚呀
另一球係對手KEEPER出左黎之後係自己中後場右腳LONG SHOOT呀
今晚D中長傳落點又唔錯WOR,上腳過波就OK啦,今晚都獨左好多,經常起腳的
始終中場中路先係我最佳位置呢??
好耐都未試過咁爽啦......唔錯呀

大家今晚都好盡力呀
自己帶點高興WOR

>>December 11, 2007 at 2:39:18 AM GMT+8

2007 年 12 月 8 日 星期六 【晴】

星期六終於返工了......久違的上班
所以都比較懶洋洋呢個人
哈哈哈.....
有好多野都要再次焗起自己啦
今天都幾忙碌的~~但好彩既係自己收早呀
所以最忙既時候就鬆左人先~~都開左幾張單仔咁啦
收工就回家LOR~~先還碟更住就買送LOR(今晚上二伯家打邊爐,買D海鮮上去啦)
爽呀......等埋懿懿就GOGOGOGGOGO
今晚有好多野食WOR~~真係飽死人了
更住就開局黎料啦.....好耐冇打雀啦
HEEHEHEHEHEHEH.......
打打打打到......五點食早餐LOR~~之後二伯到我家睇皇馬添.....
大家都眼訓到死呢??
哈哈哈......

之後就同懿懿訓左陣就起身唱歌LOR~~
先拎野俾文仔更住去NEWAY啦,香港仔間野越來越差呀~~人手又唔夠
真係冇佢符......攪到我情願俾多少少錢唱天樂里晚上K呢??
更住就回家SLEEP啦.....7點起身
同懿懿排隊隊食艇仔粉.......凍死人啦
等左45MIN'S但食左15分鐘咋
哈哈哈~~最後就送懿懿搭車回家睇祖記LOR

尼維特GOAL

>>December 9, 2007 at 4:13:13 PM GMT+8

2007 年 12 月 7 日 星期五 【晴】

性工作者十日談 (75分)

一套內容圍繞''性工作者''的戲......以十天作為時段~~目標善明清楚,當中都道出一隻雞的尊嚴甚至如果係短時間由大廳淪落到一樓一甚至流鶯......時間之快令人害怕,唉~~同時都講出性病既危機~~如果會令身邊既朋友家人同事受到影響呢??戲中最令我佩服的是李逸朗激嘴鄧健宏~~真係講你都唔信呀,真正打車輪兩名男仔同埋錫連頭.....值得一看既,至少令你會對雞變得尊重點啦.......

星期五晚放假WOR~~同江兆去左踢波呀晚上,仲有BOSCO同阿健既......都係操一操波算了而言姐,玩遠笠LOR~~哈哈哈......估唔到BOSCO先至係最強果個呢??之後就TOM.FAN都黎埋吹吹水......唔能洗灰心WOR,俾多點幹勁吧.......之後就陪我去左M記食野啦,最後同江兆好凍好凍咁等VAN仔LOR......回家SLEEP,準備明天工作吧ALAN

>>December 9, 2007 at 6:50:37 AM GMT+8

2007 年 12 月 6 日 星期四 【晴】

今日再次睇左另外兩套VCD呀

落葉歸根 (80分)

大家知道''落葉歸根''下一句成語係乜嗎??''土生土長''~~當中既意思又明白嗎?套戲係大陸片~~很奇怪的嗎?好少會聽得見內地影片能夠係香港上演甚至支持呢?故事大致兩兄弟都願下誠諾,邊個死先就要將死者帶回家鄉之地......最終劉全友死先,作為好友的老趙就堅守諾言由工場送劉全友家鄉---重慶了,要知道路途遙遠得很,所以係途中都發生不少插曲呢?戲中大多情節同現實極為相似的,公路的打劫,假銀紙.....但也有幸運的例子,都叫人思考一會呢??值得一看呀大家......最後如何將成條屍送回家鄉?大家$5出黎租來看看就知道結果了......不是感人但叫人感慨的一套電影

父子 (70分)

郭富城成名之作......想睇好耐的,結果......或多或少因為''父子''呢個戲名而吸引我去租來看啦,但偏偏我就唔懂得杯茶的味道......哈哈哈,叫我有點失望啦~~但戲中所帶出的意思簡單鮮明......郭富城做得不俗,另一層次,新既戲路~~抵佢拎男主角的,同時小朋友都做得不錯呀~~說話戲唔多但每個細節同意識都好到POINT所以又係抵佢拎獎的.......係個ENDING唔係咁好LOR,欠缺了激情......平平淡淡完結或許是最好的?戲中最大賣點係城城同時扑晒楊彩妮同林煦蕾啦.....哈哈哈~~真正由手CUP係兩名女角的胸部WOR,又嘴又吹又扑......拍手掌呀為呢兩名女角支持

還有最後一套 : 性工作十日談

>>December 7, 2007 at 11:19:09 AM GMT+8

2007 年 12 月 5 日 星期三 【陰】

一口氣連睇兩套電影 : 28週後 & 盜海豪情王牌13

28週後 (65分)

一部喪屍片~~但比起生化危機為之差LOR劇情方面,突然之間就變成屍城冇太明顯交代,同時之間D喪屍都好堅呀~~好堅既意思係 : 識得跑LOR,追住D人黎圍呀,真係一發不可收拾呢??都係同樣諗發......如果有朝一天香港變成喪屍城會點呢??走定係死~~??若果自己最親既人變成左喪屍你又會點做法呢??呼......但願現今世界定止生化既武器吧,始終諗得出來的東西有朝一日會達成呢??唉.....大家會認為係機械人先定係喪屍先嗱??我既意思係邊件事情會先發生而KO世界呢??

盜海豪情王牌13 (70分)

因為過往兩集都睇開咁無理由唔追埋第三集嫁~~??今集一開波就入正題黎料啦......節奏善明快捷,睇睇下都不自覺就已經120分鐘啦,但其實今集係比起過往為之差的,或許當中既偷野方法已經誇張左少少啦......有點難以至信LOR,你會不自覺咁諗 : 咁都得??老實講呀~~睇呢套戲都係睇三名主角既演技同埋佢地如何''型''既姐~~佢地每個舉止動作都真係好''型''呀.......

未來仲有三套戲未睇嫁WOR
要趕時間澎澎聲睇埋佢地LOR
慢慢再向大家分享一下吧!!!!!!!!!!

>>December 7, 2007 at 3:38:47 AM GMT+8

2007 年 12 月 4 日 星期二 【陰】

連續咁多日既陽光普照~~今天終於都陰天起來了啦
今日......再次開始我既三天休息了
哈哈哈......又放啦
真係我都唔想嫁......
今日都冇野好做咁呢??
昨夜終於下次決心 : 辭職搵工
希望今次能夠成功啦

考起我......我好耐冇打求職信了
真係忘掉了嗎??

今午去搵懿懿LUNCH呀~~真係難得呀(激嬲左大人呀,因為冇講佢知我放假WOR)
食左南記WOR~~更住就回家算了
其實心有一個結.....好難解開
突然之間好困苦
我只能向每個人說一聲 : SORRY VERY MUCH !!

回到家中先後同大雄+江兆傾電話
呼......大家都一把年紀啦
有咩事都當飲啖茶吞左佢咪算LOR~~試想一想
大家係同一條村長大既又同一小學長大又同一中學長大
唔好再次因為小事而影響大家既感情了啦
好嗎??
都係果句 : 你我他能夠了解對方認識對方其實係一種''緣''呢??
珍惜呢一段緣以及保持呢一段緣吧

當有一天我離開呢個世界之時
你倆要好好相處啦
知道嗎??
我唔能夠每時每刻都擔心著你們了
老是這樣的我,每每為他人設想先,自己則放在後了

>>December 5, 2007 at 11:38:53 AM GMT+8