2007 年 11 月 13 日 星期二 【晴】

最段的一段 : 20K


終於到達沿鑛坳啦~~呢個大站簡直係救世站呀
我講得一點也不誇呀......
因為呢度有杯面食(我一到達即時隊左兩個杯面啦)
加多兩杯涼涼地華田至得.......
更住就去左包紮一下右腳啦......要好好保護佢撐埋最後既路程呀
更住叉一叉電又訓左15分鐘啦
之後就上山啦---四方山(有好多大石嫁,都幾好玩嫁)
更住就隊埋上去大帽山啦
嘩.....香港第一山......令我辛苦極了
因為上左好耐好耐好耐都未上完......真係想死人啦
HELP.....HELP.....HELP.....

向最後路段出發啦


最後都到達山頂啦.....更住就任小路落山啦
行得少幾多就行少幾多啦......因為呢個時候真係差好遠嫁啦
之後到達另一大站荃錦坳了啦
做埋最後的物理治料後食多少少野就出發啦......
漸漸見到曙光的出現了
因為呢後之後全是石屎路而且容易行.......最開心的是20K
行埋最後呢段路就可以功德完滿了
所以大家都好起勁了

途中的小休


頭頭的10K四人都開盡腳步直行呀.......
簡直係見人過人唔理咁多啦......
連自己都好佩服自己~~因為都未試過行得咁急步而且起勁呢??
慶幸的是呢段路冇咩落山路所以都唔洗咁辛苦啦
呼......終於到達最後一站啦
飲飲水抖一抖就再起行了.......9.8K等埋我們呀
呢9.8K可算是我人生暫時最困難的一段路~~因為行左好耐都好似未行遠呢??
初時都好起勁的~~我帶頭去盡佢啦.....但原來盡多兩野就已經撐不下去了
自己步伐都改為慢慢而行了......同時都明白大家雙腳真的極限了
故此到最後的水塘路大家都放慢腳步慢慢吹住水黎行啦.......
呼......此時此刻......

我會堅持到底的


>>November 15, 2007 at 4:07:50 AM GMT+8

2007 年 11 月 12 日 星期一 【酷熱】

每個位都係咁多人的


上獅子山之時正正初晨~~故此空氣特別之好味道呀~~索多兩啖至得呀
沿路既景觀又不錯WOR~~由天黑--->初現晨曦--->陽光出黎......
短短20~30分鐘內的變化都好大而且好鮮明
終於上到畢架山了~~係山上真係頂佢唔順啦......結果訓左15分鐘咁大把啦
之後仲見到埋死人李逸朗係馬騮山途中.......佢個樣好似得番半條命仔咁咋WOR
哈哈哈......
希望佢可以行晒全程啦
入到金山郊野公園到處都係馬騮仔呀~~班友仔都好煩WOR
周不時望住我WOR,好似想同我隻揪咁既~~真係冇佢地班友仔符啦

仲有一段路呀老闆


更住就係最艱辛的一段了......城門水塘路段
相信只有江兆阿發才明白當中之苦況呢??
加上已經行左咁多路~~突然間就要上咁多樓梯級既''針山''都咪話唔死人呢??
而且又天氣炎熱正好陽光普照呢??
哈哈哈......沿路上的大大少少人仔同樣都有咁辛苦的一刻了.......
這就好比當人生行到攰的時間但仍然需要向前而行甚麼更困難的道路......
但冇辦法的~~始終需要向前行......無論幾辛苦幾咁困難都要含住啖氣要撐下去
要詛明俾世人知~~原來自己都可以的,不要因艱辛而退縮,絕不能讓自己做失敗者

大石重重的四方山(上次同江兆行過了)


上左咁多都要落番咁多的~~就係由呢度開始感覺到自己雙腿到了極限了
左腳菠蘿蓋後根的疼楚
右腳落山時的壓力令腳底好痛.......
唉......想行快D都唔可以了
去到水站飲完水就向草山進發啦
一條EASY的路段~~只不過是石屎的上下落下路
但最後又係落樓梯.......真係驚左添啦
落樓梯落到驚呀......

趕快吧


>>November 15, 2007 at 3:47:11 AM GMT+8

2007 年 11 月 11 日 星期日 【酷熱】

送完SUPPORT小隊上車回家就自己去左醫療中心~~醫一醫野先
咁岩俾我撞到---李逸朗WOR
本來都冇留意到既但突然有幾件女護走過去佢度就望一望佢啦
頂呀......洗唔洗咁多人服侍佢一個呀??
真係冇計.....但真人又真係幾靚仔既.......

係唔係好靚呀??


再踏上征途啦~~第四段
同樣係困難的一段.......但老子都行過呢段路已經五次啦
所以都熟晒啦~~而且都知道終點係邊幾上留力發力都容易D呀
故此都應該冇問題的~~但.......
可以抖得太耐啦~~所以雙腳好軟~~好冇力呀
而且仲差D賣老抽呀~~或多或少都因為乳酸積埋係小腿上啦
上馬安山時真係好辛苦~~個袋又重個人又攰......但最後都頂硬上
飲左包POWER JAM呀~~結果......有效WOR
發力向前GOGGOGOGOGGOOGO
上晒力呀~~結果一口氣就殺到去基維爾營~~一個CHECK-POINT休息啦

最困難的山 --- 針山


呢段令我想起.......人生之中每每有因為太辛苦而想放棄甚至停下來之感覺
但其實......休息一會再作出重整旗鼓的話
我相信有好多事情都可以一一解決下去的
不要二話不說就放棄或是停下來算了.......
因為今日就係今日~~永遠都回不了昨日
這一秒過了就過了......唯一可以做的是向前吧.......GO !!!!

訓著左係山頂上


係大站用左膠布貼每隻腳指呀~~防止因磨擦而生水泡呀
更住又出發啦.....前往大老山......此時正直清晨~~氣溫都特別之涼快呀
我都怕怕呀.......行快兩步吧......
終於都到了.......沙田坳食番個早餐先啦---餐蛋面唔該
正呀......食完就再上征途啦ALAN.....

一條長長的落山路


>>November 13, 2007 at 4:46:52 PM GMT+8

2007 年 11 月 10 日 星期六 【酷熱】

完成了OVER一半路程


第三段為北潭凹--->水浪窩
呢段野我都行得幾熟下嫁啦
因為事前係暑假同初秋都行過兩次的(兩次都係同DISCUSS行山友的)
故此對呢後路都可以話係易如反掌呀......
加上又補充番唔少既體力更加之上力啦......
但最重要的是ALAN支援小隊等待中~~我就更加之上力啦
正直行呢後時候係入夜之時.......的而且困難左不少啦
但......好漂亮~~因為所見的不是人龍而是燈龍
一條長長的燈龍~~白色又光又亮的長燈龍......哈哈哈
眼前所看的更加之漂亮......

得番半條命的我


由於有呢條長長的燈龍令路上原本黑暗得很
都變成熱鬧又光明路線了......
而且更容易得到指示~~應該點行呢??
這就同人生一樣~~某時候會有黑暗或是陰沉的一刻
但其實係身旁邊有很多人為自己照明來引導前進的
可能初時仍未知道點行才是正確但當自己行到某個時候
漸漸就會發現自己應該所行的路是如何了.......

個樣好殘好辛苦


呢段路我更打破左自己既最佳時間WOR
只需用左兩個半小時......(正常需時四個小時)
我自己都嚇呆左一跳......
原來SUPPORT既力量如此大呢??
因為我心中一直想 : 勇往直前吧 --- RUN RUN RUN ..........

向前行吧


終於到達水浪窩啦~~但我仍比SUPPORT小隊早少少到達啦
哈哈哈......更住冇耐就見到佢地啦
一行五人 : 隊長TOM , 副隊KITSON , 阿孔 , 華哥 , 小朋友
佢地拎左好多野俾我WOR~~當堂令個袋重左好叉多呀......
有好好味既豬扒飯~~呢生人暫時最好味的一客焗豬扒飯
又有朱古力同埋BANANA同埋葡萄適
真係好感激佢地咁多位收工專程前來撐場呀~~!!!!
好兄弟呀.......

馬騮山


>>November 13, 2007 at 4:29:46 PM GMT+8

2007 年 11 月 9 日 星期五 【酷熱】

大家認得呢道係邊嗎??


第一段算是簡單而且沉悶的一段路段呀
因為佢只不過是行水塘~~沿著萬宜水庫一圈而行
但話雖簡單沉悶但其實我行既時候正直中午都顯得有點辛苦呢??
不過係初初起步的一刻我有咁既諗法 : 有好多人陪我行山
第一次有咁多人陪著我行山.......好開心
因為前後左右都係人~~有靚女有日本人有中國人有外國人......
哈哈哈......令我諗到自己人生中其實都有好多人陪伴著我一齊行呢段人生呢??
但突然公司話我發生左問題WOR~~真係頂佢個肺呀~~仲要話大大大大碌添......
唔好意思呀大雄肥鵬懿懿麻煩到你地添~~但其實係好少事姐
唉......D細既真係做唔能到野~~阻能住本大爺享受是此活動呢??

了解一下路線先


第二段就慢慢黎料啦~~上山路段 : 西灣山
從山腳下抬頭一望......一條長長的人龍正正係我面前了
哈哈哈......好一條人龍呀~~簡直係何其特別呢??
其實呢一段路係上次郊遊樂都同幾位老友記行過嫁啦~~
即係咸田灣果次呢??
大同少異的......
所以有幾難相信大家都應該清楚的

食野至緊要呀


終於到達了~~北潭凹
我嘩左一聲~~因為......人山人海,有好多人呀,真係好熱鬧WOR
多人的唔只參賽者而且仲有參賽者的SUPPORT隊呀,原來呢個站有好多人叉電食野呢??
但呢一刻自己都真係好肚餓下嫁~~所以都拎左唔少野食WOR
先同大家講一講每個休息站有D乜先啦 : 飲飲食食
雞湯&蕃茄湯 // 花生&士多啤梨&芒果果沾面包 // 阿華田&咖啡&奶茶 // 雪梨
由於呢一刻廿分之肚餓所以真係食乜叉野都係好好味道呢??
呢一個站最特別既係有朱古力蛋糕WOR~~真係好好味嫁,呢個好回味呢???
食飽LOR~~打個電話俾''ALAN毅行SUPPORT支援小隊''準備一下啦
因為係下一站將會支援ALAN啦

我食緊早餐,最右手既阿安已經訓著左


係呢一刻~~我好掛住呢一班老死,好想好想快D見到佢地,我好掛住你地呀

>>November 12, 2007 at 3:21:14 PM GMT+8

2007 年 11 月 8 日 星期四 【酷熱】

09NOV2007
一個超級無敵重要的日子~~係我人生第一次的巨大挑戰
講起黎好似好誇張但其實一點都冇誇張.......因為今次旅程需要很大的毅力
因為我所參加的是---毅行者

LAST MOMENT小隊 : ALAN , RAY , 阿安 , SQAURE


昨夜早早SLEEP了~~起身上陣網買埋野食,食埋早餐就出發--->大學火車站會合隊友們啦
是次隊伍名稱為 : LAST MOMENT , 四人為一小隊
更住就轉車入起步點北潭涌啦~~天氣晴朗而且又多人,熱鬧得很呢??
第一次感受到好此氣氛~~叫我心跳加速~~是興奮還是緊張自己也摸不透了
點都好啦~~1230PM輪到己隊出發啦,準備好就黎料啦!!!
起行前更有香港短跑世界紀錄保持者''蘇嬅偉''鼓勵支持呀~~哈哈哈......
10,9,8,7,6,5,4,3,2,1......START 踏上毅行者之旅程啦

第一段路線圖


先同大家講解今次旅程之要點啦
毅行者之起源係由慈善機構樂施會所舉辦的
大大話話都已經有25年既歷史啦
之所以舉行或多或少都為左貧窮的世界作一份關懷以及幫助的
希望大家用行動支持世界每一個角落

四手帶 : 我係C呀


毅行者網頁
http://www.oxfamtrailwalker.org.hk/tc/home.html
起點 : 西貢北潭涌---萬宜水庫---浪茄---北潭凹---水浪窩---獅子山---金山---城門---大帽山---荃灣---大欖 : 終點
全長100公里~~共分為十段的麥理浩徑
當中應該都有老友記俾我捉過佢地行嫁啦~~哈哈哈.....而且仲好難忘添
賽會所提供的係48小時內完成全程路段
而且每個段位都有CHECK-POINT = 叉電區 = 休息地點

真係人山人海嫁


大家可以自行上官方網頁探討一下吧
可以更了解毅行者之內容
或許你睇完之後有衝動想下年參加呢??
記得預埋我呀~~哈哈哈

早知唔買水啦,拎多兩支先至得呀


>>November 12, 2007 at 3:26:46 PM GMT+8

2007 年 11 月 7 日 星期三 【微雨】

今日既我已經冇咩心機上班啦
心入面只係期待明天的毅行者
希望盡快到明天可以順利啦.....

今日一早就已經左度右度
想完又想明天毅行應該叫支援小隊帶咩俾我好呢??
最後諗完就寫左個LIST俾支援小隊長啦
一早都已經俾埋些少物資周傑添

收工前澎澎聲攪掂埋D手尾先
費事有咩冬瓜豆腐啦
因為將會連放三天全力毅行
返到屋企收拾好行裝更住就早早訓啦
臨訓前灌定多D水先~~好好為明天作好最後準備啦

但願今次毅行者能夠完畢整條路線啦

>>November 11, 2007 at 2:53:12 PM GMT+8

2007 年 11 月 6 日 星期二 【陰】

今日最攪笑的是......晚餐

因為收工約左契爺係ABERDEEN珊瑚堡DINNER
其實DINNER就唔係咩特別之事但特別的是.......
原來坐係我後面席位既係阿孔同孔嫂......
哈哈哈~~真係唔Q知道添
其實係阿孔嫂話見到我個HAIR咁熟口面再聽下我把聲~~越來越似ALAN既??
結果阿孔一望~~認得我契爺更住就拍我個頭啦~~真係細呀ABERDEEN
哈哈哈......

同時今晚約契爺DINNER最主要的是問問題
關於兩日後的毅行者事宜呢??
始終都係第一次參賽~~所以有好多野提出問題
希望可以為自己賽前作出最好的準備呀!!!!

話時話~~珊瑚堡真係唔多掂呀D野食
點攪呀~~??
唔好食就唔好咁叉貴啦好心佢就......
唉......香港仔想攪好味D既野食真係難啦

都係早點訓好好為星期五一戰養精蓄銳吧

>>November 11, 2007 at 2:13:53 PM GMT+8

2007 年 11 月 5 日 星期一 【陰】

星期二.......
港島區星晨BBQ晚會呀~~聯盟埋TOUR既同事呀
於深水灣BBQ~~但收工首先同懿懿去左食DINNER先啦
峄壽司真係好耐冇吃過啦......好好味呀
之後就行左一陣陣SOGO呀~~睇中左件褸同條褲但都幾貴下WOR~~
話雖恆生於有75折.......
更住送埋懿懿搭車就搭VAN入深水灣啦

今晚加加埋埋有十三四個同事啦~~哈哈哈.......
好彩都係相熟姐~~唔洗咁叉悶呀
因為只得我一名機票部同事參加咋~~呼......(呀~~仲有CAROL先至岩呀)
由於食左DINNER所以都唔係吃好多野咋~~但都算係咁啦(唔洗錢先至爽呀)
燒呀燒~~最後一點就打的鬆人澎澎聲回家LOR
真係唔理佢咁多~~佢地都仲未走人既??
返到屋企即白白睇陣波......頂唔順訓著左

放心呀~~懿懿
我冇去撩女仔呀~~只不過係D女仔撩我咋MA
我都唔想~~真係冇晒計啦

>>November 8, 2007 at 2:39:12 PM GMT+8

2007 年 11 月 4 日 星期日 【微冷】

真係又眼訓又凍WOR......
星期一往往都好忙碌的~~
今天也不例外呀~~最麻煩的是攪一攪同事個表姐既杜拜BOOKING
上次咪俾左好多麻煩我果一個LOR
我講過今次我準備定把牛肉刀幫佢放血嫁啦
結果......星期三收錢一刻先至開估啦

今晚有波踢同星晨友仔啦都係
但己隊人腳廿分之差勁唔齊人呢??
都冇計......結果都係輸波既收場了......
之但係當中都有幾下既組織~~而且做到我希望所得到既要求
算係咁啦.....等待機會一針見血KO對手
今晚自己都只係踢後多過中前WOR~~留力保護自己呀
費事係毅行前受傷呢??
最後自己入左兩球咋~~一球中柱,其實都仲應該可以入多兩粒既但.......退步左啦

希望下回人腳齊D唔洗俾人魚肉一番啦

>>November 7, 2007 at 2:05:53 PM GMT+8