2007 年 6 月 17 日 星期日 【晴】



剛剛一個月既父親節+母親節......
靜悄悄地離開了
對於我黎講~~每年每日都會有感而發的
但來來去去咪又係果幾句
想係呢兩個日子可以做番D野~~但始終都係辦不到的
始終都係未感受到真正的父親節+母親節呢??

收了工......去左利群既ZONE 2 (香港仔唯一專賣行山用品商店)
佢就快結業啦~~卡陣六折呀
今晚收左工預訂左$1500既行山用品
希望呢兩天內可以將佢地一一咁收歸其下啦

返到屋企~~上網+打WINNING+白白
最後打機打到.......4PM之早呢??
哈哈哈~~

返到屋企冇耐仲有DISCUSS網友叫我夜上鳳凰山LOR
睇日山+玩澗
真係想我死咩~~岩岩收工咩都未準備
最後都係放棄了.......

>>June 19, 2007 at 3:06:04 PM GMT+8

2007 年 6 月 16 日 星期六 【陰】

今日一早起身~~諗住有太陽出去沙灘曬一曬走D黑仔氣佢
但最後都係......留在家中
算啦算啦.....希望星期二會晴天PIG-PIG啦
一早起身上網+打WINNING
途中電話又壞機~~頂......岩岩先整好三四日姐咁快又打柴??
見今日冇野做就出一出合和啦~~但......
頂佢個肺呀~~出到去岩岩好收左工~~真係白行一趟呢??
更住去食$10權記墨丸粉啦+支青蘋果青瓜水 = 肚仔痛
返上公司去一去個大先......順便睇一睇佢地兩隻野有冇問題洗唔洗幫拖啦
更住JOIN埋懿懿就上峄壽司啦~~今日我們好叉早呀,所以都冇人爭
而且D壽司都好新鮮添.....
更住鬆人時仲撞到MR.吳MAN CHUN~~吹左兩吹啦
更住陪懿懿換CON......都係睇野曚曚呀
最後就2X回家LOR......睇埋個醫生~~因為懿懿喉嚨痛WOR
再最後......自己就搭MTR回家轉70號LOR......
回到家中打日記+白白+打機~~等待西班牙聯賽的最後盟主

>>June 17, 2007 at 2:13:58 PM GMT+8

2007 年 6 月 15 日 星期五 【微雨】

連續返工真係辛苦WOR~~但好彩返埋今日有明天星期日放假姐
但放假.....又如何呢??
同樣係一支公渡過吧......已經計劃了
一早起身SWIMMING一轉先(深水灣)
更住食過早餐......再作個早訓先
中午起身醫肚,更住下午唔知有乜好做,訓覺啦.....訓死佢就最好啦
咁就一日啦--->有人叫我行山但今晚踢完波個人攰,想行都要休息而且鞋係最大問題
唉......返左六日工為左一日假期都咁辛苦既點解??

今日忙碌少少啦~~始終得四條友仔返工咋
返晏一早起身被鑽地聲嘈醒左
真係頂佢呀......
收工澎澎聲換衫JOIN文仔佢地~~今晚有比賽呀
是夜表現自己未能達到水平~~仲有一球OWN GOAL添......
其實初時真係踢得好好呀~~前場緊迫踢法令對手辛苦極了呀
自己球隊先入波既,更住仲有兩個黃金機會可拉開比數~~可惜可惜......
到臨完半場時終於頂唔住~~5分鐘內連輸兩粒......
接著下半場仍以積極既前場緊迫踢法~~有兩個黃金機會的但把握唔到
同樣係可惜極了......
話雖最後輸左波但都上了一堂寶貴既一課WOR~~而且今場波大家都更積極有士氣呢??

最後打道回府~~結束藍風的二連勝了
好攰了......
返左咁耐工~~問題困擾~~體能付出......
如果可以訓係個沙灘上晒住+玩下水''妳''話幾好呢??
呼.......

下次下次~~下次大概可以
但我仲有幾多個下次係放星期日呢??
唉......

>>June 16, 2007 at 4:24:30 PM GMT+8

2007 年 6 月 14 日 星期四 【暴雨】

可能近排個人被工作問題所困擾緊呀~~今早搭38上班時忘記了下車
最終係維園個站先醒起......好彩當時仲有15分鐘時間姐
一早都算忙碌既~~要跟JOEY//流灘王既BOOKING......
突然經理士巴拿落Q左黎WOR~~真係估佢唔到呀
當堂打個突呀~~自己又忙碌WOR真係大諗獲啦
佢落黎同我講 : ALAN , CB需要D甚麼呀? 唔怕開聲WOR ......
咁我直接講 :俾我一個CLECK啦,可以大大減輕各同事既事務呀
又問洗唔洗加多個CONSULTANT,老西都話唔洗啦~~一陣同我有爭執咁PK
最後入正題啦 : ALAN,關於CB主任既問題DICKY都有建議你黎擔任,希望你可以勝任啦,但始終都需要一段時間既觀察,咁玩時就由你接管住CB啦,好好睇住各同事啦
最後都冇話直接升我......又有點失望,但至少巴係有機會......差在係唔係呢一個月發生姐
當然係公司大把人比我更好經驗及年資但......我始終有本身既特殊之處
CB大大話話五個寒暑啦,見親既人都比較熟口熟面的,係CB有咩大細單野未見過呀
所以問題不大既~~對自己都充滿信心的
最後佢都講 : ALAN我會俾機會任何一位同事既,但能否擔任就視乎當時人有否珍惜,努力啦
佢最後返總行開會.......

下午都比較忙碌既~~
下午茶同事打包左D點心回家~~再加埋個WENDY的最後蛋糕已經飽飽啦
晚餐都唔洗吃啦......哈哈哈
最後就搭車入去搵懿懿啦~~諗住俾番部NDS佢呀~~但佢又唔記得左拎WRO
哎呀~~要我白行一趟添呀!!!!
更住就食左糖水同懿懿訴心聲呀~~講下工作既事情呀
辛苦晒懿懿呀~~咁夜仲叫妳落黎添
但我真係好掛住妳好想同妳分享呢??

搭77回家~~打住NDS先
更住同SAMSON老兄吹吹水(說服佢回巢呀)
白白+打日記+飲湯
想打機但......開始眼訓添.......

>>June 15, 2007 at 4:38:24 PM GMT+8

2007 年 6 月 13 日 星期三 【暴雨】

今天一早落雨~~眼見兩輛38走人自己都唔上車
結果都係遲到收場---三分鐘
遲都唔打緊既,最大碌既係DICKY落左係CB(條友仔係A.M = 副經理)
事關今日WENDY老母同流攤王最後一天啦,落黎睇住佢地WOR
而且等我接手埋佢地既BOOKING~~真係辛苦了小弟啦
又走兩件啦~~今次仲要係影響埋CB添......
本身有七個人(六女一男)卡陣走兩件啦.....得番五件添
其實話辛苦又唔係既~~好耐日子咪又係得兩個人,都係頂得住
而且小D人爭數少D呀~~自己又可以分多D,但問題既係辛苦D咁解姐......
多D黎密D手~~對自己既狀態會操得更FIT呀
今日仲諗住交收既意思係接手WENDY既職位添~~
多多少少都感到失望.....心情都係麻麻咋
唉......最後DICKY都係講埋D老土說話啦 : ALAN有機會嫁,但未有答案姐,等下先
如果佢唔係升我OR加人工的話唔洗講咁多野呀.....多謝懿懿支持呀
更住今天都比較忙碌啦~~都要漸漸適應忙碌啦

希望呢兩三日就知道答案~~最後我的命運會係點啦
有得選擇既話我真係唔想離開星晨呀!!!!

>>June 14, 2007 at 4:48:13 PM GMT+8

2007 年 6 月 12 日 星期二 【乍寒還暖】

岩岩既星期二收左工同江少+謝龜龜+懿懿+ALAN就係睇呢套--->RORBIT我愛蘿霸


左邊既叫蘿霸 , 右邊既叫羅拔仔


左邊既係琪琪(羅拔仔既初戀) , 右邊既係蘿霸


好耐都冇同江少睇戲啦.....對上一套係邊套連自己都忘掉了呢??
江少你又記得嗎?????
7:20PM時代睇......臨收工俾兩個小肥野攪一攪遲左收工添
趕頭趕命咁要~~!!!!
套戲主要係圍繞一個人 --- 艾迪‧梅菲
正是套戲既主角啦~~佢一人分身演三個角色(羅拔仔,蘿霸,老黃)
真係叫人佩服WOR......睇唔出原來由始到終都係同一個人
哈哈哈哈......
其實由頭到尾都係OK好笑既~~雖然未係捧腹大笑果隻(可能係英文關係啦,唔可以完全明白)
今晚套野都差不多爆場嫁,都有好多人睇既
而且四周既人都係笑聲不絕的(後面條女更住成日笑呀)
最令我笑到停唔到既係水上樂園果幕~~哈哈哈.....
死蘿霸又要學人玩亡命滑梯....結果~~哈哈哈.....
最後都係HAPPY ENDING既,大團圓結局都好呀!!!!

最叉頂引既係蘿霸成日突點(好大粒)個波大到死,哈哈哈~~扑野果三幕又係誇讚不絕呀


>>June 14, 2007 at 4:30:21 PM GMT+8

2007 年 6 月 11 日 星期一 【晴】

今日差一分鍾就遲到啦~~都真係好好彩呀!!!!
呢排好多人討論我個新HAIR~~唔信係同事幫我CUT既
哈哈哈......
更住LUNCH要返九龍灣總行飯局WOR~~新經理話同同事聯誼一下WOR
一於上去聽聽佢賣咩藥好啦
係稻香飲茶~~兩圍枱既人呀加埋,每間行都抽一兩個咁既
上到去都真係怪怪既感覺,同新經理又唔熟識WOR真係難攪
最吹脹既係佢不停叫錯我個名添......唉......
食完再返總行傾下計咁啦,都係問平時工作上問題同注意D乜
條友仔俾我感覺---冇乜準備咁既,而且講既野都唔到POINT,唔得人信服呀
更住四點攪掂晒啦~~MTR回CB啦,返到去都5PM啦
撐多兩小時又收工啦......

今個MEETING主要對我黎講係有冇得升......
經理同副經理俾我既感覺+說話+語氣係有得上位既
當然啦~~我的而且想係咁
正所謂人望高處,更何況我係男仔更需要呢樣道理呢??
到最後既POST係點~~15號先會知道
但目前黎講應該有50%係~~話雖一半半但至少好過連一半既機會都冇呀
就算最後冇得升我仍然留係星晨多兩三個月的,到時再決定如何!!!!

>>June 12, 2007 at 4:02:38 PM GMT+8

2007 年 6 月 10 日 星期日 【陰】

又一天啦.....好多日冇放假啦~~自從上星期日後.......
今日本來都想想地射波嫁~~但最後都打消左呢個念頭
返去跟埋D手尾先啦......點知WENDY老母佢就真係射一射啦
今日可以攰攰地啦~~個人都唔太精神工作WOR
等收工......收工......
收左工就過去灣仔合和中心整整番部電話啦
第一次上去......由銅記恆隆到灣仔合和都真係唔野少WOR
行左好耐既路程~~真係身水身汗呢??
擺底部機後就搭70回家去啦
呼......又一天了

返到去~~上陣網打打機啦~~好想訓下覺既
但食埋個飯沖埋個涼就精神番D啦又
唯有打多陣機啦.......最後兩點即訓LOR......
再次迎接明天的工作吧!!!!

>>June 12, 2007 at 3:52:07 PM GMT+8

2007 年 6 月 9 日 星期六 【乍寒還暖】

一早.....食個早餐精神爽利一下先(往往食早餐既原因 : 心情好, 羸波)
食左個雞扒蛋一丁呀~~真係正呀
更住就CUT-HAIR啦~~由我部門既下屬所幫我CUT既
哈哈哈~~只係偷簿左嫁咋,但都已經令我滿足不少,唔洗再咁厚咁辛苦先呀
今日有好多人返工所以都特別輕鬆既~~作個午覺添
收工JONIN隊友們先食個什扒餐先~~$25
更住搵埋懿懿就出發LOR~~今晚有比賽踢呀!!!
雖然出席人數又係岩岩好但都總好過冇得踢既......
今晚對手唔強~~魚腩FEEL,但我們都唔可以掉以輕心既
自己今晚既表現---上半場+下半場頭5分鐘都OK既(雖然唔係好好)
更住往後時間自己就太亂啦~~有點兒唔知自己位置如何呀
想搶番個中場但支援唔足,死守又真係危危乎呢??
最後好彩都保得住勝果1-0小勝對手全取三分既
其實可以羸多兩三球既~~自己唔爭氣呀,左腳笮位唔夠腰力呀~~可惜可惜
次回合再對既話一定唔會咁好彩啦~~!!!
同時間藍風再之打破歷史 :
1.) 首次兩連勝
2.) 聯賽積分首次達雙位數字
自己既入球仍然停留係三球~~睇怕都要下多點苦功啦ALAN

踢完同懿懿係扒王之王食什扒呀~~哈哈哈
又食呀.....但又好好味WOR
因為9:30PM後有特價呀~~
最後就回家LOR
睇陣拉科......兩點就早一早訓LOR......

>>June 11, 2007 at 12:52:57 PM GMT+8

2007 年 6 月 8 日 星期五 【乍寒還暖】

今日......終於見到懿懿啦
自上星期日之後都冇見過面啦~~(因為今個星期都係收夜既)

收工行左一陣SOGO先既~~更住就搭車過旺角LOR
好耐都冇去行旺角啦~~
過到去食串牛什先再加多10粒魚蛋+燒賣
去左睇左陣行山鞋啦~~但都係睇唔岩(其實有一對既,但新款比較貴.等佢跌一跌價先)
更住仲食左杯新款雪糕新地啦~~(綠豆味呀)
但食落去又怪怪地咁既~~??唔多甜而且有陣綠茶味道呢??
哈哈哈哈......
最後就去禮三井食日本野啦
真係正呀~~!!!!
今晚OK多人啦~~但我們都食得唔係太多野咋WOR---$250埋單
搭巴士......好野我有車先,錫一啖即走人啦

返到屋企睇波LOR~~
皇馬 + 巴塞 + 西維爾三場都和
真係輸死人加成地眼鏡碎LOR
睇完5AM即訓~~事關明天仲要上班去呢!!!!

雙層魚聊包+綠豆新地資料如下
http://www.mcdonalds.com.hk/chinese/food/doubleFOF/index.htm

>>June 11, 2007 at 12:43:30 PM GMT+8