2007 年 12 月 21 日 星期五 【炎熱】

今晚就出發前往北海道~~話雖如此但今天都作2007年最後的一天工作吧
一早就起身了......提起勁吧
但今天返到去都唔係話忙碌的而且比較平淡渡過的
其實都好呀~~咁樣子就更多時間俾我交底D身後事呀~~
希望班友仔係我離開HK.既日子能夠慢慢成長唔會有咩西瓜豆腐啦
收左工就回家先~~收拾好D行李先啦
最後文仔+大雄都上左黎WOR~~佢地兩條友仔上黎睇波WOR
哈哈哈~~
到到10點就搭車出發LOR~~先前往香港機鐡站先JOIN懿懿啦
好緊張又HAPPY既心情啊......

2007年北海道之旅 --- 去片

因為呢個旅程一早由07年3月準備的所以都等左好耐~~今天的出發
我們22號晚搭KE大韓機先到首爾轉機到函館的
我們的路線 : 函館兩晚 - 札幌一晚 - 留壽都一晚 - 洞爺湖一晚 - 札幌三晚

呢個係大韓飛機的飛機餐 : 叫做:攪攪(因為佢要撈紅汁撈飯撈送攪過不停的)
因為第一次嘗試到~~所以叫返個來吃啦


身後是韓國機場商場~~但冇人的(因為到達是5AM)


候機室 ~~ 人影都唔見呀,都係同懿懿搵個位SLEEP番一陣陣先啦
由於中間轉機時間頗長所以我同懿懿最後搵左個好地方覺覺豬啦.....


這是大韓的飛機 : 我們準備上機啦......


>>January 6, 2008 at 3:35:14 PM GMT+8

2007 年 12 月 20 日 星期四 【陰】

又一個星期一了......再過多兩個三個星期就是農曆新年了
差不多時候又送豬迎鼠啦!!

今日初時都比較忙碌點點既其實~~
話晒都係星期一好多野都推積左係今天的!!
一早就忙碌一輪就完了啦~~更住午餐就去睇書LOR
睇定D書FOR本星期日去行山呀~~要同懿懿+肥鵬兩件齊齊行南丫島WOR
更住又睇下D養魚書添......
仲有時間既就睇埋攝影既書籍呀!!

當收工既時候真係澎澎聲就回家LOR
食埋個飯就即訓LOR~~又係十點就訓左啦
哈哈哈.....要叉一叉足D電先至得呀!!
訓得好舒服啊......!!
每星期都有一次咁滿足就樂乎了啦!!

>>February 3, 2008 at 9:04:45 AM GMT+8

2007 年 12 月 20 日 星期四 【颳風】

又一個星期一了......再過多兩個三個星期就是農曆新年了
差不多時候又送豬迎鼠啦!!

今日初時都比較忙碌點點既其實~~
話晒都係星期一好多野都推積左係今天的!!
一早就忙碌一輪就完了啦~~更住午餐就去睇書LOR
睇定D書FOR本星期日去行山呀~~要同懿懿+肥鵬兩件齊齊行南丫島WOR
更住又睇下D養魚書添......
仲有時間既就睇埋攝影既書籍呀!!

當收工既時候真係澎澎聲就回家LOR
食埋個飯就即訓LOR~~又係十點就訓左啦
哈哈哈.....要叉一叉足D電先至得呀!!
訓得好舒服啊......!!
每星期都有一次咁滿足就樂乎了啦!!

>>February 3, 2008 at 9:03:37 AM GMT+8

2007 年 12 月 20 日 星期四 【陰】

距離出發仍差一天........
所以今天都作最後既準備啦
要買乜又同懿懿商討點點點......呼......心情是多麼的緊張呢??
而且今天都送晒D禮物俾公司既同事了(一份少少的聖誕節禮物吧)
作為少少既心意~~清楚知道佢地一連多個月之努力呢??
同時今日都係比較清閒的一夜.......

多麼安詳呢


ZOOM近俾大家睇一睇先


收工就澎澎聲趕過去灣仔之---辣蟹莊
今晚作出少少的做冬WOR~~我決定命名為''好友做冬好飯局''
哈哈......難得明天係冬至而且明天後我又離港一段小日子所以同好友小聚一聚啦
其實有留意的~~往往係我TRAVEL前都會作一小小DINNER或見面的
因為有陣時都擔心自己一去冇回港了
所以都向大家道別一番呢??

再黎多個側面啦


黎個近影後照先(當天同江尻FISHING的一刻)


今晚有肥鵬大雄阿YEN江少江嫂文仔小朋友JABE細佬仔BOSCO周傑
真他難得的齊人加聚會呢??
學大雄講法~~卻欠WINGWING同玲姐就真係遺憾了呢??
今晚餐DINNER比想像之中為之平~~而且都唔錯好味道呀
最重要既係大家都開心吹吹水交交流一番呢??
唔錯呀~~但願未來日子會有更多如此小聚啦......今晚小弟都豪飲一番(啤酒呢)
叫苦連天呢~~??

AC米蘭---KAKA (著左上身真係好型仔啊)


>>January 1, 2008 at 3:49:35 PM GMT+8

2007 年 12 月 19 日 星期三 【陰】

多麼平淡無聊的一天......
工作又如是者
今天的收工更是毫無特別......
係臨回家前打左$6足球機LOR(三場都係輸12碼)

更住就上舊TOUR同事KELVIN LEUNG度拎個喼黎用啦(窮呀,冇錢買新的)
真係感謝出手幫拖呀~~
更住就回家LOR~~返到去都已經差不多10:30PM了
更住就洗白上陣網睇一陣64BAR就訓LOR......
都頂唔得順WOR
都係果句 : 老啦

帶點擔心~~當我離開公司咁多天的話
唉......真是費心力呢??
又怕佢地有野唔明白唔識時又冇人幫到佢地WOR
真係好驚佢地出事添......
哎呀~~求神拜佛希望佢地安然渡過啦~~!!!!
唔好有咩西瓜豆腐就最好啦!!!!!

最新消息 : TOM.FAN終於可以落分行啦 --- 康山
雖然唔係甚麼主力大行呀~~但都唔好睇少佢呀
做D街坊+蘿蔔頭生意都好好景嫁
KEEP得住係果度做大佬都唔錯呀......
加油吧TOM.FAN~~現在才是行出第一步而言了咋

>>December 21, 2007 at 4:42:51 PM GMT+8

2007 年 12 月 18 日 星期二 【陰】

天色轉陰了......天氣都漸覺冷左一點點兒了呢??
今早天氣的而且麻麻地WOR
又多煙下能見度又低WOR......真係空氣差左WOR

今天忙碌就唔忙碌嫁啦
都係等收工果款啦
由星期一開始都係咁既......
到到呢個時候都係收爐既時候啦
有咩都等待聖誕節過後先發力吧
幸好既係自己分行既數都夠呀~~而且唔錯呢??
同事賣力我做主任既自自然都要識做既

結果收左工就去左買聖誕禮物俾每一位同事吧
真係諗到頭都大大地呀~~但最後都只係花左百零蚊就滿足晒咁多位同事既禮物了LOR
哈哈哈......人人平等呀!!!
買完即回家睇波同埋包禮物先~~(報紙包禮法)
寫埋聖誕卡俾佢地先至得呀......

太眼訓了~~又要訓啦......
本想睇波既~~但最後都係撐唔Q住WOR
又係咁添......
越來越唔掂啦......老了老了

>>December 20, 2007 at 4:40:20 PM GMT+8

2007 年 12 月 17 日 星期一 【晴】

今夕吾身歸故土 ‧他朝君驅也相同

今早搭72途經所看得見的.......故此一早就同大家分享此詩句啦
多麼感觸的一句話呢??

越來越近聖誕節了
大家又準備好如何渡過未呢??
我好開心可以去北海道但同時都好擔心公司班友仔之情況......
教我如何是好呢??

星期二本來想睇戲既~~魔間行者但最後都係取消左WOR
因為太夜場了~~都等唔得太耐啦
平時收早(即係七點)都可以睇呀但一收夜八點半就真係難就D啦
冇計啦~~收工......行下吧
巧遇傻佬菠蘿就一齊DINNER埋啦(當係星晨自己友既冬至吧)
大家一路食就一路吹水咁啦
不離波同女人嫁啦.......加埋公司啦

最後就澎澎聲回家LOR~~
本來佢地想一齊睇埋波直落好似上星期咁既
但最後都係否決左~~因為我都唔想玩到太夜呢??
話雖唔係經常但都唔係咁好既.......

回家早點SLEEP.......
起身睇下波算了吧~~但最後都係睇唔到波LOR
真係失落的一個早上啦

>>December 20, 2007 at 4:35:22 PM GMT+8

2007 年 12 月 16 日 星期日 【晴】

33場入52球 = 1.57575757575755757575755757575575757575757575球每場

仍然多麼難忘昨天的大物呢??

由於昨日太攰了~~所以兩場大戰都冇睇就訓著左啦
真係浪費左添.......(自己都覺得WOR)

今天都唔太忙碌既~~希望平平淡淡渡過算了吧
但中午時份阿姐(即係機票部經理呀)落左CB.分行WOR
真係嚇鬼死人了~~好彩醒目都西都大大聲叫一叫姐
同時幸好既係當時又唔太忙碌以及同事外出午餐啦......問少好多野嫁MA
哈哈哈......
都係落黎吹一吹水咁啦
又話點樣子咩環境呀??
最後都係果句啦 : 盡力而為啦

收工就澎澎聲入東村踢波LOR
今晚人就唔多嫁啦~~冇計啦,出晒團啦
夾埋都岩岩好既.......當係出身汗吧
今晚好幸運WOR~~因為踢左三個波都冇左但最後都有得踢波呀
因為咁都俾我拾番到個波WOR......LUCK呀
同時今晚都達成了自己所定下既目標了 : 50球
2007年最後的一個帽子戲法.......
2008年由零開始吧.......

>>December 18, 2007 at 5:39:54 PM GMT+8

2007 年 12 月 15 日 星期六 【颳風】

是日最真情流露開心的一刻


琴晚覺都冇訓~~真係緊張迎接今天的出海釣魚呢??
一早7:30AM大家就係銅記一齊搭MTR前往西灣河啦
今天出席者如下 : 君君+江兆+大雄+ALAN+TOM.FAN
先吃過早餐更住買飽飽就到碼頭上船LOR
今次船家 : 馬陸老頭子也
一上船冇耐大家就嶺野啦~~哈哈哈......雲吞蝦(又學多左樣野啦)
雖然呢個船家係口水佬但都真係有道理的.......(始終係經驗好又冇講錯呢??)
本來出東龍島既但海上面七級風WOR~~所以冇計......
只能夠係茶果嶺鯉魚門釣住先啦

成個昇盤咁大既''紅油'' (約一斤半左右)


其他收穫都好豐富的


起初大家都帶點摸不著頭腦呢??
應該點釣先岩呢......結果船家黎料先更住輪到文仔啦
之後大雄輪到埋我更住江兆最後君君啦......大家都有唔錯既開局WOR
我第一條係''蘇納''---即係昇盤正中間的長條形果款魚LOR
真係古靈精怪WOR??第一次釣起呢~~??
係海中心釣魚的而且唔同D既~~要好深好深好深......哈哈哈
真係唔到地咁既??
但今日天氣由於冇咩太陽故此都好凍WOR~~又幾大風下呢??
車黎又車去......突然有條八爪魚從天而降WOR
我地咁多個都係第一次見到人釣到八爪魚咋WOR~~(船家的而且唔同D呀)
更住我就釣左條怪雞野---白色''小油稚'' (船家話唔好要WOR)
陸陸續續大家都釣到了唔同既小小大魚仔WOR(平均都有手掌之大呢??)

好多班仔WOR~~正呀


D魚拎到返屋企都仲未死晒嫁~~勁生猛WOR


更住黎料啦.....事端我用左隻蝦仔係東隨外面海峽落釣
好深的好深.....抖左陣咁啦
更住慢慢收絲~~但一收......嘩,咁叉重既又會??
收左一半度頂唔住啦~~叫人幫拖(驚動左全船人呀)船家即時衝前幫拖,拎埋個網準備大物
一起......嘩.....真係巨物呀
好大條魚呀~~大雄話酒樓咁大條魚WOR,江兆成隻手掌壓住佢,我拎相機先啦
老西都要同呢條巨物合番張照先啦~~真係好開心,意料之外呀
哈哈哈......達成出海既心願---釣巨物
拉上來果下真係好重~~個人又緊張WOR,好彩有人幫拖呀(到卡陣都十分難忘呢??)

今次真係威威食雞啊


最後4:30PM就完結是次活動LOR~~埋岸邊大家分配魚仔啦
哈哈哈......條巨物當然拎左先啦(拎左D石班仔同九公仔啦)
大雄拎左生猛八爪魚+紅衫魚兩條WOR~~哈哈哈......(佢拎左好多大過手掌既石班同九公呀)
江少都拎左條芝麻班WOR(有成一隻半手掌之大)~~九公王佢拎左呀
總之就係難忘之旅啦........好多謝大家之參與呀(再一次達成小弟之心願)
希望能夠係未來日子再次同大家FISHING啦~~要係一齊釣到巨物WOR
文仔 : 今次唔多唔緊要呀,你係第一個起魚既人,令大家都焦急起來了,下回加油呀
君君 : 好凍,收穫一般唔好失望呀,釣到自己手指公勁痛WOR,好好條理吧

>>December 17, 2007 at 6:36:59 PM GMT+8

2007 年 12 月 14 日 星期五 【晴】

星期六又要上班~~真的唔想返工WOR
可能係放假放到個人已經冇晒意欲上班了
今早九點起身就同江兆食早餐先~~真係開玩笑嗎??
其實食完早餐有大單野要做姐~~買釣魚用具也
為左星期日的釣魚日而作好準備呢??
我同江兆一早就走來又走去......但都有所收穫的
因為俾我們搵到間勁平既釣魚具鋪呢??
買埋蝦仔就差不多啦......回家爆大石更住上班LOR

今日話雖星期日但又唔係想像之中咁忙碌姐
OK咁啦.....慢慢又過左一天啦
本來收工有波踢的但對手BOOK錯場WOR
咁由佢啦......都冇計既
之後就同左文仔DINNER同埋買聖誕卡啦(每逄呢個時候都要寫野俾我D好友的)
更住就吹吹水慢慢行去搭巴士LOR......

回家睇波.....真係睇波的一晚了
由11PM睇到......5AM SUNDAY呀!!!
真係攰死人咩??

>>December 16, 2007 at 10:51:13 AM GMT+8