2007 年 12 月 31 日 星期一 【微冷】

2008年~~先向各位讀者講聲新年快樂先啦,祝願大家08年身體要健康唔好有咩大吉利是啦
最梗要既係快快樂樂渡過每一天呀

昨夜先回到HK所以今日都放多日假黎俾自己休息休息一番啦,訓到成12點先起身啦
更住懿懿過左黎陪我齊齊食下午茶啦~~更住租埋碟睇添呀
拎左好多大獎既---色戎
等老子睇下呢套野有幾勁啦~~順便睇埋偉仔既扑野技術先啦,哈哈哈
嘩~~有成三隻碟嫁WOR~~真係睇死人咩??
今晚又打埋邊爐呀~~嘩......好好味呀,可能係因為耐冇打掛??所以特別之好味道呢??
話悶又未至於好悶既戲呀~~但又唔係想像之中咁精彩WOR
咁岩又咁橋阿大雄今日又係租左呢隻野WOR~~哈哈哈
佢仲話要一?豆唯粒野係咩色WOR(笑到懿懿幾開心呀)
呼.....夜一夜就送懿懿搭車啦
更住自己都回家白白LOR~~早點訓啦,好好為2008年第一天工作做好準備吧!!

最後2008年自己的願望 : 同懿懿感情更快樂更穩定

>>January 28, 2008 at 8:40:35 PM GMT+8

2007 年 12 月 30 日 星期日 【乍雨乍晴】

終於到旅程既最後一天了.......
我同懿懿都依依不捨呢??
好唔願意離開HOTEL......
呼......
但係離開北海道之前都盡最後努力掃一掃啦~~因為有OUTLET平貨大清倉

到起飛時~~慢慢咁上升而我同懿懿既心情都慢慢記掛著北海道呢片土地!!!
有緣會再來臨的.......
係韓國機場就同懿懿玩自拍啦~~!!!



戰利品


成張床都係零食添......買俾大家既手信呀


兩個熊本哈蜜瓜成功偷運回港


當回到香港時......真有點像發夢一樣呢??
因為真希望是發夢當中~~可以唔洗咁早訓醒,再次同懿懿開心旅行呢!!!
好多行李呀~~澎澎聲回家LOR
而且今晚又係除夕之夜所以都十分多人.....最終我同懿懿分別係唔同既交通工具上倒數了!!!

新年快樂
身體健康
世界和平

>>January 24, 2008 at 6:31:03 PM GMT+8

2007 年 12 月 29 日 星期六 【乍雨乍晴】

終於黎到旅程既結尾啦......
為左好好把握埋最後的一天
所以我同懿懿都不怕辛苦早點起身前往魚市場作最後的''魚生丼''
先去......
二条市場(札幌市內唯一的魚市場)



自由選 : 即係面前既魚生材料都可以自己心水而選擇啦


懿懿的五色飯


ALAN的純三文魚生飯


又來一隻大黑熊


見佢個名咁特別於是拍下來作紀念


好長好長的平民購物地方 --- 狸小路



狸貓一大隻


行完D平民野就梗住要行埋D貴族野嫁啦......
本來用少少奸計引懿懿睇唔到既~~但最後都係難逃一劫
男人的惡夢


SHOPPING完當然要醫一醫先嫁啦~~呢度都有橫丁拉面嫁!!
華龍都好出名而且又好不俗的......
有唔少名人都幫襯過的~~!!!




話名係最後一天當然要好好把握最後既時間同食單嫁啦.....
是夜最後一餐 : 成吉思汗
呢間野把Q閉LOR~~等左我同懿懿差不多成個小時呢??
真係等到頸都長呀......





一杯烏龍茶 + 碟羊肉 + 洋蔥 = 好味道


行多一行最後既商場先啦......






我身後既係''大丸百貨''八時正的最後瘋狂搶購大行動
哈哈哈~~我呢個時候就同後面班師奶肉博~~誓要買到我想食既野
一定要平靚正既.....


最後的收穫......


>>January 24, 2008 at 6:19:59 PM GMT+8

2007 年 12 月 28 日 星期五 【乍雨乍晴】

今日早Q早就起身啦~~做乜冬冬??
今天的行程是 : 旭川動物園
呢個動物園係日本都好出名的~~其北極熊同企鵝更是任何人都喜歡的
由於昨夜既老麥三層牛肉包未吃所以拎左黎作今早的早餐了~~
唔講唔知呀~~原來旭川呢個地方係北海道最寒冬之地~~但佢又唔係最北既位置WOR
真係唔明白呀......當我們一到達旭川之時已經係-6.7度了
真係''能 帶 YOUR''呢??
哈哈哈.......

一朝早外面已經下著大雪了.....同前幾天比較真係差好遠了


大家等待著甚麼呢~~??所以我們都等埋一份了......


原來是企鵝兵團啊......旭川有名既企鵝步兵呀!!!
真係幾凍都要睇呀.....因為當時係戶外都已經等左一段時間已經凍死人了!!!
咁大個人都係第一次咁近距離望住D企鵝既呢~~??
佢地真係好得意好Q呀.....見到佢地好好笑呀!!!!(乜野既寒意都一一忘掉了LOR)





睇完有名既企鵝之後就去左四周睇埋唔同既動物啦.....
其實佢地都幾可憐嫁~~因為天氣咁叉凍又冇暖氣係屋企WOR
要係戶外咁叉凍既地方.....真係可憐,見到佢地又有少少心傷添
有好多老鼠呀......乜蘿蔔頭喜歡養老鼠既咩??


見到長頸鹿//犀牛//河馬......乜佢地唔係喜歡熱既天氣咩??咁凍會唔會凍死嫁~~??




係前兩晚係留壽都見到電視介紹過呢隻野~~小狸貓(真係好得意嫁WOR,又打架又追黎追去)






仲見到埋雪白色既貓頭鷹~~真係好靚嫁WOR......佢個頭突然會360度轉嫁!!!


終於見到另一主角 --- 北極熊了




除左北極既熊外仲要登吃出產既大黑熊添.....



同埋又近距離見到中國既寶石之一 : 老虎



係動物園冇咁出名既 : 海豹




行左戶外好叉耐.....真係好叉凍呀!!!
最後飲左罐粟米同入左間商店取一取暖先啦......
結果......同左唔少既動物公仔攝影左好多張相WOR~~好得意嫁......






好叉凍呀~~所以此地都唔可以久留啦~~最後最後都睇多次班企鵝仔先走人啦!!









走LOR~~影埋最後一張園內相LOR


旭川動物巴士


呢張夠型仔呀~~!!!


去完咁凍既地方咁一定要暖一暖醫一醫個肚先啦~~黎個面先啦!!!!


再見旭川站 : 北海道最凍之地方


搭番火車回札幌市LOR~~都幾攰嫁WOR
一早起身行左成日.......更住放抵埋D行裝就再次出發啦~~
先去再夾一夾公仔先啦~~哈哈哈......越來越喜歡夾添
只係500円就俾我夾到了......


夾完之後就去左食今晚豐富之餐 : 蟹宴
全部野食都係蟹......懿懿最喜歡的!!!!






喫一喫茶先


蟹超人


反影自己~~呢張好型仔咁WOR



臨走時都影番多張留念先啦~~








>>January 22, 2008 at 8:53:15 PM GMT+8

2007 年 12 月 27 日 星期四 【乍雨乍晴】

一朝早懿懿就起身再次泡一泡溫泉啦~~至於我就訓LOR
太攰太眼訓了呢??
差不多時候就起身鬆人LOR~~搭HOTEL既FREE SHUTTLE出回札幌市先啦~~
為我們最後的三天作好準備呢??

眼前的雪山


回札幌市途中的茶屋


雪白的小屋頂


中山岭


我在厚厚的積雪上


懿懿在厚厚的積雪上


終於回到WASHINGTON HOTEL啦~~先放好行李更住就再出發LOR
下一站 : 小樽 (真的急不及待呢個浪漫之地呀)
JR札幌站一影先



小樽特產 : 八角魚


三角市場


目前係2:30PM (小樽站先影)


小樽長街~~目前係3度的


看到兩張相的分野嗎??
上面果張係AUTO普通咁影的,下面果張就係用左夕陽模式所影的



係壽司街食午餐時俾我再發現特別之攝影方法呢??
上面既係遠清近朦 // 下面既係近清遠朦



右邊叫六式飯,左邊叫海膽飯


洗唔洗咁嚇人呀~~??雖然真係好好味姐.....


妳又做一個日本人吧


其實小樽一落車就行左個小小百貨公司更住就係長街......再到有名的壽司街啦,當年''將太的壽司''都係呢度拍既呢??故名思意......呢一帶全都係食壽司既呢??
更住四周都係以舊址為多既建築物......帶點懷舊味道呢叫人??


大家唔係留意個人呀而係留意一下上面既名字---''天狗山''


終於都到達有名而浪漫的小樽運河了









係運河兩旁都有好多大型既貨倉的~~係以前所餘下的,現今都一一改為唔同既商店了,而當中更大多都係賣玻璃的,故此呢度又名玻璃之城啦





行到半路就被呢間野深深所吸引著啦......街邊炭燒貝呢??
夠新鮮又夠熱騰騰~~最重要既係100円一隻咋,你地話抵唔抵先??





一間超級多狗既商店


大名頂頂的嘖蒸氣+發音樂的時鐘


小熊維尼歡迎妳


行左好耐先搵到呢個''南小樽站''搭車回去呢??


我條利唔係賣點,左邊罐野先係主角 : 暖烘烘的香甜牛油栗米 (盛惠700円) 諗起都想黎多罐


博多拉面



今日都咪話唔攰WOR~~
早起身由郊區搭番粒半鐘既巴士回市區更住又搭火車前往小樽
更住又行呀行呀行......你地知嫁啦,又凍又夜真係幾辛苦的
呼.....唔理三七廿一啦.......都係食飽飽之後就早早休息作個SLEEP算了啦

>>January 17, 2008 at 6:42:26 PM GMT+8

2007 年 12 月 26 日 星期三 【晴】

一朝早食埋個早餐先.......
更住就影埋最後一張相就鬆人LOR


下一站 : 洞爺湖
一落車就已經好大驚喜啦~~因為我倆終於第一次接觸到落雪既味道了啦
哈哈哈~~我倆都好好奇而且又好開心WOR,真係又大粒又特別呢??



我們的溫泉HOTEL --- 洞爺湖萬世閣



呢個叫做手湯,係洞爺湖的一個特點,因為每行一陣間就會有呢D湯俾路人暖一暖呢


整番個面吃下先啦~~來來軒~~


老西都要影番張留念先既


我們的HOTEL後面......


一條白雪長路~~(老闆妳係度玩雪呀??)



天色麻麻地所以影個湖都唔係咁靚添


要影大熊啦~~!!!


我要食雪糕


關東煮


呢個叫做''龍之湯''



輪到我影啦


下午五點正......後面既山叫做有珠火山,周不時都會爆嫁WOR


呢個係大名頂頂既''洞龍之湯'' --- 仲可以俾埋隻腳暖一暖嫁



黑麻麻的後面.....


呢隻叫''摩周丸觀光船''~~專門出出入入觀賞洞爺湖的


呢隻野好真好真好真....嚇到懿懿唔敢行埋去影張相呢??



驚就影其他公仔吧老闆~~



我是洞爺湖陽光武士


食DINNER時~~對面枱既蘿蔔頭BB



長長的燈泡山洞



呢個叫做冬菇亭


呢個就含有藥物既湯


呼......呢間野萬世閣都幾舊下嫁WOR,而且又黑黑暗暗咁呢??
真係選擇錯左啦~~大家要小心啦
當中令人特別既莫過於 : 露天溫泉
令我一直等待已久的露天溫泉~~個池周邊圍住D雪吹住凍一凍既風,感覺就真係難以形容呢??
哈哈哈.......
另一唔好既係DINNER.....好差好差又普普通既DINNER......真係同昨晚既留壽都差天共地呢??

>>January 15, 2008 at 8:36:53 PM GMT+8

2007 年 12 月 25 日 星期二 【晴】

一Q早天朦光就同左我個女仔起身刷牙洗面啦~~
去邊~~??之唔係滑雪場LRO~~哈哈哈......
真係未訓醒既呢~~??柅搵早餐食都唔知係邊度有得食呀~~??
冇計啦.....去左買面包食算了啦,但話時話~~真係超好味的......又特別又多款,好不錯呢??

WASHINGTON HOTEL對面的大丸百貨,呢幾幅圖係唔係影得好叉靚呢??多多支持呀......我既技術又進步了





黎食個包包先啦~~真係諗起都想食多HIT呢??
由札幌搭''冬甩''巴士到留壽都滑雪場足足要120分鐘呢??
都咪話唔Q辛苦呀.......但當一落到車真係眼前一亮呢??
好一個渡假滑雪村呢??


踏入雪上的第一張相第一個表情第一種感覺~~所以無論如何都要拍下來的


鏡頭呢邊WOR,肯定果邊有靚仔滑雪教練啦


留壽都另一特別之處 : 冬天滑雪夏天滑草而且有埋過山車遊樂場添......


好多人要搭左邊既吊車上山再由山頂上面滑番落黎嫁WOR


陽光少年都要影番張開心雪地相呀


大家睇下我個女人幾咁開心快樂幸福


個蘿白頭又唔ZOOM近D黎影WOR


第一次到達滑雪場我們第一樣野玩既唔係滑雪而係 : 雪上電單車
真係爽到爆又正斗呀~~哈哈
雖然最盡得40咪,但感覺都已經好快好凍啦.....真係好凍嫁,懿懿就係我車後面攬住我LOR
叫佢揸又驚WOR......咁又係既,俾我炒一炒乜都驚啦
的而且我手車仔差左D既,跟住個靚仔教練都可以炒車既??
仲要炒得好型仔嫁~~話說一段直路啦,咁老西都去盡佢俾D威脅個老婆睇嫁啦
但點Q佢突然有個U-TUNE既灣位WOR,一拎向左邊即時人車反晒,我同老婆當堂埋左係雪堆當中啦,都咪話唔驚險呀
一起身時大家都痛都知撞到嫁啦,更住起身啦,點知個雪地又厚到上菠蘿蓋WOR,真係想埋瓜我們呢??哈哈哈......最後再玩多兩玩,仲玩埋花式起身加放手WOR,嚇到懿懿喊啦差不多,玩左20多分鐘了......真係爽呀,好一次既體驗呢??(盛惠6600円)



玩到好叉攰啦,要開餐LOR~~一口氣連吃牛丼(丼=飯)同埋味噌拉面(真係人山又人海呢??)



多麼熟悉的背影(唔好以為我向上其實我係倒後緊的)


見牙唔見眼~~係開心定係辛苦呀??


再一次向後溜緊.......


拎埋咁多野去邊呀~~??


原來係走去班小朋友旁邊學滑雪



岩岩先由最上面果個山頂位滑落黎咋MA~~(講下姐,我邊有咁大膽呢)


學有所成啦終於都......


玩到申晒利就知道幾咁吃力啦......


呢幾張最型仔最似樣啦




玩到好攰LOR~~更住就去左搵野食先啦當然~~好彩個HOTEL包埋自助餐姐,呢間野又幾特別嫁WOR,因為佢有七間餐廳唔同味道同國家都任你選擇嫁WOR,真係唔錯既賣點呀
更住就四周圍影下相LOR~~(9好浪費咁靚既渡假村呀)

手抱好多鴨仔呀~~


高技術影相~~反影埋自己嫁


呢隻唔係普通既腳,而係撞到成個雞蛋咁大''魚''左既腳


旋轉木馬任玩唔嬲



好叉大隻的啤仔熊WOR


臨訓都仲要上網~~仲要玩埋MSN添呀


個渡假村都好大下嫁WOR~~有幾HIT我都行到迷路了......
同時另一特別之處既係~~有室內暖水池嫁WOR
真係幾爽呀~~同埋最特別既地方係池內竟然有人造浪玩埋嫁WOR(即係以前海記果款呀)
見到班小蘿蔔玩得咁開心所以我同懿懿都即時返房作最後衝刺玩埋一份啦(當時已經0930PM)
與此同時最最最特別既係有滑梯玩埋WOR~~大家可能會話,車好小兒科姐,好多時都有嫁啦
但大家就估錯啦......最大賣點既係 : 呢條滑梯足足有四層樓咁高嫁
哈哈哈~~我同懿懿不停上呀上,點解咁耐都未到既,原來真係好叉高嫁WOR
而且又係包含晒一條圓筒帶點黑黑既滑梯,或多或少真的帶點神秘感呢??
一,二,三.....滑落去LOR
真係開心快樂呀......童真返晒黎啦
最後就洗埋白白就回房訓LOR......洗白白既地方雖然房間係有但好多人都會去左男女大浴場中洗白白的(SORRY,講錯左~~應該係分開左既男同女既大浴場至岩,我都好想男女一齊浴一浴呀)
哈哈哈.......
玩左好耐水啦~~諗住鬆人之制.......面前出現左條巨物,我再枱頭一望......吊,小朋友一名黎咋WOR,竟然有如此大支野......真令我有點心傷//傷心//失望//失落//失敗//挫敗........好一個大支野出少年呢??

>>January 15, 2008 at 6:38:54 PM GMT+8

2007 年 12 月 24 日 星期一 【乍雨乍晴】

最後的函館之旅~~所以點辛苦都要好好把握埋最後的上半天啦
再一次踏足朝市的東西~~再一次作出最後的努力呀!!!

先黎張日本北海道靚女相俾大家先啦~~


再一次黎個昂貴的早餐呀~~但今次搵呢間野就平左少少啦


好一間朝市食堂~~叫做平嫁啦


係每個檔口都會有一個蟹煲的~~作為吸引人買的賣點之一


好長既腳呀~~懿懿妳個款好想食咁WOR


蟹肉包都真係幾好味嫁WOR~~又熱又好蟹肉呢??


好大盤魚籽呀~~用黎撈飯就正正正正正正啦


即開海膽~~真係又新鮮又好味呢~~所以點都要整多次既


經過一輪既努力最後衝刺後就離開了函館呢個漁之市啦
先搭JR火車落札幌先啦~~搭左差不多90分鐘呢??
更住就搵HOTEL WASHINGTON啦~~整頓一下行李就再次出發啦
先去醫飽個肚先啦~~出名的拉面共和國呀
先黎個拍照先啦懿懿


好特別的圍裙呀~~哈哈哈.....


味之餃子大王~~真係幾好味嫁WOR


醫好個肚就黎左個夾公仔行動啦~~HEHEEHHEEHEHE
老子又係哄女友既好時機啦
唔洗好耐就夾到個公仔上黎啦~~哈哈哈~~當場懿懿大叫嚇人旁人呢!!!


夾完公仔就過左去大通公園啦~~每年既聖誕節大通公園都係必去之地
因為此地都特別之漂亮呢??
慢慢黎行睇下燈色都唔錯幾咁浪漫呢叫人......
先送大家一座搭 : 北海道電視搭


再黎一棵聖誕樹啦


到我上鏡啦~~!!!



街邊的香味撲鼻的燒蕃薯


最後浪漫完一番就搵左個地方食迥轉壽司啦~~
呢間野都等左成粒鍾呢??
最特別攪笑既係我唔識叫野食於是就手畫壽司俾佢睇黎落OTHER啦
哈哈哈......


>>January 9, 2008 at 9:55:56 PM GMT+8

2007 年 12 月 23 日 星期日 【乍雨乍晴】

一早訓醒就已經感覺到寒冬的一刻了~~當真正換好衫外出之時候真叫人怕怕了
哈哈哈......外而真係寒風陣陣呢??
這正是我係住友門外所拍的一照啦~~應該係今晨落過些少雪啦


我們的兩晚居所~~住友民宿,呢條友仔屋主係一個廿分之煩多野講的台灣人呀,真係講過不停呢??


起身.....由於要一早呀~~所以大家都著多左衫的但大家可能會問 : 可旅行咁早起身托咩,冇錯~~就係托啦,因為每天一早朝市內既海鮮正是最吸引之處,我們就由此開始今天的行程了
一大清早的朝市(即係海鮮魚市場)


呢度另一特別之處 : 釣魷魚啦


釣都係事少呀~~釣完就歸你既,放入個桶更住......


就係即時黎個'' SA SE MI 刺身 '' 啦~~咁樣子夠特別啦掛??


輪到我個大大大大大人出場啦~~一於等佢出手釣隻肥魷魚上黎啦(盛惠1300円)


有得食啦~~即釣即食唔知道會係咩感覺呢~~??咁大個仔都係第一次既呢~~??


因為隻魷魚未死晒呀~~所以係食佢D蘇既時候仲識用吸盤吸住你條利嫁,真係盞鬼WOR~~哈哈哈


快快同隻大大大大大大大魷魚王影張相先啦~~


食完前菜就慢慢再行啦~~因為係一個海鮮魚市場所以一定係賣魚同海鮮為主嫁啦(魚 : 三文魚 // 海鮮 : 蟹 + 鮑魚)





捉番隻上黎影張帥相先至得呀~~話時話隻野真係好重嫁


四周圍行下睇下野之後要搵野食啦~~作個早飯先至得呀!!!!
搵呀~~搵呀~~最後俾我們搵到呢間野黎醫一醫肥先......


咁難得黎到海鮮朝市就梗係要試下D地道野嫁啦~~懿懿就叫左以下的 : 海膽混帶子飯啦


至於我就整左個巴井飯啦~~即係三送飯(有魚子+帶子+海膽)~~見我見牙唔見眼就知好好味啦


呢兩個飯係我有史以來成世人食得最貴最豪的一餐早餐呀~~哈哈哈哈,但回味無窮的回憶都值得既(盛惠5000円)
清晒佢倉呀~~卡陣諗起都好好好好好回味呀,我都未試過食到咁快而且又一粒米都冇晒了呢??


之後就黎個尋找哈蜜瓜的故事啦~~最終俾我搵到了(盛惠2500円)雖然係貴但點都要試下的.....


臨離開第一站時都係忍唔住~~因為發現了即開即燒的鮑魚同帶子呢??唔得啦~~忍唔Q住呀,再加埋多杯鮮奶添呀~~真係正斗呀



呢個即開海膽真係一流呀~~因為帶有海水既味道而且新鮮.....但最唔好既係 : 貴(盛惠1500円)


行啦行啦~~去搭電車前往第二站啦 : 五角陵


我們要登上搭頂啦~~有名之五角陵


叫做五角之原因係身旁之公園真真正正係由五角所形成的~~哈哈哈..... 日本人真有心思呢??


搭頂所望出外的景觀~~真的唔錯呀


呢張相有質素又夠特別呀


呢個搭仔都有唔少既日本人上黎嫁WOR~~而我都買左小小既手信俾好堂妹呢??
行到半路仲發現.....地上有D透明的地板望下去的~~真係居高臨下之感覺呢??


望一望上黎啦老闆~~再俾多點笑容呀


更住第三站森森金倉啦~~位置海邊的一個倉庫~~現時改為商店了


晚上著晒燈仲靚呀~~!!!


好難得的上鏡WOR


整杯鮮牛奶雪糕先啦~~但我都係第一次食咁貴的雪糕 (盛惠300円)


同細菌小子影張相先啦~~


懿懿話佢影呢張好特別~~好有大師級水準WOR


今晚就是上我背後的呢座山啦~~睇世界三大夜景之一WOR


先黎個DINNER先啦~~上山前都要醫飽個肚仔嫁


最受歡迎的漢堡包~~但都不外如是姐


食完出黎天色都變晒啦~~但又有另一番景致呢


平安夜~~點都要黎一黎教堂一趟作個小小祈求的


更住不停既上山上山上山~~目的 : 世界三大夜景之一呀
但係搭攬車位置已經有好多好多人了~~一家又大又細又老的......因為係半山區所以都特別之凍呢??哎呀......等左成粒鍾先至輪到我們呢~~??但當我們兩個上到山頂時.....再望出一望~~只有一個字 : 嘩 ~~~~~~~~~~~~~~~~~~世界三大夜景真係唔野少呀......





但都真係好鬼凍呀......此地真係不宜久留呢~~??話雖美景於眼前但....太太太凍了,手指都凍薑了呢~~??只能夠拎回家慢慢回味啦.......


快快落山啦......最後搵左大門橫丁一試......
都係果句啦~~天氣凍呀,所以食野都特別多左呢??
哈哈哈.......食飽飽就早早回家SLEEP啦......因為把握埋明天的上半天函館之旅啦



>>January 8, 2008 at 7:07:30 PM GMT+8

2007 年 12 月 22 日 星期六 【晴】

排隊上機LOR~~但由於係室外所以......廿分之凍WOR
哈哈~~當時我仲只係背心一+外衫一件
你地話啦~~當時係零度~~所以呢.......但又唔係想像之中咁凍姐
或多或少香港人既體格始終係比較好的~~哈哈哈

懿懿慢慢上機啦


望一望鏡頭呢邊呀


眾人目光~~右邊的人仔(話時話佢又仲咩唔上機呢??)


一個好特別既東西~~你地萬萬都估唔到機場呢班友仔竟然係向機上既人道再見呢??哈哈哈.......


漂亮嗎?? 從上空望下去的韓國小國呢??


叫人舒服的一片雲海~~每每向外望都分外醒神的


我們的第一站終於都到啦......


日本人都係好好禮貌的~~事原 : 岩岩落機唔識去市中心,所以佢地唔單只口講仲係帶你點行既呢??
人生第二次踏入日本之地啦~~所以懿懿都特別開心(妳仲乜野呀,行快D啦老闆)


先搭巴士落市中心更住就去我們未來兩晚的居所 : 住友民宿
到達民宿時立即放下D行李啦~~更住就搵野食啦,俾我們搵到......小小的居酒屋
懿懿同我都廿分之肚餓WOR~~先黎個雜菜炒羊肉先,再黎多個拉面同餃子


鹽拉面係北海道的必食東西


拍一照番念先至得呀~~平+好味


鄉下仔的我~~第一件影的是北海道本土警車


更住就去左市中心行左一陣陣睇下咩環境啦~~先訂下未來多天的行程火車先啦
更住係周圍既商場行一行啦.......最重要既係四周試食一番啦(但又唔係買嫁WOR)
呢舊野廿分之好味~~千萬不能睇少WOR,軟心芝士蛋糕仔(即時諗起九仔一定好喜歡吃呢??)


晚上就去左有名的壽司亭WOR~~呢間野搵左我同懿懿勁之耐呀~~行極都未到既??
好彩最後都搵到咋......當時又凍又大風WOR(因為近海邊呢??)真係辛苦呢~~??


飽飽就去100円店啦~~補給一下先至得呀(買左牙刷手套.....)初時諗住唔係好凍所以冇帶手套但原來......真係好叉凍的
與此同時最攪笑的是我個頭戴左耳毛仔WOR~~哈哈......懿懿佢話好好笑WOR


多麼亂的一間房間呢??
哈哈......訓地下的''搭搭咪''~~所以好凍的,而且個地又硬WOR,真係訓得唔舒服呢


早點訓啦......又轉機又凍又辛苦左一天了
可能係天氣問題~~所以個人既體能都好快玩完呢??
同時當地真是冇夜生活的~~所以未訓不可呢??

>>January 7, 2008 at 6:35:01 PM GMT+8