2007 年 8 月 15 日 星期三 【雨】

今日終於都接受D麻煩野啦......
CB同事羅拉有單BOOKING有點麻煩野添.....
個鬼婆話唔喜歡間酒店WOR~~又話唔係自己心目中既選擇
頂佢呀~~張單明明佢自己選擇嫁MA果幾間HOTEL~~
卡陣先黎反口~~真係出爾反爾呢??
星期六佢上黎分行呀~~到時同佢決一死戰啦
但點都好啦,老西都唔會俾佢退款嫁啦~~機票酒店乜叉都出晒啦
由得佢......

星期四收左工同左懿懿去天樂里NEWAY唱歌呀
真係正斗呀~~又有得吃又有得唱
真係爽爆呀.......
但短短既時間真係唔多夠喉呀
卡陣D卡拉OK越來越俾人唱得小時間啦
又要走出走入拎野食又要唱歌~~你話你話啦
點攪??
等我寫幾封意見書反映一下先至得呀
本來唱兩個小時就要夜房~~但都算係咁啦
俾我們唱多左一個小時添~~HEHEHEHEEH

天樂里呢間既自助餐都唔錯呀~~有點兒水準呀

>>August 17, 2007 at 4:11:39 PM GMT+8

2007 年 8 月 14 日 星期二 【暴雨】

星期二同九記+TOM+BOSCO去左打邊爐呀
俾我們發現左個新地方WOR
叫做---皇府酒家
因為新開所以都冇咩人仔知道呢間野既存在呀
同埋打邊爐加加埋埋每位$108(連加一任飲任吃連湯底)
幾好幾好~~最特別的是新開期內送埋片皮鴨半隻
哈哈哈......



要同你說聲再見啦---NIKE魔術貼杏色鞋仔
始終都係爛了......
個底入水呀~~平日陽光普照就冇咩問題既
但一到落雨天就頂佢唔順啦~~濕晒
佢都係時候退役嫁啦~~取而代之的是......
安息啦......



>>August 15, 2007 at 1:42:44 PM GMT+8

2007 年 8 月 13 日 星期一 【乍寒還暖】

唔叉記得幾時幫呢個肥仔影左張相呀
見到佢用件有帽衫笠Q住自己個頭更住就SLEEP啦
等佢訓左陣就幫佢影張相啦
HEEEEHEEEE.......
同時間最特別令人注意同攪野的是---我影果陣唔記得關閃光燈
車上面既人仔都望住我呢??
最後最後既係......小肥仔著果條波褲突顯晒佢''揪野''(果然英雄出少年呀)



有一天~~係樓下等緊LIFT時.......俾我望睇張POSTER呀
本來係一張好普通既POSTER姐
但我由上慢慢望到下面既時候......
係右下角左右俾我見到---王侯偉
相信知道我講乜既人都幾驚訝的
原來佢代表乜叉野為南區唱粵曲WOR
睇番程序表仲要係頭炮添~~
哈哈哈......
估唔到當年中五既重讀生(有幸同班)卡陣就達成佢既志願---唱粵曲了



呢張清楚DD咁大把


>>August 15, 2007 at 1:37:06 PM GMT+8

2007 年 8 月 12 日 星期日 【暴雨】

昨夜回家途中~~諗起好多野
每每一支公回家時都會感到孤單寂寞的
所以我大多數會發出短信俾自己友(即係''3''既用戶)黎表達自己的當時感覺
往往有好多人都認為我呢種行為係''多舊魚''的,但其實係發自內心的
寄望的是有人回應我,寄望有人會聽我講費話......
感到恩惠的是---有人回應(這已經是最開心的一刻......)

家---何謂家??
有一友人回應我 : 一個人係冇家,係HK要是一對合法夫妻先當係一個家
另一友人叫我 : 你都可以自己組織一個丫
最後的友人說 : 你都好快有自己的一個家
呢個問題往往留守在自己既腦海之中......因為自己未感受過所以好希望有
多謝以上三位友人的答案

緣---HK有七百多萬人,能夠認識對方甚至做朋友已經是一種緣
得一個四眼仔回答我 : 吊你係想增進彼此既緣份 (咁都得既??哈哈哈.....)
多謝你既答案

你 --- 要是一支公飲悶酒的話何不約出好友一齊吹水傾計呢??朋友好與壞在乎溝通與關懷呀,一個人得一個腦但如果你拎出黎討論自然就多幾個腦幫拖解決問題的,不要死牛一邊頸啦,個名燦做法 : 將所以問題分俾身邊既家人//朋友//兄弟......幫助解決,自自然然就會解決晒而且個人仲會好輕鬆舒服晒添

>>August 12, 2007 at 6:34:33 PM GMT+8

2007 年 8 月 11 日 星期六 【雷雨】

今日係近呢幾個月訓得最晏的一天 : 12:55PM起身了
比著之前真係差好多啦~~之前行山7:00AM起身(仲早過返工呢??)
起身後就上陣網睇睇報紙~~更住就換衫出發了
諗住直剷上懿懿屋企俾個驚喜佢添......但搭車途中隻豬仔起了身
更住就齊齊食個扒王之王下午茶先啦~~醫好個肚仔就出發啦
今日目的地---觀塘
仲咩突然走到咁遠呀~~??
事關前排發現左個地方話賣D跑鞋有特價~~結果今日出發LOR(本來下星期的)
搵左一陣啦~~上到去都已經有唔少既港人掃貨了
分為左好幾層的~~有埋衫同埋褲賣呢??
有NIKE,ADIDAS,NEW BALANCE,LOTTE,AND1........
最後我同懿懿買左對同一款既跑步鞋啦(NEW BALANCE 573)
HEHEHEEHEH~~等我帶住豬仔跑步先至得
同時我都買左件NEW BALANCE黃色SHIRT(我都幾喜歡呀)
因為買滿$300所以佢送左兩件波衫俾我---川奇前鋒(綠色)
而懿懿就係觀塘廣場買左三件返工衫仔呀~~(號外:觀塘廣場咸碟$10隻,新低價要買就快手啦)
今日我同懿懿都算收穫豐富嫁啦~~
最後就行埋APM算了......$10一碗手打北海道烏冬??
$370黃色鴨仔SHIRT~~??
$24一個留連(吉之島售)
最令人依依不捨既係....NOW係現在SELL英超呀(聽落去好似好普通但......)
經過小弟既考察後,NOW所派出既SALES絕對係一班馬仔既質素呀
令到商場內唔少既麻甩仔+麻甩佬目不轉睛呢??
NOW果然做慣生意呀.......唔錯唔錯
最衰我已經JOIN左~~冇得埋去傾一傾添,可惜可惜......哈哈哈
(懿懿實扭甩我耳仔呢??)

最後搭番MTR去打邊爐啦~~
一路睇電視一路吃......
最後送埋懿懿回家自己都隻身上路了.......
返到屋企睇埋曼聯+白白+打日記
SLEEP.........
明天再努力過吧!!!!!!!

>>August 12, 2007 at 6:18:48 PM GMT+8

2007 年 8 月 10 日 星期五 【乍寒還暖】

本來今晚收工後澎澎聲同九記+九嫂北上揼野+吃野嫁
但岩岩八號仔~~又驚上到去橫風+橫雨決定取消啦,留待下下次先啦

今日改左返晏呀~~12點先返到公司
都係等LUNCH啦,去左茶餐廳睇埋巴塞添~~
更住返到公司忙左一輪咁大把啦
更住又靜番等收工算了啦~~
最後九記+九嫂上左黎找一找我吹吹水咁啦
(九記又去學車啦,佢應該會報名: 專業,優越,香港駕駛學院呢??)

今晚收左工澎澎聲回家算了~~
一黎個人有點兒累累地
二黎既係今晚英超開咧點都撐下先
NOW原來好攪野的,可以同時間睇晒四場波一個鏡頭~~哈哈哈
多得文仔教路呀~~但有點兒似閉路電視呢??
如果電視可以大D更好呢??
更住就早早訓了---12:00AM

做左主任後不是工作量辛苦煩多
而是壓力上的問題~~令自己辛苦了不少
就連自己呢期D白頭髮都多埋~~你話點收科好??

>>August 12, 2007 at 6:05:54 PM GMT+8

2007 年 8 月 9 日 星期四 【寒冷】

2007年首個颱風終於黎臨啦
一早就已經三號風球了........
其實個風本來已經離開左HK嫁啦但誰不知又調頭回港WOR
正因如此令到HK出現07年首個八號風球了
一早返工就已經風大雨大了~~
都冇客仔入黎啦~~連電話都冇多個呢??
成個上午都係上網不停......哈哈哈
到到2:30PM就掛八號了~~個個都澎澎聲鬆人啦
但公司既ANGELA.YEUNG就因為有兩個麻煩客仔要上黎拎機票呢??
真係激死人啦~~個個都走得但我就要等埋佢先鬆得人啦
冇計啦~~KEEP匙人係麻煩D~~都要有一定既責任呢??
最後4點05PM先有得走人啦~~諗住搭VAN既(想快快回家,但多人到佢呀.......)
更住就去左二越搭巴士啦~~但......D師奶夾硬迫上車呢??
真係得人驚呀~~最後決定去中央圖書館巴士總站搭算了......
搵番個靚位先~~訓一訓......AFTER30分鍾就回到家了
更住食燒賣+薯片下午茶先
打陣WINNING先.......
DINNER埋就打C.S.(番玩舊GAME呀,射叛爆佢個頭)
白白埋就早早SLEEP啦......

>>August 11, 2007 at 2:06:57 PM GMT+8

2007 年 8 月 8 日 星期三 【颱風】

星期三都真係獲獲連場呀......
一早就已經有唔少既麻煩野跟呢??
先係CAROL LAM既俾人CANCEL左位~~要即追番位
但好彩既係今次唔關同事問題~~將舍波交俾ABACUS經理POLLY啦
另外既就係LAURA啦~~佢個鬼婆客仔HOTEL FULLY BOOK呀~~真係麻煩
正常就問題不大既~~只不過既係個鬼婆去左外國,聯絡唔到佢姐
更住就係JOEY既機票竟然個名錯左WOR~~哎呀......又要找上AIRLINE度改一改啦
慶幸既係唔係明天後天出發姐~~都有時間補救
最後既係JUDY WONG佢有個客仔嘈點解唔可以CONFIRM DOUBLE BED ~~ ??
我心諗~~扑野都唔洗咁緊張掛??更何況又唔係我決定而係HOTEL決定既
結果......都攪得掂晒既~~!!!!

收左工就澎澎聲JOIN懿懿一家DINNER啦
上左去TIME'S既金滿庭
今晚我作個小東呀~~當係賀一賀小弟之升職
今晚D野食都好豐富呀~~而且仲好好味呢??
卡陣諗番起都想食多次呢??
食飽飽就去食個甜品~~最後就回家了.......

>>August 10, 2007 at 9:27:46 AM GMT+8

2007 年 8 月 7 日 星期二 【陰】



每每星期二都係做同一樣事情的---睇戲(但要係我返早先至得呀)
為左香港既電影市道我決定出錢又出力啦~~
今晚所睇的是 : 五星級大鼠
一套以老鼠作主題既電影~~新鮮感有啦掛??
可能未夠~~但以一隻老鼠去做法國巴黎既大廚咁就與眾不同啦掛??
今次個編劇都真係花左好多心思呀~~以一隻小小既老鼠做大廚
講都冇人信~~但入到場睇完出黎就點都會笑番的
唔好睇少呢套戲呀~~當中都具有點味道的
''每一個人都可以成為廚神''



睇落好似好普通但查實係現實中好多時都需要呢句意思,例如 :
每個人都可以發達 --- 但睇下你有冇運啦
每份工都可以開心 --- 睇下你自己如何面對啦
其實當中意思咪又係講 : 唔好睇小自己,只要努力恆心,自然就會達成夢想的
對於每每埋怨自己一定唔得一定冇可能既人來說~~就梗係做咩都唔得啦
所以每一個人都可以成為廚神係真既,好睇自己點看待,過程中既考驗克服
搵埋鄭中基做配音就更加之神似啦~~哈哈哈
當中都有好多笑位呀~~
唔錯唔錯的一套電影~~令我最難忘的是......
1.) 巴黎既夜景,由電腦特技所制作出黎,真係真係好似置身巴黎一樣呢??



2.) 最尾由老鼠一族擔任廚房內的一切工作,叫人鴉雀無聲呢??

最後食評家講左一番言論 :
係呢個世界好多上層既人士都看不見下層既人士的
正因如此令唔少出眾既下層人士埋沒了不少
每一個人都可以成為廚神,起初我唔相信
但係現實擺在眼前,正因如此更需要人人平等來看待的

>>August 9, 2007 at 2:14:01 PM GMT+8

2007 年 8 月 6 日 星期一 【雷雨】

講番星期日既行山事宜俾大家聽一聽先啦
當天一早同肥鵬兩個子就由南區--->紅磡--->大埔墟
九點等候~~今次活動都係由DISCUSS所舉辦的
是次活動達到15人之多~~都咪話唔人強馬壯呢??
當中又有幾名新識既DISCUSS網友啦~~哈哈哈哈

出發LOR~~由於起步時都幾炎熱嫁
所以行左一陣陣就已經比平時為出汗多啦
好彩自己都唔係灌左好多水姐~~但成身濕晒出晒汗呢??
行到半路仲遠見到深圳祖國呢??
乜原來咁鬼近嫁咋.......
之後就到荔枝窩啦(平時有好多人話撞晒鬼的一個集中地)
但去到都唔係想像之中咁嚇鬼姐......
更住就前往第二鬼之地---牛屎湖村
呢個村話有段故的~~等下次大家見面之時先分享啦
更住就爆林剷上山啦~~呢段路都真係令唔少人損手爛腳呢......
更住就到印洲塘啦(香港濕地之一而且仲係受保護之地呢??)
其實此地都係我目標之一的~~因為太靚啦
今日天朗氣清都令我開心不少.......
最後就到西流灣沿海岸線急行三椏村 = 50MIN'S
大家都辛苦了一輪.......
作出大既休息再之出發起點之地搭車回家
而我就由於趕時間所以......開盡六波高速落山搭車先啦
自己都好佩服自己呢~~HEHEEHEHEHEEH(仲有大把ENERGY)
最後就出埋銅記JOIN懿懿......
食蟹樂道呀~~真係貴.....但又真係不俗的
對一個唔識食蟹既人已經算係咁呢????
最後就帶住超攰既身軀回家......
好好休息作一大覺SLEEP吧

>>August 8, 2007 at 3:04:21 PM GMT+8