2017 年 8 月 19 日 星期六 【晴】

星期日周圍遊車河, 用手機的google map 掃下邊區未去過. 倫敦市西南面的温布頓區可以看網球場館, 無入場因為要跟導賞團夾不到, 誤打誤撞入了少少博物館但無乜野看因為不喜歡網球, 反而紀念品店最多野看.
我都是後來才知原來仲有個地方叫温布萊, 也是打網球的, 在倫敦市西北面.

去温布來仲可以坐電車tram. 因為買了巴士加電車月票, 但從來都見不到街上有電車, 原來只有南面温布來至croydon區才有電車, 所以今日順路坐埋. 不過不懂得找哪個閘口入閘, 結果還是扣了五鎊幾.
坐完電車, 跟utravel雜誌推介去了, mayfield 看薰衣草園, 入場一鎊, 人就有一千個好多人. 食埋小食和薰衣草雪糕, 買了肥皂自用. 地方大依靠自拍神棍拍攝. 紫就不是很紫, 但也很美.

坐返車出去市區, 在商場食了長通粉, 再順路去了 Crystal palace, 一個以前是皇宮咁靚的地方, 現在是荒蕪了的花園, 入面有恐龍模型在水池中可拍照.

今晚食黎巴嫩菜, 好味.

>>November 18, 2017 at 11:34:53 AM GMT+8

2017 年 8 月 18 日 星期五 【晴】

八九月的好處是放學還有幾小時才天黑, 所以放學去醫院後山散步也很安全, 最不安全是多狗要避開.
在醫院的後山 hampstead, 可以遠眺倫敦風光, 不過只是遠眺, 很多景物都很細小和被遮擋了.
今晚到了福爾福斯主題的食店晚飯, 樓上有以故事中的描述而佈置的房間參觀.
飯後在泰唔士河邊散步, 在南岸Routemaster造型的乳略店買了甜品, 一直行經摩天輪, 再聽埋大笨鐘響才返酒店. 大笨鐘要維修, 報時埋本星期六就休息幾年了...
今晚宵夜是麥記crepe

>>October 15, 2017 at 1:05:17 AM GMT+8

2017 年 8 月 17 日 星期四 【晴】

在倫敦每日飲一品脫奶, 數十便士一大樽好抵飲. 而且每日一盒生果, 多數是車厘子或士多啤梨, 也食了很多藍莓, 因為這些最易食.
買野食最容易就是去超市, 這裏大部份都是自助嘟機和信用卡的, 超快和方便.

放學去了UCL 動物學博物館, 剛好還有二十分鐘才關門, 一開眼界.
晚上食了意大利菜, 因為想食Pasta, 不想食硬麵包. 宵夜食炸雞.

>>October 15, 2017 at 12:55:42 AM GMT+8

2017 年 8 月 16 日 星期三 【晴】

放學去了在醫院和市中心中間的camden market.
雖然去了一個月倫敦, 很遺憾我只行了兩三個market, 因為要返學. 而當中Camden market是買手信最平的一個.
食了poppies炸魚和薯條, 好味.

同時因為每個平日都要上學, 所以即使發明盤尼西林抗生素的實驗室博物館就在酒店斜對面的聖瑪麗醫院正門都無時間去看, 博物館實驗室每日只開三小時. 只能每天上學時坐巴士上層從窗外略過兩秒, 瞥見的同在谷歌看到的差不多, 所以臨回港果日已經不想比四鎊入場去看了.

>>October 14, 2017 at 9:59:04 PM GMT+8

2017 年 8 月 15 日 星期二 【晴】

在本部門我負責搞院前心電圖, 可是倫敦就不用這套系統了, 因為人地的救護員自己決定張心電圖有無事, 自己決定Primary diversion 去心臟科落客, Cath lab就在醫院另一座的地下, 送過去落客比在急症室落客是完全無額外時間, 去到直比心臟科醫生睇, 就算覺得病人不用通波仔, 才送返去隔離急症室登記. 非常完美呢.
本院cath lab在另一座19樓有條長斜天橋, 由急症室直上都要坐兩次電梯, 心臟科醫生未必隨存隨到可能開緊另一檔來不到, 同埋要說服高層加姑娘不經急症室直接去cath lab 的logistic一定玩殘你.

>>October 14, 2017 at 9:48:35 PM GMT+8

2017 年 8 月 14 日 星期一 【晴】

頭十四晚住的酒店包breakfast, 可惜日日都一模一樣是full english breakfast, 只能同嬸嬸講今日不要多士, 不要果醬, 不要煙肉腸或蛋. 而且逐個客人到即叫即煮, 即是要食一定要比足時間早起床. 所以食得幾日都頂唔住食前一晚買定的生果或朱古力, 訓多一陣.

而午飯, 絕大部份日子都在飯堂解決, 因為就腳, 同埋日日有湯飲, 西式野好食. 還有炒飯和炒麵, 不過每日一模一樣, 而且超多油. 食得幾個星期, 發現坉舁attern係星期五一定是fish and chips 因為天主教徒星期五不食地上的動物和飛鳥, 魚就得.

>>October 14, 2017 at 9:48:59 PM GMT+8

2017 年 8 月 13 日 星期日 【晴】

今日是orientation日, 聽下岏螞撠|的歷史, 消防設備, 保護兒童措施等等.
午尷榴ummer好好味
放學求其坐了架巴士去行街, 食了杯amorino雪糕, 去到leicester square, 這裏好旺, 有人表演 有歌劇即場票賣, 有m&m四層專門店, lego專門店
今晚已經想食飯, 去了印度曙U食briyani, 之後行超市買生果

>>October 14, 2017 at 9:26:22 PM GMT+8

2017 年 8 月 12 日 星期六 【晴】

一落機就可以買EE SIM 咭, 10.5GB 20鎊, 不過我飛前已經在深水埗買左 SIM咭
機場快線Heathrow express 特價, 由25鎊減至15鎊, 15分鐘到市中心paddington
人生路不熟所以就住在市中心paddington, 單人房要共用厠所無問題, 住五樓無電梯才是問題, 好在哥哥仔幫我抬埋行李上去.
在倫敦全日的有32日, bus and tram pass得30日, 所以頭尾各一日行路, 當熟習下環境.
行個公園大到行來行去都行不完.
白金漢宮門外有競步比賽, 無交摺看.
待續

>>October 2, 2017 at 11:35:49 PM GMT+8

2017 年 8 月 11 日 星期五 【晴】

今晚飛去倫敦Royal Free Hospital受訓一個月, emergency geriatrics
同學Ben Wong 去瑞士開會同機, 何浩賢同朋友去倫敦旅行早半小時起飛但在機場見不到.
行李好重.

>>October 2, 2017 at 11:23:03 PM GMT+8

2017 年 7 月 19 日 星期三 【晴】

今日教ACLS做lead instructor, 戰戰驚驚, 除左遲左幾分鐘出現之外, 有一位學員要講全英語所以很多時間講英文, 有一位學員是大學同學, 同埋我是第一次做lead instructor的.
事緣急症醫學院是本港辦此課程的始祖, 以往對此課程很大需求. 可是近年, 醫管局自己也有辦明愛和鄧肇堅訓練中心的課程, 自行訓練導師, 把內需自行搞掂而不再向急症醫學院購買服務, 所以學院的收生人數一落千丈. 今次原本六位導師教兩日, 但收生不足會導致蝕本, 所以請走了一人, 就是原來的lead instructor, 我就臨時補了這個位置.
還有明天, 努力!

>>July 20, 2017 at 4:49:35 PM GMT+8