2023 年 2 月 21 日 星期二 【晴】

今日全日都是博物館.
上午去了最後一天的科學館恐龍展. 今次是第三次去, 之前兩次都不夠時間看, 只能在接送返學中間果幾個鐘來回看. 又要看中文, 又要看英文, 又要看實物, 看完要比較, 轉過頭又唔記得. 今日終於完成了, 仲有好多要再温習.

今日時間多些, 去了佐敦食下午茶, 再坐地鐵返去接大女. 先去太空館買飛睇天象廳, 但是要晚上8點. 所以先去香港藝術館. 可以看得好快, 除左坐下看海港和去厠所以外, 對腳不用停下來, 因為全部都唔明白.

看完藝術館再過隔離太空館, 其實展覽之前都看過幾次, 不過每次看都明多少少, 同埋每次帶小朋友去都只能看少少.
在太空館等埋細女放學, 兩個女亂跑多一陣, 就去了星光行食潮江春, 食完8點前太太帶大女去天象廳, 我就同細女去幻彩香江, 不過她唔識欣賞, 比較喜歡個鐘樓, 又要坐船, 之後才回家.

>>February 23, 2023 at 11:32:20 AM GMT+8

2022 年 12 月 23 日 星期五 【晴】

日日都好忙, 昨天為了方便送大女去camp, 全家去了如心酒店staycation. 現在未通關, checkin都排了半小時, 通左關點算. 下星期通左關的話, 返工仲要看埋這班由原產地直送的病人, 一定不夠床位. 打得針的就打, 不能打的就自己小心點.
其實製造了武漢肺炎這隻病毒已經是錯, 全球經過了三年的打擊現在開始復甦之際, 這強國頂唔住反抗預備通關, 將會是下一輪病毒大爆發的來臨, 仲要頂埋這輪不知幾耐才可以恢復正常.

我其實想講, 這幾年又話經濟差, 樓價跌. 都唔知點解我交的差餉完全無跌! 現在又是時候交下一季差餉了.

>>December 24, 2022 at 8:12:05 AM GMT+8

2022 年 10 月 28 日 星期五 【晴】

又是一個繁忙的星期六, 上午家姐去上英文班和珠算班.
其實珠算好好玩, 都唔明點解會無心機學.
放學就直去廸士尼樂園. 今天是銀卡去完五次所謂送一次星期六可以用, 根本就唔算送, 過左這年會員之後的才算送嘛. 好多東西拿, 雙人BB車都載到滿滿. 入到去超多人, 駛唔駛咁多人, 入到去都做不到甚麼.
未食晏所以直接去大冒險家食半自助午飯. 排了十多分鐘真的不算耐了. 真是好多野食, 是樂園入面咁多間最抵食和最飽的一間.
最驚喜是有mango lassi, 自從year 5去完印度回來後次次有都會叫. 今次不客氣飲了三杯, 又食到飽飽. 個問題不是食得飽, 是食飽後離開時兩位公主要抱, 頂住頂住.
一來遲入場, 二來人太多, 三來大部份活動都試過了, 所以不用衝, 我反而想hea. 今次入場只看了一個節目, 4個disney 入面的惡人表演, 其中3個都不認識的, 看一次就夠了.
入去的時候以為是即場, 點知入了去等候區才知奶野. 5點入等候區等看18:35果場!!! 等一個半鐘, 唔係呀嘛, 又真是有幾百人心甘情願比困住個半鐘等睇個表演. 同埋當你唔等出返去, 出面周圍都是長龍, 無野好講. 還是平日入場好. 等候區不能入BB車, 這個半鐘抱住亞妹, 抱到訓著, 再開塊墊坐, 才放低亞妹, 累, 四肢疼痛.
離開前又要去紀念品店, 其實都無野想買, 都唔知點兩姐妹都買到野. 入多幾次場真係間屋再大都唔掂.
今晚場煙花是9點半, 太夜了, 好多人早一兩個鐘已經坐住係度等煙花, 真是個picnic埋個晚飯才可以等咁耐呢.

本身今晚是毒理文憑的頒授儀式, 但我唔去了, 唔去都一樣有文憑的. 去又要時間, 拿証書又要變身, 千萬個不願意呢.

>>October 29, 2022 at 6:31:20 PM GMT+8

2022 年 9 月 6 日 星期二 【晴】

我正在為college課本第三版的其中三課重寫, 都改左好耐, 又要找新資料, 又要讀多幾次看看順不順暢.
點知剛剛收尾其中一課的時候, 發現英國NICE 今天出了新指引, 81頁, 又要重新改過了, 唉!

>>September 7, 2022 at 2:45:51 PM GMT+8

2022 年 6 月 5 日 星期日 【晴】

經過了一年半的努力, 今早終於考了毒理科文憑筆試.
同樣是預備了一年半， 同樣是三個小時的筆試，同久別了的A-level 一樣.
不同的是A-level的syllabus 可以重覆讀好多次，讀到我連個syllabus都背到出來. 毒理我讀來讀去都讀唔完，或者又係果句，歷久常新, 讀完都好快唔記得. 仲要個個月捕住個每月例會講過的簡報再讀埋.
你估我仲係18,22咩, 18加22就差唔多. 個腦無轉得咁快, d野要重覆讀好多次嘛, 同埋考完個院士咁多年, 要我重新開機讀書真是有點困難. 讀來讀去都唔識, 死背都唔掂, 真是要由每個molecule的chemical structure開始畫返出來解到明白, 係好玩的, 但是好累, 同埋好多preclinical 的野在 problem based learning 的時候真是不會去讀到咁清楚, 解決左個問題就算. 個人認為在好多野要讀的學習上, 做返填鴨和examination based learning 才真正學到野. 無疑problem based learning 是要你學習尋求新知識的方法, 但你明明有個識晒的專家係度無理由唔比個專家教我, 要我自己去找方法學又唔知學得對不對, 要我用咁多心力去找來學唔該你填鴨下我好了, 到我做到一等一的專家無人教到我才要我做problem based learning.
以前就全職學生, 現在就全職湊女, 兼職返工, 只能在接女放學前到香港大學圖書館讀一陣, 坐地鐵讀一陣. 所以真的不能夠駕車, 駕了車連這一點讀書時間都無埋.
讀過內科, 皮膚科, 兒科文憑, 心臟科碩士, 這些都不及毒理科這文憑難讀. 這令我聯想到某微生物學的文憑, 應該是超過碩士的難度, 仲要寫dissertation, 但只比個文憑你.
後記: 校刋接受了小弟的毒理文憑研究習作, 回顧過往12年本港的雞泡魚中毒個案, 正排版預備刋登. 先多謝各位支持.

>>June 23, 2022 at 5:29:25 PM GMT+8

2022 年 5 月 13 日 星期五 【晴】

我幾十年都不食外賣, 現在不是我要食都很多時要買外賣.
這一年每次買外賣都覺得很罪惡, 為了自己食野就製造很多垃圾, 這些垃圾根本不應該出現, 而是我們做得不夠好的結果.
外賣電單車速遞就更加不應該, 電單車本身就危險, 又危險又製造垃圾是雙重錯誤. 今朝同事們連早X都叫埋外賣速遞, 我非常鄙視. 唔好比我知道仲有人要影埋相上網. 大佬外面落住雨你叫外賣哥哥駛架電單車送野上來, 人地有乜意外點過意得去, 莫講話自己找人來急救, 外賣哥哥都係人地個仔, 唔可以你有錢就任性.
飯堂又唔係難食, 又唔係無得你食, 只是悶, 日日都是雞牛魚豬扒配煎炒蛋火腿腸和火腿沙爹牛肉丁肉燥通粉米粉, 再唔係車仔麵同粥炒三文治, 出街食咪又係食這些, 外賣哥哥也是送這些食物比你食, 很無謂. 唔該安份守己, 食返大家應該食的飯堂. 你地這樣令到飯堂執埋的話, 我這些人就會無辜辜地無野食.

所以今年推出的是綠色債券, 而不是普通債券; 消費也要選黃店定藍店自己決定. 錢要用得其所, 幫襯邊間也要有背後的目的.

最後, 利益申報, 本人並未持有大家樂集團0341 股票.

>>May 14, 2022 at 12:45:35 AM GMT+8

2022 年 5 月 12 日 星期四 【晴】

Call 房浴室唔知點解無熱水, 焗住沖左個凍水涼.

>>May 13, 2022 at 11:50:51 PM GMT+8

2022 年 5 月 7 日 星期六 【晴】

今日第一次洗胃, 值得記錄下.
See one, do one了, 下次 teach one.

>>May 8, 2022 at 12:28:46 PM GMT+8

2022 年 5 月 5 日 星期四 【晴】

這幾天坐小巴經過域多利道近殮房對面, 都有一大條人龍排隊. 原來是菲律賓選總統, 所以好多姐姐排隊投票, 一人一票. 這些姐姐擁有著個mum都無的選總統投票權, 在海外也能投票的權.
如果說移民外國是做二等公民, 在香港的亞mum們又何償唔係呢.

>>May 6, 2022 at 11:31:01 AM GMT+8

2022 年 4 月 6 日 星期三 【晴】

其實消費券只是政府唔肯減稅, 把我們交稅的其中一萬蚊用電子方式比返我, 仲要是擠牙膏咁分幾次比, 這些錢根本就是屬於我的, 正常咁用實用得晒, 完全無想過要去消費囉.

>>April 14, 2022 at 12:34:44 PM GMT+8