2015 年 10 月 7 日 星期三 【晴】

這個月的時間表是一截截的, 返幾日放幾日. 今日是四日三夜宿營的第二日.
上午去了衞生防護中心主持一個medicolegal symposium. 講多次, 是主持不是聽書.
一早從茶餐廳出發也差點遲到, 仲要只食了個飽仔, 因為時間不夠我食個大早餐, 又不想食菠蘿包和雞尾包這些好肥的包, 行了好多間茶餐廳.
還有在太子站去九龍醫院的小巴等了五架才上到車, 點解咁多人呢.
今日的講者有甘爺, 親王茶餐廳DOM, 馬法醫, 律師, 又是醫生又有幾個法律碩士的人, 又是醫生又是調解員的同事等等... 我負責介紹頭三個和問答環節, 要控制時間又不能問太低B問題. 又餓又緊張又凍.
完成之後一行八人坐兩架的士返茶餐廳繼續training day. 可憐大家遲返, 老細無比返時間食飯之餘, 茶房的training day 午餐已經食完, 只餘下咖哩牛腩汁給我餸福麵, 都好過無.
一返到去先要講一小時我的兩個project, 即電子藥紙和院前心電圖, 四點才有得食福麵.
之後再返工六點做到半夜兩點.

>>October 13, 2015 at 12:27:33 PM GMT+8

2015 年 9 月 28 日 星期一 【晴】

約了朋友食中環小南國, 所以無得回家, 由三日兩夜宿營變了四日三夜.

>>October 13, 2015 at 12:11:02 PM GMT+8

2015 年 9 月 25 日 星期五 【晴】

今日第一次教災難應變課, 在鄧肇堅教, 上午九點講一個半小時書先. 講邦邦教授套簡報真是有難度, 得少少相片同幾隻字點捱一個半小時, 我先自己加了一些實在些的內容才充實. 上課前整了幾日簡報, 因為得個pdf 比我加不到野上去, 要想辦法把我加的投影片變成pdf, 切開原有果個pdf, 加入我的投影片再組合成新的pdf.
之後聽多陣下家教書, 再有兩三個小時午膳時間, 咁悠閒皆因全日都是用自己時間去教.
行左好耐都不知食乜好, 最後食了滑蛋豬扒飯, 不好味.
下午先教一個Station 輪流比三組學生玩三次. 教Scoop stretcher, SKED, Tourniquet. 其實自己都未用過這些野.
之後再全班輪流扮演 Head ofice/ MCO 一隊, prehospital EMS一隊, emergency medical team 一隊輪流扮演各一次, 模擬車禍傷者現場救援. 仲要debriefing埋才走得.

>>October 13, 2015 at 12:09:14 PM GMT+8

2015 年 9 月 18 日 星期五 【晴】

過去四晚無在家晚飯, 今日放工即回家午睡然後晚飯, 甚麼畢業十週年晚宴真是完全不重要呢.

>>September 19, 2015 at 6:12:06 PM GMT+8

2015 年 9 月 17 日 星期四 【晴】

過去三晚無得回家食飯, 本來今日O連街都不想出.

上午收到處方通知有傳媒查詢院前心電圖計劃, 作了篇回覆稿要我過目, 來回了好多電郵.
先導計劃一直未有公開, 為何在模擬訓練後突然有傳媒查詢呢? 估計有前線員工組織一直同處方有牙齒印, 當推行新服務時會有阻力, 利用傳媒是一種手段.
其實在車上做張心電圖有幾難? 茶餐廳助理日日都做過百張啦, 先導計劃估算的每日不足三張真是阻不到救人的工作, 利多於弊.
雙方的牙齒印大家也好明白, 處方深明此道, 三日前的模擬訓練主動邀請前線員工組織代表出席, 而且所有文件由我代表茶餐廳簽, 處方只是同茶餐廳合作, 免除官商勾結嫌疑.
茶餐廳方面, 所有器材(除了用完即棄的心電圖貼之外)在先導計劃完成後都全數歸還機廠, 務求找不到有利益輸送的可能性.
希望工會阻力不會阻礙計劃, 早幾分鐘診斷已經可以救好多生命, 比發明更多新藥的效果更立竿見影.
連醫管局總部也密切期待緊這個先導計劃, 因為搞得掂的話就可以做心臟病發院前分流, 解決到咁多個山頭老細傾左十幾年都講唔掂數的24小時通波仔問題.

有高級同事病了入了院, 就算call R返工也做不到高級野, 所以call了我返P. 雖然已經很累, 我也心业情願返工. 結果又無預備到26日教書的教材.

>>September 19, 2015 at 6:02:33 PM GMT+8

2015 年 9 月 16 日 星期三 【晴】

繼續返工, 放五點後去了眠一眠, 實在太眼訓.
今晚新上任的曾顧問請同事到上環桃花源晚飯, 三圍枱.

>>September 19, 2015 at 5:24:08 PM GMT+8

2015 年 9 月 15 日 星期二 【晴】

今日起本茶餐廳試用電子藥紙, 入後欄的茶客藥物可以電子化, 不用再看核突字.
雖然無甚麼幫助, 但在第一日試用要我返工在場, 特此賣血兩小時.

>>September 19, 2015 at 5:21:42 PM GMT+8

2015 年 9 月 14 日 星期一 【晴】

日日都咁忙, 書都無時間讀. 今朝晨早返茶餐廳跟老細們坐車到葛量洪後面的救護站, 跟官員和機廠做模擬半天心電圖機訓練.
下午坐車到北角食素食份子下午茶, 不錯. 之後再返工放半夜兩點.

>>September 19, 2015 at 5:18:50 PM GMT+8

2015 年 9 月 10 日 星期四 【晴】

近日忙得交關, 由於今日下午要去皇后酒店K座2樓以前圖書館的香港大學臨床研究中心做演習, 所以上午順手在茶餐廳賣了血幾小時.
趕快午飯完就到了演習地方, 模擬有接受研究的病人要搶救, 劇本要送埋上深切治療部. 我扮演central resuscitation team, 做完演習要開會, 然後寫埋報告及建議交功課.
在辦公室作作下報告, 點知高級藥劑師找我要些材料讓她同藥劑師們交更, 介紹本部門16/9 開始啓用的電子藥單系統. 要想辦法把屯門雷爺的85MB簡報連錄影在茶餐廳網絡容許下保密地給她, 真是考起. 又要找個病例即刻做份好多藥的藥單來示範, 星期五過了放工時間又無輸送隊, 唯有自己行一轉.
做完這些後再落沙宣道圖書館借預約了的兩本書才能回家.

>>September 13, 2015 at 5:44:10 PM GMT+8

2015 年 9 月 5 日 星期六 【晴】

今日第七次走兒科文憑堂, 去了屋苑選區區議員搞的一日遊, 順便看看自己適不適合當議員. 答案是不能, 因為我是實幹型, 不太喜歡同選民打交道, 我至少應該做行政會議甚麼都保密不用交代.

今次一日遊有四架旅遊巴二百多人, 大部份年紀是我雙倍或以上. 先去馬尿水分兩架船, 沿吐露港和印洲堂海峽前往吉澳, 途中先兜鴨洲一周, 又真是幾似隻鴨. 原來到吉澳要禁區紙, 而且無公共交通工具去. 印象中這裏好似有來過又好似無來過, 也不肯定. 這裏的午餐很好味, 粥也很濃, 又有曬乾的海味做餸. 其實這島的景點得一間天后廟, 入面對鬼佬門神和縮門門神也好得意, 相傳是有外籍人士整爛左廟的門要幫手整返好, 但未見過門神, 只能照撲克牌上的公仔來畫. 而門神出處就是唐太宗打江山殺人太多, 晚上發夢有鬼怪打擾, 命忘記甚麼名字的兩位將軍把守門口, 之後情況好轉怕將軍辛苦, 改畫門神辟邪. 信則有, 不信則無. 唯一可以肯定的係, 這島上的茶果和墨魚丸好好味.

之後坐個多小時船, 沿著中港水上邊界去東平洲, 不遠處已經是中國, 還有中國水警超過香港水域唔知搞乜. 東北洲我就記得來過, 看頁岩, 媽說我們也去過更樓石, 真是一點印象也沒有. 就這樣行了一小段已經用了一小時的活動時間, 不夠時間去看斬頸洲, , 不夠時間看五十元紙幣後面的難過水, 不夠時間食菠蘿冰紅荳冰. 這裏可以游泳和浮潛, 下次可以試下.
玩完回家手臂紅晒...

>>September 7, 2015 at 4:59:27 PM GMT+8