2016 年 7 月 6 日 星期三 【晴】

心電圖大會選今日開是有原因的, 昨天是急症科每月例會, 今日是本部門每月訓練日, 可以請上校來一連兩日講兩次書書一石二鳥.
上午開了兩小時會議, 大家也講返很多以前講過的簡報, 重頭戲當然是我要發表的簡報, 因為大家做了咁多個月就是等入面的數字, 全部都是我用自己時間做的, 部門一秒鐘的時間都無支持過我去鍵入和分析資料.
結論是院前心電圖有效地縮短通波仔時間.
可是, 有出醜地方. 由於資料由兩部份來源, 一是所有做了的心電圖, 一是先導計劃期間內的通波仔數據, 由於整合要時間, 前者資料到今年六月, 後者資料到今年五月, 結果兩套數據數字有出入, 條數不夾, 真是要續個再看返.
今日會議時間不夠, 結果下午用來講書的一小時用了給上校講新加坡做法, 數據和分享經驗, 連助理處長也特別留到下午聽埋才走.

>>July 15, 2016 at 2:50:12 AM GMT+8

2016 年 7 月 5 日 星期二 【晴】

今日返七放三, 所有攝得的時間都在做明天開會的簡報.
之後去上每月急症科的例牌堂, 不過地點轉了去明愛, 超難去, 七哥車大家去但無車位要行斜路上, 又要爬樓梯, 應該可以成左𠴲謍雃h病人來, 如果好似以前新聞咁有人在院外暈倒就大鑊了.
六點前, 我們好辛苦從新加坡請來的醫官終於來到了. 是次行程由心電圖機廠贊助其機票酒店, 由醫院和消防處出面邀請他來交流, 分享新加坡好多年前已經做得好好的經驗. 新加坡的消防救護由軍方負責, 所以嘉賓是上校.
上校這堂書其實我今年在百勝角聽過一次, 今次再聽又學到野, 非常精彩, 至少比各大小老闆知道香港是多麼落後.
講書後, 徐老闆請了上校和大家到彩晶軒晚飯, 心臟科, 深切治療, 消防處醫務總監等都有出席, 大家傾得好開心, 因為實在有太多地方要合作, 也為明天要開的心電圖大會奠下良好契基.

>>July 15, 2016 at 2:24:32 AM GMT+8

2016 年 7 月 3 日 星期日 【晴】

連返九日的第二日.
今早十點代表部門開IPMOE會, 即是把全院派藥電腦化的計劃, 見到李禮峯一齊吹水.
講左一輪都未有結果, 其實都未燒到茶曙U果部份, 只是深切治療部關注點樣同現時電腦連繫.
之後絲續返工到七點半.
今晚在張胡居煮飯食, 無奈等到八點幾才有得食.

>>July 11, 2016 at 11:15:27 AM GMT+8

2016 年 7 月 2 日 星期六 【晴】

今日去了深水埗教堂, 再同親戚飲茶.
其實教會的人咁有心機, 如果用來做學問, 這世間應該會好勁.
下午返三點, 連返八日的第一日.

>>July 3, 2016 at 12:34:37 PM GMT+8

2016 年 7 月 1 日 星期五 【晴】

A N 完真是又累又易忟.
中午到上水飲茶, 飲完撞到蛇媽, 再想行去河上鄉, 但行不到.
晚上返油塘訓, 真是超舒服, 可以訓蓆又不用捱冷氣.

>>July 3, 2016 at 12:31:36 PM GMT+8

2016 年 6 月 15 日 星期三 【晴】

講到昨天下新濠天地車就入了賭場, 之後再坐賭場車到市中心新麗華. 忘記了提, 在澳門半島上的賭場車, 前往賭場仍是免費, 但離開賭場就要求有消費換車票, 三月起實施的, 很不方便. 而在氹仔島上的賭場車仍是全部免費.
到市中心行陣, 唱了葡幣, 食過焗葡國雞飯和豬扒包後, 沿途去大三巴的路上食了好多次杏仁餅, 塊塊試食都大大塊好似唔駛本咁, 食到夠晒不用買. 仲有葡撻, 當知道澳門最正宗的葡撻也只是英國人從葡萄牙90年學返來之後, 真是無興趣食, 而且食過正宗里斯本修導院旁果間葡撻, 又點會再食澳門葡撻呢.
行了大三巴, 去埋隔離澳門博物館, 昨天是十五日, 即是每月免費一天的日子, 慳返十五元入場費. 之後飲左蜂蜜蘆薈, 行去找酒店, 沿途見到禮記雪糕但太飽吃不下, checkin酒店時職員說送埋二人下午茶, 原來是兩層高的英式下午茶和飲品.
之後行了附近塔石廣場, 中央圖書館, 坐車到關閘行, 同上水一樣好多大陸人, 周圍是水貨店. 沿地圖上的顏色線行了林則徐展覽館, 經過賽狗場的殯儀街去到舊牛房的藝術中心, 再前行去紅街市. 澳門同香港一樣靠大陸輸入物資, 無乜特別野好買. 不過澳門好多小商戶, 無乜大企業壟斷. 再行食了豆腐花, 在三盞燈食了豬皮蛋加平時豬腳薑的醋, 不用食豬腳和薑真好. 再食了緬甸椰汁雞麵和魚湯麵做晚飯.
經過消防博物館, 行到鏡湖醫院看了孫中山畫碑, 再返酒店.
好累.

第二天食了酒店自助早飯, 退房後坐穿梭車到港澳碼頭, 確定用葡幣買回程船票是同港幣同價後就去唱多些葡幣, 之後坐賭場車去了永利, 有條大龍表演出來看, 再到對面星際城市坐賭場車去銀河, 繼續鑽研賭術但一舖都無賭過, 再坐車到對面威尼斯人看室內運河商場. 運河上的貢多拉艇是有摩打推動的, 而且只是用普通船槳, 而威尼斯的當然是人力划的, 同埋用特製的槳的, 只有幾個師傅識做.在威尼斯人的美食廣場食品價錢是正常的雙倍, 所以就用行人扶手電梯去了十分鐘路程外的官也街食午飯, 食了大利來豬扒包, 但唔知點解不用排隊; 再食了松山焗骨飯和魚蛋粉. 再買了晃記杏仁餅.
回程時行埋龍環葡韻五間屋, 之後在威尼斯人坐車去了金沙, 學埋輪盤和番攤.
忘記一提, 澳門賭場現在全部以港幣下注, 不收葡幣, 不想塗毒自己人.
之後行住揾野食, 但上一頓飯未落格, 同埋食了太多肉根本不想食, 所以無食到, 去了葡京新葡京都無車坐, 過返對面永利又話要車票, 結果坐多次星際城市的銀河車去轉氹仔碼頭車, 坐夜船回港.
買船票也要講下, 澳門居民買一送一平好多, 點解香港人無這個福利?

>>June 19, 2016 at 6:41:01 PM GMT+8

2016 年 6 月 14 日 星期二 【晴】

這兩天放連假, 無R果隻, 好難得, 因為出時間表的人每每只想滿足相隔八小時才可上班的要求而出好多POA, 令到O好難有相連的機會, 亦令同事放完O都無充電的感覺.我本想這兩天找個美食之旅去休息一下, 太太要返工無假期, 所以最好是用來隔伴媽媽.
可是問過美食之旅, 這兩天成團的都是大食團, 又多自助, 媽不喜歡, 她喜歡看風景的, 而且食量少, 食得多反而會嘔. 所以成了團的都不適合, 我們決定去澳門兩天, 順便用了累積十晚加一以換取的一晚酒店.
選了在上環出發, 因為中港城船少黃牛黨買晒好多船票, 上環十五分鐘一班船比較密.
到目前為止我是第二次去澳門, 上一次大約是十年前了. 今次去想看看新酒店有如何的豪華.
上岸後我本想去威尼斯人先, 媽見隔離有姐姐派抽獎咭就過了隔離新濠天地架車. 結果咭的內容是叫你消費, 沒有網上傳聞的免費八字摩天輪門票送, 都無所謂, 媽說其實對此興趣不大, 只是唔好蝕的心態. 後來明天坐車時經過見到這八字摩天輪, 真是幾得意, 但實在無衝動要比錢坐.
下車後直入賭場, 日間的賭客不是太多. 綜合這兩天的觀察, 也有新發現.
我一向只識玩骰寶即是大小, 骰寶只有買一二三四五六點才是一半一半機會贏或輸, 基於無一粒骰子是完全平圴的事實, 每粒骰子總會有各一個號碼出現多些, 所以應買一二三四五六點才會有機會穩贏. 如果這三粒骰子中各自出現較多的號碼同時較大就會開大, 反之亦然, 有大有細就會中和了.
今次我看後多一步, 觀察到就算同一個數字連續出現好多次, 或大或小連續現好多次, 最多十二至十三舖後這規律就會改變, 變成另一個規律. 究竟有甚麼事情發生了? 我估計是骰盅的敲動不穩定令骰子的分佈到咁上下就會移去別的位置, 令骰子的拋動也不同了, 所以同一數字, 或大或小, 觀察的時段都不會全個螢幕洗板.

>>June 17, 2016 at 4:28:42 PM GMT+8

2016 年 5 月 29 日 星期日 【晴】

我覺得以前大家庭的人一生生十個八個仔女好叻, 點壞都有一兩個會陪住自己.
爸爸離開了一年多, 我上月結婚, 恒昨天結婚, 晚上就去蜜月三星期, 突然間媽自己一人住個三房單位, 點都會有點空虛孤單的感覺. 我做仔的也只能在不用返工和不用交人時就返去下午茶和晚飯. 昨晚也專登陪媽返去油塘訓. 每日穿梭醫院, 堅尼地城和油塘, 如果多幾個兄弟姊妹大家分擔下就好了.
我也覺得有點吃力, 時常來回堅尼地城和油塘也有點折騰, 穎也覺得來回堅尼地城和上水有困難, 而且每星期一兩次她太掛念娘家. 所以搬家也是遲早的事.

>>May 31, 2016 at 5:20:29 PM GMT+8

2016 年 5 月 28 日 星期六 【晴】

今天是弟弟和怡結婚的日子.
女家選了在悅來酒店出門, 我做大哥大嫂也有得飲茶, 第一次派利是.

之後去了銅鑼灣遊艇會午飯, 証婚, 茶會.
午飯吃得太飽, 茶會吃不下, 總體來說食物不錯.
遊艇會看來比較高級, 露天場地也是怡心目中的地點. 不過完成之後我個人來說覺得場地比較熱, 而且由於周圍起緊隧道有很多圍板影響景觀, 加上地點遠離公共交通賓客離開有點不方便.

之後原本28座旅遊車去尖東洲際晚飯, 點知不夠位坐, 哥和嫂要自己坐地鐵去...
媽和穎在尖東把遊艇會佈置用的鮮花送給很多尖東外傭姐姐, 派了成個紅白藍咁大袋鮮花. 香港人戒心很重, 派花都不想要, 反而外傭姐姐就好開心地道謝.
晚飯完媽穎和我返油塘訓.

>>May 31, 2016 at 5:00:36 PM GMT+8

2016 年 5 月 27 日 星期五 【晴】

昨天和今天都去了東區上堂, Simulation, Train the trainer 課程, 真不是我風格.
這兩日其中一日是亞公時間, 一日是自己時間, 上完真是不想再上. 發展這Simulation其實是好, 即是用盡所有工具去模擬真實情況去做訓練, 然後戲肉在之後的Debriefing.
Debriefing 用至少雙倍模擬的時間, 講返頭先做過乜, 最慘是要我平時直腸直肚的人, 兜圈引導受訓者自己講自己感受, 做錯乜, 反省之類, 等呇n下台, 肯放開戒心去承認做錯左, 由受訓者自己引爆做錯乜好過要被人話無咁難受... 可是要我這樣說話我就真的好難受.

昨天放學後去了上水娘家晚飯, 之後返油塘訓.

兩日後, 部門想叫我六月再去上多四日, 我說暫時頂不住, 要休息下先, 下次有機會再上過.

>>May 31, 2016 at 4:38:45 PM GMT+8