2016 年 10 月 27 日 星期四 【晴】

好忙, 兩日的SSEM竟然比full study leave我, 當然有蹺蹊, 因為我做講者, 今日第一日上午講自己做的院前心電圖, 下午開記者會, 第二日下午在另一個會再講第二次.
記者會後電視台話要返醫院影, 但是的士人龍又好長, 結果坐了隔離葛量洪的非緊急順風車返去影埋才走得.
今晚無飯開, 返去訓醒想食麥記, 點知附近果間裝修關門, 結果行一個站去前一間買包食.

>>November 4, 2016 at 5:36:15 PM GMT+8

2016 年 10 月 7 日 星期五 【晴】

最想有的信用卡不是回贈里數，不是回贈現金的，而是回贈工作時間的，一蚊回贈一秒，3600蚊回贈一小時，32400蚊就回贈一個九小時的duty, 夢寐以求!

今日得知一位兼職的醫生辭工，大家知道也衷心恭喜吽C

>>October 8, 2016 at 3:52:21 PM GMT+8

2016 年 10 月 7 日 星期五 【晴】

個幾月無寫過日記, 實在太忙.

>>October 8, 2016 at 7:32:21 AM GMT+8

2016 年 9 月 29 日 星期四 【晴】

這酒店早上無食物供應, 先去看了百水先生設計的焚化爐, 的確幾靚, 仲要在入口處室內有個好靚的免費洗手間, 之後兩日去了市中心的甚麼教堂, 威化餅專門店, 另一個天文鐘, 多瑙河, 維也納國家公墓看莫扎特墓園, 中央市場買野, 皇宮, 詩詩皇后博物館.

>>November 4, 2016 at 5:28:51 PM GMT+8

2016 年 9 月 28 日 星期三 【晴】

火車下午四點才開去維也納, 所以酒店breakfast後仲有半日玩.
上午行左兩個街口就見到街上市集, 大鑊, 這樣就無左個幾鐘.
今早也去了奧地利銀行, 因為有人把張五十元歐羅放入鞋中, 發現被磨爛了, 同埋無了一隻角, 買野無人肯收, 所以要去歐元的發鈔銀行更換一張紙幣, 成�.
之後去了市內仙樂飄飄的橋, 莫扎特出生的樓宇, 莫扎特廣場, 洗馬池等, 修導院的道路維修上不到. 很趕連午飯也無時間食, 只食了當地熱狗, 再返酒店拿行李去坐火車.
晚飯在酒店附近的意大利店食.
維也納的生活水平高過之前城市好多, 一樣的價錢酒店差了, 好在只是住三晚.

>>November 4, 2016 at 5:14:32 PM GMT+8

2016 年 9 月 27 日 星期二 【晴】

薩爾斯堡是電影仙樂飄飄的拍攝地, 連同周邊的拍攝場景成為了半日遊的旅行團景點, 這個主題已經賣了幾十年但每日仍然不停有人來看. 今日我們就這仙樂飄飄主題, 加埋Hallstatt的一日遊. 其實一日遊仍有不少場景是去不到的, 不夠時間玩, 同埋一家大細根本行不快所以無辦法.
Hallstatt是古舊的湖邊村落, 景色很美麗, 本身也應遊一日, 由於交通不便, 最好仲住埋.
今日一日遊是八人車包車, 我做了一日翻譯好累, 好似自己帶左一日團, 而不是去玩了一日.
今晚又去超市買野, 其實這裏無乜手信, 最多只買威化餅, 鹽也不是特別多.
晚上食了意大利店, 真是好慢, 又好焗, 唔明點解外國人無通風都不開下窗.

>>November 4, 2016 at 5:12:32 PM GMT+8

2016 年 9 月 26 日 星期一 【晴】

中世紀酒店的早點好少野食, 只有炒蛋食胃口, 煙肉太肥, 芝士硬包無興趣, 奶就飲大量.
先上五花塔, 很高, 以前的人起這塔真辛苦. 再去隔離城堡, 不跟導賞團不能入室內看古物, 可是跟了英文導賞團一樣聽不明, 早知跟個平些的捷克語導賞團, 反正都聽唔明 -_-"
買導賞團票到入場有兩個幾鐘, 所以行了下山找食店, 好在找到, 又是傳統捷克菜, 但這裏食野地方多數有每日菜單, 平些又快些.
看完城堡返酒店拿行李, 訂了ckshuttle公司的車在酒店接我們, 到下一站薩爾斯堡. 司機哥哥好有禮貌, 到一個不正常的地步好唔慣. 除了訂金外還有4200Kc未比, 我們把身上的捷克錢比晒他, 再補餘數歐元, 加齊頭做貼士, 大家都好, 因為捷克錢離開捷克就無用, 唱返轉頭又唔抵.
中途站的休息站洗手間由便利店打理, 用一次0.5歐羅, 之後拿這收據在便利店購物有0.5歐羅優惠. 不過掉返轉, 即是先買野後去洗手間就可能無優惠...
車送到火車站, 到酒店就要加錢, 而今晚薩爾斯堡酒店在火車站隔兩條街, 行過去所以無加錢.
晚嬰b酒店介紹的奧地利食店, 老闆好高傲, 結果我們完全無比貼士.

>>November 4, 2016 at 5:00:11 PM GMT+8

2016 年 9 月 25 日 星期日 【晴】

布拉格住了三晚, 今日上午無行程, 早屨嵹h房, 然後用坐埋第二十三小時的一日票坐電車去旅遊巴站, 坐預訂了的student agency的旅遊巴去第二點, 中世紀小城Cesky Krumlov, 兩個多小時就到了.
這小城較少車, 全是舖了的石頭路, 拉夾也有困難. 中世紀的酒店無電梯, 所以服務員要為大家服務了. 酒店是全木傢俱, 入筍無用釘的, 勁. 中世紀建築所以也不設冷氣, 但天氣涼所以無問題. 這小城只看兩個景點, 五花塔和城堡, 我房的窗就望正五花塔, 第二天起床還見到塔上有熱氣球在飄.
安頓了都已經四點, 景點今天不用行, 就在中世紀古城裏閒逛也很好, 由於周圍都影相靚, 所以舉步為艱, 不停要影相, 每個位再加上不同組合.
在河邊的露天曙U食了遲來的午飯, 是很大盤的捷克菜, 抬頭就是五花塔.
全個小城只有兩間超市, 六點關門, 午飯後還剛好買到雪條, 但不是很好味.
晚上食的傳統捷克菜曙U很古舊, 有點像從前從山中挖出來的洞穴, 有點焗, 不過很好味.
這個小城如果跟旅行團來最多一日遊, 不會過夜, 有點浪費.

>>October 17, 2016 at 5:38:04 AM GMT+8

2016 年 9 月 24 日 星期六 【晴】

今日到遠些的城堡區遊覽, 所以可以買一日票, 110Kc, 除三計港幣大約36港元, 很抵坐. 布拉格的電車本身就是一個景點, 百坐不厭, 有傳統的電車, 也有新的同其他城市一樣的低地台電車. 無論是電車或地鐵, 除了同其他城市一樣無人查票, 另一特點是加速和減速都好快, 需要找安全位置和緊握扶手. 而地鐵的建造落到地底好深, 有部份車站的扶手電梯較急速和直, 老人家要小心, 有點像在玩機動遊戲的感覺.
去了布拉格城堡, 入面的教堂, 黃金巷, 看正午交更, 再轉電車到附近Petrin Hill坐纜車, 看了Lennon wall, 查理橋, 跳舞大樓.

>>October 17, 2016 at 5:14:47 AM GMT+8

2016 年 9 月 23 日 星期五 【晴】

要一班自由行的人早起是很難的, 在大家出發前我已經在附近唱完錢回來.
布拉格又叫千塔之城, 其實歐洲好多城市都有好多塔, 反而紅頂屋仔就幾靚.
酒店的早點歐洲來說就好好, 亞洲來說就無乜野食, 有不同種類的乾硬麫包, 傳統蛋糕, 乳酪火腿蔬果, 但我要的熱食得兩兜, 但可以不停飲奶.
今天行程只在市中心看, 市民會館, 火藥門, 皇家之路, 舊市政廳廣場, 天文鐘, 午飯, 市集. 之後媽媽不夠訓頭暈, 我和媽訓酒店休息.
最不習慣是食每樣野都要分七份, 記得我在澳洲食袋鼠肉一定要自己食一份.

>>October 17, 2016 at 5:03:14 AM GMT+8