2008 年 1 月 12 日 星期六 【晴】

Title：美美廚房

　　今晚既午餐：滷水雞翼豆苗魚手指飯



>>February 2, 2008 at 3:30:23 PM GMT+8

2008 年 1 月 11 日 星期五 【晴】

Title：美美廚房

　　今日既午餐：西芹雞柳蝦仁飯



>>February 2, 2008 at 3:02:43 PM GMT+8

2008 年 1 月 10 日 星期四 【晴】

Title：美美廚房

西芹雞寶蝦仁腸仔飯



>>February 2, 2008 at 2:53:03 PM GMT+8

2008 年 1 月 8 日 星期二 【晴】

Title：科學館 Day

　　今日本來諗住去 Todai 食 Buffet ，點知超多人，要俾百幾蚊食個 Lunch 仲要排隊等成個鐘先有得食，當然唔等啦！之後去左天地睇左陣書，又係尖沙咀兜左個圈搵野食，最後都搵到 Buffet --- 就係去漢陽苑食韓燒！同美美都係第一次食韓燒，食左好多野呢！

　　跟住食飽飽，就行左去科學館，因為今日免費．我地一開始就上左去上面玩，玩左幾個展品：


揸真車既美美


坐左喺潛水艇既美美


玩緊大倉鼠 DumDum 轉既滙滙

　　之後落去最低層，發覺原來最好玩，其中體能挑戰最好玩．玩完就返左屋企抖左一陣，然後就搭巴士去好運中心既大家樂 "鋸扒" lu．

>>February 3, 2008 at 3:51:08 PM GMT+8

2008 年 1 月 5 日 星期六 【晴】

Title：美美廚房

　　很豐富的一餐：西蘭花秀珍菇玉子豆腐茄汁豆飯



>>February 2, 2008 at 2:52:37 PM GMT+8

2008 年 1 月 3 日 星期四 【晴】

Title：Annual Dinner Day

　　今日係 Annual Dinner 既大日子，我地分店全部同事分開左三班返工，我返左第二班，幸好都仲有得食飯．2008 年嘅第一餐：豉椒雞柳飯



　　之後兩點九就有得收工，跟住我地就趕住清機，清完機就趕住換衫．然後成班浩浩蕩蕩行左去偉華中心出面等巴士去過關，因為我地今年要返大陸食 Annual Dinner．上左車我地就舉行孖寶賽車大戰，最多有六部機連線激戰，戰情非常緊湊呢！

　　坐左個幾兩個鐘就到，我地係第一間門市到呢！本來諗住繼續打機，點知我、阿德同阿Roy俾人捉左去坐 Counter，幫人對 ”燈謎” 答案，超爆慘！！之後就見到其他門市陸續黎到，我地幾個 Trainee 終於可以集齊一齊影幅合照喇！


Crystal + Yuki + 傑 + 我 + Kitty + Ann

　　之後 Annual Dinner 就黎開始，我地就放監喇！今次幸好有得被編同美美同檯，所以有得一齊坐．



　　但係今餐就真係麻麻地， D 野食唔咪好好味，好多同事都無咩點食野，而我就有理無理食左先，最尾都食到 OK 飽！今年都一樣有抽獎，但係都係無中獎，慘！而最搞笑就係公司頒俾門市既獎，原來連呢 D 頒獎典禮都有得 "派獎" ，今年 "新增" 左 "最佳項目" ！

　　跟住食到九點，我地就搭返過境巴士返香港 lu ！夜晚好凍呢，我地同阿珊、 Ivan 、嘉儀同阿華係上水分別後，就同琪琪 + 阿 Roy 搭火車，之後我同美美係大埔落車返屋企 lu ！

>>January 31, 2008 at 4:32:34 PM GMT+8

2007 年 12 月 31 日 星期一 【晴】

Title：新年快樂！

　　新年快樂！2008年喇，祝各位新年進步！

　　今日雖然係新年，但係都係要返工，美美就 "早有預謀" 地補左今日睇叱吒頒獎禮，所以就放假．但係佢都有黎陪我食 Lunch ，諗唔到食咩，所以就去左 "避風塘" 食飯．點知原來假日 "避風塘" 雖然都有 Set Lunch ，但係就勁唔抵，平日有湯有餸有飯，但係假日同樣價錢，得番湯同埋餸，粥飯都有另外收錢，茶錢又要收，又要加一，結果平時 $100 一個二人餐，今日要 $150 先埋到單．

　　之後美美就出左去 Join 玲兒，我就繼續返工 lu ！

>>January 27, 2008 at 4:06:12 PM GMT+8

2007 年 12 月 30 日 星期日 【晴】

Title：2007 年大事回顧

14/01　第一次收銀

18/01　第一次主持早會

27/01　第一次飲 Sake （日本清酒）

31/01　第一次轉分店（要離開星光了）

01/02　第一次去零售公司實習

16/02　第一次返沙田商務

20/02　第一次去東平洲

10/03　第一次去環球嘉年華 + 睇幻彩詠香江

10/04　第一次去門統實習

01/05　第一次負責促銷 @ 沙商（還記得被 Ban 既 "中英小說對對碰" ）

06/06　第一次寫銷售報告

27/06　第一次參加 "你好商務遊覽團" --- 唱 K

07/08　第一次升職做主管

15/08　第一次去 MegaBox 、第一次同美美睇戲、第一次見到八達通扭蛋機

02/09　第一次做伴郎

03/09　第一次品嚐 "美美廚房" 既出品

13/09　第一次收到美美既禮物 --- T-Shirt 一件

16/09　第一次等 "偶像" --- 基仔

21/09　第一次同美美去游水

11/10　第一次同美美返鄉下

15/10　第一次同美美去楊千嬅 Concert

26/10　第一次同美美去 BBQ

31/10　第一次同美美去食 Buffet

21/11　第一次品嚐 "美美廚房" 既 Cookies 版

25/11　第一次慶祝媽咪既生日

06/12　第一次去迪士尼

07/12　第一次同美美去山頂

25/12　第一次同美美過聖誕 + 收到美美既聖誕禮物

31/12　第一次同美美去倒數

31/12　希望下年仲有得寫 ^o^

>>January 17, 2008 at 3:58:44 PM GMT+8

2007 年 12 月 30 日 星期日 【晴】

Title：除夕夜

　　今日雖然係除夕，不過都係要返工，晏晝有美美既午餐：



　　好彩我地唔咪好似旺角 D 時裝舖咁要開通宵，9 點鐘就有得收工．收左工就同美美、玲兒 + 阿然搭火車出去紅磡，跟住我地就係麥當勞叔叔食 "宵夜" ．

　　之後我地就行落去尖東，係尖東海旁既行人天橋出面企左一陣，諗住係度等倒數．之後點知警察叔叔又放行，我地輾轉下行到去差唔多新世界酒店．跟住就等倒數，今年係美美第一次出去倒數，而今年又第一年又小型煙花慶祝 08 年既來臨，好好彩呢！

　　不過可能唔咪係文化中心，所以氣氛唔咪咁好，希望下次遇岩例假可以早 D 行入去文化中心倒數啦！之後我地就搭火車返去，我送完美美返屋企，之後就搭火車返屋企 lu ！

>>January 17, 2008 at 3:58:33 PM GMT+8

2007 年 12 月 29 日 星期六 【晴】

Title：單車日

　　今朝 10 點幾就踩住單車出去，去馬鞍山 Join 何亨佢地，因為約左佢地去踩單車．但係可能好耐無踩過，踩到去馬鞍山都差唔多無晒力，好彩坐陣又無咩事．跟住就同佢地去左單車公園租單車，原來都幾唔就腳，係富安花園巴士站落車行去都要五分鐘．係等等下佢地既期間，"張國" 突然係身邊出現，之前我都唔知佢會黎既．而最 Eye-Catching 就係張國既裝束，後面仲掛住頂草帽，完全係區瑞強哥哥既 Feel ，當然即刻拎黎戴啦！

　　而因為今次夾埋 KKPoon 教會既弟兄姐妹一齊去，所以今次有差唔多 20 人一齊，場面都幾壯觀！跟住就踩單車去大埔，踩左差唔多一個鐘就到大埔 lu ！跟住我地搞左好耐先集齊人，之後就去左 "豆漿大王" 食飯，食左一碟菜飯都未夠，仲同何亨 Share 一碟腸粉．

　　食完就起程 lu ，但係因為我要踩番大圍，驚再踩會無力返去，所以都係走先．於是就自己一個踩番去，踩左個幾鐘先返到去大圍，跟住約埋美美返屋企．

　　夜晚係屋企打邊爐，有麻辣火鍋食，好味道！

>>January 2, 2008 at 3:33:28 PM GMT+8