2007 年 11 月 25 日 星期日 【晴】

Title：美美廚房

　　美美知道我原來好鍾意食薯仔雞翼既，於是就特登整左餐薯仔俾我食呢，辛苦美美喇！


薯仔雞翼飯，好好味 ^o^

>>December 2, 2007 at 5:57:01 PM GMT+8

2007 年 11 月 24 日 星期六 【晴】

Title：慶祝媽咪生日

　　今日係例休，係屋企休息．之後五點美美黎到大圍，我地去左美心買左個蛋糕，因為今晚要同媽咪慶祝生日，之後又未夠鐘食飯，所以就返左屋企睇陣電視．

　　之後就同媽咪 + 老豆搭的士去田心村，去左間泰國餐館食飯．去到細佬同佢女朋友都未到，於是我地叫餸先，叫完佢地先黎到．跟住我地就食飯，食完就切蛋糕．

　　今年先係第一年媽咪慶祝生日，因為佢有一年去測命，相士話佢唔可以 "做生日" ，於是我地每年都唔會幫媽咪慶祝生日．點知事隔多年之後，先知道原來當時係話個一年唔做得生日，唔咪年年都唔可以 =_=

　　於是媽咪就今年就有得吹蠟燭，係我地唱完生日歌之後，媽咪就吹蠟燭，之後當然都係佢切埋蛋糕．呢個蛋糕有名堂既，叫 "幾何魅力" ，睇落幾靚既，食落都好好味！之後食完就返屋企 lu ！



>>December 2, 2007 at 5:47:59 PM GMT+8

2007 年 11 月 23 日 星期五 【晴】

Title：精選遊覽團

楊丞琳 --- 倔強

你曾說　雨下的時候別低下頭
要等候　奇蹟降落
我不懂　曾想一起擁抱的彩虹
為什麼　只剩下我

原來呀　愛其實不會留下什麼
只留下　殘缺的夢
能不能　再把你的愛借點給我
好讓我　繼續飄流

我的倔強　瘋狂　不放　逞強　流浪
是否只剩一人在寂寞戰場
你的模樣　說謊　眼光　裝傻　躲藏
我逃亡

原來呀　愛其實不會留下什麼
只留下　殘缺的夢
能不能　再把你的愛借點給我
好讓我　繼續飄流

我的倔強　瘋狂　不放　逞強　流浪
是否只剩一人在寂寞戰場
你的模樣　說謊　眼光　裝傻　躲藏
我逃亡

我的倔強　迷惘　去闖　徬徨　悲傷
是否應該不計一切去抵抗
你的模樣　不想　遺忘　飄蕩　搖晃
我投降

我的倔強　瘋狂　不放　逞強　流浪
是否只剩一人在寂寞戰場
你的模樣　說謊　眼光　裝傻　躲藏
我逃亡

我的倔強　迷惘　去闖　徬徨　悲傷
是否應該不計一切去抵抗
你的模樣　不想　遺忘　飄蕩　搖晃
我投降

>>November 25, 2007 at 7:16:13 AM GMT+8

2007 年 11 月 23 日 星期五 【晴】

Title：美美廚房

　　今日既目標係落 B35 ，所以就 Load 左 B35 既銷售數黎睇，但係晏晝就要去後場幫手盤教科書倉，除左要 "擒高擒低" 之外，仲要同 D 教科書鬥大力，因為裡面 D 教科書塞到堪晒，要抽一本出黎掃條碼都係一件幾難既事．而且 D 數量又多，數到眼到矇埋，於是點完之後，成個人都呆左，坐係電腦前面都無精神再落貨，唯有星期一再接再厲！

　　夜晚有美美煮既飯做 Dinner ，好味！！


粟米香腸芝士蟹籽丸 + 娃娃菜飯

>>November 25, 2007 at 7:15:03 AM GMT+8

2007 年 11 月 22 日 星期四 【晴】

Title：半天遊 ＠ 中山

　　今朝一早就要返大陸，因為要整埋 D 野，終於都睇得完買左好耐既 "全力兔 2 " ！


見習兔攬住個雪糕筒好得意呢！

　　返到去中山落車就等到姑丈黎接我，之後就車我去食野，有好好味既餃子食，必食！！跟住就去搞埋 D 手續，好彩今次好快搞掂，跟住就返屋企訓左一陣．訓到五點，姑丈就車我去搭車，之後我就搭巴士返深圳，返到去深圳都八點鐘．

　　跟住就搭火車返沙田，等埋美美再返大埔食 Dinner ．去左新達既明將食壽司，食左 18 碟先係 220 蚊，算好平 lu ！之後滿口魚腥味既滙滙就送美美返屋企 lu ！

>>November 25, 2007 at 7:48:28 AM GMT+8

2007 年 11 月 20 日 星期二 【晴】

Title：Boxing Day

　　今朝又要再返工 lu ，開工無幾耐就打喊路，但係奇在琴日返工竟然好精神，而琴日全日都著便服返工，證明應該係套制服既問題，搞到個人都唔精神！

　　今日青媽媽終於都放完大假喇，佢一返黎就講佢既 "修行" 之旅．咁岩今朝早會係青媽媽講書，而大頭目又唔係度，所以佢既講書時間就變左係 "馬來西亞旅遊特輯" ，佢一開始就用： "個日我地一落機 ... " 我就笑左出黎，幾驚青媽媽講到夠鐘開門都未入正題！

　　由於恩慧姐姐今日休息，所以除左有一兩單生意可以開單之外，其他都唔知開唔開得單，所以無咩點搞．之後英採黎左 D 貨，我先前訂左少少 B44 竟然好快咁返左黎，青媽媽見到三本 Skipping Christmas 就話： "嘩！點解有呢 D 貨返架? " 跟住我就話： "我落架，見到銅鑼灣好賣呀嘛，又見到就黎聖誕節，應該好賣架！" 青媽媽之後就讚我呢 ^o^

　　夜晚收工出左去旺角， Join 埋今日例休既美美，仲有琪琪 + 阿 Roy ，琪琪電左個新髮呢！之後我地就去左椰林閣食飯，收到美美今日買既皮帶同埋親手整既曲奇餅做禮物呢：


返工用既皮帶 ^o^


美美親手整既曲奇餅呢，有兩塊係熊仔頭造型添 ^o^

　　食完飯就同美美過對面坐 "亡命紅色小巴" 返大埔喇，真係好快呢！

>>November 25, 2007 at 7:35:38 AM GMT+8

2007 年 11 月 19 日 星期一 【晴】

Title：例休 @ 沙商

　　今日係例假，不過九點幾就醒左，由於今日青媽媽繼續大假中，Ivan 要去將軍澳幫手，Canny 又要去聽講座，所以英文部得番 Davis ．既然早起身，就返去陪下 Davis ，唔駛佢一個人孤伶伶咁．於是沖完涼著好衫就出門口，搭番平時班巴士，返到去既時間同平時差唔多，仲可以參加埋早會．

　　之後就如常坐陣於 Counter ，今日我要開始落其他分類既貨，揀左 B44 ．於是就對住部電腦睇下有 D 咩貨好入．美美今日調左假，要返工，一朝早就要去書展 Set 場， 11 點幾就返左黎．

　　之後 Davis 就去左食 Lunch ，我就獨守英文部，好彩都幾靜．跟住去 Toilet ，諗住兩三分鐘就返，點知一係就唔行開，一行開就忙，又電話問書，又有客問野．跟住 Settle 晒 D 野就繼續入貨，其間 Ivan 打電話返黎叫我 Pack 番個 Handheld 俾電腦部，我就周圍搵 D 紙箱仔，結果去到文具倉就搵到個裝 Sanrio 印仔既盒， Size 岩岩好！！但係就 Cutie 左 D ，因為有好大隻 Hello Kitty 係上面呢！

　　Lunch 時間同左美美去食 Lunch ，我地去左和民食，好味！晏晝到左三點幾，終於見到 Ivan 返黎，好眼訓既 Ivan 呢！跟住我就入左後場，幫恩慧姐姐開外聯單，之後大頭目都返左黎，話："嘩！放假都返黎開單呀！" 跟住就成個晏晝係後場度無咩出過去 lu ！

　　夜晚收工同左美美去大埔食煲仔飯，叫左個臘腸排骨飯，都幾好食既，不過 D 排骨就無咩骨囉，俾懶人食就岩晒 ^o^

>>November 25, 2007 at 6:48:05 AM GMT+8

2007 年 11 月 16 日 星期五 【晴】

Title：全力進行中

　　今朝約了美美去食早餐，我地去左魚米家食呢，叫左兩個餐，通粉好大碗，好難先食得晒．食完之後拎左本新既 Schedule 出黎，本來好開心既，但係一句說話就令情緒跌落谷底．你係唔會知道既...

　　之後返工，今日係星期六，Davis 例休，青媽媽繼續放大假，Canny 又要收錢，英文部得番我同 Ivan 相依為命．見到書展既分工，令原本已經係谷底既心情再跌落低少少，但係我係唔會就咁就唔做野，於是拎左六個紙皮箱出去英文部 Counter ．

　　等到 Ivan 食完飯返黎坐陣 Counter ，我就開始執書，一路執，心裡面既怨恨不斷升級，可以話係 "怨氣の執書" ，希望同事去到書展拆箱既時候都可以 Feel 到少少．我要同你講： "唔咪你唔俾野我做，我就唔會做既．不過我都唔會只係係你面前先做野，因為我唔咪為你而打工！"

　　最後執左六箱貨去書展，我唔會就咁認輸架！

　　ps. 叻叻人很心痛，你知道嗎??

>>November 17, 2007 at 4:21:14 PM GMT+8

2007 年 11 月 16 日 星期五 【晴】

Title：精選遊覽團

鄭融 --- 東京百貨

謝謝這涉谷中心
潮流百貨的密林
造就你我的相識
快樂過才能有遺憾

那日我　排著隊那餐店太多人
注定了　由你牽引走向下一層
一眼就仿似半生　可惜隨換季犧牲
相愛或許似試身　挑選才是最開心

原來我已不需要　憑著幾張彩照
重臨舊地到每間店子追思十秒
櫥窗燈關了　傷心還剩了多少
原來我已不需著沉悶色調　不必心血來潮
孤身旅行　增廣見聞
明白痛心過就當遺失車票

謝謝世界的中心
同情我痛苦自尋
日後你到訪一刻
我令你難忘已榮幸

那日我 排著隊那餐店太多人
注定了　由你牽引走向下一層
一眼就仿似半生　可惜隨換季犧牲
相愛或許似試身　挑選才是最開心

原來我已不需要　憑著幾張彩照
重臨舊地到每間店子追思十秒
櫥窗燈關了　傷心還剩了多少

原來我已不需著沉悶色調　不必心血來潮
孤身旅行　增廣見聞
明白痛心過就當遺失車票

ps. 今日出去食 Lunch 聽到的，幾好聽 ^.^

>>November 17, 2007 at 3:54:22 PM GMT+8

2007 年 11 月 13 日 星期二 【晴】

Title：美美廚房



菜心 + 豆豉雞翼飯　仲有華姐姐整既薑醋蛋一隻

豆豉雞翼好好味！！ ^o^

>>November 17, 2007 at 3:39:30 PM GMT+8