2007 年 12 月 13 日 星期四 【晴】

Title：美美廚房

　　今晚嘅 Dinner 係滙滙最鍾意嘅粟米肉粒豆苗飯，超好味！！



>>December 21, 2007 at 8:57:44 PM GMT+8

2007 年 12 月 13 日 星期四 【晴】

Title：精選遊覽團

謝安琪 --- 鍾無艷

其實我怕你　總誇獎高估我堅忍
其實更怕你　只懂得欣賞我品行
無人及我用字絕　重拾了你信心
無人問我　可甘心演這偉大化身

其實我想間中崩潰　脆弱如戀人
誰在你兩臂中　低得不需要身份
無奈被你識穿這個念頭　得到好處的你
明示不想失去絕世好友

沒有得你的允許　我都會愛下去
互相祝福心軟之際　或者准我吻下去
我痛恨成熟到　不要你望著我流淚
但漂亮笑下去　彷彿冬天飲雪水

被你一貫的讚許　卻不配愛下去
在你悲傷一刻必須解慰　找到我樂趣
我甘於當副車　也是快樂著唏噓
彼此這麼了解　難怪註定似兄妹一對

其實我怕你的好感　基於我修養
其實最怕你的私心　窺準我體諒
無人問我寂寞　像投何處去養傷
原來是我的心境　高到變為偶像

誰情願照耀著別人　就如月亮
為奴婢為你備飯奉茶　是殘忍真相
無奈被你識穿這個念頭　得到好處的你
明示不想失去絕世好友

沒有得你的允許　我都會愛下去
互相祝福心軟之際　或者准我吻下去
我痛恨成熟到　不要你望著我流淚
但漂亮笑下去　彷彿冬天飲雪水

被你一貫的讚許　卻不配愛下去
在你悲傷一刻必須解慰　找到我樂趣
我甘於當副車　也是快樂著唏噓
彼此這麼了解　讓我決定我的快樂

那須得你的允許　我都會愛下去
互相祝福心軟之際　或者准我吻下去
我痛恨成熟到　不要你望著我流淚
但漂亮笑下去　彷彿冬天飲雪水

被你一貫的讚許　無須裝說下去
在你悲傷一刻必須解慰　找到我樂趣
我甘於當副車　卻沒法撞入堡壘
彼此這麼了解　難怪註定似兄妹一對

你的她怎允許　結伴觀賞雪的淚
永不開封的汽水　讓我抱在懷內吻下去

>>December 14, 2007 at 5:55:19 PM GMT+8

2007 年 12 月 13 日 星期四 【晴】

Title：精選遊覽團

新歌：謝安琪 --- 鍾無艷
MV：曹格 --- 背叛
新歌：農夫 --- 全民靠估
新歌：楊丞琳 --- 倔強
舊歌：古巨基 --- 想說笑
新歌：側田 --- 紅地毯
工作：乜都鬥一餐之 "優質服務選舉"
（投票可得九折折扣券一張，只限用一次，小弟稱之為 "藥餌" ）

>>December 14, 2007 at 5:44:45 PM GMT+8

2007 年 12 月 12 日 星期三 【晴】

Title：真摰の兩票

　　商務既優質服務選舉舉行左兩個禮拜，今朝開早會，大頭目話我地分店攞得太少票，比起某 D 中小型店仲低，所以要我地積極 D 拉票．大概上面既管理層比賽比得太陶醉，連呢 D 野都要鬥一餐，唯有苦了我地小職員，要 "Wea" 爛塊面去叫人投票．人家讀者又唔知你係乜水，自問服務又唔咪咁好，咁樣叫人投自己實在係好核突！！

　　仲係好有性格既我，決定唔會拉票，你話 "懶有性格" 又好，你話 "有麝自然香" 又好，總之我覺得人地覺得你係好就會投你一票．得到多票又唔代表自己既服務係優質，得到少都唔代表自己服務係差，總之自己將自己最好既一面幫到讀者就得啦！

　　今日雖然唔咪負責收錢，但係因為三收既 Davis 夜晚要去大圍，副收既美美又有工作纏身，當然要支持下！所以基本上我今日收錢既時間比起琴日仲要多！今日好開心，因為有兩個讀者好真心咁投左我一票，我覺得拎到真心紀一票，比起攞到 100 張 "唔知你乜水" 而投既票還要開心！

　　但係我都唔會因為呢個咁既投票而令自己對客好一 D ，因為基本上幫人就係開心既事．每當幫完讀者，見到佢地露出欣賞既表情，投唔投票，其實都無所謂啦！

　　Dinner 有美美大廚嘅蒜容白菜仔 + 芝士腸雞翼飯：



ps. 今日何亨生日，生日快樂！開開心心！！

>>December 21, 2007 at 8:50:43 PM GMT+8

2007 年 12 月 11 日 星期二 【晴】

Title：收銀升級版

　　今日我編咗做三收，但係由第三班食完飯，直到第一班夜晚食飯嘅三個鐘頭，我地嘅主收都唔見咗，結果副收嘅玲兒同三收嘅我，都自動升級成為主收同副收，就咁就喺收銀處做咗成個晏晝 lu ！

　　夜晚嘅 Dinner 係美美煮嘅 XO 醬金菇肉粒芋絲飯，好好味！！ ^o^



>>December 21, 2007 at 8:42:10 PM GMT+8

2007 年 12 月 10 日 星期一 【晴】

Title：精選遊覽團

曹格 --- 背叛

雨　不停落下來
花　怎麼都不開
儘管我細心灌溉　你說不愛就不愛
我一個人　欣賞悲哀

愛　只剩下無奈
我　一直不願再去猜
鋼琴上黑鍵之間　永遠都夾著空白
缺了一塊　就不精采

緊緊相依的心　如何 Say Goodbye
你比我清楚還要我說明白
愛太深會讓人瘋狂的勇敢
我用背叛自己　完成你的期盼

把手放開不問一句 Say Goodbye
當作最後一次對你的溺愛
冷冷清清淡淡今後都不管
只要你能愉快

心　有一句感慨
我　還能夠跟誰對白
在你關上門之前　替我再回頭看看
那些片段　還在不在

緊緊相依的心　如何 Say Goodbye
你比我清楚還要我說明白
愛太深會讓人瘋狂的勇敢
我用背叛自己　完成你的期盼

把手放開不問一句 Say Goodbye
當作最後一次對你的溺愛
冷冷清清淡淡今後都不管
只要你能愉快

緊緊相依的心　如何 Say Goodbye
你比我清楚還要我說明白
愛太深會讓人瘋狂的勇敢
我用背叛自己　完成你的期盼

把手放開不問一句 Say Goodbye
當作最後一次對你的溺愛
冷冷清清淡淡今後都不管
只要你能愉快

只要你能愉快

ps. 很好聽的歌曲，很好看的 MV ^o^

>>December 14, 2007 at 5:13:07 PM GMT+8

2007 年 12 月 10 日 星期一 【晴】

Title：又返工 lu ＞.＜

　　今日係放假之後既第一日返工日子，一早返到公司，見到青媽媽，佢就話好掛住我呢！原來係我地放假既時候，有某高層黎過我地門市呢，仲對我地英文部好不滿，唔知係咪我地得罪左佢，辛苦 Ivan lu ！

　　之後就等早會，唔知係咪先前去得戶外太多，突然見到咁低既樓底好唔慣，有 D 侷促既感覺．開完早會就開工，首先睇下 Email 發生過咩事，見到有 D 轉書既 Email 無同事覆，於是我一早既工作就係轉書，搞左一陣．

　　晏晝無咩好做，就負責整定 D 紙袋，等遲 D D 客買野要包既話，我地可以快 D 包好，不過呢個方法就徙多好多紙囉，平均一張大花紙只係包到四份小禮物或者兩份大禮物，而用左紙袋仔既禮物，通常個客都一定要攞膠袋，膠袋比未包前又要升級一個 Size ，結果就好唔環保，所以希望 D 人唔好成日話要包禮物啦！

>>December 14, 2007 at 5:05:54 PM GMT+8

2007 年 12 月 9 日 星期日 【晴】

Title：濕地公園一日遊

　　今日係六日假期既最後一日，我一朝早就入左大埔 Join 埋美美，一齊去上水．之後係上水食早餐，食完就 Join 埋華姐姐 + 琳琳 (華姐姐既姪女) ．跟住我地就搭巴士去天水圍，去到濕地公園落車．係門口同 D 假既雀仔影相先：


美美 + 琳琳

　　之後就入場 lu ，我地係展館玩陣先，裡面有望遠鏡望下出面既景色呢！


從展館看出去的濕地

　　跟住我地就出去睇鱷魚貝貝，唔駛等就見到佢喇！之後就開始我地既濕地之旅：


美美 @ 濕地公園

　　我地行左一個圈，係尾段既時候，琳琳同左人地另一個家庭既兩歲小男仔成為左 Friend ，仲邊行邊拖住手仔添，我地睇到都好開心！ ^o^

　　跟住我地去番展館既 "沼澤歷奇" ，只可惜呢個樂園只係俾小朋友玩，我地就唯有望住琳琳玩啦 >o<


美美 + 得個頭既琳琳

　　之後玩完我地都好肚餓喇，所以都係要走 lu ．


香港濕地公園的大門口

　　跟住我地行左去俊宏軒既椰林閣食野，好肚餓呢！！食完我地就同華姐姐 + 琳琳分別，送左佢地去搭巴士．之後我同美美就搭輕鐵去左屯門，係屯門市廣場見到聖誕裝飾呢：



　　之後我地去左參觀屯門商務，終於見識到邊個係 Eddie 喇！跟住我地又行左一陣屯門市中心，諗住搵野食，但係又無咩好想食，結果都係想返大埔食 "鍋貼大王" ．於是我地搭左小巴返上水，之後再搭火車返大埔．去左 "鍋貼大王" 食完野就返屋企 lu ！

　　六日既假期就咁就完 lu ，好唔捨得呢！ >o<

>>December 13, 2007 at 5:55:12 PM GMT+8

2007 年 12 月 8 日 星期六 【晴】

Title：單車日

　　今日係星期日，周圍都好多人，所以都無出街，結果美美黎左我個度學踩單車．好彩媽咪有部殘殘地既單車，只係兩條呔無晒氣，同埋條鏈無咩油，於是我地推左部車落去大圍整一整．

　　跟住攞番部車，我就車住美美去城門河邊學踩單車，感覺好 Sweet 呢！（詳情請留意 12 月 7 日 "山頂之旅" --- 黎明同我既合照 ^o^ ）

　　之後教左成個鐘，成頭大汗個個竟然係我，不過美美都進步左好多架喇，應該學多兩三次就會踩得好叻架喇！努力！

>>December 13, 2007 at 5:19:58 PM GMT+8

2007 年 12 月 6 日 星期四 【晴】

Title：山頂之旅

　　今日本來諗住去燒野食既，之後又有諗過去踩單車，不過由於收銀姐姐阿珊話放假要留係屋企訓，所以都係告吹左．但係我同美美既六天精彩假期當然要 Keep 住精彩，所以我地決定要去美美好耐之前去過一次既山頂．

　　我地由於都未食 Lunch ，所以諗住應該頂唔到過海先食野，於是就係九龍塘轉車既時候，去左又一城醫肚先．但係我地俾個度既聖誕裝飾吸引左，所以都係影左相先去食野：


美美與雪屋


再加 "扮" 揸住燈柱

　　之後我地就去左 KFC 食野，食完就好滿足地去左搭地鐵．去到金鐘就落車，行路經過香港公園上去纜車站．係纜車站門口見到好嚇人既景象，就係勁多遊客係度排隊！！三點幾點解會咁多遊客！！於是睇下隔離既 "蠟像館" Counter ，原來蠟像館套票都係130蚊，仲包兩程纜車，又唔駛排隊，所以都係買左飛．之後入閘時發現原來拎八達通都係唔駛排隊既，所以如果各位下次去搭纜車就醒目 D 喇！好彩我地都唔咪為左唔駛排隊先買套票嗟 ^o^


第一次搭纜車既美美 + 我

　　上到去淩宵閣，我地未入去蠟像館住，因為勁行遠出黎周圍會 "黑媽媽" ，所以係淩宵閣行左一陣，又有聖誕裝飾呢：


身後的聖誕老人 + 聖誕小孩

　　跟住我地行左出去，諗住行 "山頂環迴徑" ，係山頂行個圈．點知唔知係咪行錯左路，去左 "港島徑" ，行極都未行得完，之後行下行下驚行左去薄扶林，所以都係決定原路折返，美美可以話係再一次 "上錯賊船" lu ！！

　　之後我地就入去蠟像館睇蠟像，首先見到 "史密夫 + 史密妻" ，又見到周杰倫，不過都未夠以下見到既名人吸引 --- 基仔：


小 Fans 美美 + 基仔 + Kubi

　　之後我地繼續行，見到好多名人呢：


正宗大陸人楊利偉 + 大陸版滙滙


囚犯情侶 --- 滙滙 + 美美


型仔版劉德華 + 小 Fans 美美


最恐怖既係：黎明 + 陶醉版滙滙 (甜蜜蜜 ... )


AC米蘭既滙滙 + 代表 LA 既碧咸 (有 D 似 Adidas 既廣告)


城城慘遭咸豬手！！

　　最搞笑都係我地去到蠟像館既最尾，我地逆流行番去先前入去既地方，要同基仔再影多幾張相，可以話係基仔魅力無窮呢 ^o^

　　之後我地就諗住搭纜車落番山，但係勁多人排隊等搭車，於是我地去左山頂廣場行左陣．落番去點知仲多人，結果都係繼續排隊，8 點鐘終於落番山 lu ！跟住我地搭地鐵去左佐敦既沙嗲王食飯， "白咖哩豬扒飯" 依然係必吃之選，但原來 "黃咖哩" 都好好味既呢！

　　最後食完番我地就搭車返屋企 lu ！

>>December 13, 2007 at 5:09:37 PM GMT+8