2005 年 1 月 2 日 星期日 【晴】

今日天氣仍然很凍，放左咁耐假，終於番學喇，雖然期間有補課~~今朝早6點半個鬧鍾響左，就好似放假之前咁，好大聲，不過我整熄左就訓著左喇，E排發左好多夢，夢見既都係差唔多既畫面，不過次次都關於靜怡…仲有佢d message~隔左陣阿媽拍我隻腳，叫我起身，我即刻拎起張被，就去刷牙喇，先開始覺得凍，之後洗頭…勁凍…著埋校服，攬埋頸巾就走喇，出門前問阿媽有無褸，如果有人凍，都可以俾人著ar ma~不過無，都遲左出門嫁喇，落到樓下，無端端想打個電話俾佢，問下佢凍唔凍，我著兩條褲都凍呀，女仔著裙點算~聽到佢把聲真係好開心，傾到上車，就黎到沙角村，之後就唔知點咁關左線，落左車，就想去麥記買d熱野，我阿媽話朝早食d熱野個身會暖d wor~好順手就買多左d~希望佢都會無咁凍…可能我多事啦，其實人地未必會鍾意，之後番到學校，「做」功課，就早會喇，and then又上堂，佢坐起我既斜前面，種感覺始終都起度，佢依舊有時會拎個電話出黎睇，起抬度會寫d唔知咩既野，有陣時，佢會擰轉頭講兩句野，熟悉既面孔，令我更加唔想維持朋友既關係，但係我知道，我E+做到既野，已經好足夠~午飯買左兩副啤牌，之後上多堂Phy就要落禮堂聽Miss任講野喇，我帶左支筆同個一蚊練魔術，上番黎，同佢玩左個緣份既遊戲，就補A maths~我記得我家姐同我堂細妹講過既野，所以我都有聽到書，又表演左個魔術俾小per睇，佢話想學，呵~遲d先教佢la~跟住放學lu~起架車度訓著左，之後落車番屋企，有多啦A夢睇，不過鍾意叫叮噹多d，食住意粉，on左陣line~又幫阿sam解決左d煩惱，做功課la~要自己爭氣!~日後d事，遲d先算啦，我知道我自己應該點做!~

>>January 3, 2005 at 10:47:21 AM GMT+8

2005 年 1 月 1 日 星期六 【乍雨乍晴】

今朝，6點幾俾大家姐整醒左，又諗起靜怡，真係好辛苦，佢成日都唔理我，仲慘過做fd......>.<
唉.....我又應承左佢唔煩佢，之後都send左個mesage俾佢，隔左陣先訓得番，9點10個字，佢send番個message俾我，又醒左，之後都無理我la~跟住換衫同我二家姐一齊番教會，希望對我有幫助，買左幾個包就答車喇，因為間野起葵芳既關係....又經過以前我地去過既地方....入到去教會好多人，起度唱聖歌，又諗起好多野.....但係我知道我諗黎都無用，因為我諗果個人，已經唔會再去諗我，有好多人講野，有牧師，但係我都心不在焉，起個度，又不知不覺喊左出黎....之後去左食拉麵，食河豚，好似豬肉咁....既味，因為大家姐都起教會既關係，所以我地幾姐弟仲有我家姐既一個fd都起度，and then佢地陪我去旺角買鞋，終於買到對lu~~跟住各自各走喇，我就番左屋企，起架車度訓著左，但係到第一城醒左，個心又.....唉，特然之間，好想打俾靜怡，想佢親口同我講d野，因為我覺得我唔問，我又會唔開心，加上佢都無理我感受，我唔需要再理佢感受喇.....問完之後，流左陣眼淚，就去沖涼喇~~要有新開始喇我，因為我，重新喇，陣間會去樓下同阿爸阿媽食飯，可能會做陣功課，等聽日番學!!!

>>January 2, 2005 at 11:13:50 AM GMT+8

2004 年 12 月 31 日 星期五 【乍雨乍晴】

同靜怡一日比一日距離遠，或者，係上天俾我既考驗啦~同二家姐一樣，兩個一齊起屋企度過，佢有佢做自己野，我有我自己傾電話…今日發現左d野…好好好唔開心，原來除夕果晚，靜怡係咁樣過~我都唔知點...就算係fd....都唔會咁過ar ma....真係算喇，佢有佢既路，我有我自己既路，我唔想我自己既路會一片黑暗，起房關埋門都喊到家姐入黎...唉....E排個心都好唔開心，咩都做唔到，就係咁過....大家姐番完打陸番黎，送在支筆俾我，多謝佢。

>>January 2, 2005 at 10:53:51 AM GMT+8

2004 年 12 月 30 日 星期四 【晴】

今日好凍呀，最低氣溫得7度ｊａ～仲係除夕添^^~夜晚會出去倒數。一朝早就ｏｎｌｉｎｅ，隔左陣，靜怡都ｏｎｌｉｎｅ～佢幫個細路補緊習，番緊工，不過有休息時間ｗｏｒ．．所以佢可以開電腦玩．．．就好似佢休息咁～～跟住佢就ｏｆｆ左ｌｕ～無幾耐，我就去左阿雞屋企練結他，佢就打機，一個鍾到，我又番屋企ｌｕ～個心又無端端望想起靜怡．．．番到去…又有ｄ覺得寂寞，因為我每日屋企都唔會有人……大家姐去左褔建，要１號先番，二家姐同ｄａｄｄｙ，ｍｕｍｍｙ都要番工，又無心機做功課ｗｏｒ．．．又喊左陣，唉．．．．之後同我堂細妹傾電話，因為佢都有好多感情問題，但係佢好快就無麥事，因為有第二個人追佢，唉，都唔知佢點．．．之後落去買下午茶食，個心就不斷想起佢，但係我知我唔可以搵佢，因為佢會更加覺得我煩．．．我又打俾ｄ　ｆｄｓ，好多都訓左覺，我只好都訓起張床度，不過點都訓唔著．．．展轉反側左九個幾字，先訓得著，但係有個電話嘈醒左我．．唉，只好起身啦．．．準備今晚ｄ野，差唔多７點先至出門，去沙龍搵阿雞先，有８個ｆｄs～全部都係男，自由身，好凍呀真係，我地行去偉華下面食，好貴．．．之後就出左去尖東，行海港城，睇海景，唔係有好多人，有好多情侶．．．唉．．．又記番上年既事，＞．＜ｔｈｅｎ就答小輪過海喇，有個鬼佬，我地成班人同佢講英文，中加英，都幾得意，落左船後就去左許願樹許願，好有氣氛，不過上年許既願無實現到，唔知今年個願又會點呢^^~成班人答的士去維港，又行左陣，ｄ路，全部都同靜怡行過，諗起以前ｄ回憶～唔知佢又點呢？不過佢都唔記得左我嫁ｌｕ～１１點鍾，諗住去時代港場倒數，不過好多好多人，我地起度諗．．唔會起街度倒數ａｒ　ｍａ～是關真係好多人都見唔到個大銀幕，知道有好多明星．．．淨係聽到ｄ聲，我地唔甘心，所以入小巷，但係有ｄ又俾警察發現，我地又走散左，唉．．我同肥寶又跑又成．．最終起條好黑既小巷，得我地兩個人過０５年．．．我地都好唔開心，上年０４年，起沙田過，第一眼見到既係靜怡．．．今年就．．．加上本身都唔開心，唉，之後好多人走．．我地終於可以行去時代廣場隔離～唉．．．跟住都係走喇，又搵唔到地鐵站．．．又答ｔａｘｉ去金鍾．．．然後轉車番屋企．．．．ｓｅｎｄ左句新年快樂俾靜怡…但係佢都無回過一句俾我．．．．可能．．．唔知．．．．希望每個人新一年都會開開心心，唔會好似我咁啦～

>>January 1, 2005 at 4:04:23 AM GMT+8

2004 年 12 月 29 日 星期三 【乍雨乍晴】

寫日記～唔係我第一次～不過電腦寫，就真係第一次喇！仲有聽日，就過完２００４年ｋａ　ｌａ．．．好唔捨得呀，因為今年，我同過我最最最愛既人一齊…但係又好傷．．．因為我自己唔識得做人男朋友．．．．起度要同佢講聲對唔住，但係，經過今次，我真係成長左喇！唔知會唔會有人相信我，不過我都會繼續做好自己！唔會放棄！今日又為她喊左好耐，２００４年，真係有好多好多既回憶，唉．．．．唔知，以後，可唔可以再一齊．．越理佢，佢就覺得越煩，唔理佢，佢又真係可以唔理我．．．．都唔知可以點．．．．今日補完中文就同ｄ同學打左陣波，之後番到屋企玩左陣ｉｃｑ～又傾左ｄ野和她，之後佢訓左個午覺，我就同阿雞學魔術～～呵～～跟住喊左好耐，阿雞起度陪我～～～唉～～跟住沖涼，又玩ｉｃｑ～就訓ｌｕ～！聽日要開心ｄ　ｌａ！～ＭLＹIＷH

>>December 30, 2004 at 1:45:45 PM GMT+8

2003 年 7 月 21 日 星期一 【晴】

依一日，應該點講依一日好呢，有一對契阿哥阿妹變左做情人掛^^~
亦都可以話係我人生既一個轉捩點，無比既開心，亦係日後無比既傷心。
起今日睇番依一日，以經係好耐既事u~突然間好想寫野，亦唔想比人知，所以打起度~
連我自己都唔知自己懷著點樣既心情去打依篇野~
可以用驀然回首黎形容依家吧，好多野湧上心頭，心境澄明，但仍有點迷糊。
相信，上年五D班既同學已經走左大半，仲係朋友既，已經唔係好多個，新學校，認識新既人，新環境，我諗雖然身邊換了很多角色，但心裡面，一齊過，點都唔會忘記、遣忘，因為的而且確一齊走過，笑過。你地睇我既日記，會睇到依一頁，我相信，係因為記掛住我，是嗎？其實，我想多謝睇我日記既人，如果係靜怡既話，我會好開心，因為我都係因為諗起佢，先至打依篇野…

>>December 9, 2005 at 11:56:07 AM GMT+8