2005 年 8 月 24 日 星期三 【晴】

最後一日工都番埋喇^^~~今日好好好開心啊！！因為我要識得知足~
今朝個早餐好豐富啊，腿奄丁丁煙肉COT~最好既係，阿天強哥阿雞都對我特別好，成日都講d做人既道理俾我聽，佢地個個都靠自己一手一腳做番黎的，唔知點解，佢地唔會講佢地爸爸媽媽，我會好好記住你地教過我既所有野！佢地都送左d野俾我做紀念，雖然短短一個月，但係都已經有d感情lu~落埋最後一次單，回顧番自己做過既野，我相信，會係我後生時代既美好回憶~~男仔，有d野，自己知就真係夠^^~有一位知己已經好好，我仲細，將來好多路要行，阿雞講得岩，如果要讀書既，就讀好佢！唔好浪費自己時間！無心機讀既，出黎做野好過啦~
^^~~做人有好多野學的~~拜拜慢吞吞!~~~
好啦，要收拾心情努力好個中五!~
食完飯之後同肥業去左青年溫書，跟住就去左樓梯口傾計，番到屋企食左支甜筒就同兩個家姐睇魔盜王決戰鬼盜船，好正啊！就到e+lu~~good night~

>>August 25, 2005 at 5:24:06 PM GMT+8

2005 年 8 月 23 日 星期二 【晴】

可能聽日就走，所以慢吞吞d人對我都特別好^^"今日阿天同阿雞都教我「猜」通心粉，哈^^"幾好玩的，好似泥膠咁，做咩形狀都得^^~今日好盡力做啊，因為都仲有聽日，辛苦d都無所謂啦~不過今日打爛野啊....臨走先打爛野添.......lunch食福建炒飯~做番平日做既野，好快咁就6點lu....去左惠康買芝士，順便買左兩盒仔既x米池同老細阿欣同包包食~跟住就放工lu~唔知聽日既感覺會點呢~
之後就出左旺角同肥業同阿龍玩喇，都係傾下計打下機食下飯咁啦^^~不過都幾幾開心既~
不過可能倦，起車度又訓著左，番到屋企沖完個涼就睇小魚兒與花無缺喇，同阿爸阿媽睇，um.......我同阿爸阿媽既關係，真係要改善下先得喇，無麥野講咁~
都有d眼訓lu..~明天更好！

>>August 24, 2005 at 3:17:00 PM GMT+8

2005 年 8 月 22 日 星期一 【晴】

今日都幾白癡，做左件好細路既野，唔知點解，好想有番段新既戀情，想好好愛一個人，跟住就盲頭烏蠅咁........咁就緊係失敗左啦^^"
算啦，或者我真係仲未放得開^^"或者我仲細，時辰未到，或者我跟本就唔應該去愛任何人~
快d番埋兩日就好喇，唔洗出街~~唔洗對住咁多人，可以自己一個起屋企，溫書又好，訓覺又好~~想出街先出街~~
今日同峰峰傾左陣計，佢既愛情觀同我比，一d都唔同，佢注重既係一剎那既感覺，可能，年紀大d，對社會既感觀都變得消極，唔會有小小既童話成份....~
今日既心情好怪~又唔多想講野....~

>>August 23, 2005 at 11:56:31 AM GMT+8

2005 年 8 月 21 日 星期日 【晴】

連續落左幾日既雨終於都停左lu~今日又係好倦的一天~仲有三日，點都好，好好做埋佢~
有d野，上面可能真係安排左，如果我決揀唔到既野，我會隨其自然...~
做人唔好過份緊張，好易變做一個煩人的~

「做好自己既野，旁人的事我完全不理」

>>August 22, 2005 at 12:35:01 PM GMT+8

2005 年 8 月 20 日 星期六 【乍寒還暖】

今日係禮拜日啊^^~~唔使番工，我9點三醒，因為約左肥業去唱k，我都起床度攤住左，因為張床真係好舒服~之後就起身刷牙洗面洗頭lu~~答8先打俾肥業，原來佢仲未醒的，所以等埋佢梳洗，我就上左陣網，之後就答車去沙田lu~肥龍都起度，三個人去唱K，都幾開心啦^^~~
原來有好多好聽既歌都未聽過，追唔上潮流lu^^"~
唱完之後陪肥龍去報英皇，搞左成個鍾啊差唔多，跟住就去左新基地打機la^^"~~玩左10蚊，一個法拉利，一個槍game~~都玩左成個鍾^^"~一條命都無死過就打爆機喇！勁丫，不過都係肥業起度先得^^~~之後就去左西田買衫喇，坤都黎左，佢地都買左好多靚衫靚褲啊，不過我就無買到，都無心買^^~~遲d先啦~~阿媽俾左錢我買鞋，不過都無買到~行到個個都好倦啊，6點半就番左屋企lu~~今日見到一個同學同佢男朋友出街~~哈~
番到廣源肥業又同我剪頭髮lu^^~跟住傾計都好開心，佢都話要讀中六，番學之後我地有好多約定，唔知會唔會堅持到呢~
跟住佢去左我屋企玩左陣電腦，我就落去同阿爸阿媽食大快活喇，食完我就好乖咁吸塵收衫打日記lu~~~跟住就黎沖涼~~今日好似仲倦過番工咁....~
起lift度阿爸同我講「我對鞋60蚊ja~~著唔著？」我拎一拎頭，佢就話「我地d鞋送俾佢都唔著啦，後生仔要牌子嫁ma~佢地條鞋帶都貴過我對鞋啦」唔知點解，聽到之後，覺得佢地辛辛苦苦賺番黎既錢，(雖然錢係要用啊)不過20蚊又係一件衫，200蚊又係一件衫，要型要牌子真係咁緊要嗎，我又唔係富家子弟，點解都要買d野咁貴呢~或者，我e D青少年就係鍾意追求e D野啦，有邊個唔想幸福先得KA^^"~~又一次提番自己生在褔中不知福既道理...~~

>>August 21, 2005 at 1:06:07 PM GMT+8

2005 年 8 月 19 日 星期五 【溫暖】

今朝好開心啊，好大雨啊，同傻雞一齊出左去送外賣，濕晒啊，勁開心wor~~
做左$800蚊早餐啊，不過lunch個阿欣番黎發脾氣都唔知做麥.......
跟住同傻包食飯...............同地產佬答台，整住晒.....扮晒好笑咁，我都無理佢喇，之後2點半到就走人lu~~~傻包，唔好意思啊，拋低你一個~`hehe^^~
跟住同左麥V去左會展參觀澳洲教育節，見識左好多野啊，亦都知道，repeat真係要努力
如果英文C到就勁喇！要努力！！
之後去左大圍間麥記食左個麥樂雞餐，就去左學普通話lu~~~今日真係幾充實！
番到屋企又開飯^^"阿爸講左好多野，都係以前講過的，我終於明白，每一個爸爸都望子成龍的~~聽日放假喇，終於到禮拜日喇~~~so good so開心~~
今日同d廚房講番到25號，佢地都好唔捨得^^"~~me 2 la~~~~
我信，那日記終有一日可以令我死心的~thx you~~
我地走既，並唔係相同既路~

>>August 20, 2005 at 2:01:43 PM GMT+8

2005 年 8 月 18 日 星期四 【綿綿細雨】

連續係咁早起身番工，我諗...我真係病左lu...
今日8點番到去，好好啊，成一個鍾都無客到^^"~~可能落好大雨，所以無麥人黎食早餐~
好搞笑ar~~~阿天同阿雞去做樓面，叫我去煮早餐食^^"~~我煎蛋連油都無落ar^^"~~最後都係交番換，今日又係好累的一天，我同老細兩個打晒成個lunch~阿欣5點先番....~
無麥特別咁就過左lu~~~走之前鼓起左勇氣同老細講25號唔做lu.....

>>August 19, 2005 at 12:30:01 PM GMT+8

2005 年 8 月 17 日 星期三 【乍寒還暖】

今日d廚房佬話我係籌碼，話我好做得野，連個阿欣都咁講，都幾開心，起碼自己做既野，有人應同，不過我諗我做多一個禮拜就會唔做的了，因為要籌備番學既野，似終係暑期工，努力過，就算了，如果妳有睇到我日記既話，我想講你知樣野，起我間野果度，有個比妳靚的女仔，一定無妳咁純品，但係唔會係一個差的，很多人喜歡她，但係我一點動情的心也沒有，因為我心裡的那個位置，早就留了給妳，雖然妳坐過，亦因為不適合而離開，但係我日日都會改良那張椅的~咪傻了~~
晚上和長洲天秤女傾計，佢好多野都好似我，都幾好傾的^^"~~
就係咁喇，番埋聽日禮拜六就忙了~~好想快d到星期日啊，因為星期日放假啊！！可以唱K睇戲買衫直落^^~~~我好乖的~~good night~

>>August 18, 2005 at 2:15:52 PM GMT+8

2005 年 8 月 17 日 星期三 【晴】

兩位家姐不在，自己一個在房中，關了燈，聽著至情至聖，忽然想起一年前的妳，回想起那些照片，心裡，突然一陣酸痛.....那...我知道......還愛著誰......「難過，就是為了，過去的好......」
我唔可以叫你再為我做d咩.....我只係想等妳......一直....希望你會記得我....

>>August 17, 2005 at 4:39:23 PM GMT+8

2005 年 8 月 16 日 星期二 【颱風】

有兩日咁耐無打日記喇，因為都無咩特別既野值得我記....
要督促下自己先得喇，放工番到黎成日都對住部電腦.....之前話過努力果D想法好似全部都拋於腦後咁........唔可以再咁嫁喇~~~
不過份工都差唔多用晒我所有既精神.......打下打下日記又想去訓覺.......
丫，係喇，一年前你在武漢啊！果陣你講過話「我地真係要讀書喇，好無啊」你仲記唔記得呢
e句都俾左好多支持我，以前係，依家都係，日日番工，見到既，聽到既，接觸到既野都多左好多，真係好多，咩身份咩關係咩地位跟本唔重要，因為真正既世界，跟本就無什麼純真或者永恆，最多既，只會起小朋友身上看到，我見到既人只會充滿住利益同自私......
唔知點解，我睇既野，通常都只會係愛情既野，發現人既慾望真係好大，佢地要得到既唔係一個，而係越多越好.....不惜一切去得到自己想得到既野......有D霸道既感覺.....講到e度，發覺自己都係，不過我一定唔會再係咁，至少，我都唔會好似以前咁煩妳~
有陣時，都幾鍾意獨自既感覺，就好似今日咁，唔知點解成個人悶悶不樂，唔想出聲，但係我覺得過得好平靜，好舒暢~
我知道，其實人同靈魂離開左之後，係咩都帶唔走的，所以起有生之年，可必執著咁多野呢....
依句話我遲D可能會改，但係少左份執著，自己或者人地，都唔會再拉得咁緊~
我知道每個人都會有自己既慾望，或者野心，好聽D，叫理想，或者夢想，但係我希望自己，係唔會為左達成e D理想，而將痛苦建立起人地身上~我唔係孔子....並唔係咩聖人....生存起弱肉強食、識者生存既世界入面......希望我既改變唔會太大....

>>August 17, 2005 at 1:31:53 PM GMT+8