2005 年 8 月 13 日 星期六 【炎熱】

今日無咩特別，家姐既一個基督徙黎左我屋企，講左好多野，本來係講英國d野，最後傳教的......好啦，我溫書喇~bye~

>>August 14, 2005 at 1:48:02 PM GMT+8

2005 年 8 月 13 日 星期六 【雨】

好倦喇，鋪頭得兩個人，朝早我玩晒..........無咩特別野，番工每日都學到d野既~~
心胸唔可以窄，無咩特別，um....我諗我無意中，都會成長左既~~
放工之後答車番屋企，終於有一次訓到總站，所有人落晒車都唔知啊！仲有d白癡野做左........ha...俾個司機話左兩句，就係咁喇，要訓喇，眼訓~~~good night~
今日行雷好西利，送外賣果陣落雨，濕晒...~

>>August 13, 2005 at 4:28:13 PM GMT+8

2005 年 8 月 12 日 星期五 【晴】

今日既自己，好似已經無晒放榜後煩憂既心情咁~
真係要學番好D英文啊！所以我識得做的！^^，今日6點半起身番工，好眼訓啊！今日俾個客好大聲咁鬧我「你訓醒未啊！」...........好嬲.........今日係前所未有咁醒的！不過落錯左單.....MY MISTAKE....唔會再俾佢鬧第二次的了！！！！
放左工之後都肥業同阿龍去左朗豪坊睇「活死人地帶」，驚就唔係好驚，不過真係好核突....
之後起餐廳仔食完飯就番屋企LU~起車度我有學英文嫁！
原來朗豪坊D位係咁的~好啦~睇尋秦跟住訓~GOOD NIGHT~

>>August 12, 2005 at 4:17:54 PM GMT+8

2005 年 8 月 10 日 星期三 【酷熱】

哈哈~~好多謝你地啊~~好鍾意堂細妹講個句^^"~~當時光倒流，係既，成日都想番番以前，e家有機會俾我再讀多次，今次我一定會好好咁比心機的！邊個都唔可以睇小我！
其實我有咁既分數，都唔關她的事既^^~~反而係她，令到我後幾個月更加努力讀書！係真的，只係我自己睇少左會考，加上遲左溫書^^"~~....靜怡講得岩，升唔到都唔緊要既，仲有好多好多路可以行的，而我自己選左重讀^^~~~
好啦，放完榜，要收拾心情向住中六既目標進發喇~明年今日要有一個全新既我！牙齒當金洗！！不過要你地繼續支持我嫁^^~~~
你地都要繼續努力！
依幾日都起度諗緊好無去外國讀書.....但係其實，去到既話，都係要努力的，點解唔起香港努力呢....自己有d想起果邊試新既生活，但係依個試字...好唔保障，預期起度諗，不如實際d仲好啦~~加上，我都想看下會考多次的自己~~好啦，就咁決定~~又自問自答....

>>August 11, 2005 at 1:30:12 PM GMT+8

2005 年 8 月 9 日 星期二 【颱風】

第一次聽到阿爸同阿媽既說話，令到我喊......阿爸....好對唔住.....令到你失望.....三個仔女.....無一個升到中六.....有陣時真係覺得自己好唔生性......
11分既我......誓要努力，耗盡所有既力量，為邊個都好，都要爭口氣，唔想再讓阿爸阿媽失望......
忙完一輪之後，都知道自己既方向，重讀中五，學校都收左我，知道九月既自己會讀書，都好過會考前唔知自己會點~要考多次會考，辛苦多一次，依個機會，真係要識珍惜，依一年，當係經驗又好，教訓都好，都要比心機！我一定會！
答車番屋企果陣，好想攬住妳，深深攬住妳，一直抱住妳，然後離開.......最後一次相聚都完......下次....可能會係好多好多年後既事~點都好，祝褔妳~
repeat....唔知點解有一種個心放唔開既感覺...要讀番一樣既野....有種抗拒既感覺.....加上無妳，不過今次唔會再讓任何人失望，應承過自己，唔會怕拖，有機會讀書既話，一定會好好咁讀~
下雨天總在放榜天，一年後既今日，我一定要起度慶祝緊！因為我唔要再愁下年九月既事！

>>August 10, 2005 at 8:41:14 AM GMT+8

2005 年 8 月 9 日 星期二 【乍寒還暖】

仲有9個鍾，我就知道自己既會考成績lu~~有d緊張，好想有14分，好驚唔夠分.....我諗.....唔會低過10分掛.........自己努力過，點都唔會低既........心情有d覆雜，加上自己無咩特別既興趣，隨左升中六，都唔知有咩岩自己~點都好啦，分數定左，同阿媽講左，如果低過14分，都係repeat住先，遲d搞海外升學既野.....但係去到果邊，我讀咩呢.......
突然諗到句「船到橋頭自然直」，放工番到屋企，阿媽起房走出黎，我諗，其實唔單止會考生會緊張，阿爸阿媽，都會好著緊自己仔女既事，哈，多謝阿爸阿媽！(千其唔好唔記得身邊關心自己既人啊！」
放左榜先啦，緊張都無用，入到房，兩個家姐都同我一齊祈禱，果刻，真係好多謝兩位家姐，我都信，有d野，上面會有所安排的，自己付出左幾多，自然會有一個合理既分數~
妳，既心情會係點呢？係咪已經想好左日後既野？
我相信，妳都有自己既一套想法~
聽日就告別中五lu~祝各位都唔好咁緊張，有自己既目標~放榜後既我地，都會比以前更加成熟~
希望個個都有個舒適既晚上，good night~

>>August 9, 2005 at 4:57:34 PM GMT+8

2005 年 8 月 8 日 星期一 【炎熱】

今日放假，唔使番工，8點半就起左身著番套校服番學lu~因為知道會派野，d野都幾重要，所以番左去拎，聽完個講座都12點lu....，之後去左龍度玩左陣，跟住去第一城打波，好耐都無打過波lu~仲著校服打，差唔多半年前既事lu.....跟住番屋企睇「明日之後」，家姐借的，雖然睇過一次，都睇多左次~晚上，一家人齊齊整整咁食晚飯，都成個禮拜無試過lu~~之後起阿爸間房訓左一個鍾，睇小魚兒與花無缺，都幾好笑啦，跟住就番房睇今日派個幾本野喇~~

仲有唔夠36個鍾就放榜喇，中五就畢業lu....~~諗起好多既往事，好多既校園生活，好多好多既野~~一班既同學，一班既青年，將會有不同既路，就好似大樹既樹枝，會向不同既方向抻展，去尋找最多「陽光」既地方~
E+既我，唔知點解，對放榜無咩特別既壓力，我會唔會撓幸拎到14分？其實自己都覺得無咩可能~我仲未搵到自己既興趣，自己既方向，無目標既我，覺得有種無用既感覺......可能，真係要出國讀書，可能隨隨便便揀一樣自己唔鍾意既野黎讀.........
曾幾可時想過讀心理學~~~.....E d野，都係睇放榜既成績先算啦....但係到果時，會唔會太遲？
希望身邊每個人都無壓力無煩惱，也許，會考只係人生既小插曲，經一事，長一智~

>>August 8, 2005 at 4:27:15 PM GMT+8

2005 年 8 月 7 日 星期日 【炎熱】

琴日太倦，所以無打到日記，琴日最記得既係捉老鼠.................捉個陣無咩驚........之後見到e+都有d覺得嘔心.....學到d野，不過唔記得........所以E+一有野學到，就會即刻寫低佢，番黎打落日記度~
一連三日既番夜間終於都完左喇，可以放兩日假啊依個禮拜！好野！！
今日記低左既野係「做人唔可以咁輕挑」~
就算人地點衰都好，都唔應該用d唔好既言語話人地，要做番自己應有既野，唔好因為某d野影響到自己~如果可以以德報怨就最好喇！
自己人千其唔好「打」自己人~
E排番夜，強哥教左我好多野，佢地日日食雪茄........好鍾意兩句野，「E d唔岩我既」同埋「咁樣做人唔得既」^^~~

>>August 7, 2005 at 4:56:38 PM GMT+8

2005 年 8 月 5 日 星期五 【晴】

琴晚見到一個女人，可以話是一個很聽話的女人，總之是一個很蠢的女人吧........
人地話，女人蠢，就最好，因為男人話點，就點，但係我見到這個女人........覺得大人羞惡既一面......大人既世界，係咪只有性愛可以滿足到佢地呢？
之前阿敏同老細很好傾的，日日有講有笑，但係阿敏放左次飛機，雖然之前都試過，但係係咪人地番黎拎人工，都要扮睇唔到，招呼都唔打聲呢？人越大，心胸就越狹窄？為咩呢？
我好記得阿爸講過既一句話，做人，一定唔可以怕蝕底，怕蝕底，成日同人斤斤計較既人最無用，我依家好同意，如果做多少少野，可以令到對方開心既，何樂而不為呢？
其實，番工既日子自己會覺得好孤獨，有一種唔想做落去既感覺，這就是雙子座三分鐘熱度既性格嗎？我唔會咁輕易放棄的，我做得十幾日，第時要對其他工幾十年的，我得既~
因為我要做成熟左既雙子座，唔會輕易放棄，否則對不起自己~
想番當初，搵工都搵左十幾日，依家先做得十幾日，就話唔做？唔係我黎既~~

>>August 6, 2005 at 2:51:24 AM GMT+8

2005 年 8 月 5 日 星期五 【陰】

岩岩先番到屋企....今朝好好，同肥業玩cs，跟住一齊起樓下食野，一齊去巴士站答車~
番到去得兩個人做緊野.....踢晒腳，老細發脾氣，不過都繼續做野，阿敏辭左職lu.....阿燕話做到10號都唔做.........之係下午無人，我洗車，我架車有名喇，叫.....咩呢，唔見得，係跑車名「mo寶堅尼」.....ha....5點之後得我一個.......話就話成個場我睇，不過真係好倦.........d時間過得真係好慢.....好慢....阿敏都打左兩個電話俾我........但係妳.....卻一直沒有出現........
11點半先收得工.......出左1353蚊既糧.........好少，勁少，食晚飯果陣，個心突然衝左衝.....我唔想再番黎E度........唔想做......
之係答車番屋企......
之前果個fd~~傻欣今日生日，祝佢生日快樂~
當我開始學會如何去愛的時候........妳已經離開了......其實我知道，我地無機會重來，是我自己錯過了你....但，那個男孩，會一直愛著那個女孩~
有妳放在自己心中，已經夠了，片段刻劃在心中，永遠保存就足夠

>>August 6, 2005 at 2:48:34 AM GMT+8