2005 年 9 月 3 日 星期六 【雷雨】

每一個人，都有自己所愛的，就好似家人，父母會愛錫自己既仔女，朋友，會愛自己既密友，情人，亦會愛自己的另一半。
如果我從來無愛過人既話，我知道自己應該點做，點樣 去報答番愛我既人
起依個追求卓越既社會裡面，我要做既，係將自己鍛鍊得更卓越，把我有天在社會中得到既，學到既，找尋到既，去分享俾佢地~
我係一個男仔，每個父母都有自己愛既子女，有天，他們的寶貝女兒將會嫁給另外一個人，而我首要做的事，係要有能力去愛錫這女孩~
父母，養到我咁大，用心用力，有血有汗，將來，我唔單止要俾到佢地既一份安心，仲要一份愛心同安樂~
我既朋友，可以話起我人生路上，俾左好多題示，俾左好多既考驗我，令到我成長左好多，我只能互相幫助大家^^"
講左一大堆既唔知咩野，其實都係想自己知道，真係要努力，唔好再停留於原地，唔好再俾任何籍口自己，後悔既事太多，只可以從中吸取教訓，願日後後悔既事會減少~
親情同友情我諗我可以好好地珍惜，因為就算幾壞都好，我點衰都好，佢地都係我既親人，我既好友，但係愛情，並唔係自己想珍惜就行的，因為不單止是自己一個的事，沒有就是沒有，所以放底吧^^~等緣份~
佩儀作的！好正^^"
「一天，男孩滿心歡喜地帶著玩具闖進女孩的家，女孩也欣然接受，獻出自己的玩具，與他分享。他們玩得很高興…突然，男孩帶著他的玩具走了，走得很快，也很遠…男孩是對他們的玩具失去興趣？還是對他的玩伴生厭？他還有玩具留在女孩家中嗎？我想，女孩需要時間去收拾他的玩具…這段時間，不短…」

>>September 4, 2005 at 1:36:29 PM GMT+8

2005 年 9 月 2 日 星期五 【炎熱】

唉.......俾家姐話番轉頭添.......
係既........仲妳黎做咩...............掛住既又唔係我，鍾意又唔係我，話係fd既都未輪到我......仲放妳起第一位.......不過唔代表我無進步ka.....
今朝12點起身，電話響先醒，如果唔係真係唔知會訓幾耐.....無幾耐落酒樓食飯.....~食完就同肥業去我度溫書，溫書傾下計咁到5點半......跟住佢去旺角，肥文打黎話幫佢簽名，係wor...要上普通話，唔記得......跟住就換衫去左大圍lu~唔知點解勁大擔lor....要講估仔，講左成個字........若無其事......講完仲自己學英文.........跟住去左M記食麥樂雞餐，就番屋企........有亞洲小姐選舉，哇！好有智慧的！完全唔同鋪頭果d......所以唔知點解有d覺得自己鍾意d有腦既.....之後轉台睇海底奇兵，沖個涼練下結他咁睇鋼之練金術師。

>>September 3, 2005 at 3:50:23 PM GMT+8

2005 年 9 月 1 日 星期四 【酷熱】

啊！！！！！！！我唔想重讀中五啊！！！！！
好苦悶啊d生活>.<讀唔番D班.......要自修A.maths~geog要俾miss任教.....佢叫我地做番晒form.4既所有工課啊.....仲要交暑期工課！要用幾百蚊買d作業啊......想自修E科，吳sir又話有堂上唔可以>.<........班同學都唔似讀書既......fom.5仲成個細路咁.........又無氣氛又嘈....咁搞法真係唔可以靠學校.....我真係好想有妳起度........好想有個「盆」可以俾到支持我.....番左兩日學就咁啦...仲有9個月點挨......真係唔明點解之前d repeater可以無麥點咁.......
今朝就遲到喇，我真係唔想再答804.....，成日既校園生活悶到爆.......點過le.......
我知道，仲有好多人慘過我的，而「妳」都下左決心努力既，我都一定可以做到的，我信，岩岩先開始，唔會咁易放棄的~撐下去......
YO!!少少野，難唔到我既！！果頭應承左人，想縮，唔係我性格！來啦，放馬過黎

>>September 2, 2005 at 2:57:11 PM GMT+8

2005 年 8 月 31 日 星期三 【清涼】

踏入九月喇！今日新開學，我答7先出門啊，落到去答804.....答8先上到車，起車度諗左好耐.....間車到隆亨都過9點啦，未遲到.......咁點算呢，起依個時候，有個人叫，火車站有落，係BOR...火車點都快過小巴，可能趕到既，咁就落車去火車站喇，要等兩分鍾先有車，望望個鍾，47分喇，邊有可能到到啊......架火車上面一個著校服既人都無，咁我緊係要扮晒無麥野咁啦，一到大圍52分，唔知這點解，妳話妳用5分鍾起妳嬤嬤屋企跑番學校既說話係咁出現起我個腦度...，跟住對腳就跟住跑喇，好熱啊個天氣，又耐無運動，仲有唔知點解起最迫切既時候就會越多人阻住.....我跑下停下跑下停下.....上氣唔接下氣，差唔多到7仔果陣終於見到自己學校既學生喇......好倦.....最後我都唔知自己答幾番到學校，總之無遲到...好彩~~
番到課室顏SIR就起度LU..............................是但坐左個位，隔陣又話去禮堂，岩岩行完6樓又行番落去..........唉，入到禮堂......隊長坐我隔離啊！WHAT'S UP!!仲有彭彭，好迫，好頸喝好熱....麥學長依然勁多野講，一個鍾既開學禮終於都完左喇....上番六樓點名.....派通告，好彩彭彭俾水我.....
就咁調下位，寫下D資料就食LUNCH LA~~本來好想去麥記，因為想飲支大可樂，小PER又話唔想食.......咁我，小PER同張光華就去左麥記隔離間茶餐廳食野喇........碟飯都唔好味既.......杯凍O水仲要半杯冰..............我無野好講，番到去學校，入左5D聽MATHS改左既野，一間課室有成60個人................唉，聽左個幾鍾野，改左好多野啊，要追番先得喇......唔知點解MISS CHAN成日都望住我......SAY GOOD BYE果陣我無講到，佢都見到！我坐最後的！有成5個人擋住都睇到！勁！
終於放學LU 3點，肥業話去沙田入數，咁我就答8OK去喇，去到岩岩好佢又到，咁就搞完一大輪野番廣源，番到去5點LU~~
跟住玩下電腦咁，係喇，食布甸！超好食！有人想食可以整，不過要睇邊個先得啦^^~~
同妳傾左陣計，好肚餓啊，咁就去左煮飯喇，跟住就開始做PAST PAPER!因為要培養個習慣，做左一個鍾，得35題......勁慢，跟住食飯睇電視打日記，陣間先做埋佢~

>>September 1, 2005 at 2:39:54 PM GMT+8

2005 年 8 月 30 日 星期二 【酷熱】

最後一日既暑假~會過得咁平靜^^"~~
係知真係番工番到今日啦，依5日用左$700蚊..............
今朝起身，已經12點lu~~食左個包，阿媽就打黎話去第一城飲茶.......，一上車，包包打黎~~^^
傾到入酒樓，唉，如果番工就好了.....
唔知點解好飽，無麥胃口，食左少少野，同阿爸阿媽傾下計就走lu~~阿爸話出左糧請飲茶，最後因為無細紙，所以我出住先，話遲d俾番我，到依家都未......我諗會無左件事的.......算~~~我孝順^^~~番到屋企起msn度同堂細妹玩踩地雷，哈，緊係我贏晒啦~~跟住玩接龍就輸番......
唔知點解，妳，會同我say hi~~可能只係想對我公平d~~點都好，thx~~~
跟住就落左去打波........係咁打..........打左兩個幾鍾.....好倦啊.......無麥點郁，都無晒氣......
番到屋企阿媽話乞兒腳.......因為黑晒，沖完涼就打日記lu.....~
聽日番學，新既開始.........少左好多朋友..........我諗一定無以前咁開心.....因為少左妳......
不過我一定會比以前更努力的！
「若我不回頭，不要當我不想愛妳，想牽妳手，我先要學會飛！」
傑龍個留言，唔知點解，令我好感動^^"多謝妳啊！我地永遠都係好朋友！我都會永遠support你的！我應承你，我會比以前更努力！一定唔會忘記你！雖然我唔知可唔可以入到大學，但係我會盡力去做~

>>August 31, 2005 at 12:09:06 PM GMT+8

2005 年 8 月 29 日 星期一 【晴】

今朝起身無麥野做.......跟住就自己煮左個腸仔出前一丁食，食食下，肥業打黎話落去食野.......
我食完就陪左佢去食喇，我地之前講過話整布甸的，所以食完就去惠康買才料lu!~~買左6包羅拔臣，兩權淡奶，蛋、芒果同雪糕，去左我屋企整，幾搞笑嫁，好似女仔咁.......搞左個幾鍾，終於搞掂喇！放起雪櫃等今晚食！
跟住我地就出左旺角lu~~買校鞋，跟住買書包同校服.........無錢喇........份糧又未出得.........
俾家姐話「先洗未來錢」
買完野已經8點半.........~~仲約左班同學8點半去乙明打邊爐天........
最後我9點半先到^^"~~果度好靜既........一台人好似兩台人咁.......一d氣氛都無........跟住答車番屋企lu~~有得食布甸喇，最大碗果兜俾屋企人食晒........，我家姐話超好食，問我好無去做廚師....
哈，都好啦，但係我食細果兜覺得麻麻地，不過我果兜無落雪糕嫁>.<聽日要同肥業交換食！
夜晚試校服果陣有隻前所未見既小強...........真係前所未見咁大.......一定係起屋企好食好住.......死啦.......一睇就知隻野係阿爺..........佢d仔仔孫孫點算好呢..........................
跟住叫醒左阿爸拍死佢.......教我點拍.........好彩，佢今次無叫我捉.......不過睇住佢捉，講真，就黎18......驚隻咁既小強........下次要自己捉喇.......仲要嘈醒阿爸......
套校服襯得幾好睇啊，幾鍾意，就係咁喇.....刷牙訓覺lu~~good night~

>>August 30, 2005 at 5:52:46 PM GMT+8

2005 年 8 月 28 日 星期日 【晴】

e排好大洗啊........4點半番到屋企之後訓到9點2就起身喇..........約左肥業唱k.....................
果頭先唱完又去唱......無計啦，唱完就同堂細妹去左小巴黎食野，第一次食的，唔係好好食......但係唔知點解好多人.....跟住就去左百佳買左兩支野飲就去睇戲~~~「哥哥我愛你」她有免費戲飛，請我看的^^~~買左爆谷就入去喇，部戲都有悶場，不過都幾感動嫁，都算好睇的了，個男主角幾型的，跟住同細妹行左西田同好運，就送佢走喇，之後搵肥業傾左兩句我就番屋企~
租左個超人特工隊，不過好眼訓........起房訓著左...........
E+要追番d考得唔好既科~~chem....~~

>>August 29, 2005 at 1:27:51 PM GMT+8

2005 年 8 月 27 日 星期六 【晴】

今日11點就醒左~起身無耐，就諗住溫書~~~
拎起本書望左陣，就放棄左.....~~自己去煮野食，整左個腸仔奄列啊！仲有炒蛋白~~~good~~
食緊果陣肥業打黎話落去食野......無所謂啦，我食左，都可以陪佢姐~~~
跟住睇左陣電視就落左去lu~~~阿坤都去埋，跟住各自各番歸，3點肥業就上左我屋企溫書~~~
跟住落左樓下hei左陣.....
我買左吉他lu~~~要好好地咁學~~~
E+想拾下d書~~~陣間可能出佐敦食「消」夜~~強哥哥生日，仲有出糧~~~
拾完野喇！！我好d~~拾左兩個鍾姐~~~不過搵番好多野啊！好有紀念價值啊！
有from.3要寫俾miss徐既周記^^~有我用手寫既日記~~~仲有好多妳既筆記，無意中，都記起好多關於我同妳既野，好唔捨得....當時from.3，E+from.5都完左lu....妳d字跡，我前幾年既學生手冊，我可以起度講：「我既細路仔時代，係開心既！妳佔既部份都好多，好多謝妳！」
不過，人係要向前望的，真係唔可以諗緊多以前既野！要繼續努力先得！
我.........E+都唔知好無去強哥哥既消夜好.....>.<咁夜......
最後都有去到啊^^~~番番鋪頭，挨起平時最鍾意挨既地方，好正~~去度就有COT飲bor~~
E度望下，果度望下就11點lu~~~起班人咁答的士去旺角食韓式燒烤~~~都幾開心la^^"~~
果度d人都幾睇我既^^"~~包包就.....哈............記得上次食韓國燒烤都成兩年前既事lu~~果日阿爸生日~~~
就係咁la~~之後本來答車番歸嫁喇~~不過偉哥話：「出黎玩唔係驚阿麻」咁我諗左陣就去左唱K la~~佢地d歌真係差唔多10年前既歌la~~~都未聽過的^^~~不過好好玩，好搞野，有「色」魔，哈~~總之果度個個都好團結咁啦^^~~我番到屋企都4點半lu~~

>>August 29, 2005 at 1:56:06 AM GMT+8

2005 年 8 月 26 日 星期五 【晴】

今日係一日好平淡既日子，我諗妳以前想追求的，就是這些日子了^^~不過，可能改變了。
訓到10點幾起身食早餐，家姐落街買的，謝謝她，是餐肉煎蛋出前一丁，不過好難食....
諗番起鋪頭既早餐，真係好正，好唔捨得添.....食完落左球場打左陣波，打到落雨就番屋企~
跟住好懶啊，開住部機聽住歌訓覺......訓到3點半，跟住諗住落街租碟睇，順便買下午茶食，但係搵唔到張証，咁就淨係買左野食，番到屋企，肥業就打黎話到我家溫書！good~跟住溫到6點三，我就要去學pth~~簽左個名就走去沙田玩lu同肥業，跟住据扒番廣源睇人踢波.....
番屋企睇鋼，聽電台~

>>August 27, 2005 at 3:48:52 PM GMT+8

2005 年 8 月 25 日 星期四 【晴】

今日係肥業生日啊！當我起身果陣都已經11點半lu~~起屋企玩左幾個鍾電腦，3點幾果陣，有d肚餓，就自己炒左碟炒飯食喇^^~~可能做野果度睇得多強哥炒野，所以起度學佢炒，拋下隻穫咁，香噴噴，不過d味就淡左些少，等等下都五點lu....部手機壞左，起度諗好無拎沙田整，最後都出左去，去到數碼通，佢話要番廠整，如果俾佢整要俾$200蚊先，咁就問左佢個地址就去左新基地喇，起果度睇人玩，無玩過，無耐，肥業就打黎喇，叫我去沙龍，跟住又睇佢地篤波，睇左成粒鐘....................我自己落下面玩陣先，然後就去左乙明打邊爐.........跟住hei下咁....番番黎都11點半lu....~~傻包打左個電話黎^^"~~~
今日既氣氛一d都唔似搞生日既.......不過都好好ka la~~有一班fd一齊玩......~
就係咁la.....

>>August 26, 2005 at 5:03:21 PM GMT+8