2005 年 7 月 26 日 星期二 【陰晴不定】

今日好唔願咁起身番工，朝早老細同阿欣都起度，所以都無咁踢腳，跟住食早餐，我果陣見到d客食多士果樣好似好正咁，咁就叫左個朱力奶油多做早餐，食完第三塊之後，個傻雞問我，「好食咩？」「d朱力過左期」.................之後lunch有d肚痛.......之後阿雯都番左黎，多左人手就緊係好好多啦，lunch一樣咁多人，果個洗碗阿嬸換左....唔知點解今日同d同事多野傾左好多，都有講有笑，比起前兩日真係好好多啦~~不過我做緊野果陣，通常都唔會理人....自己做自己野，不斷做咁就到2點~~差唔多到我食飯lu~~強叔，我，傻雞同雯一張台食，佢地話好溫馨哈，一邊食佢地就一邊講，講阿雯個男朋友~~佢地係咁講愛情野，完來佢地當愛情好似鬥邊個叻，係咁令人地著數，雖然咁既愛情(即係用腦既愛情)會長久，不過真係好嗎？我淨係聽都係咁笑，因為佢地d粗口真係好搞野，都幾好啦，講下講下都覺得份工唔差，之後阿雯收工，老細叫我抹冷氣，咁就拎梯抹，慢慢抹等時間過，4點之後d時間好難過.......同阿燕同包包傾計咁.....之後差唔多6點果陣要同老細一齊送外賣，咁就change3放工喇，答281a無位......要企，太眼訓喇，企起度都差唔多訓著，著腳曲左幾曲........唔識講^^~~之後番到屋企沖涼收衫煮飯，睇開心大發現，跟住阿媽收台果陣同阿媽講「阿媽！D野我拾得啦！哈」。
留到E度啦，要睇危險人物，不過真係好倦~

>>July 27, 2005 at 2:15:57 PM GMT+8

2005 年 7 月 25 日 星期一 【暴雨】

今日第二日番工，教左鬧鐘醒，好耐都無聽過果鬧鐘響喇！之後就morning call佩儀喇~~
之後梳洗完一番之後就出門喇，起巴士訓左陣，番到甫頭得我一個侍應，就忙左成朝喇，都好...仲搞得掂，之後老細同阿雯都番到黎，就開始少人左喇，跟住食左個公仔麵差唔多到lunch，又係勁勁勁多人，真係好想大喊一句！「xx」個老細一直睇住我做野，我就緊係搏命d做啦~~跟住3點鍾又少人左，睇下電視hei下咁，之後果個阿欣又叫我做番琴日d野......話男仔做多d wor....係啊，男仔仲有d野可以做添，哈，講笑姐~~之後出左去送外賣，今日送左兩個咁多多啦，就差唔多可以話等放工，係喇.......今日個lunch無人記得我....................................................d人知道我未食野先即刻煮......我有出聲嫁......不過d人落左單唔理我,,,,,,,~~~算~~~
答281a去左威記睇隻腳趾尾.....去照x-ray，原來間房係咁的，第一次，哈，最後個醫生話「好彩」....無事.....講到好想我有事咁.....話傷左d軟既肌肉組織咁話，係喇係喇，唔知點解，有一種濫用急症室既感覺........阿爸有陪到我一齊等~~thx father~~
之後就係咁喇！~~睇危險人物，跟住訓lu~~
有個人仲玩緊^^~~~今日無去到個bbq......>.<

>>July 26, 2005 at 2:32:44 PM GMT+8

2005 年 7 月 24 日 星期日 【炎熱】

今日第一日番佐敦既慢吞吞度做野，一番到去，無人的，得一個著條紅色短褲既廚師做緊侍應個位，俾左件西裝衫同圍裙我換，果個人叫傻雞................唉，跟住叫我擺下post咁，等d人番黎教我野，咁我就睇餐牌同埋學下點做野啦，跟住有個阿欣既女仔番黎喇，教完我d野就開始做喇，開頭成日做錯野.......不過都淨係話左幾句咁~~無幾耐又有一個阿敏既女仔黎左，又幫手做野，真係原來有好多野學的，不過今日都差唔多學晒.......
朝早落左幾個單，都唔係咁想落，有d驚落錯，不過真係落錯兩個，之後有早餐食啊，腸蛋麵，又無幾耐又有一個新人叫阿燕黎左....佢都有25、6歲........個樣好唔掂...........................
又係豆豆地雞，12點開始勁多人........係咁做野做到唔識停，好快咁就到3點.....有lunch食，加喱飯加太陽蛋配凍奶茶，之後間野無麥人lu....~~果個阿欣細個我.....不過成日姣個老板......係咁點人做野........叫我洗架推車，要照到鏡，ok la~~照洗啦，之後拖地就係咁~~佢一見到我停就係咁叫我做野，咁番工係要做野既.....不過坐下都唔得，但係我醒，偷到懶既~~跟住播多拉A夢，果度有電視，不過見到我睇就叫我做野.......等到6點就放工走人lu...起架281a度訓著左......果本老人與海都係睇左幾頁.....「本書好悶」~~
番到屋企都7點lu~~~7點出門7點番屋企~~種感覺有d奇妙，阿媽番到黎就笑，問左好多野，但係我都係得個倦字~
份工雖然唔係好辛苦，又有免費早餐同lunch，但係唔知點解，可能有d俾人縛住既感覺，自己都唔係咁舒服，番完工先知朋友真係好緊要....平時可以玩既日子真係要好好珍惜玩到夠為止，因為無麥咁既機會嫁喇....~~
起架車度.......電話無電，唔可以打俾人，亦都無人可以打俾我，果刻，好想有妳起度.......做完一日野，真係想聽到你把聲，幫我打打氣，充充電......先更加清楚到要珍惜......
好想再聽到妳關心我的聲音啊~~不過只係想姐................
我表弟........鄉下果個話黎香港......聽日我地同學搞果個半月灣bbq加游水都無得去.........仲特登買左件衫......都幾想去......不過無理由番一日工請假......所以都無得去....lu...~~
今日有好多野想講，不過唔係咁想打起日記度~~~想知可以call我既~~~呵.......

>>July 25, 2005 at 12:11:45 PM GMT+8

2005 年 7 月 23 日 星期六 【晴】

今日係一個好平淡既假期，起屋企玩電腦，同埋同肥業傾計~
今晚有香港先生選舉，選左出黎，你地覺得好唔好呢^^~~
我家姐話有d似rain~
今日睇左本新書，叫做老人與海，不過未睇晒，番工答車果陣先睇，入面講左個漁夫以前既故仔，當佢釣緊條雌魚既時候，他看到，有一條雄魚圍住條雌魚不斷游，直到雌魚俾漁夫拉上船，亦都無離開到，仲跳出水面，看雌魚.....(d魚大個人嫁)
就係咁~~聽日要番工lu~~唔知新工作會點呢~~不過無論點，我都會盡力做的，為自己既理想同夢想進發~今晚要早d訓先得la~晚安~

>>July 24, 2005 at 3:10:09 PM GMT+8

2005 年 7 月 22 日 星期五 【陰】

今日10點起左身，得自己一個起屋企，就睇下電視玩下game咁等到兩點幾喇，肥業先放工，起我等緊既期間，之前佐敦間野打俾我啊，有工開喇！唔洗起企喇！
咁跟住去樓梯hei左陣，就提意陣間出尖嘴玩，好啦，咁六點半就出左去喇，去左沙龍玩槍game先，等阿龍，但係9點佢先出現......去左間汕頭蛋xx餐廳度食左魚皮米粉，跟住去左好運行......咁就10點，都係番屋企.....最後都無出到尖嘴的........
番到屋企唔知點解坐左起張食飯台度，同阿媽傾左好耐計，就沖涼睇練金術，係喇，我依排日日要飲苦藥......唔知點解.........可能更苦既事都試過啦，所以雖然真係好苦，但係自己都覺得小兒科，一口氣飲晒，就係咁，聽完森美移動同肥業玩cs，就訓lu~~good night！

>>July 23, 2005 at 6:02:18 PM GMT+8

2005 年 7 月 21 日 星期四 【微冷】

今日，係一個好特別既日子，但係亦都係好普通的一日，或者，已經只係一個平常的星期五，今日既上上年，即係03年，妳說了一句是但^^~~還記得那天我潤光換髮咁gel緊頭，果日，我同聲爺出左去睇戲。再上年，亦都係同一日，聲爺都約左我出去睇戲，當天開心，也很平靜，而今年，我亦都選擇左同聲爺去睇戲，心情已經無麥特別了....晚上，send了一個短訊，一個係我性格會做的事。
講番今日，睇左神奇四俠，都幾好睇啦，不過都無笑過，可能部野跟本唔好笑掛，之後去左買背心，然後去左打機，見到阿龍，就係咁，9點到去左聲爺屋企食飯，果度有佢一個小學同學同小學同學既朋友，唔知點解，同聲爺好似無麥野講，可能有d陌生掛...~~但係我地都係朋友~餐飯佢地煮，都幾好味的！睇下相咁都到11點半lu.......22號，淨番半個鍾。
我自己去左火車站入八達通，起巴士站度等巴士，係我手提時間既11點59分，我望住相，看著鍾到23號的，之後就番屋企lu~
其實今日並不是什麼大日子，只是自己的心盈住盈住，自己想多左姐~拜拜7月22日~
起巴士上，想起很多以前既野，的確，我會因回憶而笑的^^~~希望，妳同樣都會~

>>July 22, 2005 at 4:49:41 PM GMT+8

2005 年 7 月 20 日 星期三 【雷雨】

玩動物拼拼.....................................

>>July 22, 2005 at 4:50:08 AM GMT+8

2005 年 7 月 20 日 星期三 【清涼】

今日去佐敦見工，兩達地方都未去過，都係行下行下就去到喇，起屋企打左半日機..............
唉，自己都想講句幾廢...........到廿一號喇..........我諗........妳廿二號都唔番黎的了.........
眼訓喇開始.........早抖..........

>>July 20, 2005 at 5:42:10 PM GMT+8

2005 年 7 月 18 日 星期一 【清涼】

今日真係超熱..........起身，就即刻上網搵工喇，有無工都搵，多好過無ma~~
一次過搵左8份出黎，打第一個電話就叫我去見，不過我睇清楚，原來一個禮拜番一日......雖然$250蚊日，不過都係唔好喇...~~打第二份，又叫我去見喇，佢講左個地址俾我聽，4點去見，之後，我上網搵達地方，起粉嶺的，搵都搵唔到............咁就算啦，都無計，硬住去
答完小巴達火車，再搵小巴站，跟住又答小巴，去到一個好陌生既地方....果度真係真正既荒山野嶺，咁岩，原來有個人都係黎見工的，答埋一架小巴，都係落車先知，咁就一齊搵喇，要經過墳墓，再經過豬場先去到，入到去，一睇就知係辛苦工，咁我填完form佢叫我去試一陣工，試左陣，好彩我平時有練開野姐，d野真係好重，跟住就叫我等消息喇，來回都用左40蚊。
番到屋企又打左兩份waiter都係起佐敦。所以聽日就會係佐敦之旅。
that all~~good night and have a nice dream~~~~

>>July 19, 2005 at 4:03:57 PM GMT+8

2005 年 7 月 17 日 星期日 【清涼】

一朝早問完ok就同肥業去荃灣，唉，又要等>.<唔想等喇，自己起屋企係咁找，找到想訓，又整到隻腳趾...........痛到入心入肺..........又唔想用阿媽幾百蚊去睇隻腳趾尾.........照x光要200嫁........一日既糧啊.........唉，希望自己會快d好啦，夜晚睇危險人物，個女仔真係好好啊！又識得體諒老公，仲教到個女咁叻，真係唔知咩男人黎嫁果d...........
初頭到生個女之前阿媽話個男人哄死人，真係啊..........哄死埋...........
今日好熱啊，台灣就颱風，嗯，晚安！

>>July 18, 2005 at 3:08:51 PM GMT+8