2005 年 7 月 16 日 星期六 【晴】

今日既事，其實都好普通，令我覺得最特別既係，我起一個月前留左個言給一個singapore既女仔，竟然add我~~佢is我識既人入面最努力既人~
雖然唔係識佢好耐，但係唔知點解有種好熟既感覺~
by the way~~世界可能好細，但係卻有好多好多不同既人存在，目光應該要望得更遠…更遠…
take care!~

>>July 17, 2005 at 3:43:57 PM GMT+8

2005 年 7 月 15 日 星期五 【晴】

今日無咩特別野，係去左學普通話，夜晚食完飯同肥業去左跑步，似散步多d，不過吹下夜風，都幾舒服。
最後既係，答小巴果陣，失去左既感覺，竟然番番黎

may be...........

>>July 16, 2005 at 3:40:10 PM GMT+8

2005 年 7 月 14 日 星期四 【酷熱】

「心情」
放心，我離開，會好好的過。





想有以前的機會去哄你笑，不過我知現在不是合當的時候，亦都不會有。




若果你離開了他，懇請妳說給我知，希望你會給我機會讓我珍惜你。





由今天起，我的日記不會再有妳，直到某一天，妳可以回來「我的希望」




因為我不想在日記中傷害到妳





希望妳會記得有我存在過^^緊記我地一起過的回憶，希望能給妳一點的歡笑！
也許我是一個失敗的人，不過我會應承自己唔再咁易失敗
哈，愛情並不是生活裡全部的事情啊！「E句野要時時刻刻都記住先得」
要排既話，我會排家人跟住學業同工作，朋友就緊係唔少得啦，都好重要，愛情，都係放最後！
我都要！愛昔自己！^^
咩都要大膽d試，唔想自己後悔緊係啦，隨此之外，係要留個最最最美好既回憶！因為隨左自己！無野係可以跟住自己一直到永遠的^^咩事都好，都要笑^^哈哈，我愛所有人！
嘻嘻^^講真的，點都要開心咁過，悶都要開心咁悶，辛苦都係幸福的！
15/7

>>July 15, 2005 at 12:55:13 PM GMT+8

2005 年 7 月 13 日 星期三 【清涼】

今日無出過街，成日都起屋企n住line~妳，亦都係，我地無任何既話題，我亦感覺到你不太想說話，炎熱既下午，加上孤寂既氣氛，真係令人喘不過氣.......
這一刻，好想你的電話號碼再出現起我手機，好想見到message起icq lite度閃......但係最終都無.....因為你在拍拖，還是不想有我的存在？俾著我自己一個起屋企，我一定會悶到難以想像的，但係你....可能會覺得自由舒服，唉，都係offlin la，我會心郁郁想同妳講野，阻到妳的，我去睇下書，會好好多...............
一直online，都彌補唔到我地之間陌生既關係，妳的info改左，係我變左，定你變左，其實係咪無意思？點解一句野，我都咁在意......妳果個，會唔會在意一d咁細微既野？
到左夜晚，帶著小小睡意望著手提，已經7月15號喇......時間不斷咁過去.....可唔可以停下？
一個禮拜後既今日，就到22號........點解妳好似忘記得一乾二淨？我有好多事情都唔清楚....真係好想可以同妳坐低傾下妳既近況.....依家既關係，講多句都覺得自己好煩咁......妳真係唔想同我講野？唔識得講自己既心情出黎...只係好唔舒服.....因為我放唔低..................我錯....因為我仲愛妳.....

>>July 14, 2005 at 5:25:58 PM GMT+8

2005 年 7 月 12 日 星期二 【酷熱】

今日既日記就係唔俾自己再過番今日咁既日子
d fds個個都走晒，so what ~so boring today~

>>July 13, 2005 at 1:46:53 PM GMT+8

2005 年 7 月 11 日 星期一 【晴】

今日係我中五既謝師宴啊^^
朝早俾13歲嘈醒左........8點半就醒左.....之後訓番兩個字......又打黎.......再醒過......跟住就真係訓唔番喇，佢話佢全班考第五~~算啦，佢高興都係想有人同佢分享~朋友，唔會咁小氣既~~
之後就同阿媽，家姐去飲茶，有兩個姨姨都起度，今日係中一派位，羅太個女選左第七志願....覺光，要周圍撲學校，之後我番完屋企去完個廁所之後就去左肥業度喇，佢玩緊夢幻西餐廳，就係咁，悶到12點半落下面食野，我食左個西多，之後又番屋企hei........好難先hei到5點半.....著埋套野去尖嘴，約埋傑龍同肥許去，去到就揀左8號台黎坐，果陣都無麥人，係咁影相.....無帶到相機.....遠處望到妳起門口影相，之後，妳都有走過黎想同我影相，不過妳俾人叫住，望住妳既背面，妳著得好好睇，好襯妳。顏sir俾左一條綠色既絲帶我，一條粉紅色既俾妳，妳總共有兩條~之後，要開始lu~妳同豬尾都無位坐，就逼少少一張台喇，估唔到，滿晒人，竟然都可以一張台，之後，就開始自助餐啦，夾左好多野，番番台，見到妳都未拎，其實我地張台係夾晒一齊分的，所以都無突登去問妳食d咩，食下食下就差唔多抽獎品喇，第一輪，竟然抽到我，起楊中五年，都係第一次，聽到妳話我今日有抽獎運，哈，多謝。
之後繼續食，食下食下，你叫我同妳影相，終於有一次起妳耳邊讚妳靚！
起台既另一邊望住妳睇相，微微地笑住，知道妳好開心。
心想，其實我，應該真係要離開了，因為見到妳既笑容，令我好放心~
就係咁，個場無麥氣氛，我地都好想投入，不過好似一d氣氛都無咁~~知道妳既好朋友籌備左好耐，所以都問左佢幾句野，不過我知道妳地都好堅強的！我地自己走先，沿路上，風景照樣迷人，不過d野好重，好熱，妳跌左野，叫左妳一聲，想幫妳拎，不過好似聽唔到，到左尖嘴碼頭附近，佢地話買野飲，起買野途中，賢話妳要走lu~send左個message俾妳，之後無耐，我地都走lu~一齊去巴士站答車走，番到屋企飲湯沖涼打日記！
今日都好開心的，心情無平時咁沉重，有班自己既好朋友，係喇，聽日真係要開工喇！好開心見到妳，亦都好開心，妳第一次讚我型仔^^
我唔會俾咩希望自己，亦都唔使擔心妳會俾到d咩希望我，尾二既一次見面，就完左，仲有最後一次~

>>July 12, 2005 at 6:20:40 PM GMT+8

2005 年 7 月 10 日 星期日 【晴】

今日起身，係肥業嘈醒......佢見工~要等，咁跟住家姐買左個早餐，食完好眼訓......不過肥業番到話玩cs，咁就玩啦，之後去左佢屋企，起走廊拾到d舊書，諗住搵阿龍問下賣唔賣到，點知一本都無.......起樓梯口俾肥業剪hair，........唔係話唔好睇既......自己整整都好型的，就係咁，之後又去左廣松練野，不過依幾日練完，d手腳仲好痛，........又番左屋企，7點又再去練，不過都練唔到d麥，因為d肌肉真係好痛......好倦，就去左龍岡跑圈，出完身汗又番屋企沖涼煮飯吸塵收衫，做晒d野都仲好早.........屋企都未有人，就聽下歌咁，10點先開飯,,,,,,,睇危險人物同肋肉xx，跟住又番房打機，就係咁.........到E+，11點半有個女仔打俾我.......佢又喊...........問我點解唔鍾意佢......無解啦.....我鍾意既人都唔鍾意我，曾幾何時都想喊住同佢講，不過都無做到，佢係咁問我有咩唔好，比唔上妳，我淨係答，唔係一定好，就會鍾意既........兩回事.......唉........
其實自己個心仲好痛.........好似記得有人話時間係治療既最好藥物，但係我覺得，亦係令人受傷既武器，琴日肥業同我講，見耐左係咪會厭，我想問，唔見又會唔會掛住呢？

>>July 11, 2005 at 5:03:03 PM GMT+8

2005 年 7 月 9 日 星期六 【酷熱】

今日又俾大家姐拾衫拾醒............咁就無無聊聊咁坐左起電腦旁邊，睇左陣踢出我天地，就打左個電話俾肥業，一齊一點鍾落左下面食野，跟住又去左廣松練野，好曬，不過我地都無放棄到，繼續練，之後借左「極速強盜」黎睇，UM............OK LA~玩左陣CS~都差唔多7點LU~
跟住煮飯吸塵收衫沖涼，食飯睇冰之驕子。
順其自然係最好的！
今日就係咁喇，GOOD NIGHT~
今晚，靜怡番左黎，唔想想咁多.........理得人地點，唉，我信！上床合埋對眼，希望可以快d訓得著.....

>>July 10, 2005 at 5:26:37 PM GMT+8

2005 年 7 月 9 日 星期六 【暴雨】

今日同肥業出左去旺角拎老西，我地兩個都窮到隆....連想買杯綠野仙宗都無錢.......
跟住答281A番廣源果陣兩個都訓著左，番到屋企同業玩左陣cs~~過唔到100....得94...~~
跟住就出去學普通話lu~肥文無去到。之後終於食我既晚餐，亦係今日既第一餐.....大圍間麥記.....自己一個起大圍行來行去.....原來果度有兩間機鋪，不過無去玩，都無我想要果d....跟住去左果間糖水鋪，本來諗住食，因為都未飽，不過最後都無，慢慢行去小巴站答小巴番廣源，打左個電話俾你，不過無開到機，我諗，你應該番左大陸~^^~
之後肥業打黎，就去左做運動喇，練左好耐野......哈，keep住落去一定有成果的！！加油努力！我地決定左風雨不改的！
番到屋企屋企仲未有人，個個都出左去食飯，我自己沖完涼就試套老西喇........唔知點呢，自己覺得ok既.....你會唔會覺得好睇？開住qq不過你無on到~~~
臨出門聽番次我地兩個既歌，又知左d野^^d歌詞，真係幾時都岩用！
好掛住你啊！不過我唔會煩你的

>>July 9, 2005 at 4:47:52 PM GMT+8

2005 年 7 月 8 日 星期五 【陰】

today去左尖嘴唱K，跟住去沙田睇衫，再去旺角買老西，跟住答車塞左兩個鍾，番到屋企online睇電視咁就到E+ la.....心想我有朝一日會達到夢想的，我信。

今日發覺拒絕一個人都唔係一件好既事....即係拒絕人自己既心都唔會好過，不過唔拒絕又唔得.....
may be......晚安~
一年lu.....看番一年前既野都仲可以帶俾我一d歡笑^^~~真係好低b~不過人可能就係咁啦~過左去先珍惜，無左就無的了，依句野，原來一直身邊都有人咁免勵我的.....
不過，我會爭取，起適當時候，要等我啊！
睇番以前既自己，真係好純真，做任何野都係憑自己第一既感覺，愛人又係，呷醋都係，雖然依種性格令我失去左樣令我後悔既野，不過細路仔，又有幾大既力量去保護自己心愛既野？
開始成熟先知道以前既野係咁珍貴，想依家既自己代入以前既角色去彌補失去既野，哈，可能，應該要好似我平時講咁，每一個不同既年紀，都會經過不同既野，咁我地先會真正成長，因為無人一出世就麥都識，麥都曉的，亦唔會有人一開始就懂得珍識.....

>>July 8, 2005 at 5:18:36 PM GMT+8