2005 年 7 月 4 日 星期一 【酷熱】

諗諗下，好似兩日無打日記喇，近排都同平時一樣，唉......份工要13號先有得做啊，我都唔知點講好喇，算啦，當休息埋e個禮拜啦，可能依個禮拜就係我的summer hoilday了，今日訓到12點先起身，因為真係好倦啊，有幾個電話打黎，嘈醒左都唔係咁易訓得著，之後無耐肥業就打黎話出沙田，好啦，還掂都無野做，著左套新衫褲去，我就覺得麻麻地好睇喇....可能我個人黑掛，著d衫都唔係咁好看，出到沙龍睇肥業玩左場槍game，勁啊，真係打到去最後的，之後去左篤波，跟住又去番槍game度，不過我自己一個玩，過到4關jja...跟住唔知點解，又好似好多野想咁，不過想咩啊，都已經不再是我的了，肥業同我講，佢話真係好開心，是的，我想看到的，也只是她能夠開心，雖然不是我，但已足夠。
同肥業起後樓梯傾左陣，就番屋企喇，無幾耐落左下面打波，鬥左幾場波，衫都濕晒，番到屋企沖涼，見到佢地兩個都有online，就係咁，this is not my business~睇下電視咁時間就過得好快，就到12點喇，新一日又開始~~
自由人~~~~雖然我唔係咁鍾意，算啦！有d野過左要面對現實，我要型爆！

>>July 5, 2005 at 3:44:37 PM GMT+8

2005 年 7 月 2 日 星期六 【晴】

今日約左肥業去旺角買衫，去左chip之堡買左條褲同件衫，順便買左杯綠野仙「中」飲，肥業問我點解會知道有E種野飲，是關佢都覺得好飲，我話是妳介紹的，他說：「睹物思人」
或者係啦......番到黎業都去左我屋企玩cs，隔左陣，有一個好耐都無打俾我既人打俾我~
傾左陣之後就落去打波喇，打左好多場波，唔知點解....打唔番昔日既自己........只有動作快左.....好想做一個好出色既球員，唔想俾人睇小...
打到8點半鍾，番黎沖左個涼就食飯喇，無麥胃口，可能琴晚d野仲未消化完，跟住就睇冰曲喇
聽日係我第一日番搬野份工，我既生活，可能會變化得好大，唔知會點呢.......
我好想可以瀟洒d，好似木村咁，當一場遊戲，完結左，就完結左啦.......
may be....

>>July 3, 2005 at 2:03:54 PM GMT+8

2005 年 6 月 30 日 星期四 【乍寒還暖】

今日跟左兩個家姐去左佢地教會既香港一日遊，一朝早去左太子答旅遊巴到左赤柱，第一次去，有美利樓「以前美國既國事基地」，跟住去左城市花園食自助餐，去埋醫療博物館同海防博物館，影左好多相，玩得ookk咁啦，不過個導遊講左好多香港既野俾我地聽，學左唔少野^^做導遊都幾正的！之後，去番太子解散，同家姐仲有佢d fds去左花園街，行番之前既路~~仲記得間鋪頭我地去過買扇，但係E+買好多手飾~然後佢地話想去洗手間，就去左新世紀風月堂隔離果度~妳，仲記唔記得呢~我淨係記得唔知等緊邊個，而我地就起出面攬左攬^^~~原來，已經年半既事lu...~~之後，去左麥記食左個apple pie~就答火車番屋企喇，因為無煮飯，起樓下間大快活買~食左個粟米豬扒飯，肥業叫我打波~~哈，今次，竟然起下雨天~唔洗獨自一個人打^^~~同佢一面打，一面傾心事，好難得，同一個10幾年既街坊傾左咁多計~打到10點，番去睇危險人物lu~今日講hello kitty~~
今日好多時都好想念一個人...係喇~~我真係好開心，因為我發覺有好多朋友仔睇我日記的~真係多謝你地關心我^^~wish你地每一天都比昨天的精采！
踏入七月，新一月既開始~

>>July 1, 2005 at 3:23:10 PM GMT+8

2005 年 6 月 29 日 星期三 【乍寒還暖】

今日聯校畢業典禮，9點9番到學校，琴日熨衫特登整到靚靚先番學，個講座聽到我好悶啊.....d chair好硬，都唔舒服既.....妳坐左起我好後既地方，望左望妳，見妳都有講有笑，放lunch，去食奶油多，而妳，亦都去左同一間既餐廳，各自有各自既午餐~番番入禮堂，顏sir開始派發成績表，個個同學都好開心咁，可能，好耐無走埋一齊掛~~有講有笑咁上左車，準備去灣仔參加畢業典禮~入到去，有種「紅」館既感覺，坐果個位o岩o岩對住看台，妳坐起我後兩個位，看住同一個看台，聽住同一首既良師頌，唱住同一首既校歌，聽住令人想訓既訓詞~唔知，妳當時又會點呢~畢業禮完結，各有各既走，眼見妳同海燕過著馬路，沒有開口說一句再見~~妳番了去妳自己的地方....再見的日子又少了一天....~番到屋企，已經6點半，同往時一樣，自己一個在球場上練波，盡力地打，不斷地射......好像想忘掉一些的東西.......成個人都好倦~
「自己想左d野...望住那個靜怡，她心裡沒有了大雄，似乎愛上了技安，今次，大雄無問叮噹借任何既法寶.......只想自己爭取.....」

>>June 30, 2005 at 2:17:16 PM GMT+8

2005 年 6 月 28 日 星期二 【陰】

其實都知......自己無可能嫁喇.........就算佢唔鍾意佢.......都唔代表會鍾意番我.....
聽到兩個fds都會妳會回心轉意........好似我地E+咁既關係.......又點會有既一日降臨呢.......
想起你唔開心的時候安慰妳....令你開朗番....都無可能.......因為我連妳開唔開心都唔知道.....
唔通分開了的人，朋友都做不到嗎？
i know you love him already~i would have a good life in my life without you......wish i can give you happy if you need me, i am here anythime...because i need you also...
今朝見左工，成功左，禮拜一開始做，跟住下午無無聊聊咁過，去左練波，真係要練下d射波先得喇...番到黎都係咁過la..~~this is the day i 渡過...
我要堅強！努力！do a strong man!!because i need help people「第時有機會照顧番人」！

>>June 29, 2005 at 1:17:45 PM GMT+8

2005 年 6 月 27 日 星期一 【酷熱】

「如果連自尊都已經不再需要 這個世界什麼愛你買不到」
你明白這個意思嗎？在自己心愛的人要前，你會選擇自己既尊嚴，定你所愛既人？
離開，又會保留到自己的尊嚴嗎？
今日，朝早即刻同肥媽去火炭拎身份証，跟住去番間ok，不過威哥唔起度，等左個幾鍾，佢都無番到，自己去左新城市，因為又話有傳單派......真係唔想再派喇........同肥業起沙龍玩左陣，就自己去左禾輋拎單，點知又係派樓，仲有兩個細路女..........唉，算啦，認真派下啦唯有，派左兩座之後，d保護員好盡責，我地入唔到「係起富豪派」跟住我地hei左陣，佢地提意去河畔，咁得我一個男仔.......就要我拎果箱傳單去喇，去到又好嚴，就話又去沙角喇，跟住我同一個女仔派一座沙角，派完我又同第二個女仔派........佢地就輪住休....都算啦，我係男黎kaa ma~都要睇住佢地既~~點知差唔多派完俾個護衛員見到........叫我地拾番晒d傳單.....唉，搞左大半日腳仔都軟得80蚊.....仲要遲d俾，我番到屋企去左樓下練波，跟住E+去沖涼......今晚早d訓喇......聽朝再去見過！今日同琴日一樣，睇住佢online......而佢另一半都係.......我係咪要有番自己既尊嚴，繼續保持沉默呢.........

>>June 28, 2005 at 1:07:48 PM GMT+8

2005 年 6 月 26 日 星期日 【綿綿細雨】

今朝起身同小學同學去見OK~~佢話實得！哈，咁我地就去左利豐喇，買左包寧x茶飲，入到去，佢即刻俾from我地，話即做，好野！三十蚊一個鍾啊！！跟住叫我地俾身份証佢睇.........oh......我唔見左張野.........無去到補拎......佢話我可以走得.........嗚.............跟住勞工處打俾我，叫我29號去見另外一份......都好........不過唔知得唔得lei........之後，番屋企搵.......想住搵身份証.....但係都搵唔到..........跟住就答83k去派傳單喇........唉，我去左機輔玩左陣，唉，都無敵手了......跟住打俾肥業，話起玩具反斗城，咁我去到，佢就話同我出旺角喇，雖然番緊工，不過算啦，都係計時姐，跟住出到去，佢要買鞋，咁行左幾間，得一間有，不過無果個size，去到朗豪方，連隻鞋都無，買左杯綠野仙「中」飲，開始愛上左飲lu~~嘻，跟住番沙田，岩岩5點，就放工lu~~跟住陪肥業去西田買鞋，買到lu~~~不過細少少碼~~~跟住去左老地方傾計，之後同一個阿叔鬧交，為咩鬧？哈，唔講得的~~跟住番到廣源自己落左去打波，打完番黎沖涼，就食飯lu~~~好耐都無學英文，要學番~~~加油加油fighting!~
「我一路向北，離開有妳的季節」
別人的愛令妳不再孤單，我坐在車上，看著漸變中的天色，心想著一些不愉快的事情，回想番自己既過去，不斷想著、想著，一個錯過了的人.........那擁抱的感覺....已慢慢遺忘了，妳硬硬的額頭，那唯一的嘴巴，以後，還會像當初一樣，笑嗎..........
想尋找自己久遺了的笑容......

>>June 27, 2005 at 2:08:11 PM GMT+8

2005 年 6 月 25 日 星期六 【乍寒還暖】

今日係family day~我地一家，仲有兩家隔離鄰舍去左龍鼓灘~~~~
今朝7點半就起左身，準備出發lu~~食左d阿媽一早晨去買既早餐~~~成家興興奮奮咁出發喇~
我地答49x去千色店，再答車去屯門碼頭，經過蝴蝶灣，再轉車入龍鼓灘~~~
去到，個海好污濁的~~~我地係去阿爸個工友屋企~~圍頭屋黎既~~~
果度有一棵芒果樹，d芒果俾太陽晒果邊紫色嫁，好靚^^~~有漸變色既芒果都係第一次見，我同肥業，仲有阿珅出左去行，個海真係好污濁，跟住我地上左個山，原來果個係中華白海豚既瞭望台黎嫁，果度好大風，遠處望去，個海好靚，頭先到既地方都好細少，我起果度留左幾個字^^希望有機會你第時去會見到啦~~跟住家姐打黎話擇荔枝！咁就行左三公里路到去棵樹度擇喇，我地除衫行，因為真係熱死.......show肌，哈~~去到爬樹擇黎食~~真係幾甜wor^^~~唉，不過其實我地都無麥moon的~~果度有個女仔好似你的~~肥業都話似~~就係咁答車番果個人間屋，之後都無麥點~~果度有個好細既長路，連到去海出少少，我地起果度影左好多相，都幾舒服，不過成日間中落雨，成身濕晒，都幾dirty....~~就係咁，起果度傾左陣計，我地幾個番屋企先，答番之前d車，兩個鍾車程~~就番到lu~~番到黎都7點半~~我自己落去打左陣波~~~
番黎沖個暖水涼、打日記，睇冰之驕子lu^^~~bye~

>>June 26, 2005 at 1:34:24 PM GMT+8

2005 年 6 月 24 日 星期五 【陰】

今朝都一樣起身同阿媽飲茶，同埋肥業，肥業大佬仲有肥業阿媽去~~
食完之後肥業去左我屋企玩左陣cs~~本來諗住幫佢溫phy~因為佢都就黎要考lu~~
但係突然佢話想玩法拉利，咁就去左喇，去之前，派左三層傳單......自己果座，咁就計左6個鍾既錢喇.....~~~無計啦...............跟住出左沙田，去左沙龍篤波~~同肥業篤左半板波，唉，唔識篤既...yahoo就勁.....跟住去左沙龍打機，無打到啊，睇ja~~~
跟住同左肥業去新基地，見到阿媽同肥業個阿媽，俾左一百蚊我，不過都無用到，玩左場法拉你，玩左五蚊槍game，全部爆晒~~~型爆啦，勁多人羨慕~~不過肥業槍game就勁過我，法拉利我win晒^^~~呵，跟住起ua樓梯坐左陣，我覺得wing wing地.......唉，跟住石子打黎話出左糧，不過唔夠，我仲以為起禾x，原來唔係，咁我就自己去左大圍學普通話喇，我好專心嫁，因為我要不斷增值自己，為第時既日子輔路~~
跟住答804番屋企，無食過野啊，好餓，番屋企兩個家姐睇緊沙膽大話王，起樓下租既，我整左個杯麵食，同佢地一齊睇，阿爸阿媽去左食巴西燒烤，我聽日應該有錢拎lu~~~~300蚊~~~
就係咁~~去沖涼lu~~~~~話時話^^~~留左個晴天公仔之後真係好天左~~嘻~

>>June 25, 2005 at 2:38:59 PM GMT+8

2005 年 6 月 24 日 星期五 【雨】

今朝媽咪又叫醒左我樓下飲茶，兩個人撐台腳，期間，蕭太同羅太都坐左落黎同阿媽傾計，見到阿媽好開心，佢地細聲講大聲笑，緊係講第二個既是非啦，阿媽笑到眼淚都出埋，我仔細D睇，見到果兩位姨姨個樣仲好似好後生咁，姐係睇落唔似阿婆，但係睇番自己媽咪，日日都要跟我阿爸去做泥水，日灑雨淋，見到佢真後愴老左好多.....我阿媽都就黎五十喇....自己既長大，都見証住阿媽離開我既日子又快一日......望住阿媽笑，哈，我阿媽都係一個好易開心既人~我真係要好好對阿媽，仲有阿爸，唔好成日對住部腦，或者第二樣，真係要多D陪佢地~~
番到屋企無耐，石子打俾我話派傳單未，真係好，我地話幾時派就幾時派~
之後派左三橦，唉，派果陣有隻狗吠......嚇到我由A座跑到C座.......真係三魂唔見七魄.......
文軒又打黎，叫我地五點半去「紅」館派，是但啦，我地番屋企HEI左陣，我留左個言，就出發喇，我地答BUS轉馬鐵，起度講番自己以前既野，都幾搞笑，成日都話有人比幾百萬去做咩都你做~~~^^去到我地行左陣，買左個三文治食，去左商場行，去左吹海風，跟住佢叫我地番第一城派，咁又去左喇，起麥記坐左陣，去左百佳買左十蚊「留連」食，好開心，跟住番屋企LU~~賺左百幾蚊~~好倦喇，今日無學英文.......訓喇，早抖~

>>June 24, 2005 at 6:04:39 PM GMT+8