2005 年 3 月 31 日 星期四 【晴】

四月既第一天，好唔開心，感情事，最慘既，都只係無ja ma...
17都未到......有咩好唔開心呢......細路仔......哈.....幸福細路仔，愛。

>>April 1, 2005 at 10:12:59 AM GMT+8

2005 年 3 月 31 日 星期四 【乍暖還寒】

自己愛既人，睇住佢同第二個男仔慢慢，由朋友，變做情人，妳.....會有什麼感覺呢........
曾經雙雙許下承諾的情人，已經......
真係好難相信....感覺....真的很怪......

>>March 31, 2005 at 4:06:27 PM GMT+8

2005 年 3 月 30 日 星期三 【陰】

話咁快，已經到左三月既最後尾既一日lu~~~倒數，仲好似唔係起好耐既事咁...
前日番左鄉下，因為我個堂大佬結婚，之前番去係新年，果陣時話下次番黎就考完mock ka la...唔知會點，但係話咁快，就番埋香港lu~~~下次番去，就應該考埋會考嫁喇，依段時間，雖然有好多野會發生，多數，都唔會係咩開心既野黎嫁喇，不過可以好肯定，我，都會係單身，呵，前日番到去，d親戚要番學既番學，要煮飯既煮飯，我地幾個o岩o岩番到去既人…好無聊咁坐起個廳度聽歌...睇電視.....實在係悶爆啊....咁o岩，有架綿羊仔，仲有條車「時」喎，更係出去吹下風啦，周圍咁去，開到盡咁吹，真係好舒服，好大風，諗起周杰倫個MV，諗起好多野....好想坐起我後面既人會係自己鍾意既人，不過，都係自己咁周圍兜，吹左無耐，都係番去，車埋我堂家姐同堂細妹出去睇下有無d咩食咁啦，之後去左果度既大圍買左d炸腸仔啊，雞翼咁既野番去，仲要偷偷嬤嬤咁食....因為買得唔係好多，唔想俾其他細佬妹見到，跟住又聽歌睇電視，6點就食飯......好早.....擺左好多圍台起果度既文化中心，咁叫請飲掛，好多人，同村，不過都唔識既，同要結婚既堂大佬傾左陣計，問下佢咩心情，佢話琴晚成晚都訓唔著^^~~又驚又開心，哈，唔知俾著我，個心情，會唔會好似佢咁呢，食完飯，傾下計，睇下電視咁，就到十二點lu~~差唔多出發去接新娘^^~~~我另外個堂大佬都番到黎，諗住會好開心，有野玩啦....點知所謂既親兄弟要搬野....佢d fds就........唉.....不過算啦，全場要結婚果個都無麥點理過我地，淨係叫我地影相........跟住兩點到......好無奈咁番去刷牙訓覺。
第二日，要果d一拜天地咁，影左好多相，都幾得意，幾開心既，之後又食飯啊，睇下電視咁，等到夜晚九點幾走lu~~~當假期玩下lor~~~都ok 既~~~番黎要準備會考lu~~~各位同學仔~~~要加油啊^^~~~
我會支持妳地，我自己都會努力既！~~~~~長今力量！

>>March 31, 2005 at 4:58:19 AM GMT+8

2005 年 3 月 24 日 星期四 【微冷】

今日，10點幾起身，開著部機，食左包零食，睇數碼暴龍，跟住坐番落電腦位，喔噢，靜怡同我講早晨，傾左陣計，阿sam叫我玩game，陪左佢玩左陣，靜怡話考完mock，更辛苦既會考，令到佢想死........我都想啊，一齊好唔好？玩左陣....諗住出去買past paper，可以同靜怡分黎做，一齊挨埋依個幾月既會考，可能真係做多左野啦.....不過，有人明我個心嗎？答案只係好簡單.....
阿sam都跟左去，因為好多都賣晒，搵左幾間先有得買，跟住走lu，佢去食野，我諗住去馬on山，起架車度，起d past paper度寫左d野，希望幫到佢，寫到落車，自己去左佢屋企門口，放底左d paper，send左個message話佢知，就走喇....本來諗住申請埋會員卡，但係話要禮拜二先得，咁無緣掛，就走喇，又發覺八達通無錢，去ok入，途中，靜怡打左個電話黎，話佢阿爸鬧佢，唔知邊鬼個擺d野起門口，鍾都唔禁，門又唔敲，係既.....我真係無禮貌....擺d野起人門口就走人........不過無諗過佢真係會睇唔到個message.....好唔好意思.....有d失落咁走喇......答車諗緊佢俾阿爸鬧既情景會點.....換著係我老豆.....慘lo.....唉，都掛自己大頭蝦.......好心做壞事....
跟住去左自修室做pass paper....專到心咩.....跟住都做到幾題既....就走la.....又好無聊咁捉棋，跟住番屋企~番到去沖左個涼，開電腦，見到佢online....都唔知點好....話如果佢想鬧我既可以鬧....因為我真係做錯野ma.....跟住......佢叫我忘記佢住邊、電話，最好....就係當無識過佢.....
有無人明我心情？至少....有無人知我有幾愛佢.........個心好痛咁攬住隻米奇喊.......令左張聖誕卡出黎睇....一個話好開心同我一齊既人，今日，叫我當無識過佢.......話我近d唔好既fd.......
我姐刻諗番，好耐之前，我話個佢d fd仆街....佢鬧左我好耐.....我都好後悔.....佢今日叫我唔好同我同d fds玩咁多，學埋d衰野......好多野真係好唔明，我都唔知點講喇，佢半年前同依家又變左幾多？算喇........我無聊人做埋d無聊野，我識點做....................放棄妳....對我黎講.......點解會咁難......

>>March 25, 2005 at 12:34:37 PM GMT+8

2005 年 3 月 21 日 星期一 【晴】

E排考mock好倦啊真係~~日日都要溫書~~~不過為左第時，都唔緊啦~~
今日22號，仲算唔算係大日子呢？以前既依一日，我都會好開心，好奇待，但係依家，依一日，好似已經再唔屬於我地lu....仲有聽日既phy就考晒mock la...究竟係開心？定唔開心呢....
我自己都唔知.....離開學校，就見証我地個個都大過嫁喇，唔再會好似以前咁開開心心上堂食lunch....唔知啊，有d野，自己控制唔到既....只可以好好咁去珍惜，唔好等失去先後悔，記住啊！好啦，我，都要繼續努力咁做人，ha....妳會陪我一齊行嗎？

>>March 22, 2005 at 6:01:17 AM GMT+8

2005 年 3 月 7 日 星期一 【晴】

今日，6點鍾就醒左喇，又訓到6點半喇，靜怡講左句話有可能，雖然好微！！我要努力讀書！考好個會考

>>March 8, 2005 at 11:07:42 AM GMT+8

2005 年 2 月 26 日 星期六 【乍雨乍晴】

今日同一個女仔傾左差唔多一日既電話，佢都幾得意嫁，佢唱歌幾好聽，不過，佢話鍾意我~我唔知點答佢......如果我係佢既話，可能都會鍾意我.....但係講真~~人真係會大過，會遇到好多唔同既人，鍾意一個人，可以好快，但係愛一個人，唔係一件容易既事，佢都令我學識到d野~.....可能對人好........真係唔係一件好事.......

>>February 27, 2005 at 2:38:02 PM GMT+8

2005 年 2 月 15 日 星期二 【炎熱】

今日訓到11點半先醒，阿媽拜神開年，叫我拜兩下，跟住，就同家姐落左街，租碟，還碟喇，琴日一連睇左三部戲，都關於愛，受難曲，講既係偉大既真愛，天作之盒係講包容、體諒、接納、關懷既愛，史力加2係講無論對方樣子係幾咁醜陋都會繼續去愛既真愛。
跟住我地去左樓下飲茶，飲完就番屋企睇多拉A夢之機械人王國喇，麻麻地好睇ja.....不過有d野都係估佢唔到既，d法寶^^~~之後，番房做功課，肥許就打電話黎喇，講左幾個鍾野，最後，講到日後，仲有唔係好耐，就會考Mock~之後，就會放一個月假，然後考會考，之後，就會無左依家有既一班朋友.....會去認識令一班新的.....我問他，那我們呢？還會是朋友嗎？他說....很難.....突然之間，唔知點解，個心有種酸，好不自在，人就是這樣的嗎？......唉.......要珍惜......
琴日，有個從廣東的女孩子，她都和我說會離開.....可能，永遠也看不見她，隔你一會，她上線了，靜怡都有，一回來，我就要跟她說對不起了..........她好特登咁話左我好多野，一d從來都唔會咁話我既野.......我也不想和她鬧了......只好說句不會.....要珍惜，愛，有很多野加埋的！謝謝愛我的人和關心我的朋友~~~~謝謝~~~~~

>>February 16, 2005 at 1:56:08 PM GMT+8

2005 年 2 月 13 日 星期日 【微冷】

情人節黎喇！！！有兩個親戚黎左我屋企，所以今朝去左明星飲茶，跟住自己一個起屋企聽住收音機，玩下電腦咁過一個人既情人節。
仲記得上年既情人節係點過的^^~番學的日子，送她上學~~這些回憶，不用寫，永遠也會記得的。
佢應該還在大陸，應該玩得很開心吧^^~~那麼久也沒回來，一定不捨得走了^^~~
今日有個qq友，說愛像飛機：「飛機與愛情的確很像，當飛機剛飛起來的時候很困難，飛上天空的時候像墮入了雲層裡，大家都覺得很迷茫，像迷失了方向一樣。飛機裡的乘客不能中途退出或者成搭別的航班。。。。。。。。。」
今年的情人節，沒有你陪，也聽不到你的聲音，也不要緊了， 因為：「只要有一顆心，分隔兩地...也可以傳給你，愛你不會有距離，只要你在我心裡，隨時隨地，我也可以感覺得到你！」
Happy Valentine's Day!~今日看到好多愛的宣言，自己都好想講。
好易開心的靜怡：「我知道你曾經好愛我，亦為我流過好多既眼淚，日後，我可能唔係你既最愛，但係，我都願意一直陪住起你身邊，起你受到傷害既時候保護你！永遠守護你！我愛你！」 永不改變的傻明

>>February 14, 2005 at 3:00:53 PM GMT+8

2005 年 2 月 11 日 星期五 【晴】

今日，終於玩完五日四夜既鄉下旅行番黎la!~~~~都唔知算唔算玩盡呢，不過無煙花放呀，唔俾人放，連煙花都無得買……drive綿羊仔好正，眼訓喇，遲d先打過。

>>February 12, 2005 at 3:42:43 PM GMT+8