2005 年 6 月 19 日 星期日 【陰】

尋晚kk & vivi約左我去游水呀, 但係係我同加加好辛苦咁爬左起身出門個時, 個天居然落雨\_/, 無得去游, 慘~ 好想去游水添

咁係加加屋企無野做就繼續睇碟喇, 睇完就同左加加爸爸&加加妹去左飲茶, yeah~ 好耐都無飲過茶喇, 好味道, 再返加加屋企, 加加同加加妹又開始爭我喇, 真係兩個大傻瓜, 我都好爭, 陪完呢個咪會陪第二個囉~~

要返屋企個時打比輝輝, 因為今日係爸爸day嘛, 佢要黎屋企食飯, 但係佢居然話要去玩車遲d黎, 嬲~ 知唔知呀, 食飯慶祝就係要所有人一齊, 等個個都食完先黎, 咁又有乜野意義呢? 到左最後, 我都係捱住肚餓等埋輝輝黎先食飯飯…

好唔舒服呀, 原來發燒+傷風+咳咳, 之後係訓覺個時加埋心痛同胃痛…好辛苦+.+

>>June 20, 2005 at 12:40:45 PM GMT+8

2005 年 6 月 18 日 星期六 【陰】

去加加屋企過夜的一日

一返到公司, 又比人屈喇我, 超唔開心, 因為真係根本就唔關我事, 走左入廁所度喊左一陣…放工, 返屋企整曲奇比加加同kk食, 之後就去接加加放工

同加加一齊去左租碟, 嘩~原來有好多碟我都好想野架, 等遲d租黎睇至得喇, 去到加加屋企, 睇碟, 之後同加加同一齊食飯飯, 加加妹講左個秘密我知, 唔~點講呢, 我覺得無必要同唔好囉, 一睇就知係呃人架喇, 但係佢又比左$$, 點算, 唔比都比左囉, 都改變唔到喇而家, 咪當係買個教訓, 但係又唔想加加咁辛苦, 咁就唯有我幫佢做d野喇…(都唔知係唔係害左加加妹)

食飽飽之後就同左kk & vivi食糖水, 係我第一次去糖水鋪食糖水呢~ 都幾好味, 不過就好飽, 買左雪條同野飲返加加屋企, 再睇多陣碟碟, sleep~

>>June 20, 2005 at 12:37:17 PM GMT+8

2005 年 6 月 17 日 星期五 【陰】

估唔到咁快架, 尋日in架個間公司請我呀~~好開心呢~~但係就到我問題喇, 去定唔去好呢?o? 天呀, 點解會咁架, 搵到工又煩, 搵唔到工又煩=.=

放工, 今晚又要返學, 但係唔知點解, 真係好唔想返, 於是就同加加去左佢屋企(走返轉頭個時, 居然咁都比我地撞到同學, 咁咪比人知道我地兩個走堂-口-)

加加送我返屋企個時, 知道左佢原來要打邊邊架約會取消左, 但係去到上環再返去佢屋企又會好夜, so同左佢去食消夜(其實係dinner)

又好夜先覺覺豬, 覺得有似有d唔舒服添~

>>June 20, 2005 at 12:36:35 PM GMT+8

2005 年 6 月 16 日 星期四 【綿綿細雨】

本來in朝早架, 但係間公司打黎話要改晏晝, so打電話同公司請埋晏晝假…

去到觀塘度in呀, 好遠, 又唔識去, 好彩打電話問kk咋如果唔係都唔知點, in得都算順利, 都有信心會請我^^~

因為落雨, 加加無帶傘傘又好似要病要病咁, in完就去左長沙灣度拿傘傘比佢, 點知佢間公司離地鐵咁遠, 行到隻腳腳好痛痛呢(人家今日著兩年都無著架高跟鞋>.<) 比左把傘傘佢原本以為佢會好開心喇, 結果…好似一d反應都無, 以後都係唔好玩一d辛苦自己架野喇(我都未試過專程送傘傘比輝輝…)

之後返屋企, 換衫衫又再出去返學, 派測驗卷呢~~成績好失望呀, 得個73分, 本來係想拿到高d架分數…但係都唔怪得人, 鬼叫自己無乜溫書又無心機去做測驗咩~.~

>>June 17, 2005 at 4:45:04 PM GMT+8

2005 年 6 月 15 日 星期三 【綿綿細雨】

今日一返到公司…激死我喇, 又比人屈+.+ 超越唔開心

今日又send左個CV出去, 結果好快咁打黎叫我去in, 好似好順利咁呢~~拿拿臨請左半日假

放工, 輝輝又黎左接我, 食飯個時姐姐係度話點解陳伯伯咁耐都無黎, 點知個時電話即刻響…係陳伯伯, 佢黎緊, 成屋企即刻起哄, 個個都話家姐口臭, 跟住就留返爸爸媽媽係廳, 我地就係房(=.=無得睇電視, 一日都係家姐把臭口)

食飽飽, 入到房梗係訓覺覺喇, 一訓就訓到12點幾, 一醒輝輝又要走

(點解今日好似無乜野做過咁架?o?)

>>June 17, 2005 at 4:32:46 PM GMT+8

2005 年 6 月 14 日 星期二 【綿綿細雨】

今日好慘呀, 真係x交叉yz

今日做做下野, Irene問我關於點解Hong Kong Optical架3月數會loss咁多, 睇完之後發現原來係stock架問題, 咪問novem囉, 真係燒賣佢, 佢又係咁, 之前已經因為無比到數我搞到我比irene鬧, 今次原來佢係2月架inventory做左d野, 但係又唔話我知, 所以先搞到個stock出現問題, 激死我喇, 又要由2月開始做過, 大佬呀, 一個月架數真係要用一個月黎搞先掂, 咁比佢一冼, 我2個月架心機乜都無曬…

放工, 輝輝黎左接我, 想整蛋糕發洩, 比佢話做乜次次見親佢都要整蛋糕, 但係點解佢唔諗下我為乜事要整野食呢~~ 去到最後都整左個“芋香芝士蛋糕”, 唔知點解我試極都食唔到甜味同芋頭味, 又失敗左喇個蛋糕=.=

(今日睇新聞, 見到講關於心痛架病, 話有好多時都係因為胃液倒流引起, 但係我尋日先嘔完胃酸喎…輝輝終於都肯信我成日心痛喇, 叫我去睇醫生喎, 唔喇, 遲d睇下點先算)

>>June 15, 2005 at 2:21:11 PM GMT+8

2005 年 6 月 13 日 星期一 【晴】

今日返工…又係做數囉…係放工個時, 唔知點解勁辛苦, 走左去嘔(胃酸, 好酸呢~)又頭暈頭痛, 但係仲要趕住去上堂(因為嘔, 所以拖左時間)

加加黎左接我呢, 但係無奈人家唔舒服嘛, 之後係中途加加買左盒橙汁我飲^^~ 上堂, 好悶呀, 好彩有帶糖糖食, 之後同加加去左肯得雞度食雞雞, 好好味呢, 好耐都無食喇

夜晚…加加send左天下無雙架鈴聲我, 超開心, 好鐘意呢首歌呢~ 一邊聽一邊笑, 好耐都無聽呢首歌喇, 係人地唔唱定係自己唔願聽其他人唱呢?o?

臨訓之前同加加有d吵…個關係僵左好多, 其實我真係唔想架, 我知道我好自私呀, 我真係唔知點做…可唔可以比多d時間我呀…

>>June 14, 2005 at 4:48:18 PM GMT+8

2005 年 6 月 12 日 星期日 【晴】

訓到晏一晏先起身~~

走左去旺角同加加&加加妹唱k, 好開心呢~ 一唱就由6點幾唱到12點幾, yeah~~

走個時, 加加妹又好似唔多想理我咁, 唔通我又做錯野?o? 加加又好似唔開心, 想加加同加加妹一齊返屋企, 但係最後都係加加妹自己返, 加加送我…(加加妹, 其實我係好擔心你架, 一日女仔咁夜返屋企, 好危機架嘛)

同加加建議左d野, 因為想佢地架關係好返, 唔好成日搞到唔開心, 但係覺得自己好似好衰咁, 因為點我都係街外人, 插隻手入去人地架家事好似好無禮貌同好唔應該咁…

>>June 13, 2005 at 4:08:37 PM GMT+8

2005 年 6 月 11 日 星期六 【晴】

食自助餐架一日~~

滿心期待架自助餐黎喇, 但係可惜因為我起唔到身, 搞到要同輝輝各自去, 嘩~原來係去香格里拉酒店度食, 好high呀>o<

但係一去到, 輝輝面黑…之後先好返d, 無我想像中咁多野食, 不斷咁進攻甜品, 正呀^o^ 好味, 食完, 埋單兩個人要成六百幾, 好彩今次係for free姐, 如果唔係實心痛死我+.+ 問輝輝我整架甜品好味定係酒店d甜品好味, 輝輝居然答係我整架甜品好味, 超開心

之後同輝輝分開左, 走左去找加加, 睇VCD, 之後加加妹返, 嗚~好似激嬲左加加妹呀我, 好彩之後無事姐~ 去左食pizza hut(又係pizza hut?! 妹妹想嘛), 死人頭加加同加加妹, 玩我, 一直係咁叫mandy黎, 搞到我幾咁唔好意思 (mandy真係太可愛喇~~)

>>June 13, 2005 at 3:56:48 PM GMT+8

2005 年 6 月 10 日 星期五 【晴】

放工個時, 好忙…輝輝黎左接我…終於都拿到副con喇, 等左成個月先拿到, 都唔知應該用乜野心情好

想整野食, 但係輝輝又唔多想我整, 無得整, 睇電視, 訓覺

(戴左個面具好好多, 識得點樣去再一次面對人, 當做乜野事都無發生…)

>>June 13, 2005 at 2:58:33 PM GMT+8