2005 年 10 月 28 日 星期五 【晴】

嘩~ 炸彈呀, 小may子收到人生中第一個炸彈>o< Lunch返到公司, 個好可愛架姐姐同事好開心咁分炸彈(囍貼), 估唔到小女子架第一次就比左佢喇

返學, 悶悶, 今次同加加兩個併埋坐(之前係前後坐), 做數個時同加加用唔同架方式但係出黎個答案居然都一樣(但係都係right架^^~) 結果我地就招左阿sir黎睇, 點知佢睇都唔睇就話加加架錯仲叫佢再計過(最後梗係我錯喇/_\) 之後又計多條數, 我地就係張紙度起草稿, 比阿sir見到又比佢鬧, 叫我地認真d喎, 但係我地都計right左(魔鬼may子: 咁先叫勁嘛)

放學同加加走去食新野(都係魚蛋粉個d), 係門口睇緊個時有個路人甲同個路人乙勁講d魚蛋話好味(我地信左路人甲走入去食) 見到d魚蛋一咬, 果然見面不如聞名, 都唔彈牙-.-(莫非又比人昆?) 食飽飽去食許留山, 又買左對鞋鞋返屋企

(結婚呀, 好似都幾好喎, 以前好希望架...而家就諗下好喇, 不過都有d憧憬咁喇~~~)

>>October 29, 2005 at 1:08:56 PM GMT+8

2005 年 10 月 27 日 星期四 【晴】

今日又係慘慘日/_\

又比其中一個阿頭鬧喇, 今次仲要係成幾個department d人前面鬧, 超瘀呀, 好乞人憎呀>.< (今次好叻叻呀, 忍住無喊到)

放工加加黎左, 見好耐都無打邊邊就走左去間新野度打喇, 點知咁就出事喇, 我地比人昆呀=口= 明明講話一個人48蚊, 原來唔包湯底架, 又要茶介, d蛋蛋又要錢, 野食又無乜好揀好食, 服務又差, 兩個字 - 昆水, 最後埋單兩個人就要成180蚊呀, 真係去食韓燒仲好過+.+

(雖然比人昆左, 但係都仲係好想再打邊邊呀, 當然係去返平時去個一間喇, but加加話要慳錢錢喎, 唔知幾時先有得再去食呢~3~)

>>October 28, 2005 at 3:10:56 PM GMT+8

2005 年 10 月 26 日 星期三 【晴】

好累, 唔知點解但係好累+.+

好辛苦咁捱到放工, 返到屋企第一時間就係訓左係張床度, 但係訓無幾耐就要起身喇, 因為變變黎左問我借suit, 借左套褲褲同裙裙比佢再傾多兩句佢就走左

食完飯飯就坐左係梳發度發下白日夢, 之後就訓返落張床度繼續訓覺覺, 訓醒打比加加, 傾左一陣再訓…今日真係好累呢~.~

(居然…到今時今日…仲有人以為魚香茄子入面…係有魚-.-)

>>October 27, 2005 at 5:59:03 PM GMT+8

2005 年 10 月 25 日 星期二 【微冷】

今日又喊喇, 又係為左公司d野喊, 我唔想架, 但係實在係太多野做我好辛苦呀+.+

頂硬上咁返學, 可能因為喊完黎, 好累呀~所以上到一半就訓左陣(天使may子: 絕對唔係訓曬成堂, 真係訓左一陣咋) 放學同加加趕返上環度還漫畫, 之後就去左新釗記度食飯飯, 送左加加去搭巴士, 返屋企

今晚…又失眠喇=.=

>>October 26, 2005 at 2:27:44 PM GMT+8

2005 年 10 月 24 日 星期一 【晴】

死加加>.<

本來尋日一早就話今晚黎上環陪我食飯, 但係今日又突然話唔黎, 又突然話黎又唔知佢想點(覺得連佢自己想點都唔知) 做乜喎, 又無話到佢一定要黎, 唔黎咪唔黎囉, 我又從來都無要求過佢一定要黎陪我, 講到我好似好小氣咁, 乞人憎>o< 係都要搞到人家發脾氣\_/

夜晚加加無黎到, 同左媽媽兩個人去食飯(帶左媽媽去食仙桃園), 食完飯飯散左陣步就拉左媽媽陪去藝視度配隱形眼鏡, 果然係專業過眼鏡88多多聲, 返到屋企同媽媽傾左陣計, 洗白白睇電視訓覺

>>October 25, 2005 at 5:37:01 PM GMT+8

2005 年 10 月 23 日 星期日 【微冷】

朝早一起身就係整蛋糕喇, 整左脆脆咖啡榛子慕絲蛋糕, 整完沖好涼涼就同加加出去同佢d fd去唱k慶祝生日喇(阿ning), 我地一共整左四個蛋糕, 就係每個蛋糕面上面砌個佢個名出黎

唱完, 食完都好夜夜喇, 返屋企

(點解今日d時間好似過得咁快架?o?)

>>October 24, 2005 at 1:00:29 PM GMT+8

2005 年 10 月 22 日 星期六 【微冷】

勁唔想返工, 所以去到12:30個時就早走左半個鐘返屋企~

返到屋企執好d野之後就出門口去地鐵站見變變(借佢個蛋糕模)同等加加, 同加加黎左火車一日遊, 首先由上環站去美孚, 跟住由美孚去團門, 再由團門去九龍塘, 最後去太和~.~ (個死加加好衰架, 人家lunch都無食到野, 肚仔餓餓佢都唔比人買個包包食, 搞到人家由餓餓去到唔餓, 餓過飢喇>.<)

去到加加屋企, 買左個杯麵(炒麵王)就食喇, 但係開始食一啖個時…加加個fd就打比我地(阿蟲同阿wing最後加埋郭希), 我地就去左百佳買材料整蛋糕(我教) 佢地想挑戰我架極限, 要我一晚教佢地整三個唔同架蛋糕-口- anyway我都完成左呢個創舉, 整左芝士蛋糕, new york cheese cake同士多啤梨慕絲(好累+.+) 整完蛋糕就同加加兩個人去食糖水喇, 開心^^~

再返到去加加屋企, 睇埋活死人之後就訓覺覺囉(沖完涼涼好凍凍呢, 成個人都震曬, 但係一蓋左被被就好熱熱喇)

(到左最後, 我地成日only食左杯麵, 雞蛋仔同糖水=.=)

>>October 24, 2005 at 12:47:03 PM GMT+8

2005 年 10 月 21 日 星期五 【晴】

今日好嬲嬲呀

朝早比其中一個阿頭鬧, 但係件事我真係乜都唔知同乜野資料都無, 間公司係我入去之前已經執左, 乜野都係amy搞, 比人咁屈法好唔開心, 加上之前一直受架委屈, lunch返到屋企忍唔住扒左係媽媽大腿度喊/_\

Lunch之後好快咁找工, 今次無論邊間請我我都堅決要轉工架喇(邊個都阻止唔到我\_/) 但係晏晝都係繼續比人恰=.= 放左工返學, 見到加加已經勁想喊(不過無, 忍住左), 同佢去左百佳度買野食, 忍唔住喊左出黎, 喊完都係繼續返學-.-

放學心情好左好多, 同加加又再一次走去食沙嗲王(唔知點解小女子好想食) 食完走左去食阿波羅雪糕, 返屋企

>>October 24, 2005 at 12:23:59 PM GMT+8

2005 年 10 月 20 日 星期四 【晴】

放左工去加加屋企

首先一入到屋企加加爸就叫我一齊食飯, 咁入房放好d野, 點知加加only添左佢架飯無添我架飯, 好無奈咁入返房, 但係加加妹又問我做乜唔出去食飯, 跟住就幫左我去添飯then叫我出去食, 但係一出到去有飯無登, 超級無奈咁站左係度(心諗…你地玩我咩-口-) 最後加加就搬左張登比我坐食飯…

食完飯飯入房睇戲, 睇活死人空間, 我仲以為我睇過原來我係未睇過架, 好好睇呢~ 一邊食壽司一邊睇, 食完壽司就一邊食碗仔趐一邊睇, 睇完A面就係時候返屋企喇

走左去坐巴士(之前去左7仔想買零食, 但係好貴又無野食, 所以無買到+.+) 返到上環去左ok度買甜筒比媽媽食, 返到屋企食左隻雞腿就好飽飽咁訓覺覺

(>.< 無喇, 乜野形象都無喇, 食完飯飯陪加加洗碗個時, 因為佢做錯左d野, 咁我就豆佢個下巴喇, 係豆得好開心個時, 身邊出現左一把利刀...原來係加加爸拿刀入黎洗, 睇到曬我豆加加架過程...極超無奈=.=)

>>October 21, 2005 at 3:23:31 PM GMT+8

2005 年 10 月 19 日 星期三 【晴】

10月19號其實係我人生一個特別架日子

放左工, 又沖左個靚靚架涼涼加加就黎左喇, 我地好唔聽家姐架話走左去食肉骨茶, 今次叫左個雜丸肉骨煲呀, 好味, 一邊食一邊諗起家姐講架野, 話佢地比佢食架係冷飯, 望住食緊架一碟熱飯, 就知道家姐肯定係好無禮貌人地先會比冷飯佢食(魔鬼may子: 抵佢死食冷飯)

食完飯飯又雪糕, 食阿波羅cup呀, 但係可惜無我至愛架薄荷味, 就係咁, 兩條友食住雪糕行左去ifc行左行又去左海旁度食左陣風就返去上環, 因為may子好耐都無睇漫畫喇, 所以就衝左上去漫畫店度租漫畫喇, 係may子諗緊睇乜個時, 加加找到 - 愛侶H生活, 唔洗講喇, 加加即刻租左(我地租左1~7期^^~) 仲要心急到要即刻睇第一期, 咁就去左手造甜品度食糖水黎比加加睇第一期喇~~~

>>October 20, 2005 at 3:05:35 PM GMT+8