2005 年 8 月 28 日 星期日 【晴】

朝早一早就爬左起身, 本來諗住拎d湯去加加度煮河粉比佢同加加妹做早餐…但係個肚肚痛(mm到), 無去到, 唔好意思呀

由朝早攤到夜晚, 乜都無做過, 由自己張床床去到梳發, 再由梳發返去自己張床床度, 之後再攤到去爸爸媽媽張床床度睇電視, 睇完, 訓

一日又咁過左喇, 個肚肚真係好痛+.+

>>August 30, 2005 at 11:43:43 AM GMT+8

2005 年 8 月 27 日 星期六 【晴】

燕麥片好傑傑, 但係味道就仲欠少少, 希望下次可以整得好d

放工返到屋企, 食完飯飯洗白白, 之後就一直訓, 起身食飯, 之後睇電視, 再食個失敗左架蛋糕, 再訓…

一日就咁過左

>>August 30, 2005 at 10:47:56 AM GMT+8

2005 年 8 月 26 日 星期五 【乍寒還暖】

今日架燕麥片味道剛剛好, 但係希左d, 下次整返傑佢先~~

放工, 輝輝黎左, 食完飯飯之後佢就同左爸爸去踢波波, 媽媽又去跳舞, 又係得返我一個係屋企…開始制作聽日比阿嫂架蛋糕, 又係第一次架嘗試-白朱古力熱情果芝士蛋糕, 但係失敗左, 對唔住呀阿嫂+.+

嬲加加, 因為佢講左d好唔負責任架野, 真係超嬲, 嬲呀\_/ 仲要搞到我乜野心情都無所以整失敗左個蛋糕>.< 最後又係因為發生左某d事就大方d咁原諒左佢(心軟-.-)

總之今日就係唔開心同嬲嬲喇

>>August 30, 2005 at 10:37:56 AM GMT+8

2005 年 8 月 25 日 星期四 【酷熱】

因為尋日試左鹼鹼架燕麥片, 今次就試下甜甜架喇(落糖), 結果…好難食=口= 都係食返鹼架好味d~

不斷咁做野, 想死, 放工本來想趁家姐唔係度個時汁汁間房, 但係最後都無汁到, 走左去加加度(因為想見加加嘛~), 食完飯飯就睇戲喇, 係睇d人話好好睇架藉著雨點說愛你, 唔知係我無心睇定係點喇, 都唔知套戲講乜, 去到差唔多時間就走囉

返到屋企, 汁下張床床同個地下, 發現我有好多note呀, 唉~ 好想要多d架空間我, 就算比唔到, 都唔該比我放到d note得唔得, 環繞曬自己成間房同細佬間房...算喇, 都係擺番落地下喇=.=

(尋日本來裝起左d月餅諗住比加加食架, 點知唔記得帶-.- 仲要去到轉火車個時見到家燕姐張月餅poster先記起…算喇加加, 你都係同我整架月餅無緣架喇)

>>August 26, 2005 at 3:49:21 PM GMT+8

2005 年 8 月 24 日 星期三 【乍寒還暖】

今朝係公司度試沖左尋日買架燕麥片食, 仲特別係屋企帶左d鹽(因為個罐罐話要加鹽食), 點知唔小心興奮得滯, 落多左, 份量係剛剛好呀, 不過好鹼-口-, 唯有加返多d架燕麥片落去-.- 再加返多d架水…結果漲左好多出黎, d水又唔夠多搞到好傑, 食一啖要飲兩啖水, 變左成朝都好飽, 成肚水+.+

Lunch個時因為屋企大廈整電梯所以無返到屋企(你話邊有公司係1點到五點整電梯, 真係吹漲), 個天又突然落大雨喎, 去左西港城間ok買左杯麵食, 又飽過=.=

夜晚無食到飯, 因為真係食唔落, 等食完飯之後就開始我架第二次整架冰皮月餅喇, 整出黎架樣都叫ok掛~ 唔知呢~ 洗完喇, 累累, sleep

>>August 25, 2005 at 4:10:14 PM GMT+8

2005 年 8 月 23 日 星期二 【晴】

返工, 勁悶呢~ 乜都唔想做, lunch之後差唔多都係一直發呆到放工…

終於都放工喇, 約左加加去太古度睇戲, 睇千杯不醉(因為佢鐘意楊千嬅, 所以佢想睇), 由於睇10點幾架關係, 所以我地拿左飛之後就去左吉吉度食飯飯, yeah~又係食我鐘意架麵麵, 不過又係食唔曬, 但係都食多野好多, 平時only食到1/3碗, 今次竟然係比我食淨1/3碗, 勁呀~~~

食飽飽之後行左行吉吉, 之後去左打太鼓, 好耐無玩好好玩, 仲同佢take左咭咭(個死加加, 擇背景個時又話我擇d color唔靚, 但係之後佢一見到我擇架背景字個時就一直個要...而家d男人真係善變)同佢玩左好多次電梯(上上落落好多次)就去左睇戲, 之後返屋企

(一如以往, 去到則魚涌站個時打左比變變, 同佢話我係佢樓下-經過, 同變變傾左好耐, yeah~佢終於都返黎hk喇, no~佢又要走喇-.-)

>>August 24, 2005 at 12:00:59 PM GMT+8

2005 年 8 月 22 日 星期一 【晴】

放工, 好唔想係屋企食飯, 所以就約左加加過黎食飯飯…

返到屋企洗左個白白, yeah~ 終於都分到界喇, 不過個陰就短左少少-.- 本來想同加加去食仙桃園, 去到由於無乜冷氣同好熱熱架關係, 我地走左(樣衰+.+), 之後去左食哈迪斯, 好耐都無食過呢~ 叫左個二人套餐食, 勁後悔要左個白汁雜菌意粉(因為好多冬菇=.=比曬d冬菇加加食, 變左無曬野食), 下次再要去食, 不過要食包包~~

食完之後行左陣中環架百佳, 買左咖啡比加加飲~ 之後再去左買左兩舊林明頓比佢食, 行下行下又去返公園仔度坐....係唔係開心架相反真係悲哀?? 點解好好地又要搞到大家唔開心?? 乜野心情都無曬, 訓覺(自己一個)

>>August 23, 2005 at 2:47:42 PM GMT+8

2005 年 8 月 21 日 星期日 【綿綿細雨】

本來加加妹約左今朝食早餐, 點知加加妹起唔到身所以無去到~

晏晝同加加煮麵麵食&勁睇飛影, 之後下午茶就食加加爸買比我地架公司三文治, 無幾耐就同加加一齊再訓過, 由四點幾訓到八點幾-.-

拉左加加起身出去幫加加妹買啤酒, 再去左萬寧行左行, 返去同加加爸食飯, 睇埋苗條熟女就返屋企喇

(輝輝今晚好似平時咁打比我, 聽佢講野架態度好似又係當乜事都無發生過咁…我可以點做…)

>>August 22, 2005 at 5:05:13 PM GMT+8

2005 年 8 月 20 日 星期六 【颱風】

放工, 輝輝黎接我, 勁乞人憎, 佢話我個頭好似墮落少女…

返到屋企, 問準左媽咪比我去加加屋企就開始整加加想要食架new york cheese cake, 整完無野做咪訓覺覺, 跟住就用sms同輝輝吵, 同佢講分手, 佢話比一個星期架時間大家冷靜下…無曬心情咁走左去沖涼, 沖完之後繼續面對輝輝, 喊~ 打比加加喊, 搞到加加好緊張, 唔好意思呀…

之後食完飯, 同細佬食完蛋糕就走左去加加屋企, 本來仲以為見到加加會喊, 但係都係無喊到…之後望住加加同加加妹食蛋糕, 再睇下碟碟去到about 3點幾sleep

>>August 22, 2005 at 4:55:44 PM GMT+8

2005 年 8 月 19 日 星期五 【颱風】

今日朝早返工做野, 因為lunch之後要去柴灣間分公司度做野, 所以猛咁做

Lunch之後同同事cryst一路傾計一路坐地鐵去柴灣, 係傾架過程中知道自己真係要努力d進修喇, 如果唔係就轉唔離呢一間公司, 之後個死cryst居然問左我一個問題, 就係我究竟二十一歲未, 仲話比我聽當初我入黎公司度做個陣佢地見到我, 以為公司請童工, 真係吹漲+.+

放工, 去左灣仔等加加, 因為加加遲到所以要罰佢, 就同左佢玩捉迷藏, 躲起左先加加找我, 唔~點講呢, 佢都找左幾耐下, too bad(今次算對你好無走黎走去, 下次就加埋走黎走去咁玩, 好唔好?) 同加加去左買材料, 之後返左屋企放低, 再同佢去食飯飯, 係行架過程中行經一個水窪架路路, 本來都無事架, 點知個時有部的士, "炸"一聲同加加兩條友濕曬=.=

食完飯飯返屋企就開始整蛋糕, 一口氣整左二個綠茶木糠布甸蛋糕同一個朱古力木糠布甸蛋糕, 累累呢~~

>>August 22, 2005 at 2:34:49 PM GMT+8