2005 年 7 月 29 日 星期五 【晴】

今日…比人呃…

心情真係麻麻, 唔想做野, 乜野都唔想做(其實成日都係咁=.=) 貓貓佢地約左夜晚食飯飯, 打比加加想佢一齊去, 但係佢話約左妹妹睇電話唔黎得喎~.~ 咁又係架, 都要理下加加妹至得, 唔通一直霸住加加咩……推左貓貓佢地, 可能累累喇, 真係唔多想見人

加加話夜晚會黎陪我食飯喎, 所以放工返到屋企就訓覺覺, 係咁訓, 一直訓, 訓到都唔知幾點…餓醒左-o- 打比加加, 佢居然食緊薯蓉>.< 唔理佢, 繼續訓, 加加打黎, 落左樓据扒扒, yeah~ 佢送左隻狗狗同馬騮仔架電話繩比我, 開心(隻狗狗叫芭蕉樹呀, 隻馬騮仔整返係加加部電話度, 因為馬騮係食蕉架嘛^^~)

据完扒扒走左去7仔度食雪糕, 因為個超傻架加加要陪我去到12點, 所以食完雪糕我地又走左去ok度食豆腐花, 好飽+.+ 個傻加加, 買左條好靚靚又好貴貴架鍊鍊比我, 原來佢今日呃我話同妹妹去睇電話, 其實係去買鍊鍊, 點算呢, 好貴呀, 但係真係好開心呀, 其實我唔需要d好貴架禮物, 有左隻芭蕉樹我已經好開心架喇, 要重要都係份心意, 知無??

>>August 1, 2005 at 10:51:19 AM GMT+8

2005 年 7 月 28 日 星期四 【晴】

輝輝返黎咁又點, 無見咁耐又點, 咪都係唔理我…

晏晝請左假走左去interview, 去到真係無野好講, 係一間意大利公司, 全程同個意大利人講英文+.+" 好辛苦, 但係我好有信心佢地會請我, 但係…算喇, 佢地請先算喇, 不過呢次架interview令到我覺得, 我又係時候要練下d英文喇~

之後走左去接加加放工, 食左好多好多架雪糕, 跟住就去返學喇, 仲以為尾尾個堂會講d考試架野, 原來都無, 所以黎左一次超遲到但係早走-.- 同左加加去食吉野家, 心情唔多好, 拖行左加加行街街(對唔住呀加加, 我知你好累, 但係我都無理到你要你陪我><) 去到最後係優之品品度買左兩條好長架鱈魚棒, 心情興奮返好多, 一路返屋企一路玩, 好開心呀, 仲係公園仔度勁跳舞(拿住兩條好長架鱈魚棒跳八爪魚舞同其他舞^^~ 好high呀~ 不過加加好似好無奈咁=.=)

(夜晚要覺覺豬個時同媽媽一齊睇我幫加加拍架個一段片仔, 笑到我同媽媽肚痛, 媽媽仲要笑住咁問我加加係傻架, why媽媽會變得咁叻叻架, 未見過加加都知佢係傻架?o?)

>>July 29, 2005 at 3:49:15 PM GMT+8

2005 年 7 月 27 日 星期三 【晴】

今日輝輝返黎喇

返工, yeah~又講左個故仔比加加聽, 其實…打個時好辛苦, 自己都要忍住笑, 但係又唔知加加睇左有無笑喎, 都唔知自己做乜, 唔通真係太過無聊? But又有好多野做喎, too bad~

放工之前同柴灣分公司個account傾計, 收到個驚人架消息, 公司唔要佢喇, 要將個三間公司比埋我做, 唔通公司真係想做死我+.+ 天呀, 都唔知係一個好消息定壞消息(但係小女子聽日又要去in喎~ 上次觀塘個間唔好所以小女子無去到做)

放工之後就返左屋企扮靚靚等加加黎, 同加加去左10蚊店同citysuper, 之後就去打邊邊, yeah~ 我食多野過加加(-.- 應該開心的嗎) 跟住同加加去左n年都無去架公園仔度玩千秋, 但係居然比我見到一場勁賤賤架場面, 有個外國佬帶住隻狗狗黎之後由得隻狗狗去追d貓貓咬, 當d貓貓爬高去避隻狗狗個時, 個賤賤架外國佬就用枝棍棍去推隻貓貓落地去比隻狗狗咬, 之後仲係度勁笑, my god~ 點解呢個世界上會有d咁架人架, d貓貓好慘慘呀>.< (本來好開心架一日, 就比個賤賤架外國佬破壞曬…)

乜心情都無曬, 同加加去左7仔食雪條跟住就返左屋企訓覺覺

>>July 28, 2005 at 12:18:01 PM GMT+8

2005 年 7 月 26 日 星期二 【晴】

今日好無心機呀, 唔知點解, 無心機到就連今晚要去學架opern都唔想去學呀(但係因為比左錢同埋好貴架關係, 最後都去左)

放左工, 極度緩慢咁左腳拖右腳行去地鐵站, 去到太子又係週圍亂行, 買左個包包食, 之去就去左上堂個度喇, 得我一個無無聊聊咁坐係度等上堂… 個蛋糕做法同我想像之中好唔同, 佢地教得好隨便&簡單, 我就好無心機咁是是但但咁整, 成堂都無乜出過聲(但係都比阿sir讚我係做得最好=.=) 上完堂自己一個返屋企個感覺好慘呀, 無人理我, 其實我係超超超超想有人接架, 但係無奈…從未試過學整蛋糕無人接我架>.<

返到屋企等沖涼, 等左好耐, 家姐走過黎問我野...原來佢翻過我d野黎, 見到我最近買架野佢都想要所以走過黎問我...其實你地翻還翻, 睇還睇, 唔好比我知得唔得, 覺得呢個係一個家, 我唔係你地架一份子, 點會完全無私穩架, 對呢個家, 我只可以當係旅館, 夜晚有個地方比我涼沖訓覺...

>>July 27, 2005 at 5:35:00 PM GMT+8

2005 年 7 月 25 日 星期一 【晴】

朝早仲好好地, 晏晝買左豉油皇炒麵食…嗚~佢地整跌左個盒盒落床下底呀, 極度心痛同唔開心, 又唔可以發脾四喎, 都唔知可以點

之後返工, 做乜都無曬心機, 加加又因為有好多野做所以無時間理我, 超無聊架我就用左同變變玩架方法, 對話式架故仔黎作左個有關加加架故仔出黎, 一邊作一邊忍住笑, 好辛苦呢

返學, 好累, 頭痛&無心機, 本來要加加食好多野反而變左我食好多野, 好飽好辛苦, 返到屋企死都要整返個盒盒出黎, 果然皇天不負有心人, 比我了到出黎, 超開心, 睇完張紙仔諗住訓架喇, 但係d細路仔又係度嘈, 個bb又喊, 唉~ 到左最後都係要成3點先訓到+.+

>>July 26, 2005 at 12:03:45 PM GMT+8

2005 年 7 月 24 日 星期日 【晴】

訓到兩點先識醒, great~

之後食lunch, 睇電視, 沖涼涼, 同pate爭風筒用, 幫爸爸買廿四味, 再坐巴士去加加屋企(去到巴士站個時要追巴士呀, n年都無追過, 但係跑到巴士個pat pat個時佢開走左+.+)

去到加加度, 玩完一陣幫加加磨指甲, 靚靚~ 之後走左去食車仔麵&腸粉, d腸粉好好味呢, d味道令到我諗返起中學個時麥記附近架婆婆同伯伯架腸粉, 超好味, 令到我再三味, 跟住食左煎三寶, 同加加行左陣吉之島, 再去食許留山(唔知點解, 自從聽完他約我去許留山之前就愛上左許留山喇>V<)

>>July 25, 2005 at 11:17:34 AM GMT+8

2005 年 7 月 23 日 星期六 【晴】

輝輝今日飛喇, 佢又去日本玩喇, 真係好, 我都好想去玩呀>o<

因為突然間勁想玩猜猜畫畫, 所以係尋晚點幾個時call珊同妹約佢地今晚上珊屋企玩, 放工走左去旺角度拿猜猜畫畫, 之後陪媽媽去長沙灣睇媽媽跳舞, 再去接加加, 跟住去珊屋企

激死人, 做乜佢地係要映我個胸喎, 佢地又唔係無(無奈-.-) 又做乜話人著粉紅色衫喎, 你地又唔係無(更無奈=.=) 食完飯飯, 磨左一陣就開始玩喇, 玩下玩下輝輝打比我, 話我聽報平安因為日本地震。_。(聽到之後嚇死我喇, 做乜會無端端地震架+.+) 返屋企, 睇輝輝比返我架盒入面架紙仔, sleep~

>>July 25, 2005 at 10:31:07 AM GMT+8

2005 年 7 月 22 日 星期五 【晴】

無無聊聊架一日

又係唔想做野, 望住自己愈黎愈肥架身體(唔知關唔關d藥藥事呢?) 唉~ 好頹呀, 放左工走左去食好耐之前係屋企附近發現架沙嗲牛肉粉絲煲, 都幾好味, 但係就無乜粉絲好多芽菜(人家想食粉絲/‧_‧\)

返到屋企, 睇史密夫&妻, 本來都幾ok架, 但係睇完覺得個結局都超級無聊下, 無野做, sleep~

>>July 25, 2005 at 10:20:10 AM GMT+8

2005 年 7 月 21 日 星期四 【颱風】

Lunch, 因為好擔心自己個身體, 所以走左去睇醫生, 個死輝輝為左睇電視而唔陪我去, 去到點知個醫生係男性, too bad>o<

放工, 輝輝本黎話接我放學, 但係又話太夜所以變左送我返學, 之後又突然間落大雨佢又無傘傘架關係, 所以都係無送到, only係地鐵站度比左我好耐之前係圖書館book架書同個心心盒…個盒佢叫我星期六夜晚先好開黎睇, 但係我偷偷地打開左黎睇左一眼, 係好多架紙仔, 唔知佢寫左d乜野比我呢~~

上堂上到中途, 因為太眼訓&太悶架關係, 又同左加加早走, 走左去食麥記, 又去左食許留山, 跟住行左陣街街(咁都買到兩件衫衫) 返家sleep~

>>July 23, 2005 at 10:19:09 AM GMT+8

2005 年 7 月 20 日 星期三 【颱風】

黑仔的一天...

返工, 早知就慢慢做喇, 間細公司兩日做好兩個月架數, 加埋就做好左一年架數, 所以要交數比audit, 但係之前我又要做好多adjustment, 唔想做…唔記得曬要點做喇, 呢次死喇=口=

放工走左去加加度, 食完飯飯同加加玩緊個時比佢整到陷頭埋牆, 撞親個鼻鼻-.- (超痛呢, 死加加臭加加, 毀我容, 你要點賠償比我>o<) 之後走左去他約我去許留山架許留山度食西米撈(係加加食咋, 我食小丸子) 中途比輛阿伯單車撞到隻腳腳, 流血&瘀左=.= 再去埋7仔買糖糖食, 點知落勁大雨, 由7仔行去巴士站架短短路程居然都可以淋到濕曬, 正呀~~

係巴士度食糖糖, 激死人喇, 人家想食橙色呀, 做乜一直都係紫色架, 跟住個傻加加就一口氣連續食三粒紫色架糖糖, 去到第四粒係紅色, 心諗紅色都算喇, 拿左粒紅色之後發現後面個粒係橙色呀+.+ 但係加加個口已經有成三粒糖糖, 所以我都係食左粒紅色, 橙色~我同你無緣啦~~

今日又有台灣親戚黎, 唉~人仔細細又明明係台灣仔, 做乜著到好大陸仔咁呀@o@

>>July 21, 2005 at 11:30:15 AM GMT+8