2005 年 8 月 18 日 星期四 【綿綿細雨】

細佬今日生日呢, 但係佢去左宿營, 所以無慶祝到...今日also係鬼節...

返工悶悶, 本來放工諗住去灣仔買材料, 但係最後都係無去到, 因為加加話佢聽日陪我去嘛, 跟住就同媽媽去左買bb, 之後同爸爸哥哥去左食happy together, 好耐都無見過哥哥呢, 佢一見到我就話我做乜野瘦左咁多, 但係我已經食左好多野喇喎(唔信可以問加加), 唔知點解無乜胃口, 本黎好想食意粉, 但係叫左之後半碟都食唔曬, 唔知係唔係因為唔係對住我想見架人食野所以無胃口呢?o?

返到屋企我就好乖乖睇電視, 睇電視同睇電視, 中途加加同加加妹都有打比我, 加加佢地個度今日要燒船船(加加妹話下次教我摺船船), 好似好好玩呢~

>>August 22, 2005 at 2:25:53 PM GMT+8

2005 年 8 月 17 日 星期三 【綿綿細雨】

今日都仲係發燒燒呢+.+

因為加加想去游水, 臨時約左老陳, 之後就繼續同d文件博命, 臨放工個時頂唔順, 同同事拿左粒藥藥食, 好返好多

係屋企預備去游水中, 加加黎緊架途中, 落大雨呀-口- 同老陳架約會逼迫取消左-.- 之後同左加加去仙跡岩度飲野, 再去打邊邊(yeah~又打邊邊, 我至愛呢~) 唔知係唔係去架途中比雨滴中左少少, 又開始唔舒服, 仲有少少發冷, 一邊打一邊震...

食飽飽返屋企, 累累, 好快就訓左喇~.~

(同加加飲野個時因為無聊所以拿住個電話猛咁同加加合照, 有一張photo加加勁鐘意, send左比佢之後佢勁開心, 成日拿返出黎比我睇, 又一次證明左佢係傻架)
(激死我喇, 幫管理員伯伯去買六合彩喎, 加加就好順利一枝蕉咁衝左入去, 我居然...我居然比人截呀=口=)
死實Q: 妹妹, 呢度未夠18歲唔入得架喎
may: (勁爆無奈) 我夠18歲架喇
死實Q: 唔該比張身分證我睇睇
may: (一邊望住遠方買緊六合彩架加加一邊勁爆無奈咁拿出身分證)
死實Q: (望左望) 唔該曬你呀, 許小姐
may: ........

>>August 18, 2005 at 4:14:21 PM GMT+8

2005 年 8 月 16 日 星期二 【綿綿細雨】

唔知係唔係因為尋晚同今朝淋左雨架關係呢, 小may子發燒喇‧_‧

返工, 好辛苦呢個頭, 好暈, 好頭痛, 終於都捱到放工喇, 返左屋企食左yip青瓜之後就走左出灣仔cut hair, cut得好核突呀>o< 仲cut短左我留左好耐架hair, 心痛

再次好頹咁返屋企, 一邊食青瓜同包包一邊睇波羅油王子, 都唔知佢講乜, 之後好唔舒服就嘔青瓜喇=口=

同加加傾電話, 之後就昏昏沈沈咁訓

>>August 17, 2005 at 12:35:32 PM GMT+8

2005 年 8 月 15 日 星期一 【晴】

起身, yeah~ 同加加&加加妹三條友走左去飲茶, 飲完之後送左加加妹去火車站再同加加返屋企溫書書

同加加溫下溫下又傾下傾下, 兩條友訓左覺(加加第三次拒絕我>.<), 起身, 去幫加加妹搞電話, 之後去左食車仔麵麵, 再坐巴士去考試…

做完依然都唔知自己做緊乜架試之後, 輝輝黎左接我, 同輝輝去左食許留山, 跟住行左陣新之城就返屋企喇

(今日d法國親戚終於都走喇, 屋企終於都靜返dd)

>>August 16, 2005 at 1:04:12 PM GMT+8

2005 年 8 月 14 日 星期日 【晴】

起身, 本來要同加加妹去食早餐, 但係同加加兩個都起唔身架關係, 無食到, 之後因為加加同加加妹都要返工, 所以就返左屋企

同媽媽再一次申請去加加屋企過夜(yeah~媽媽又批准), 係屋企訓覺覺, 訓醒又去接加加放工, 之後去左百佳惠康7仔買零食, 返到屋企過左陣加加妹又返到喇(又係11點9 -.-)

同加加妹傾左一陣, 累累, 又訓覺覺(無溫到書+.+)

>>August 16, 2005 at 12:55:16 PM GMT+8

2005 年 8 月 13 日 星期六 【晴】

放工, 好野, 星期一請左假溫書, 相對黎講即係有兩日半休息^o^

同媽媽講去加加屋企過夜(難得媽媽比), 所以差唔多時間就走左去長沙灣度接加加放工, 係等架時候我cut左兩段片呢(>3<), 之後就出發去加加屋企, 中途買左dinner同借左碟碟

一邊食飯飯一邊睇碟碟, 之後睇電視, 搞下搞下加加妹就返左黎(11點九度, 估唔到同加加磨左咁多時間都無掂過d書-.-) 去到最後係臨訓之前都叫做溫左少少

(加加妹同我講左d加加之前為我做過架野, 點解會咁做架, 又唔話比我知, 但係真係好感動, 應承左加加做佢架xxx, 開心完之後惡夢就開始喇, 比佢連續拒絕左我兩次, 勁無奈=.= 夾住隻手唔比我sit囉有人, 又搶曬d被被唔比我come囉有人, 仲要我搶返d被被之後幫佢come返~.~)

>>August 16, 2005 at 12:32:31 PM GMT+8

2005 年 8 月 12 日 星期五 【晴】

牛郎織女無得見喇~.~

返工, 又係=口=(想死), 放工走左去加加屋企, 本來係想睇下加加妹點, 但係加加妹返左工…

睇左不死狗, 睇完無幾耐就返屋企, 一日就咁過左

>>August 16, 2005 at 12:11:18 PM GMT+8

2005 年 8 月 11 日 星期四 【酷熱】

嘩~ 一年一度架七巧節又黎喇, yeah>v< 牛郎呀牛郎, 織女呀織女

尋日浸過泳池水, 精神精神, 果然泳池水=溫泉… 返工又係死做爛做, 唔知係唔係handle得太多野, 我覺得自己居然有d囂張, 我諗都要控制下自己d態度喇

放工, 約左加加, 先帶加加去試下飲mocha, 係cafe玩左陣就坐叮叮去銅記食巴西燒烤, 好味呢~其實上次同輝輝食完一次之後就一直都想再去食, 食到飽一飽就返屋企~~

(其實太過清楚知道一d野...係唔好架, 真係唔知好過知, 要改鐘意拿人架電話黎睇呢個習慣, 如果唔係, 見到or知道左一d野, 唔開心架咪又係得自己, 心入面想點同面上架表情動作, 原來真係分得開做架, 假層次又再高左一級, 係值得開心定係傷心呢?)

>>August 12, 2005 at 3:51:02 PM GMT+8

2005 年 8 月 10 日 星期三 【綿綿細雨】

中五放鎊呀, 加加同我都好緊張加加妹

結果加加妹考得未如理想, 但係我覺得加加妺handle到自己架情緒, 諗起先發覺, 原來當時我睇到自己架成績個時(之後都係)係喊都無喊過, 望住身邊成績唔好d friend喊曬, 我就…一支箭咁截左部的士去找學校重讀, 有學校收我架, 不過媽媽唔比我重讀之嘛, 咁就去左商科喇, 都唔知係好定唔好…

加加爸叫我去食飯順便幫加加妹睇下點, 但係加加話想去swim而加加妹又無乜野事所以就無去到, 放工等埋加加黎就搭叮叮去堅尼, 見到老陳, 嘩~佢變左好多呀, 認唔出佢(唔知係唔係因為副眼鏡度數唔right架關係呢~)個feel成熟左好多, 又剪左個短頭髮, 幾好幾好(但係我就好似無乜變過-.-)

同老陳都唔係好游only係池邊傾計(對唔住呀加加, 搞到你都唔游) 真係佩服老陳佢敢用子彈, 我一定唔會用, 死都唔會, 之後去食野, 真係好耐都無去過喇, 以前去開架個一間摺左, 唯有去第二間不過都ok, 但係同老陳都幾掛住以前個間d野食多d, 食完野再去食雪糕之後就散喇, 唔知幾時再見老陳呢~

(去堅尼個時幾驚呀, 好驚見到阿楠, 真係好唔想再見到佢, 好彩老陳話佢去左包玉剛, 都見到d識架救生員, 但係我都見到當見唔到囉6.6)

>>August 11, 2005 at 1:02:53 PM GMT+8

2005 年 8 月 9 日 星期二 【綿綿細雨】

無野做, 今日係休息日~

今日爸爸仲因為細佬夜返勁發脾四, 好彩小女子今朝肯起身, 如果唔係我就做左第一個受害者喇, 而第一個受害者就係家姐, 第二個係媽媽, 其實…都過去左, 媽媽又鬧左細佬, 咁爸爸又何必要發咁大架脾氣呢, 要發係唔係都係發係細佬度呢, 關我地乜野事?o?

本來家姐叫我幫佢整個蛋糕出黎比佢個男朋友生日用, 但係由於最後佢無話比我聽洗唔洗整, 我又累累唔多想整野, 所以到左最後我係無整到

食飯之前訓左陣覺覺, 食完飯飯之後就睇電影, 一路睇, 係咁睇, 好似好耐都無咁睇過個電視, 睇到咁上下就要訓覺覺豬囉~~

(勁搞笑, 因為聽晚要同加加&老陳去swim, 加加要剃毛, 但係佢剃剃下無電要叉電, 之後個鬚咆就比佢整掉左落水, 壞左^o^)

>>August 11, 2005 at 12:41:46 PM GMT+8