2005 年 11 月 17 日 星期四 【晴】

6點比個領隊姐姐morning call call左起身食早餐, 係自助式架早餐, d野都唔錯, 同加加偷起左6枝架益力多走左, yeah~~

今日都係keep住觀光, 再bring左我地去行夜市, 食左蚵仔煎同肉圓, 超好味呀, 但係加加就唔太識得欣賞喇=.=

去到酒店, 個領隊姐姐比左間好大好靚架雙人房比我同加加, 原來係一件好美好架事黎架, 但係當玩完泡泡浴訓覺覺個時, 有人搶曬我d被被走呀, 咁諗住挨過去人地度會暖暖喇, 點知比人踢開, 搞到小may子好可憐好凍凍咁過左一晚

>>November 23, 2005 at 2:53:50 PM GMT+8

2005 年 11 月 16 日 星期三 【晴】

4點幾就彈左起身喇, 發覺天氣好似變凍左, 所以又汁多次行李

加加黎左接我, 之後我地兩個就去左巴士站坐巴士去機場, 集合完去左食麥記架早餐(唉~ 已經唔記得再之前一次食麥記架早餐係幾時架事喇~.~)

坐飛機, 好緊張呀, 再見喇香港^o^

去到台灣, 個導遊就bring左我地去食野, 話係好有名架食店喎, 但係小may子就覺得無乜特別同好味, 之後去觀光, 去左中正紀念堂(又去, 細細個已經去過n咁多次), 之後去故宮博物院度行左行就去酒店放低d行李先, 再bring我地去行街街

同加加食左好耐同好好味架麵線, 之後就不斷攻陷街邊架小食, 食到咁上下就去左食199(台幣)架下午茶蛋糕自助餐喇, 食到起飽, 臨返酒店個時去the body shop買左個潤唇膏, 加加就買左沖涼泡泡浸(返到酒店就即刻玩喇, 浸浴真係好舒服呢~~)

(台灣將惠康叫做頂好, the body shop叫做身體小館, 同加加笑左好耐)

>>November 23, 2005 at 2:45:16 PM GMT+8

2005 年 11 月 15 日 星期二 【晴】

今日好多野做呀>v<

一朝早比家姐扯左起身同佢去唱k lunch, 本來同佢都無諗過可以唱咁耐, 但係點知一唱就由10點幾唱到4點, 之後由於星期日放左人飛機, 所以走去同佢影返相相, 影完就去左接加加放工^.^

去到長沙灣地鐵站等左加加好耐呀, 上堂又變左遲到=.=

返到屋企, 好緊張呀>.< 因為聽日就要去旅行喇, very happy 呢 (失眠+.+)

>>November 23, 2005 at 2:29:13 PM GMT+8

2005 年 11 月 14 日 星期一 【晴】

今日訓到晏一晏先起身, 但係好似平時返工咁係8點彈左一彈起身, 又係9點個時又起左起, 唔~~唔係好慣添-.-

訓醒無無聊聊食完飯飯又唔知做左d乜野之後汁左汁行李, 一日就過左喇

>>November 23, 2005 at 2:21:42 PM GMT+8

2005 年 11 月 13 日 星期日 【晴】

起身, 去左同加加, 加加妹一齊唱k lunch, 之後就行左陣商場, 同加加一齊報左去台灣旅行, 好期待呀(因為加加佢都找到份新工, 可以同我一齊去玩), 報好團之後就去左加加屋企

夜晚食麥記, 跟住就返屋企喇, 好期待星期三架旅行呀>0<

(今日本來比人約左去影佢架畢業相, 但係因為加加想我陪陪所以就放左人飛機喇)

>>November 22, 2005 at 2:47:51 PM GMT+8

2005 年 11 月 12 日 星期六 【晴】

今日係我留係亞美架最後一日喇, 勁興奮

放工, 收埋份半個月架糧就去同出街個一d架阿姐飲茶(又飲??) 飲完之後就返左屋企發呆

>>November 22, 2005 at 2:34:27 PM GMT+8

2005 年 11 月 11 日 星期五 【晴】

今日返到公司, 就忙交代d野比其他人, 搞到佢地頭都大埋, 最心涼架係當我交代架野都仲未去到三分一, 之前其中一個話我少野做架阿頭就係度話"嘩~ 原來你咁多野做架" (魔鬼may子: 乜你而家先知咩) 最後仲要誇張到我每一間公司要分比三個人跟(佢地都有今日喇, 平時咁得閒係度化妝, 今次仲唔忙死你地)

Lunch比其中一班架同事拉左去同佢地飲茶, 又聽埋好多架野(不過都唔關我事) 個個都叫我唔好走, 連成日蝦我架人都叫我唔好走, 心諗我唔走唔通再比你蝦咩~~

不過對我幾好架大老闆架老婆叫我留返係度做, 比第二個職位我, 但係唔係會計, 個職位又係類似打雜, 都係咪搞我

返學, 悶悶

>>November 22, 2005 at 2:31:45 PM GMT+8

2005 年 11 月 10 日 星期四 【晴】

天呀, 今日勁開心呀, 因為in架個一間公司打黎話請我呀^^~

Lunch都仲係忙忙忙, 但係今次就忙得好開心, 因為我知道我唔洗再做喇>v< 放工個時就同細老闆講話唔到, 佢當然係好驚訝喇, 仲係度不斷咁問我係唔係真係要走, 又話會等我返黎(我用架理由係法國個公公有事, 要我全家即刻去法國), 我就梗係好絕咁話唔做喇, 仲要受d咁架苦咩~~

返到屋企, 開心開心~~~~

>>November 22, 2005 at 2:19:59 PM GMT+8

2005 年 11 月 9 日 星期三 【晴】

心情矛盾的一天…

今日返到公司, 忙就一早預左, 但係估唔到係最忙個時係有四個人站係度排隊要問你野, 個時個電話仲要不斷咁連住響=.=

Lunch頂唔順同媽媽商量話唔到尋日in架個一間公司請唔請我都好, 我都辭工(做埋今個星期) 但係返到公司就開始矛盾喇, 係度諗自己已經係屋企入面最差架一個, 讀書最差, 賺錢最少, 成就都差, 如果而家辭左份工又無人請我架話, 我會好失敗同無用, 思想已經跌到深淵, 愈諗就覺得自己愈差, 已經諗到係最失敗個時個個都睇唔起我架樣, 打返屋企同媽媽講覺得自己點, 反而比媽媽鬧左一餐, 聽到媽媽鬧就忍唔住喊左(喊完心情反而好左?o?)

Dinner係屋企度食, yeah~ 媽媽煮左我想食架葡國雞, 但係唔知點解今晚食紅飯, 咁人家又唔鐘意食紅飯見到包包就拿黎點汁食, 食食下覺得d包包咁硬架??原來過左期0.o (但係已經食左三塊) 食飽飽睇左陣電視見心情好左就整左小女子架第一次 - 西米焗布甸(好成功呢~ 不過自己無食到) 之後上網同加加同個視象見面, 跟住就少少失眠咁訓覺

>>November 10, 2005 at 5:29:38 PM GMT+8

2005 年 11 月 8 日 星期二 【酷熱】

Interview喇今日>o<

今日一早就彈起身打返公司度請病假(但係好似去到10點幾11點先打-.-), 請完繼續訓

餓到醒左, 原來都要成點鐘喇, 刷牙洗面好之後就煮左麵麵食(但係食左半包就食唔落喇), 睇電視, 洗白白, 換衫衫化妝扮靚靚出門口, in完都幾有信心, 希望佢地真係請我喇~.~ 自己一條友走左去jusco 10蚊廣場度幫媽媽買野, 之後就坐van仔去接加加放工再返學

放學又走左去食吉野家, 今次食我第一次叫架雞雞飯, 加加仲特登要埋d雞汁比我加, 但係唔知點解無加加比我食第一次咁好味, 食完再行左陣街街(買左條連身裙裙呀~)就返屋企

>>November 9, 2005 at 4:23:31 PM GMT+8