2005 年 8 月 8 日 星期一 【晴】

超累咁爬起身返工+.+

返學, 悶+眼訓, 好彩今堂放早, 之後同加加去左食麥記, 食緊個時打左個電話比貓貓講生日快樂, 因為今日係佢生日呢, 跟住行左陣街街幫加加妹睇野(可惜由街頭行到落街尾都見唔到), 行個時又打電話比變變同佢講星期四係七巧節架事, 做乜喎+.+ 人家都有d著重呢個日子架, 一年得一次, 變變你知唔知呀, 雖然中秋節都係一年得一次, 但係唔係中秋節係有月餅食架, 你就唔好咁著重中秋節食月餅喇, come on~ 黎著重返牛郎同織女喇(小甜甜眼*v*)

(最近細佬都做唔切灰姑娘, 好夜夜先返到屋企, 加上之前個女仔黎又好夜先走, 媽媽已經唔多like, 所以今晚媽媽就等細佬返屋企勁鬧佢, 係鬧個時我就已經好甜咁訓緊覺覺豬, 拉唔到我落水^^~)

>>August 9, 2005 at 5:06:14 PM GMT+8

2005 年 8 月 7 日 星期日 【晴】

一早起身洗白白, 之後又去左加加度

係7記買左個日式飯盒食(好味呢, 下次要再食), 租左套悶悶戲, 訓左陣, 返屋企

整左冰皮月餅呀, 個餡ok好好味好似出面個d, 雖然屋企人都話好味, 但係小女子就覺得個皮須要改進一下, 找一日再整過, 滿意先拿去比人食先^^~

累累, 訓覺覺

>>August 8, 2005 at 1:02:58 PM GMT+8

2005 年 8 月 6 日 星期六 【酷熱】

放工, 自己一條友踏上加加屋企

去架途中幫佢買左個枕頭, 就超熱熱咁抱住個枕枕去佢屋企, 去到個時拿左加加妹預先收埋好比我架鎖匙…但係開唔到呀, 已經用曬力都開唔到個鎖, 加加同加加妹都幫我唔到, 變成左有家歸不得, 有匙開不到架情況(超爆無奈=.=)唯有打比變變傾計等加加返黎…

同變變傾下傾下, 偷偷地望下道門…開左-.- 走去敲門門, 果然係加加爸返左黎, 抱住個枕枕入房就要開始我今日去架目的啦 - 噴殺蟲水, 好high咁衝入左加加妹間房噴呀噴(個動作好似比加加爸見到+.+), 之後又再殺入加加間房度噴, high完噴完之後諗住入廁所洗手手&放好支殺蟲水, 點知就發生左一d超唔好意思架事(好彩加加爸見唔到我唔知姐~) 即刻呆呆咁坐左係廳度等加加返

終於都等到加加妹同加加返喇, 同左佢地去幫加加妹出電話咭, 跟住食KFC then去夾糖糖再去食ice-cream, 食飽飽之後又要開始我今日去架第二個目的 - 整理加加間房, yeah~ 掉曬d野佢, yeah~ 換左個床單佢, yeah~ high呀~ 阿拉丁呀~(無線放映中~) 搞完一大輪, 先好少少, 但係礙於時間唔夠架關係, 所以搞唔曬就要走喇

(原來我開唔到個鎖唔係因為我唔夠力, 係加加妹留錯鎖匙比我, 我又無乜所謂, 但係加加就好唔開心, 搞到加加妹同我都唔知點...加加間房比我搞完一輪, 間房好似變左係我架咁, 唔多好意思呢~)

>>August 8, 2005 at 12:36:03 PM GMT+8

2005 年 8 月 5 日 星期五 【晴】

公司d野唔好提喇, 兩個字~超忙, 公司好似真係要用盡我喎, 希望捱到年尾會加我薪喇, 如果唔係我真係唔做喇+.+

難得考完試, 梗係要賀一賀佢喇, 返到屋企食完飯飯之後就開始整我好耐都無整架蛋糕, 一口氣就整左兩個喇, 一個木糠布甸蛋糕一個千層蛋卷, yeah~ 成功成功, 好味好味, 一出爐無曬, 開心~~~

今晚細佬帶左個朋友(女)返黎, 點講呢~ 個feel個樣同個高度合襯度都係嘉敏好d靚d高d襯d, 最最最重要架係, 嘉敏會食我整架野嘛, 個女仔都唔食我整架野, really bad>.<

(用考試黎推左珊佢地聽日架聚會, 又比佢地猛咁暗串, 勁唔知點好, 其實都想去架, 預祝貓貓生日嘛, 但係又唔知一見到面佢地又會點講我, 聽落好難受架, 仲要話埋比其他人知, 要我點見其他人? 可能佢地無意中講左, 但係唔知佢地有無諗過我之後要點係其他人面前出現? 我當佢地係好朋友先比佢地知加加架事, 無預過佢地會講出去...比佢地暗串完之後又要約返我, 約完又繼續串, 佢地好似真係無理過我感受, 莫非佢地無試過咩, 個時我都好似無講過任何喎)

>>August 6, 2005 at 12:55:02 PM GMT+8

2005 年 8 月 4 日 星期四 【晴】

一返到公司…天呀=口= 洗唔洗咁多野做呀~~~~

沖左三包咖啡黎頂我今日, 真係超累同超多野做>.< 又變返連去廁所架時間都無架日子, 不過食次係連飲都無時間飲野(好似不嬲都係咁+.+)

因為屋企太噪架關係, lunch留左係公司度溫書, 好努力呀~臨考之前架心情真係唔多好, 搞到加加都唔知點好, 原本輝輝話黎接我, 到左最後都無黎到

考完喇^o^ 心情輕鬆曬, 同加加走左去米線軒度食米線, 唔多好味又貴, 同加加又行左陣街街, 買左個床單同隻拖鞋, yeah~ 汁床床, 訓覺覺豬~~

(又洗左成四千幾蚊去報左paper 3同paper 4, 好貴貴呀~)

>>August 5, 2005 at 5:00:58 PM GMT+8

2005 年 8 月 3 日 星期三 【晴】

勁累累咁返工, 之後請左晏晝溫書書(聽日考試)~~

加加黎左接我, 之後我地先去左木村度食飯飯, 飽飽, 再坐叮叮去西環圖書館自修室, 去到凍凍+飽飽+累累+眼訓, 結果溫唔到5分鐘我就訓著左喇+.+訓醒去左借書, 之後無心機再溫, 去左加加屋企~~

食完飯飯, 睇左揪仔型警(都ok架), 之後就返屋企, 頭痛, 訓覺-.-

>>August 4, 2005 at 5:17:25 PM GMT+8

2005 年 8 月 2 日 星期二 【晴】

返工, 好眼訓, 眼好痛

Lunch個時做左件蠢蠢事, 居然拿左本公司架外匯簿仔走, 之後比同事笑完一輪之後放返好返屋企食飯飯…lunch之後突然比老闆叫去柴灣, 超累累呢, 真係要接個三間公司, 我可以點做, 遲d仲要返大陸……

放工, 頹頹咁返屋企, 之後食完飯飯睇左陣電視再睇多陣書書就訓著左喇-o- 起身, 洗白白, 打電話比加加, 傾左陣, 再訓, yeah~

>>August 3, 2005 at 1:02:11 PM GMT+8

2005 年 8 月 1 日 星期一 【晴】

好累咁返工放工返學-.-

心情極度之差, 同加加講自己返, 之後就左腳拖右腳, 右手拖左手咁返學, 經過油站個時突發奇想, 如果有個人係我面前比車撞我會點, 但係諗極都諗唔到我會有乜野反應, 之後就開始諗我比車撞到會點…但係好似會好痛喎=.= 經過PK本黎諗住入去買d野飲比加加, 但係遙遠就見到加加個pat pat, 唔知點解一見到個pat pat乜心情都好返, 仲好興奮, 就跑去踢加加個pat pat(但係呢個行為就嚇親身邊架路人甲乙丙丁…)

今日好快就落堂呢, 同加加去左食粉麵, 之後再食許留山, 再行左陣街街, yeah~ 終於都比我發現到star star coffee shop喇, 拉左加加入去買左個林明頓蛋糕, 可惜only得紅豆無古古力, 但係都買左黎食, 好好味, 由於夜架關係, 無買要mocha飲, 等下次一定要飲至得

返屋企架途中又係優之品品度買左兩條鱈魚棒, ^^~玩得好開心呢~~~夜晚等左好耐都等唔到加加個電話呢, 等到個時個傻瓜加仲要同我講佢登錯車, 笑死, 點解會有咁傻架人架~~

(又同輝輝吵, 喊左, 點解仲要為佢喊我唔知...但係喊個時第一個諗起加加, 打左比加加, 好可惜佢無開電話, 對住個voicemail喊左一陣就收線, 繼續喊, 唔知喊到幾時累左就訓左....)

>>August 3, 2005 at 12:54:36 PM GMT+8

2005 年 7 月 31 日 星期日 【綿綿細雨】

加加話會帶我去玩, 本來都幾期待今日, 但係…算喇^^~

起身, 一邊睇戲一邊勁食零食, 因為加加未起身嘛, 等到加加起身(其實係我整醒佢)都已經點幾, 叫個外賣焗個麵麵, 又繼續睇戲, 加加就繼續訓覺, 無無聊聊就跟住訓左一陣, 起身, 又等加加起身(其實又係我整醒佢)又食左少少野…加加話要陪我睇戲喎, so佢揀左千與千尋睇, 但係睇下睇下佢又訓左…

再一次等到加加起身(其實都係我整醒佢)都已經係about九點架事, 一日就咁無左, 其實無乜野, 但係係第三次加加起身個時, 唔知點解發左脾氣…加加乙水完我之後又係訓-.- 之後加加起身(唔洗講, 係我整醒佢)走左去happy together度食飯, 之後去左許留山度食小丸子, 返屋企...

(朝早睇戲個時...終於都忍唔住喊左...個原因唔係因為部戲...夜晚返屋企個時加加妹打比我, 佢發現左我同加加架秘密, 點算呢, 我唔識面對加加妹呢, 如果佢問我再深入d架野我要點答+.+)

>>August 1, 2005 at 6:04:10 PM GMT+8

2005 年 7 月 30 日 星期六 【晴】

生日…..咁又點, 好彩架係…我再無為左呢一日請假…

返工, 都唔知應唔應該期待放工好, 期待輝輝會黎接我? 期待佢會準備乜野節目比我? 洗乜期待呢, 個結果同個過程一早就知同預到, 仲期待黎做乜呢…

果然, 珊打黎, 串完我一輪…放工, 走左去太古, 生日都要等人+.+ 跟住走左去睇the island, 一邊睇d胃酸一邊湧出黎, 勁辛苦, 睇完走左去食飯飯, 本來應該好肚餓, 但係一見到d野食就反胃, only食左少少野…

之後返屋企之前打左個電話返去話我會返屋企食飯飯, 比家姐話完一輪, 自己就買左個蛋糕…話曬點都係我生日嘛, 佢地唔在乎, 都唔代表自己都真係唔在乎嘛, 食完飯就拿拿聲切蛋糕, 食完就去左加加度接佢放工(等左about 1個鐘), kk再駛車車帶我地去食糖水, 其間去架途中...都唔知點講, 總之就無奈, 之後再返加加度沖涼訓覺

(生日...無興奮架感覺, 只得失落架感覺, 生日願望好耐都無發, 知道左永遠都唔會發生架野點解仲要對佢有期望, 對人對事都係一樣...笑, 唔通我真係開心?)

>>August 1, 2005 at 5:48:28 PM GMT+8