2005 年 11 月 7 日 星期一 【晴】

今日又係一個人的夜晚…

心情好煩躁, 真係唔知點解, 媽媽話係因為我係公司度太多野做架關係喎=.= 今晚加加要返工所以無人陪我, 本來想整蛋糕, 但係又提唔起乜野架興趣, 所以就走左去漫畫店度租漫畫睇

今晚由於以前隔離鄰舍架人返黎(佢地成家人移民左去美國), 所以就請左我地全家人去食飯, 我唔想應酬人所以無去到, 放工走左去麥記度換左兩包細薯條(晚餐+.+) 自己一個同pate寂寞咁過左一晚~.~

(今日唯一開心架事係, 有公司打黎叫我去interview, 睇黎我要加油至得, yeah~ 離開呢一間公司有望喇^o^)

>>November 9, 2005 at 2:30:15 PM GMT+8

2005 年 11 月 6 日 星期日 【清涼】

...極度唔開心的一天

起身, 同加加磋跎左一陣就同加加妹一齊去諗住唱k lunch, 點知去到無位無得唱, 跟住諗住去睇戲, 又變左去食肯得雞, 食完又話行宜家, 又變左去行山(好累, 隻腳腳好痛, 仲諗住要去踏單車~.~)

比加加拉左去同佢d friend影相(唔想去) 又曬又熱腳腳又痛(辛苦+.+) 同加加作左個藉口先返佢屋企, 係佢屋企去完個廁所一出黎就見到…加加關左道門, 因為腳腳好累累架關係就坐左係佢門口先佢開門, 當加加開門見到我坐左係度又突然之間關返門, 脾氣就開始黎喇, 真係好嬲同好唔開心, 比加加乙水完就搭巴士返上環度打邊邊, 打完返屋企

(今日話要做架野同要去地方都無去到同做到, 點解我次次所期待架事都唔會發生...)

>>November 7, 2005 at 4:53:45 PM GMT+8

2005 年 11 月 5 日 星期六 【炎熱】

今日…又進行左一個比加加驚喜架行動^.^

放工, 同變變去左北角度買野, 唉~ 原來今年無乜新野, 同變變揀左好耐但係都係揀唔到想要架野(失望‧_‧) 之後去左灣仔買材料, 可能屋企真係乜野材料都比我用曬喇, 一買就買左成二百幾蚊野(心痛+.+) 到返屋企個時, 比變變拉左去睇野, 但係由於灣仔無得買, 所以變變就同左我返上環買喇, 結果佢唔夠膽買要我幫佢買, 咁無奶油幫得佢買唔買返個比自己嘛, 又平喎(1蚊)所以就變變一個我一個咁各自各返屋企

返到屋企休息下洗完個白白就出發去加加度接佢放工, 但係一等就等成半個鐘(隻腳腳好痛痛>.<) 本來諗住加加會好開心, 但係佢架表情...算吧喇~.~(脾氣忍住左, 鬼叫自己拿黎衰) 拉左佢去食野又比佢拉去食甜品就返左屋企訓覺(本來諗住睇戲戲架, 但係佢好似好累累咁, 唯有...訓覺囉)

>>November 7, 2005 at 4:39:16 PM GMT+8

2005 年 11 月 4 日 星期五 【晴】

甜蜜蜜的一天~

今日因為加加個麻麻生日, 所以加加唔返學返屋企度食飯(我要自己一個返學/_\) 放工趕左去旺角地鐵站, 行行下加加突然間出現呀>v< 原來佢係黎送我返學, 好開心呀^o^ 但係去到學校門口就好唔捨得佢走喇-.-

上堂, 好比心機(因為要教返加加嘛) 但係上下上下中途太過悶訓著左=.= 期待放學加加會唔會又出現黎接我, 結果係無架, 咁自己一條友唔多想食野, 就走左去旺角中心度行下, 食左個撈撈, 發現原來自己一個食野係咁唔開心架, 以前食撈撈覺得佢好好味, 但係今日自己一個食覺得異常難食+.+ 買左兩件衫衫之後就返屋企喇

>>November 7, 2005 at 4:27:04 PM GMT+8

2005 年 11 月 3 日 星期四 【微冷】

返工, 做做下野個時一轉身唔小心整跌左個file, 跟住就骨牌效應咁…全部file都跌曬, 個一刻好想喊+.+(得自己一個好死死地氣咁拾返好d野) lunch之後有個美金票要買, 但係又無人同我講話個bank charge轉左, 搞到張票彈返轉頭, 仲要我拿拿聲開返之後衝落去銀行度做返, 嗚嗚~好慘呀/_\

放工走左去加加度, 買麥記返去食, 之後睇左n年之前架回魂夜(係周星星做架), 睇下睇下同加加玩左陣, 本來都玩得好開心, 但係妹妹話我地好嘈, 心情急轉直下就好靜咁睇埋套戲。_。

走個時同加加去左彩虹度食糖水, 好好味呀, 跟住就搭巴士返屋企

>>November 4, 2005 at 5:57:01 PM GMT+8

2005 年 11 月 2 日 星期三 【晴】

今日得自己一個…

個鼻鼻比尋日好返好多, 但係心情就唔多好-.- 放工, 哥哥要請法國親戚去深水步度食麵, 自自然然全家人都一齊去喇, 但係我無去到, 一黎唔想應酬人二黎唔太舒服

係屋企呆左一陣之後就煮通心粉食(最後架一包都食左喇, 睇黎要買多幾包先得) 之後就繼續睇住個電影發呆, 無幾耐細佬就返左黎先, 我就出去買整蛋糕架材料(媽媽要我整個蛋糕出黎比d親戚食), 最後整左一個士多啤梨乳酪蛋糕, 三個芒果乳酪蛋糕(其中一個係比加加架~~)

(整完蛋糕…心情依然唔多好…好頹)

>>November 3, 2005 at 5:21:58 PM GMT+8

2005 年 11 月 1 日 星期二 【颳風】

好辛苦呀-口- 我個鼻鼻呀~~

今日一起身個鼻鼻就塞到唔知點咁, 好彩個口可以吸到氣咋, 如果唔係就已經死左喇, 個喉嚨又唔知做乜喎, 講野好辛苦(但係又要不斷咁講電話=.=) 唔通…我真係要去睇醫生??

返學~ 帶左尋日同加加買架零食(香蕉百力滋)去食, 而加加就買左水泡餅食, 食下食下上下上下個時, 加加突然間比左粒水泡餅我喎, 原來粒水泡餅係心形架=^.^= 好開心呀, 唔捨得食(但係最後都係食左^o^) 放學又走左去食吉野家, 原來可以另外要d雞汁架, 等我以後都要先得, 呵呵~

(食完飯飯行左陣街街, 本來想買床單比加加架, 但係間野要乜圖案無乜圖案, 激死may喇\_/)

>>November 2, 2005 at 11:34:12 AM GMT+8

2005 年 10 月 31 日 星期一 【颳風】

Halloween啦~~ Happy Halloween呀~~ 糖呀~~ 快d比糖我食啦^o^

放工走左去加加屋企, 約左佢係一間新開架零食店度等, 目的梗係要佢買糖糖比我食喇, 話曬今日都係萬聖節嘛(魔鬼may子: 佢試下唔買糖糖比我食, 睇下我會點整估佢>v<) 結果我地買左60幾蚊架零食(開心~~) 買完糖糖返屋企食飯飯, 食完飯飯陪佢睇千嬅架野就去左食許留山喇, 叫左個南瓜粟米小丸子黎應一應Halloween, 但係都唔好味架=.=

(今日返工個鼻鼻好辛苦呀塞曬吸唔到氣, 個喉嚨有d痛, 但係又要不斷咁接電話同人傾野, 想拿左我條命咩+.+)

>>November 1, 2005 at 11:39:45 AM GMT+8

2005 年 10 月 30 日 星期日 【晴】

今日一早就起左身喇, 因為加加要我早d去到佢度(+.+ 好慘呀)

去到加加度, 同加加一齊食吉野家度食飯, 今次食左個吞拿魚三文魚子飯, 都ok好味喎, 鹼鹼地幾好味(但係加加就唔係好識得欣賞喇) 食完飯飯幫加加妹買完零食租完戲戲就上左加加屋企喇(食住雪糕^^~)

加加一邊睇戲一邊訓覺(無奈=.=) 睇完一套戲睇第二套個時忍唔住搞醒加加, 之後又睇左一陣同加加妹又玩左一陣就三個人落去PK度買公仔麵食喇(原本加加爸話要煮飯-.-) 個傻加一次過煮三包(諗住有三個人每人一包), 點知連佢自己都食唔曬(何必呢~~) 睇埋第二套戲, 要睇多陣電視就搭巴士返屋企

唔知點解今日好似好累同凍呢?o?

(今日又有法國親戚黎喇, 不過今次係兩公婆唔係太多人)

>>October 31, 2005 at 12:49:25 PM GMT+8

2005 年 10 月 29 日 星期六 【晴】

剪頭髮呀今日^^~

放工就搭叮叮去灣仔剪頭髮, 先染髮, 我個髮型師好衰架, 又唔肯幫我染淺色d, 仲唔比我睇染乜野色就整左落個頭度(結果好深色-.-) 由於佢得閒架關係就順便幫我做埋負離子喇, 整完終於都剪頭頭喇, 但係佢都係維持佢架原則 - 死都唔肯幫我剪前陰, 好彩最後佢都剪左少少~.~ 最後我由兩點剪到八點半, 坐到個pat pat好痛>.<

返屋企同媽媽食飯, 又係去左happy together度食(打邊邊呀), 之後就好似上次咁買雪糕比媽媽食, 返屋企~~~

>>October 31, 2005 at 12:26:46 PM GMT+8