2008 年 2 月 13 日 星期三 【乍雨乍晴】

給我愛/愛我的人：

好多好多既感受，好想同大家分享，但當要寫呢個email既時候，卻默默無言寫唔出半句咁，所以文筆麻麻！

當要知道發現既係一個榴既時候，心裡真係不知所惜，好似果一刻得我自己面對咁(其實係，因為得我自己對住個醫生)，當醫生同我講要入院做檢查既時候，我同醫生講我要同家人商量下，但其實我真係唔知點同佢地講，所以我最後決定唔講住。而我就做左另一個決定－祈禱！

感覺出奇地平安，靠住神而來既智慧我懂得點同家人報導。最後我決定左入院檢查，大不了就做手術！起醫院既三日，真係點都諗唔到自己會入左醫院，點解會係我呢？一個一個問號不定咁出現！！！等候永遠係最無奈既時候，手術前希望每日都有充分既休息，但每晚都訓得唔好，起身就以為果日要做手術。到到真係要做手術果日，老實講真係唔驚，但真係好緊張，因為未試過做嘛！媽咪陪我到手術室門外，我更擔心，因為我知道佢起門外等更擔心！！！

麻醉药將我腦袋充滿既時候，我全身無知覺，但我就好似發夢咁，感覺到好多人起我身邊，仲有神！！！醒返既時候，我感覺到一陣歡樂既氣氛迎接我！做完手術後，好感謝各朋友、弟兄姊妹、同事同埋家人來探望慰問，我知道神為我預備左好多好多支持比我！！！

今次既手術，令我錯過左好多好多野，特別係工作上亦令同事們增添了許多壓力，但起呢個休假中，原來神一步一步既帶住我行，一切都係神既計劃，神既旨意！讓我學習到放低呢份功課，其實由我對一件事有責任開始，呢個責任就一直都放唔低，仲一直背住，越來越多！藉著呢件事，我知道呢份功課係好難學懂，但係必然要學，因為人既力量有限，而人所想所追求既野卻多的是，所以當再有聲音同我講要放手既時候，我會義無反顧咁放手～～～感謝主！

康復中既阿輝(Neville)

>>February 13, 2008 at 12:03:15 AM GMT+8

2007 年 10 月 11 日 星期四 【晴】

呢頂四方帽真係期待左好耐啦～～～





冇人可以感受到我有幾重視呢一刻，當今日台上宣讀畢業生名單．．．．．．
Bachelor of Art - Applied in Sociology：．．．．．．黃建輝．．．．．．

好彩見到爹娘都趕得到來睇我上台既一刻！足夠啦．．．冇花．．．冇公仔．．．但有神．．．有爹娘．．．有幾個好到不用多講既好戰友一齊影相，再見返面，一齊玩一齊吹水，開心到極點！！！

多謝當日interview收左我既兩個professors，多謝當日鼓勵我去試既maggie老師，多謝爹娘對我不離不棄既支持，仲有多謝父神比機會我有學習既機會！！！

>>October 13, 2007 at 3:30:32 PM GMT+8

2007 年 8 月 9 日 星期四 【乍寒還暖】

生命！呢個課題真係好難！！！

生命既重要，有咩可以比呀！！！？？？！！！真係好噢惱！！！一下子講唁出話來，放工後靜默了很耐～～～



今日收到機構既護士姑娘一個電話，知道她替一位長者身體檢查，建議長者馬上去醫院檢查，長者唔願意，亦不讓女兒知道！！！希望我可以安排義工帶到醫院，作為社會服務工作員要好好地運用資源，首先要女兒先抽時間陪長者，於是我就聯絡長者女兒，她竟然同我講：我做緊野，行唔開，手停口停！！！我第一時間就將長者既嚴重程度告訴她，護士姑娘告知若長者唔即日入院，恐怕星期六就支持不住！！！她仍然堅持自己行唔開，我體諒佢係做廚師，若離開崗位，院舍使用者就會受到影響，亦都好欣賞佢既堅持，亦沒有半點自私！！！

我提議她放工後同媽媽去急症室，但她的反應竟然是放工會好夜，我想話呢，急症室係開廿四小時呀！！！生命竟然貴唔過賺到的工錢、貴唔過放工休息既時間，生命既價值在於？？？真係諗唔明！！！

>>August 15, 2007 at 11:19:42 PM GMT+8

2007 年 7 月 18 日 星期三 【晴】

之前睇左一套戲，令我腦袋又一次震盪呀！！！原本諗住睇下笑下算，但原來係咁正，即刻介紹晒比我ｄ同事知，個個都去睇，個回嚮好大同反應好正！！！

有好多野係要珍惜、爭取同埋好好把握現有，因為我地冇人知道幾時會被取去！！！



懷緬過去常陶醉　一半樂事　一半令人流淚
夢如人生　快樂永記取
悲苦深刻藏骨髓

韶華去　四季暗中追隨
逝去了的都已逝去
啊......

常見明月掛天邊　每當變幻時
便知時光去

懷緬過去常陶醉　想到舊事
歡笑面常流淚
夢如人生　試問誰能料
石頭他朝成翡翠

如情侶　你我有心追隨
遇到半點風雨便思退　啊......
常見紅日　照東方
每當見夕陽　便知時光去

如情侶　你我有心追隨
遇到半點風雨便思退　啊......
常見紅日照東方
每當夕陽　便知時光去

--------------------------------------------------------------------------------

睇完套戲，介紹完比同事，同事又講返比我聽，有首歌電台電視台都冇播過，但故事好好，好正！！！

她成功了他沒有

他跟女友相愛 彼此也都知道 走進教堂彷似很遠路
他跟女友相約 假使理想找到 彼此再想婚禮實太好

跨出社會旅途 一起要為兩毫
加班加到嘔吐 不想拖到衰老
彼此理想一致 繼續也都消耗
開一間唱片舖 也 總算是自豪

這間唱片小店 他跟女友一半 聽得再多歌也不會悶
開張顧客擠滿 不久惹起不滿 因他賣買的全是冷門

他的計劃滿盤 打開市道窄門
積蓄花去一半 彼此爭拗批判
股反各佔一半 他的女友想退出去再去工作沒資本

這個故事發展講他跟她不免彷似世上情人講遍世上甜言
可惜經過試煉不惜撕破了臉為了錢 手裡沒餘錢

只恐很快情變即使天生一對只願睡完明天可再見
可惜他已發現只得他那理想不變

他的顧客少到心底衛冕感慨堅守理想令錢袋有害
他的女友跑去參加歌唱比賽得到冠軍在承受喝彩

他都看著發呆他不太擅理財終於將唱片店忍心關閉不愛
找不愛的工作跟他女友的愛竟因理想不再枉過十餘載

他工作為兩餐他分開的一半早已照耀樂壇深怕有日被彈
星光不再燦爛衷心觀?發難就似每晚過關就似永遠上班

跟他不再往還只因所有愛情可使一個偶像不養眼
想得到真愛更難只想觀?永久不散

他早已婚不再跟這女友相愛青春理想失去不意外
他聽女友演唱少不免有感慨他早變了觀?在喝彩

及時再沒往來他的眼淚快來
一生彷似比賽彼此找到所愛
拒絕平淡未來他的女友偏愛
孤身隻影飛上天際摘雲彩

這個故事原本想講天生一對彷似童話可愛
他得到髮妻的愛他的女友偏卻得到理想失去愛



天生一對係咪一定會一齊？故事裡邊個先係成功？邊個先係沒有呢？冇人知，除非你係主角！！！

>>July 18, 2007 at 11:45:05 PM GMT+8

2007 年 7 月 18 日 星期三 【雨】

早前睇勁歌金曲聽到首歌～～～好鍾意，好耐都冇試過咁鍾意一首歌！！！講好多好寫實既野，可能係人大左（心境都係咁細），聽呢首歌好大既領會，亦領我既腦袋有好大既震盪呀！！！

一個人大個左，出社會做野好複雜！以為自己將心比己就可以，原來就會比人恰！朋友少左但當你係敵人既「偽朋友」就好多，唔知邊個係真，又唔知會用咩身份角色出現！！！現實既社會太過計較，出左就必然要收獲，唔願意奉獻，就算有，又有幾多個係唔望回報～～～！！！

許志安 - 前程錦繡

那年一起靜坐抗議
那年一起玩物喪志
那年一起暗戀 然後失戀了默默扶持
那年班長競選 才學會政治

當走進大社會 奉獻少罵戰多
相識接着拆伙 朋友仔沒有幾個 幾個
敵人很多 少一個不算少 多一個都太多

當初唱字母歌 學會的未算多
終於領悟更多 人跌倒又上一課 一課
校門即使逐一給光陰上鎖
都緊記當初

某人新婚席上再見
笑容顯得特別靦腆
那年一起 嗌交無奈今天已靜默無言
我們交出那款循例性笑臉

當走進大社會 是與非右與左
當中價值太多 朋友仔沒有幾個 幾個
聚頭不多 推搪有工作多 多親切都變疏

不想唱勵志歌 勵志歌 勵志麼
彼此背負太多 隨每天習慣經過 經過
為誰奔波 獲得比當初再多 比不上當初

當走進大社會 奉獻少罵戰多
相識接着拆伙 朋友仔沒有幾個 幾個
敵人很多 少一個不算少 多一個都太多

當初唱字母歌 學會的未算多
終於領悟更多 人跌倒又上一課 一課
夕陽之歌 剩低這一首輓歌
想起我當初

>>July 18, 2007 at 11:31:24 PM GMT+8

2007 年 7 月 18 日 星期三 【雨】

嘩~~~~~~原來上一章日記已經係4月既事啦~~~~~~！！！唔係因為我懶，而係因為小弟既電down左，現在係新既，所以一切都係新既！！！

去左嗇色園已經差不多三個月啦，呢段日子有好大既體會領悟，好多故事好多人既事亦都好多感想，有好多好多道理！！！社會服務中「以人為本」既服務、提供一個「家」既感覺既中心比長者、人既生死新既諗法、等等．．．．．．

好想同大家分享～～～不過會好悶！哈哈！！！

>>July 18, 2007 at 11:07:32 PM GMT+8

2007 年 4 月 12 日 星期四 【晴】

「應當一無掛慮，只要凡事藉著禱告、祈求，和感謝，將你們所要的告訴神。神所賜、出人意外的平安必在基督耶穌裡保守你們的心懷意念。」(腓立比書4:6-7)



放完學校長假，去左camp，可以話真真正正既放左個假休息！好多人都同我傾過，真係好咁，人心籌算自己的道路，惟耶和華指引他的腳步。(箴16:9)



神係會開路，只要交比神，只要係神所指示既道路，神一定會祝福！！！

>>April 12, 2007 at 3:23:57 PM GMT+8

2007 年 4 月 4 日 星期三 【乍雨乍晴】

工作究竟係咩呀？！？！Socia Service？學校？入境處？

Socia Service：一份自己一直都好想做既工，更加係一個自己先少就好想完成既夢想！好想用返自己既生命去貢獻返比個社會，知道係需要好大既決心，好大既耐性同埋好多既忍耐！究竟我是否適合呢？

學校：係自己認為係一個中轉站或者係一個過程！起學校可以令我學多左野，更加可以train下自己對人既愛心、自己既耐性同忍耐有幾大！而生活會比較規律、同埋工作量都比較大呀，究竟是否適合我呢？

入境處：紀律部隊，未來前景、穩定、人工高福利好！！！講真，自己諗都冇諗過自己會去做公僕二或者連APPLY都未必會呀，加上呢份工要好高既要求，而且又唔係自己既理想工作，，但要知道自己未來有好大既負擔，究竟我應唔應該去試下呢？





真係好迷惑～～～

>>April 4, 2007 at 3:05:27 PM GMT+8

2007 年 4 月 4 日 星期三 【乍雨乍晴】

昨日同今日都已經係學校假期，但我都要繼續返工，因為有好多文件要做！教學資源管理、學生支援評估、學生日常既Observation Report、特殊教育系統等等等等．．．．．．

就透唔到氣啦，工作量仲大過ｄ老師呀，ｄ老師依家已經去晒旅行啦～～～><

>>April 4, 2007 at 12:09:48 PM GMT+8

2007 年 4 月 2 日 星期一 【晴】

再次返到工作既崗位，上星期六都已經返左工，只係做文件野，今日正返到去教。感覺好fresh，個人好似輕鬆左！！！感謝主．．．．．．

今日下午唔洗上堂，因為有復活節感恩崇拜！！！敬拜小組既一首詩歌，好正！！！好震撼，震撼到去我心靈，令我思想起耶穌既一生意義！起慶祝耶穌復活要先知道衪先死亡，然後再勝過死亡，再而復活！感謝主．．．感謝敬拜小組！！！

因祂活著

神差愛子，人稱祂耶穌，
祂賜下愛，醫治寬恕，
死裏復活，使我的自由，
那空墳墓就是我的得救記號。

因祂活著，我能面對明天，
因祂活著，不再懼怕。
我深知道，祂掌管明天，
生命充滿了希望，只因祂活著。

>>April 4, 2007 at 11:55:18 AM GMT+8